اي وحده حاطه تقويم عند عيادة الحكمه اللي بالفرونيه تدخل بليييييييييييييز

[ابكتني الذكرى]

:krkrkr:مرحبا بنااات شلونكم ؟

انا مشكلتي بأسناني والله مافيهم شي بس عندي سن راكب على سن يعني مومعيبني بس زيادة لقافه رحت وركبت تقويم عشان يصيرون احلى

ابسالكم اللي تعرف وحدا مركبه تقويم بعبادة الحكمه اللي بالفروانيه ابعرف شنو نتيجتهم الدكتور هندي وحسه مايدري وين الله قاطه .. وخايفه على شكل حلجي لان احس اسناني طلعو جدام والكل منتبه ويقولولي ان حلجي صار موحلو ركبته قبل سنه مع العلم ان الدكتور قالي اني بركبه بس 6 شهور . فااللي تقدر تفيدني بليز لاتبخل

 

[عشيقة زوجي]

انا سويت عنده بالعكس ممتاز انا بعد قالي 6 اشهر بس قعدت اكثر اهو يشوف على حسب حالتج

والتقويم عموما موحلو شكله ويكبر الحلج وانتي مركبته بس تعالي لمن تشيلينه ان شالله ماراح تسكرين حلجج من الوناسه بتتبوسمين على الطالعه والنازله

 

[speed]

انا معاكم في الحكمه الي بفحيحيل الي جبال مجمع الكوت ... دكتوري هندي اسمه ديفاس .. ما ادري والله شسمه ناسيه صعب ..

قالي 4 شهور حالتي ما تحتاج وايد يقول لان انا قبل كنت مركبه تقويم سنتين في عيادة السلام وعقب ما شلته عطوني المتحرك وضاع مني جان يردون ضروسي شوي بس مو مثل اول ف احتاج تقويم من يديد ... رحت الحكمه عند الهندي مدحوه لي الحين صارلي 4 شهور موعدي الاسبوع الياي بياخذ لي قياس عشان الزياره الي بعدها يشيل التقويم ويسوي لي تنظيف اسنان ويحط لي التقويم المخفي وثابت عشان لا يردون ضروسي ... عاد ما ادري احس ضروسي صفتهم صارت زينه بس ضرس واحد شوي غير اقوله هذا غير يقولي لآلآ كلهم صفه وحدا بس عشان في ضرس سميك وضرس ضعيف يبين فرق بس كلهم صفه وحدا ...

ما ادري اكيد لاحظت الفرق انهم احسن من اول شوي .. بس يبين كل شي نهايت الشهر الله يستر بسس

 

[ابكتني الذكرى]

مشكورين على اهتمامكم وردودكم ..
عشيقة زوجي انتي كنتي حاطته بالفروانيه ؟؟ انا اسناني الي فوق صارو جدام اكثر من اللي تحت على فكره انا حاطه تقويم بس فوق لان اللي تحت زينين

 

[زائره]

الغاليه

ما انصحج بالحكمه اللي بالفروانيه سويت عندهم وطولت الجذب خيبه ردوا ضروسي ليداخل بس للاسف حفر ضروسي حيل على بو يركب قواعد التقويم وما بين معاي هالشي الا بعد ما شلته وللحين في فراغات بين ضروسي بس فرق معاي حيل شكل حلجي للاحسن طبعا باختصار ما عليهم من الاسنان بعد التقويم

 

[الشامخه]

انا كنت مسويه عنده قالي سنه وتقطيته ومشاله الا بعد سنتين وشوي
واعرف وحده قالها سنه ونص وتقطه الحين داشه بالسنه الثالثه وللحين ماشالته على العلم ان اسنانها موبارزه حيل
انتي صبري عليهم شوي ولاتستعجلين ولاتشيلينهم لين يقولج احسن وكل وحده تختلف طبيعت اسنانها ومدى تقبلها للعلاج وبالتوفيق

هذا اللي عندي وتقبلي مروري

 

[جاكليت]

حبايبي بجم ركبتوه

وياخذون أقساط

وايهي احسن الفروانية ولا الفحيحيل

 

[ابكتني الذكرى]

الله يعيني لان صج كرهت حلجي

الصراحه ماسمعت شي عن اللي بالفحيحيل بس ماانصح بالفروانيه لان الهندي ماحاجيج مايتفاهم بس ساكت واذا سالتيه ردلج بإجابه متشفي غليلج

ركبت بس فوق ب450د.ك عاد عليج الحسبه

 

[الشامخه]

حبايبي بجم ركبتوه

وياخذون أقساط

وايهي احسن الفروانية ولا الفحيحيل

سعره 800 سويته بالفروانيه الفحيحيل ماعندي فكرهـ عنه
اول شي لما تاخذين القياسات تعطينهم خمسين وبعدين لما اتركبينهم كل شهر تدفعين 30 او خمسين هذا اللي اعرفه لاني من زمان قاطته
وحياااااج

 

[للصبر حدوود]

ابسالكم عن تركيب ضروس عند الحكمة اللي بالفروانية اشلون وبكم

 

[حرم الحوت]

والله انا بنتي حطته عند الهندي ممتاز ونطري وشوفي النتيجه النهائيه والله اللي يشوف بنتي عقب ما شالته يحسبونها مسويه عملية تجميل بوجها صبري لا تستعجلين حبيبتي

 

[عشيقة زوجي]

اي انا كنت مسويه بالفروانيه عند الدكتور لايجو الهندي والحين صارلي سنه شايلته واسناني احلى من اسنان حليمه بعد