عندج استفسار او اسؤال عن الماك حياج حاضرين ??

[cinderela]

قوووه بنات وينكم مالكم حس بنات بغيت winks و هلسوالف حق المسنجر........

والله ودي اساعدج بس مو حيل بالمسنجر كلشششش
انتي شنو برنامج الي تستخدمينه حق المسنجر واحاول ادورلج

 

[ملح بدويه]

لوماعليج امر بغير نك نيمي بالابلوتوث بجهازي الماكنتوش ومو عارفه

ساعديني لاهنتي ؟؟؟

 

[cinderela]

لوماعليج امر بغير نك نيمي بالابلوتوث بجهازي الماكنتوش ومو عارفه

ساعديني لاهنتي ؟؟؟

ترا اهوا مو نك بلوتوث هذا نك الجهاز بكبره

اقولج اشلون
انا اول ما شريت الجهاز قالي يبي اسم حطيت اسمي والكامل بعد ههههه وكنت رايحه شاليه مع بنات خالاتي ولا اسمي طالع عندهم ليش فاتحه اللاب توب قالولي حدج فضيحه هههه اشونا بالشاليه مو برا

اشصار لي قمت بغير اسم الجهاز وهالشي حددده صعب لان لاحظي الاسم موجود بالبيت الابيض مو الي بامريكا ههه الي بالهارد ديسك
فغيرته وسميته سندريلا صار عندي بيت سندريلا فاااااضي الصور والاغاني والبرامج اختفو وقف قلبي
اخر شي اكتشفت انهم موجودين بفولد باسمي الكامل فصارت حوسه لما شريت هارديسك خارجي ونقل شغلي كله من الى

فاذا تبين تغيرنه للضروره ان اسمج فيه او شي على راحتج بس فيها مخاطره
واذا شاريته من الكويت والشركه اتوقع يضبطونه لج احسن

 

[Ocean]

بنات مادري ليش احس اكس بي احسن ماكو برامج عاديه تشتغل عليه شسويي ساعدوني :<

 

[cinderela]

بنات مادري ليش احس اكس بي احسن ماكو برامج عاديه تشتغل عليه شسويي ساعدوني :<

ههههههه غلطتي عالماك وايد > ترا انا ماكيه متعصبه ١٠٠ ٪

انتي قوليلي شنو البرامج الي تبينها وليش
يعني مو وينزب وينرار >ابي اعرف ليش محتاجه البرامج عشان اشوف شبيه لهم واعطيج الروابط

وصدقيني يبيلج بعد تتعودين عليه
عيل ايام الوندوز مطيحه بحولي واشتري بسيديات الكوبي واللاب توب يخرف عليج بطيئ وحالته حاله
بس عالاقل الماك مو جذي وتقريبا ٩٠ ٪ من البرامج الضروريه فري تنزلينه بدون كوبي وعوار راس

وما يصير خاطرج الا طيب

 

[Ocean]

تسلمين ياقلبي

مادري وايد اشياء

 

[ملح بدويه]

لا والله انا اخوي شاريه لي من الخبر

والله يهديه راح وحط اسمه الكامل

ولم اشغل البلوتوث الكل يحسب اني واحد من الشباب

والا بنات الدوام عبالهم قاصه عليهم وجايبه لابتوب اخوي صج ماكو شغل

 

[cinderela]

لا والله انا اخوي شاريه لي من الخبر

والله يهديه راح وحط اسمه الكامل

ولم اشغل البلوتوث الكل يحسب اني واحد من الشباب

والا بنات الدوام عبالهم قاصه عليهم وجايبه لابتوب اخوي صج ماكو شغل

انزين اللاب توب في اشياء حاطه فيه صور فيديو اغاني يعني مثل ماتقولين يعني لو راحو باح عادي؟ههههه
لان مثل ما قلتلج خطره اشوي بس انشالله يصير مثلي لقيتهم بفولدر

اشرايج ؟ هههه

 

[cinderela]

خلاص اوشن انشالله اليوم بقعد قعده و انزلج برامج حلوه
ولايكون خاطرج الا طيب

واليوم بعد راح احط برنامج اللايم واير الي تسوين سيرج حق اي اغاني اجنبيه وام بي ٣

 

[انين_الصمت]

تسلمين سمبوسه دار راسي لين عرفت انا وين موضوع الماك

 

[انين_الصمت]

سندريلا الله يعطيج العافيه كفيتي ووفيتي

 

[nono_3asolty]

مشكووورة وايد سندريلا حبيبتي الله يعافيج ويخليج لنا عاد انا ناطره البرنامج الايمواير من زمان ماني عارفتلا والمشكله الثانيه ماني عارفه حق المنتدى عدل انا يديده فيه والمشكلا الثالثه ناسيه الباسوورد مال نكي يعني اذا فصل فيني ارووووح فيها بليز ساعديني بلييييييييييز سندريلا

 

[كوت الكويت]

سندريلا يعطيج الف عاااااافيه ماقصرتي والله
عجبني الفايرفوكس بس اللي محيرني لما ادخل بعض المنتديات مايبطلهم عدل مثل كويتيات
يعني صفحه المنتدى تتبطل بس المنتديات اللي بالمنتدى نفسه يا اما تكون مو مرتبه عدل او تكون مو موجوده اصلا
شسالفه؟؟:gr4uu:

 

[Ocean]

سندريلا مشكوره ياعمري

 

[i'am THE ONE]

رد: الي عندها mac او ودها تشتريه تدش ضروري

هذا dashboard مالي الي موجود تحت بشريط البرامج الي يتحرك هههه عرفتيه ؟ الداشبورد جنه شكله عداد السرعه مال السياره المهم شوفي شنو حاطه فيه انا
١- ابجوره >هههه على لهب عاليمين فوق
٢-اله حاسبه
٣-والمربع الاسود الي علىه كلمات شنو تتوقعين هذا ؟؟؟؟؟؟؟؟؟ > الله يسلمج اوتوماتيكيا اي اغنيه اجنبيه تسمعينها بالآي تونز > بس حطيتي play بتسمعين سييييييدا فتحي الداشبودر تلاقينها مكتوبه كلماتها وما عليج غير تغنين والكلمات جاهزه بدون لا تسوين سسيرج ولجيييي البيت هههههههه > انا جذي حالتي هههههه
٤- هذا المربع الرمادي هذا مترجم عربي انجليزي والعكس > حده روعه
٥-المربع الي يمه > هذا يبينلي شنو اخر الديفيديات الي تنزل واشوف صور الافلام عشان اذا عجبني انزله
٦-تحت عاليمين في صوره مغني شيفه ههههه هذا تعرض قناه mtvu مباشر > انا احب جذي احط بالداشبورد شي حركي قبل هالقناه كنت جاطه بث مباشر من شوارع نيويورك > حدددددددده وناسه كنت اشوف الامريكان داخل الجمعيه ويخطرون الشارع واذا كان مطر وجذي وستار بكس من برا يعني اعيش جو هههه بس الصور بطيئه اشوي لان مثل الكام اشلون ؟ بس مباشر وناسه
٧- الريدبول redbullهذا تحكم صوت يعني الحين الاغنيه واطيه مثلا راح تشوفين بطل الريد بول نازل متعفس لي تحت واذا بتعلين على الاغنيه تحكمي بايدج رفعي البطل ترتفع وسمعييييييي الصوت الي يطلع من البطل جنه صج مثل صوت الحديد اشلون لما يتعفس هههوانا اذا ضاق خلقي اصعده وانزله هههههه
٧- الي على حرف zzz هذا عشان اخلي اللاب توب بوضع السليب
٨- الي تحته بالاخضر مكتوب وول بيبر سيفر هذا راح تستانسين علييييييه > لان يخلي السكرين سيفر خلفيه حق لاب توبج فوناسه حده تخيلي الوضع مثلا صوره اعيالج وايد يتغيرون بطريقه بطيئه مع تزويم يعني زوم هههه وكل هذا خلفيه
٩- عشان اقفل الللاب توب بسرعه اذا بروح مكان مثلا ومابي احد يتعبث بلاب توبي واذا برد طبعا يطلب مني باسوورد
١٠- الشي الوردي الي جنه بالونه > معرووووف ههههههههههههه بس اطق عليها يطلع شي وانصحج فيه اذا ضاق خلقج هههههههههههه
١١- المربع الابيض نفس المربع الاسود يطلع كلمات الاغاني

حبوبة شلون ابدع بالسوالف هاذي مثلك ؟؟؟؟

 

[bambena]

ماك بوك اير

شلون انظف شاشته ؟؟ احس وايد حساسه خايفه اخرب شي

 

[cinderela]

سندريلا الله يعطيج العافيه كفيتي ووفيتي

يعااااااااااااافييييييييييييييييييييج يابعد عمري منوووووووره منوره الموضوع والله:aha:

 

[cinderela]

ماك بوك اير

شلون انظف شاشته ؟؟ احس وايد حساسه خايفه اخرب شي

شوفي حبيبتي عموما اي شاشه تنظيفها يكون بالواييبر الخاص مال تنظيف الشاشات اي يكون مثل كلنكس الي على فوطه او بس ديري بالج يكون خاص حق شاشه الكمبيوتر تلقينه بجرير او محلات الكمبيوتر الي بحولي
بس اهم شي يكون الجهاز مسكر وتنظفينه على الخفيف مو تضغطين وايد عليه

وانا استعمل بعد بخاخ تنظيف حق الكيبورد مثل سبري فيه راس مثل العود وضخه قوي عشان يدش بين فتحات الكيبورد

هم تلاقينه بالاماكن الي قلتلج عنها

 

[cinderela]

رد: الي عندها mac او ودها تشتريه تدش ضروري

حبوبة شلون ابدع بالسوالف هاذي مثلك ؟؟؟؟

حبيبتي عقب الصفحه الي فيها الكلام هذا انا شارحه بالتفصيل اشلون الطريقه واذا حسيتي انه صعب او شي جذي قوليلي وانا اشرحه مره ثانيه او اوضحلج اكثر

 

[cinderela]

سندريلا يعطيج الف عاااااافيه ماقصرتي والله
عجبني الفايرفوكس بس اللي محيرني لما ادخل بعض المنتديات مايبطلهم عدل مثل كويتيات
يعني صفحه المنتدى تتبطل بس المنتديات اللي بالمنتدى نفسه يا اما تكون مو مرتبه عدل او تكون مو موجوده اصلا
شسالفه؟؟:gr4uu:

حبيبتي يكون ساعات جذي من الشبك البرنامج يكون ابطا من السفاري اشوي فما يطلعلج بعض الاشياء
انا عموما استخدم السفاري بس ناااااااااادر مايكون في صفحه بالمنديات الي يكون خطها كبير اوووووفر فما اقدر احرك يمين ويسار فاروح الفايرفوكس

بس اذا تبين برامج غير في اوبرا وشيرا والخ اذا ودج تغيرين اقولج عنهم هم حلوين ومعروفين