صااجه يمه قالولي ان طلعتيها يوقف معااشج وهونت مااسويتها بس تهقين اذا طلعت الرخصه بستفيد اكثر من معاش الشؤون؟؟؟؟
ماعندي خبره بهالموضوع ليتج تفيديني ياقلبي
هلاا يا قلبى ..........
انا اقدم اللى عندى من معلومات وانتو بعد سالوا وحسبوها.....
اول شى اذا بتستفيدين منها ...هذا حسب نوع العمل ......وجم رخصه عندج ........
وبالمقابل حسبى راتب التقاعد ...وقارنى بينهم......
نفرض راتب التقاعد 700دك....والحين راح تمشى 50 دك ...يعنى 750 دك.....والحكومه ما شاء الله كل فتره تزيد المتقاعدين 120 من جم شهر ..و50 الحين ...والخير باقباله مثل ما يقولون....
واذا طلعتى الرخصه بنشاط خل نقول مشغل عادى ..........اول شى حسبى.....
رسوم ومصروفات الرخصه .....تقريبا مع الطوابع 500 دك.... رسوم.سنويه لغرفه التجارة 40 دك
ايجار المحل...........اقل اجار تقريبا 300 دك
معدات خياطه........نقول بين2000 دك و3000 دك على اقل تقدير.....
تجهيز المحل من شغلات كراسى ...طاولات للزباين .300 دك على اقل تقدير
ايدىى عامله خل نقول بالاول 3 عمال ....او عاملات.....طبعا لازم يكون احدهم تخصص سواء تفصيل والا تصميم والا شك وتطريز ....نقول هذا بياخذ على الاقل 300دك
والباقى على 100 دك .....المجموع تقريبا ......500دك تقريبا
مصروفات خاصه للمحل وضيافه.... 150دك تقريبا
ولازم لازم لازم ....تحطين حق نفسج راتب من ايراد العمل ايا كان النشاط .....خل نقول اقل تقدير 300 دك ...ولا تتهاونين فيها
الحين تحسبين المصروفات مرة وحده ........
540 الرخصه
3000 معدات
300 تجهيز _____________________________________ 3840 دك
مصروفات شهريه
300 ايجار المحل
500 رواتب عماله
300 راتب رب العمل
150 مصروفات ضيافه
_______________________________
1250 دك
الحين تحسبين الايردات ....................
جم تتوقعين انج تنتجين وتبيعين؟؟؟؟؟؟؟؟؟؟؟؟؟؟؟؟
خل نقول فى الشهر وباسعر مناسبه ........راح يكون انتجاج تقريبا 2000 دك
الحين شيلى من ايراداتج المصروفات شهريه
2000 _ 1250 = 750 دك ................المبلغ ترى طلع صدفه نفس ماقلت عن راتبج التقاعدى....ما خططت له ....
بس لا تقولين نفس راتبى بيطلع لى من الرخصه .....لا لآ لا
المبلغ اللى طلع لج من الرخصه انتى خسرتى عليه .....................3840 دينار ........وانتى استفدتى بس 300 راتبج من الشغل ....يعنى ما خلصنا نطرى
شوفى المبلغ 3840 دك ...........لازم ترجعينه على الاقل فى سنه ................يعنى مثلا لازم تشيلين على الاقل 300 كل شهر .......300×12 =3600 دك...باقى 240 دك ..يعنى 13 شهر....
يعنى ربحج فى العمل شهريا 750 -300 = 450 دك ............هذا فى السنه الاولى...علشان ترجعين المصاربف الرئيسيه الاولى......وهالمبلع 450 اللى يكون ربحج مو كله حقج ...راح تصادفج مصاريف فى المحل مفاجاه مثل دعايه واعلان واجور ممكن تزيد ....يعنى خلى ....... 100 دك شهريا تحت بند مصاريف خل نسميها دعايه واعلان....
450 -100 = 350 دك ...........................ربحج فى العمل................وحطى فى بالج لازم تشيلين شهريا مبلغ حتى لو بسيط تحسبا لاشهر احتمال تطلعين فيهها اقل من 2000 دك علشان يكون تحت حساب المحل ( غير اللى قلنا عنها مفاجاه)
انتى راتبج 300 + 350 = 650 دك شهريا
نطرى
فى السنه ...........راتبج من الرخصه ........650 × 12 = 7800 دك ,,,,,,,,,,,,,,,, على البركه وعليج بالعافيه ....
وقابل للزايده والنقصان ....والتجارة ربح وخسارة
راتبج من التقاعد .....750 × 12 = 9000 دك ..........................قابل للزياده ان شاء الله وليس للنقصان ..
تخصصى ...........محاسبه........ احبه ينفع وايد
واللى عندها ملاحظات لا تقصر علينا فيها...................
وبعطيكم طوله العمر يا رب
ويوفقكم ان شاء الله:aha:
خوش كلام
