انتي موظفة ..ريلج يعطيج معاش ؟؟

[fa2ma]

قوة يا بنات ... اناودي اسال سؤال محيرني .... انتي موظفة و عندج معاش هل ريلج يعطيج مصروف و اشلون عالمصرف و ملابسج على منو ؟؟؟ و لا يقولج عندج معاشج و عندي معاشي ؟؟ ...:gr4uu:

و سؤال ثاني ... انا ريلي على قد حاله و مومقصر بشي بس الصراحة مو كل شهر يعطيني معاش و انا مو موظفة ليلحين ..و انا استحي اطلب فاشلون هل راح يتعود على جذي و لا لا ؟؟:bbbiu:

و سلامتكم :wqedqw:

 

[ع ــندك / خ ــبر]

شوفي انا من راايي .. إنج تعتمدين على معاشج

بس مايمنع عاد هو يعطيج مرات


بس اذا جت منه حلووو .. إن ماجت عادي


^_^

 

[حروف الغـــلاااا]

انا بصراحه أأيد الوحده الي تشتغل وهمن تاخذ من زوجها >>اهو ريال على شنو ..؟؟
صج عندها معاش يغنيها منه بس لا بد انه يصرف شوي عليها
اذا ما عطاها صدقيني راح يطيح فيها و لا راح يعطيج ابد
بس لو ع الاقل اذا ما عطاج يشتريلج شغلات كل شهر يكون احسن هذي من وجهه نظري
وسلامتج..........

 

[اثمان]

انا بصراحه أأيد الوحده الي تشتغل وهمن تاخذ من زوجها >>اهو ريال على شنو ..؟؟
صج عندها معاش يغنيها منه بس لا بد انه يصرف شوي عليها
اذا ما عطاها صدقيني راح يطيح فيها و لا راح يعطيج ابد
بس لو ع الاقل اذا ما عطاج يشتريلج شغلات كل شهر يكون احسن هذي من وجهه نظري
وسلامتج..........

معاها حق

المشاركه تاتى لاحقا:eh_s(6):

 

[fa2ma]

انا بصراحه أأيد الوحده الي تشتغل وهمن تاخذ من زوجها >>اهو ريال على شنو ..؟؟
صج عندها معاش يغنيها منه بس لا بد انه يصرف شوي عليها
اذا ما عطاها صدقيني راح يطيح فيها و لا راح يعطيج ابد
بس لو ع الاقل اذا ما عطاج يشتريلج شغلات كل شهر يكون احسن هذي من وجهه نظري
وسلامتج..........

انا راي من رايج لاني وحدة طول عمري شفت ابوي اهو يصرف و يشري و يسوي حق امي فاحب ان الريال يسوي نفس الشي حق المرا بس مادري شالوضع مع شباب الحين :gr4uu::gr4uu:

 

[^مرايم^]

المصرف هذا واجب شرعي على الريال سواء انتي موظفة أو لأ .. لأنه هو المسؤوول عن مصرفج

و لي توظفتي إن شا الله و بغيتي تقطين فلوسج على كماليات فلا بأس

 

[الأم الصغيره]

انا ريلي في بدايت زواجي ماكان يعطيني مصرف لاني ماطابت منه ويوم طلبت منه يعطيني مبلغ كل شهر يقولي مو ناقصج شيء بس فيج حب للفلوس المهم كنت جذي فتره بعدين قلت له بدخل جمعيه ادفع عني وان شاء الله نتقاسم الفلوس ههههههههههه قصيت عليه همن رفض ومع الحنه وافق ادش جمعيه ودا خلصت ما ادشها مره ثانيه المهم دشيت الجمعيه وصار كل شهر يدفع لي حق الجمعيه ومن يومها تعود خلاص وطلعت من الجمعيه وللاحين يصرف علي بس مو وايد مبلغ بسيط جداااااااااااااااااااا

 

[أم منصـ 85 ـور]

والله الحياه مشاركة وأنا الحمدلله معاشي مكفيني وزايد وهو حبيبي مايقصر

 

[Mmeme]

انا شايله نفسي عنه

لانه عليه قروض والتزامات

والحمدلله كل شهر يسألني ناقصج شي وانا اذا عندي ما اطلب منه كلش كلش

اللهم عياله اهو ملزوم يصرف عليهم ويتكفل فيهم

 

[السكوت مشكلتى]

حتى اذا عندك معاشج تطلبين منه لان الريال متى ما تعود انك انت تصرفين على حالج والبيت
بعدين بس تطلبين منه شى يقولك وين راح معاشج
طلبى بس بالمعقول وحسب امكانياته

 

[Love \ Hate]

انا معتمده على نفسي بكـــــــــل شي هدومي مصرفي سيارتي كمالياتي لانه عندي معاش ..

واهوا يصرف على البيت ماجله وجمعيه وخدامه وعلى بنته ، بس اذا ابي شي كمالي ؟؟ حق البيت ولا بنتي ؟ مااجبره اييبه لانه مو ملزوم

انا اييبه اذا عندي ميزانية مثال اهوا ملزوم يعطيني فلوس هالشهر اشتري حق بنتي بدلة عيد بس مو ملزوم يشتريلها ماركه ؟؟ اذا انا خاطري

اكشخها اقوله عطني المبلغ وانا ازيد من عندي واشتريلها اللي بخاطري بس مااجبره ياخذلها اللي ابيه على حساب ميزانيته .. واهوا مايقصر

اذا خلص معاشي يعطيني بس مو ايد يعني بة 20 ، 30 ولما ياخذ سيارتي يترسها بانزين

يعني يحس اذا انا مفلسه .. بس يشتريلي جنطة ب 400 او يعطيني 200 اذا معاشي خلص ؟ لأ صراحه مو جذي ..

 

[[..كـــــرك..]]

شوفي انا امي موظفه وابوي مايعطيها شي خخخخخخخخخخخخخخخ

بس امي عودته وللحين تلعن الساعه اللي عودته فيها خخخخخخخخخخخخخخخ

 

[طوق البنفسج]

ومنكم نستفيد

بس انا اشوف انه ملزوم يعطيج .. هذا حقج بالشرع يعطيج الي يقدر عليه المهم يحس انج مسؤوله منه ..

 

[mngo67]

انا لا يعطيني ولا قل هالله
بس ريال بالشكل

 

[نور الكويت كله]

لازم يميشلج معاش ..


غصبن عليه .. رجال على شنو ..


عالأقل يبى جان على قد حاله ... قوليله بس السبعين .. دينار .. مالت الزوجية اللي زادت براتبه ... بسبب زواجه فيج ..


وإسمها 70 الزوجية ... تاخذينها إنتي .. عشان يعرف إنه لج حق الصرف .. عليج ..



حتى لو فقير .. وما عنده ياكل .. عالأقل السبعين ..

وربي يتعود ...


يتعود ...

 

[بنت من الكويت]

اغلبكم مايعطونكم مصروف؟! لا حول ولا قوة الا بالله عيل رياييل على شنو؟!!

 

[LuLiTa]

صج ما يعطوون ؟ عيل ليش متزوجة ؟؟؟؟

 

[غنج11]

مرحبا

زوجج لازم يصرف عليج ولا ليش متزوج حق وناسته بس بدون مايصرف عليج ولا يعطيج افلوس

على الاقل 70 الزوجيه خل يعطيج ايها بعدين اذا كنتي ساكنه بأجار الحكومه ما قصرت معطيته ميه وخمسين زياده على راتبه واذا عنج اعيال كل ولد معاه مصروفة لاتقولين على قد حاله مافيه احد على قد حاله وبعدين اذا توضفتي انتي تقدرين تشيلين نفسج من معاشج ومع ذاللك لازم يصرف عليج ولا ليش سموه رجال البيت

 

[شهودة البطة]

انا معتمده على نفسي بكـــــــــل شي هدومي مصرفي سيارتي كمالياتي لانه عندي معاش ..

واهوا يصرف على البيت ماجله وجمعيه وخدامه وعلى بنته ، بس اذا ابي شي كمالي ؟؟ حق البيت ولا بنتي ؟ مااجبره اييبه لانه مو ملزوم

انا اييبه اذا عندي ميزانية مثال اهوا ملزوم يعطيني فلوس هالشهر اشتري حق بنتي بدلة عيد بس مو ملزوم يشتريلها ماركه ؟؟ اذا انا خاطري

اكشخها اقوله عطني المبلغ وانا ازيد من عندي واشتريلها اللي بخاطري بس مااجبره ياخذلها اللي ابيه على حساب ميزانيته .. واهوا مايقصر

اذا خلص معاشي يعطيني بس مو ايد يعني بة 20 ، 30 ولما ياخذ سيارتي يترسها بانزين

يعني يحس اذا انا مفلسه .. بس يشتريلي جنطة ب 400 او يعطيني 200 اذا معاشي خلص ؟ لأ صراحه مو جذي ..

انا نفس راي الاخت Love \ Hate لأني موظفة وقاعده اشوف انه مو مقصر ولاعنده فائض مالي
بس بما انج مو موظفة لا الصراااااااااحة لج حق تطلبين منه مصرووووووووف ثابت كل شهر

شنو يعني حتى لو اهوا يشتريلج الي بخاطرج بس أكيد بخاطرج تطلعين يوم مع خواتج ودج تطلبن مطعم تبين تودين حق أحد هديه خو مو على ادناة الدووووون رايحه معرضه ويهج عنده خو الريااييل يحسبووووووون عليج جم مرة طلبتي منهم مالهم شغل حتى اذا كانت هالمرات مبالغ حدها صغيرة

 

[^7abeeba^]

أنا موظفة و الحمد لله ما علي قصور و كذلك زوجي مو مقصر علي و لا على البيت بس هم لازم الريال يمد ايده لزوجته بمبلغ معين مو مهم جم المهم المبدأ و أنا دخلت عليه من هالباب و باللطف و اللين و المحايل و الكلام الحلو و ان هالفلوس طعمها غير عندي و تعاددل كل ما عندي و سبب المحايل أن الكلام كثر هالأيام عن هالموضوع فعلشان لا يظن أن فيه احد مشيشج عليه أو يدخل العناد و ارجع و اكرر مو مهم جم و فرحي و طيري باللي يعطيج اياه مهما قل و اهو لما يشوف وناستج يمكن يزيد المبلغ و هكذا ..............

و بالنسبة لج انتي عاد مو موظفة فلازم يحط مبلغ بايدج مايصير على الطلعة و النازلة رازة ويهج عنده ..... و عليج باللين و المحايل و الدلع و الكلام الطيب .... الحياة الزوجية مو معركة و الرياييل العن من الحريم في الحش و الكلام الزايد بينهم و يحرشون الرياييل على حريمهم