شغله حيل محيرتنى ومضايقتنى !!!

[عتيبيه ناعمه]

مرحبا

خواتى عفيه في شغله حيييييييييييل مضايقتنى

تجيني اضافات كثيره وارفضها وتجيني رسايل على الايميل وهم دليت على طول بدون لاافتحها المصيبه مو عارفه هالاضافات والرسايل من منو تجيني

والمصيبه الاكثر انى ما احمل بيانتى بالمنتديات وما اعطي ايميلي لاحد ومافي احد يعرفه الا رفيجاتى الخاصات حيل ومن برا النت وهذول اصلا انا ضايفتهم عندى

فشلون يعرفووووووووون ايميلي ترى طفرت حدي تو الحين جتنى اضافه ورفضتها كأن في احد يدرى اني شابكه

بنات عفيه اللي تعرف تساعدنى ومممنوووووونه لكم

 

[CANDLES]

عادي حبوبه هذا نت اتلاقين ناس فاضيه اتشير باالايميلات وتضيف انتي لاتستقبلين

وبالنسبه للرسايل بالايميل هذي اتكون من قروبات اذا تبين تمنعينها بالرساله نفسها لما ادشين في مكتوب لايقاف ارسال الرسائل من القروب وحاطيلج الطريقه عاد ونتي طبقي

 

[عتيبيه ناعمه]

احلى حلاوه فديتج على المساعده بس الرسايل اللي تجيني مو قروبات اعرف رسايل القروبات مالت ابو نواااااااف لا هذى رسايل من اسماء مستعاره مره فتحت وحده لقيت فيها شخص يسال ليش غايبه عن المنتدى وفقدناج وجذى بس شلون عرف ايميلي بعدين الاسم مو موجود بالمنتدى اللي ذكره يعني مادرى منو وطبعا مارديت ولا راح ارد

بس صج شي يحير وبالنسبه للاضافات ما اعتقد تشيير جذي احساس من بيت الشعر اللي مكتوب بس هم ارفض :eh_s(4):

والله احترت وابي اخلص من هالشغله

ويسلموووو احلى حلاوه

وبانتظار وحده من البنات تعرف طريقه افتك فيها من هالازعااااااااااج

 

[CANDLES]

اها السالفه جذي الله يعييينج وان شاءالله البنات يفيدونج

 

[عتيبيه ناعمه]

تسلمين احلى حلاوه وان شاء الله احد يقدر يساعدني

 

[BaTTy]

يمكن ايميلج كان مال وحده و ما دشت فيه من زمان و تكنسل
و انتي خذيتيه عادي تصير
او انه تشابه ايميلات
او اذا رفيجاتج يدزون لج ايميلات يدزون لج و يدزون حق ناس ثانيين
هالناس كلهم يشوفون ايميلج معاهم و فرضا وحده من المستلمين دزت نفس الرساله حق رفيجاتها الثانيين و ما مسحت الايميلات المكتوبه
يوصل لهم مع الايميلات الي دزتلهم رفيجتج و معاهم ايميلج و ينتشر جذي
عادي انتي لا تسوين اكسبت على احد ولا تبطلين ايميلاتهم طاف

 

[عالي مستواها]

افتراضات باتي منطقية

وقد يكون جهازج مخترقينه وعارفين وين تدشين بالنت وشايفين ايميلج فيرسلون لج عليه او وحده من رفيجاتج بتسوي فيج دقه

بس مو مشكلة .. لا تردين على الرسايل ولا تقبلين الإضافات

وإذا متأذيه سوي لج إيميل جديد

 

[أمواج البحر]

حبيبتي انا نفس حالتج

الحين انتي ما تدزين رسايل حق رفيجاتج ورفيجاتح يدزون لج

يعني ايميلج يكون موجود و رفيجاتج يدزون حق اهلهم او ربعهم و ربعهم و اهلهم يدزون لهم و هكذا

ففي بعض الناس فاضين يدورون ايميلات و يضيفونها خاصه اذا كان الايميل يبين انه لبنت

 

[عتيبيه ناعمه]

يمكن ايميلج كان مال وحده و ما دشت فيه من زمان و تكنسل
و انتي خذيتيه عادي تصير
او انه تشابه ايميلات
او اذا رفيجاتج يدزون لج ايميلات يدزون لج و يدزون حق ناس ثانيين
هالناس كلهم يشوفون ايميلج معاهم و فرضا وحده من المستلمين دزت نفس الرساله حق رفيجاتها الثانيين و ما مسحت الايميلات المكتوبه
يوصل لهم مع الايميلات الي دزتلهم رفيجتج و معاهم ايميلج و ينتشر جذي
عادي انتي لا تسوين اكسبت على احد ولا تبطلين ايميلاتهم طاف

اهلين BaTTy

يمكن ايميلج كان مال وحده و ما دشت فيه من زمان و تكنسل
و انتي خذيتيه عادي تصير

لا يالغلا ايميلي مسويه لي اخوي جديد


او اذا رفيجاتج يدزون لج ايميلات يدزون لج و يدزون حق ناس ثانيين
هالناس كلهم يشوفون ايميلج معاهم و فرضا وحده من المستلمين دزت نفس الرساله حق رفيجاتها الثانيين و ما مسحت الايميلات المكتوبه
يوصل لهم مع الايميلات الي دزتلهم رفيجتج

ممكن ليش لا بس ترى رفيجاتى خارج النت وينعدون على الاصابع و4 منهم قريباتى يعنى بنت عمتى وبنت خالتى جذي
وبعدين الرساله اللي فتحتها كان فيها نك نيمي بالمنتدى مو اسمى الصجي


عادي انتي لا تسوين اكسبت على احد ولا تبطلين ايميلاتهم طاف

ما اضيف احد لايميلي آآآنا وهي مره وحده اللي فتحت الرساله بس وبعدين طاف ودليت على طول

بس صج شي يحير اليوم وصلتنى 4 رسايل وما بطلتهم طلعت من الايميل كله

وتسلمين يالغلا على مساعدتج لا خلا ولا عدم

 

[عتيبيه ناعمه]

حبيبتي انا نفس حالتج

الحين انتي ما تدزين رسايل حق رفيجاتج ورفيجاتح يدزون لج

يعني ايميلج يكون موجود و رفيجاتج يدزون حق اهلهم او ربعهم و ربعهم و اهلهم يدزون لهم و هكذا

ففي بعض الناس فاضين يدورون ايميلات و يضيفونها خاصه اذا كان الايميل يبين انه لبنت

اهلين امواج البحر

كلامكم معقول يمكن ليش لا

بس بقولج شغله ايميلي مسويه اخوى واهو متعمد يحطه باسمه يعنى اللى ما يعرف يظن انه ايميل شاب مو بنوته هذا شي

الشي الثانى انا سويت ايميل ثانى وهالمره ايميلي بناتى وما اشتركت فيه الا بمنتدى واحد وتونى يديده فيه ومع ذلك جتنى مره اضافه ورفضتها

هذا كله مو مهم

اللي يهمنى

بعرف شلون تجيني اضافه وانا ما احمل بياناتى وحريصه جدا مو شي يحير !!!


وتسلمين يالغلا على مساعدتج لا خلا ولا عدم

 

[مسك الغلا]

القروبات بروحها تسويلنا اضافه من كيفهم

و المشكله لا بروح اكنسل ما اقدر لانه لازم اشترك مره ثانيه و اكنسل

والله مايستحون يغثون الناس غصب بايميلاتهم

 

[أساور]

يمكن اللي يضيفج من ادارة المنتدى اللي مشتركة فيه
ويقدر يشوف ايميلج

 

[عتيبيه ناعمه]

القروبات بروحها تسويلنا اضافه من كيفهم

و المشكله لا بروح اكنسل ما اقدر لانه لازم اشترك مره ثانيه و اكنسل

والله مايستحون يغثون الناس غصب بايميلاتهم

هلا مسك الغلا

اسمحيلي يالغلا ما فهمت كلامج بس اذا قصدج ان الرسايل من القروبات لا مووو منها

وتسلمين يالغلا على المسااااااعده لا خلا ولا عدم

 

[عتيبيه ناعمه]

يمكن اللي يضيفج من ادارة المنتدى اللي مشتركة فيه
ويقدر يشوف ايميلج

هلا اساور

والله ماآآآآآدرى يمكن لان توووو بس امس يتنى رساله ولأن الايميل يختلف فتحتها اشوفها لقيتها من منتدى تاركته صار الحين سنه وهم ما رديت

فيمكن بعد الاضافه من الاداره بس هم رفض على طول

وياليت اللي تعرف طريقة اخفاء الايميل حتى من الاداره تعلمنا وتفيدنا مأجوووره

ويسلمو يالغلا على المساعدده لا خلا ولا عدم

 

[مس دندون]

اعتيبيه حياتي انتي نفس حالتي
وربي 5 ايام اضافات ورا بعض
وانا ما اقبل
وربي لغيت الايميل بكبره وحذفت الي فيه وصرت ما ادخل
لان بصراحهـ خفت​

 

[عتيبيه ناعمه]

افتراضات باتي منطقية

وقد يكون جهازج مخترقينه وعارفين وين تدشين بالنت وشايفين ايميلج فيرسلون لج عليه او وحده من رفيجاتج بتسوي فيج دقه

بس مو مشكلة .. لا تردين على الرسايل ولا تقبلين الإضافات

وإذا متأذيه سوي لج إيميل جديد

عالى مستواها اسمحيلي يالغلا وربي ما شفت مشاااااركتج الا الحين

وتسلميييييين على المساعده فديتج

 

[عتيبيه ناعمه]

اعتيبيه حياتي انتي نفس حالتي
وربي 5 ايام اضافات ورا بعض
وانا ما اقبل
وربي لغيت الايميل بكبره وحذفت الي فيه وصرت ما ادخل
لان بصراحهـ خفت​

هلا وغلا حياتى مجرد وجودك

صاجه يالغلا صج ازعاج ونفسي القى طريقه اخفي فيها ايميلي

ولا خلا ولاعدم على المساعده

 

[DKNY]

الله يعينك

انتبهي لا ينسرق الايميل واذا عندك اي معلومات امسحيها منه

 

[عتيبيه ناعمه]

خرعتينى دكنى شلون ينسرق ايميلي آنا ما اكتبه ولا احمل بياناتى وما اسجل الا بمنتديات محترمه معقوله الاداره تبوق الايميل

وتسلمين يالغلا على تنبيهى لا خلا ولاعدم

 

[عتيبيه ناعمه]

^

^


^

^

^

^