عندج استفسار عن منهج الرياضيات للمرحلة الابتدائية....حياج

[shayma]

صراحه منهج الرياضيات صعب وااايد

والمدرسات قاعدين يعتمدون على تحفيظ اليهال الدرس...... مو على فهم المادة

 

[وافية*]

هلا فيكم احنا موجودين انشاللة الحين ارد على استفساراتكم حبايبي

 

[وافية*]

بالنسبة لثالثة ابتدائي هذي المرحلة مصيبة واللة يعينا ويعينكم لانة معتمدة على منهج الصف الثاني بس مو اللي بناتكم درسوة ويعرفونه لااااااا المنهج الجديد واللة ان البنات ضايعين بس مايصير الابلة تركض بالطلبة جذية لازم تشرحلهم مفهوم الالف وتعطية حقة لما يستوعبونة وبعدين تكمل معاهم

 

[وافية*]

الله يعطيكم الفففففففف عافيه ويجعله في ميزان حسناتكم .........

بغيت اعرف شنو النمط ؟؟؟؟؟ لاولى ابتدائي صرت افهم نفسي غصب علشان افهم بنتي مع انها ما شاء الله حاله كل الاسئله بالرياضيات وما حبيت اسالها اخاف تضيع وتتخربط ؟؟؟؟

النمط هو تكرار التغيير بانتظام مثل احمر اصفر احمر اصفر وهكذا....

 

[وافية*]

انا ولدي ثالثه ابتدائي ومايفهم بالاعداد الكبيره

نصيحة لاتعتمدين عالمدرسة لان المدرسات ضايعين بسبة هالمناهج موملحقين وماعندهم وقت واللي بيتضرر هالطلبة المساكين انتي فهمية مكونات الاعداد والقيم المكانية وشلون يكتب ويقرا المئات والالاف واي استفسار احنا حاظرين

 

[وافية*]

:

السلام عليكم

ياريت أولا يثبتون الموضوع عشان لا أدوره كل شوي
ويعطيكم العافية على مجهودكم


شلون اعلم ولدي التقريب لأقرب ألف "منهج خامسه" أنا ضيعت وخربطته معاي

التقريب سهل ومافي شي اذا بتقربين لاقرب الف طالعي المنزلة اللي قبلها اللي هي المئات اذا كان الرقم فيها اكبر من خمسة نضيف واحد لمنزلة الالاف ونستبدل كل المنازل اللي قبلها باصفار
اما اذا كان الرقم في منزلة المئات اقل من الخمسة لانضيف شي لمنزلة الالاف ونستبدل كل المنازل اللي قبلها باصفار
مثال...
1966 ________ مقربا لاقرب الف راح يصير 2000
1320_________ مقربا لاقرب الف راح يصير 1000
6587_________ راح يصير 7000 لان منزلة المئات فيها خمسة والخمسة تضيف واحد لمنزلة الالاف
وطبعا اذا فية ارقام على يسار منزلة الالاف تنزل مانغيرها
مثل.... 45285 _____مقربا لاقرب الف يساوي 45000
انشاللة فهمتيها عاد؟؟؟:eh_s(6):

 

[وافية*]

وياللة اي استفسارات انا حاظرة تفضلوا ولاتستحون حياكم

 

[wathoo7a]

ثانيه أبتدائي ولا عليج أمر شسالفة الرسم البياني وسلفة عامود وصف شلون ندرسهم؟هل نكتفب باللي حلوه جماعي مع الأبلة ولا ندرسهم بطريقتنا؟

 

[وافية*]

ثانيه أبتدائي ولا عليج أمر شسالفة الرسم البياني وسلفة عامود وصف شلون ندرسهم؟هل نكتفب باللي حلوه جماعي مع الأبلة ولا ندرسهم بطريقتنا؟

هلا حبيبتي واللة انا ماادرس ثانية وحاليا الكتاب موعندي بس انشاللة اشوفلج شسالفتة واردلج خبر يالغالية

 

[جاردينيا_2000]

وي اشوه ..خفت انكم اختفيتو ..الله يعطيج العافيه ويكون في ميزان اعمالكم ..

 

[قطوف]

مشكورة ياختي

وعسى الله يجعله في ميزان حسناتج

وعساك على القوة​

 

[om al ghaleen]

رياضيات ثانيه وايد صعب الصراحه .. ان شاء الله اذا رد من المدرسه ولدي اصور لكم الاشياء اللي مو فاهمتها

 

[رافعة الجامة]

ولدي يقول كتبي مشكورة

وأنا أقول يعطيج العافية يالوافية وخلج على طول معانا لأي استفسار الله يسخر لج جميع خلقه وينولج ماتمننينه

 

[وافية*]

اللة يسلمج ويخليلج ولدج ويصلحة ياااااااااارب
واللة تكفيني دعواتكم الطيبة وانا معاكم انشاللة واي شي موفاهمينة انشاللة اقدر ابسطة لكم
ومنهج الصف الخامس غرامي عجيب بس لاتخافين انا وياج وانشاللة يفهم ولدج كل الدروس اللي فية

 

[جاردينيا_2000]

شنو يعني ..في صف 3 ابتدائي ..لما يسألون عن العددين عن القيم المكانيه هل لها نفسها ..مثلا 234 432 مثلا قيمه العدد اربعه نفسها وضح اجابتك اشلون اوضح الطالب اجابته __ يعني انا خليتها تكتب ..... لا - 4 لا تساوي 400 صح جذي والله مادري
الصفحه 12 في كراس التمارين

 

[وافية*]

شنو يعني ..في صف 3 ابتدائي ..لما يسألون عن العددين عن القيم المكانيه هل لها نفسها ..مثلا 234 432 مثلا قيمه العدد اربعه نفسها وضح اجابتك اشلون اوضح الطالب اجابته __ يعني انا خليتها تكتب ..... لا - 4 لا تساوي 400 صح جذي والله مادري
الصفحه 12 في كراس التمارين

صح كلامج لان القيمة المكانية للرقم اربعة بالعدد الاول هي 4 (لانها بمنزلة الاحاد)
والقيمة المكانية للرقم اربعة بالعدد الثاني 400 (لانها بمنزلة المئات)
اذا القيمة المكانية للرقم اربعة في العددين مختلفة

بس السؤال ص12 سؤال رقم 13 تقصدين؟؟؟
هذا يقولج للعددين 426 و 264الارقام نفسها الا انها مكتوبة بترتيب مختلف هل لهذة الارقام القيمة نفسها؟؟وضح اجابتك؟؟؟
لا طبعا لان الرقم 6 في العدد الاول قيمتة 6 وفي العدد الثاني قيمتة 60 وهكذا ....بالنسبة للرقمين الباقيين


وبعدين شدعوى واصلين معاهم لي هالدرس ليش طايرين فيهم حرام؟؟؟:gr4uu:

 

[طال السكوت]

السلام عليكم ورحمة الله وبركااته

والله انج واااافيه ....قول وفعل

الله يجزااج خير على هالموضوووع اللى جاا بوقته لانى فعلا محتارة مع ولدى ...كتابه يضيق الخلق غير عن الكتب اللى قبل على ايام اخوانه

حبيبتى واختى فى الله ابسالج عن سنه ثالثه رياضياتهم يقولون راح يعطونهم احصاااء .........صج هالكلام او لا؟؟

والشغله الثانيه اليوم كنت احل معه الجدول اللى فيه اعداد وموزعين الارقام ...وطلعى كم عشره بالالف ...وكم ميه بال9000

طااااااار مخى وانا ابي افهمه ....هو لبى قلبه متفوق العام عالمناهج الامارتيه السهله الملوونه .....اما هذا شوفة الكتاب تخرررع ؟؟

الله يرضى عليج شلون اشرح له هالمساله .....يعنى شلون افهمه ان الالف فيه 10 مئات ......ومئة عشرره ؟؟
انا قلت له ان الالف هى الدينار والمئه هى مئه الفلس .......ومئة الفلس داخلها 10 عشرات

فجاه بالجدول حاطين 7000 كم عشرة داخلهااااا........قلت له اضرب .........قال شلون اضرب العشره 70 مررره

هو انجن وانا انقهرت ان مافي طريقه اسهل اشرح له هالدرس

وبينى وبينج قلت بخاطرى اللى هذا اوله ينعاف تاليه ......تونا باسم الله اول الصفحات ؟؟؟

 

[يا ليل مطولك]

وافيه واللي يسلمج جاوبيني أيهو أسهل منهج رياضيااااات بالابتدائي

أي صف؟!!!

 

[وافية*]

السلام عليكم ورحمة الله وبركااته

والله انج واااافيه ....قول وفعل

الله يجزااج خير على هالموضوووع اللى جاا بوقته لانى فعلا محتارة مع ولدى ...كتابه يضيق الخلق غير عن الكتب اللى قبل على ايام اخوانه

حبيبتى واختى فى الله ابسالج عن سنه ثالثه رياضياتهم يقولون راح يعطونهم احصاااء .........صج هالكلام او لا؟؟

والشغله الثانيه اليوم كنت احل معه الجدول اللى فيه اعداد وموزعين الارقام ...وطلعى كم عشره بالالف ...وكم ميه بال9000

طااااااار مخى وانا ابي افهمه ....هو لبى قلبه متفوق العام عالمناهج الامارتيه السهله الملوونه .....اما هذا شوفة الكتاب تخرررع ؟؟

الله يرضى عليج شلون اشرح له هالمساله .....يعنى شلون افهمه ان الالف فيه 10 مئات ......ومئة عشرره ؟؟
انا قلت له ان الالف هى الدينار والمئه هى مئه الفلس .......ومئة الفلس داخلها 10 عشرات

فجاه بالجدول حاطين 7000 كم عشرة داخلهااااا........قلت له اضرب .........قال شلون اضرب العشره 70 مررره

هو انجن وانا انقهرت ان مافي طريقه اسهل اشرح له هالدرس

وبينى وبينج قلت بخاطرى اللى هذا اوله ينعاف تاليه ......تونا باسم الله اول الصفحات ؟؟؟

ياعمري واللة تسلمين على هالكلام شوفي ياطويلة العمر اسهل طريقة لهالدرس الغثيث انة تتبعين الاتي...(وراح تشوفينة بروحة قام يحل وبسرعة)

مثلا العدد 7000 حددي كم وحدة فية وكم عشرة وكم مئة؟؟؟ (هذا السؤال طبعا)
اسهل شي قوليلة اذا طلب منك...
1)كم وحدة... حوط منزلة الاحاد مع المنازل اللي على يسارها ...يعني يصير فيها 7000وحدة
2)كم عشرة... حوط منزلة العشرات مع المنازل اللي على يسارها شنو راح يطلعلك؟؟؟بيقولج 700(لازم يحط دائرة عشان تبين معاة) اذا ال7000 فيها 700 عشرة
3)كم مئة... حوط منزلة المئات مع المنازل اللي على يسارها(يعني المنازل اللي عاليمين مانبيها اللي هي الاحاد والعشرات مانحوطها) اوكي ؟؟فلما يحوطها داخل الدائرة راح يشوف ان ال7000 فيها 70 مئة
وسلامتج انشاللة عاد وصلت المعلومة...:ggdw:

 

[وافية*]

وافيه واللي يسلمج جاوبيني أيهو أسهل منهج رياضيااااات بالابتدائي

أي صف؟!!!

هلا حبيبتي واللة المناهج حلوة وسهلة بس الطريقة معقدينها بالمناهج الجديدة ومومئسسين التلاميذ لهالمناهج
واذا تبين السهل طبعا الصفوف الاولية اسهل من الصفوف العليا يعني اولى وثانية وثالثة اسهل ويبدا عاد الصعوبة تزيد في رابعة وخامسة