التهاب الكبدي الوبائي c .....

[kwaiteyah100%]

قوة حبوبات
كنت زايرة ناس وقمت اسلم عليهم ...... وسلمت على وحدة وانا مادري ان فيها
( التهاب الكبدي الوبائي c ) اللي يصير اقوى نوع ...... لمن وحدة قالتلي انتي اشلون تسلمين عليها وتبوسينها بعد وهي فيها هالمرض:eh_s(11)::eh_s(2):.... ماتدرون شصار فيني يوم كامل وانا ما انام من الخرعة ....صج كل شي بيد رب العالمين بس الواحد لازم يحتاط ..... منو عندها فكرة عن هالمرض واذا عندها احد قريب فيه هالمرض .... اهو يعدي من السلام والتقبيل؟؟؟؟؟ ولا فيه طرق ثانية يعدي منها .... الله يخليكم ساعدوني ترا ميته من الخرعة .....انا قريت ان هو يعادي من نقل الدم واللعاب والعلاقات الجنسية واستعمال اغراض المريض المصاب .... بس مادري ابي كلام يطمني اكثر...
الله يشافي كل مرضانا ومرضاكم ...... وسامحوني عالقرقة ...بس please help وناطرة ردودكم للي يعرفون عن هالمرض .....


يلا بااااااااااااااااااااااي

 

[soo_soo]

اضاهر اذا ماني غلطاانه ينتقل من لعاب ؤمن دم ؤمن الي قلتيه كله ؤمن اذا شربتي عقبها اؤ كليتي من ملعقتهاا مثلا

 

[Dr.CarameLLa]

ان شاءالله مافيج إلا العافيه
اهوا c خطر نوع بس الله الحافظ ان شاءالله وليلحين ماكتشفو اي تطعيم مضاد له .. و ديري بالج اكثر .. بس انتي بستيها بس و انشاءالله مايكون في شي .. لا توسوسين
اكو تطعيم الكبد الوبائي اخذيه اهما 3 مرات تاخذينهم... مرة و عقبها ب 3 شهور و عقبها بسنه
و ان شاءالله مافيج إلا العافيه وربي يحفظ الجميع

 

[نور الكويت]

ان شاءالله مافيج إلا العافيه
اهوا c خطر نوع بس الله الحافظ ان شاءالله وليلحين ماكتشفو اي تطعيم مضاد له .. و ديري بالج اكثر .. بس انتي بستيها بس و انشاءالله مايكون في شي .. لا توسوسين
اكو تطعيم الكبد الوبائي اخذيه اهما 3 مرات تاخذينهم... مرة و عقبها ب 3 شهور و عقبها بسنه
و ان شاءالله مافيج إلا العافيه وربي يحفظ الجميع

إن شآءالله ماكو شي

طيب اختي التطعيم اي احد ياخذه ولا ناس معينيين



........ يارب تعافيهم ولا تبلانا........

 

[وردة بيتنا]

ان شاء الله مافيج الا العافية

ما اعتقد ينتقل بهالطريقة

بس من باب الاحتياط روحي الطبيب و سئليه

 

[CANDLES]

لااا هالمرض ماينتقل من التقبيل عادي يتنقل من اللعاب والاغراض الشخصيه والعلاقه الجنسيه والدم

 

[sweeta77]

لا تخافين....هذا ينتقل من الدم و العمليات اذا المعدات مستخدمينها حق شخص مصاب وما عقموها....وامواس الحلاقه
بعدين هذي شمقعدها ليش ما تروح تتعالج

 

[kwaiteyah100%]

مشكورين حبيبات قلبي ...... واهي مسكينه توها راده من العلاج .... بس على كلامها انه ماتعادي احد جذي .....الا مثل ماقلتو بالدم واللعاب واشياء ثانية ....
مشكورين وعساكم عالقوة ....... وان شالله بروح اسوي التحليل وماكو الا العافية ان شاالله...

 

[أساور]

اذا يعدي من اللعاب شلون تزور الناس وتخالطهم بشرب الجاي والماي والقهوة؟؟؟
الله يشفي مرضى المسلمين

 

[kwaiteyah100%]

هلا اساور .... ما اعتقد انها تشرب شي عند احد لأن اكيد تدري انها بتعادي الناس .... بس والله مادري شقولج والواحد يخاف يسألهم لأنهم يصيرون حساسين ......وهم كلامج عدل ...... عساج عالقوة