B.AlShakhs
New member
مشكوره على مشاركتج حبيبتيآنا حزتها عمري اقل من سنه كنا رايحين العمره وصار الغزو
ألماس q8
New member
صااااااااامدة
كان عمري 11 سنة ، فأكيد أتذكر كل لحظة و كل دقيقة
وايد اتحلم بهذيج الأيام ، الله يعيدها من أيام قشرة
للحين أتذكر ليلة الغزو شنو كان موضوع سوالفنا
و اتذكر لما أمي كانت تقعدني من النوم يومها و تقولي قومي حرب حرب ، و انا عبالي تقول حر حر ( صج يومها كان وايد حر )
أذكر لما العراقيين صادوا خوالي يم بيت يدي بشرق و عذبوهم ( للحين اتذكر شكل التعذيب على ظهر خالي و أشلون ما كان يقدر يقوم أو يتحرك من مكانه )
اتذكر يوم التكبير فوق السطح
للحين أتذكر يوم أمي تقولنا : ما أدري أشفيهم داقين علي و يقولون ( أسم ولد خالتي ) و أسمع صوت صراخ و بجي ، و لما رحنا حق خالاتي و خوالي ، شفت خالتي محنية إيدها بدم ولدها الشهيد
أتذكر لما أبونا جابر ألقى خطبته بمجلس الأمن و أشلون الكل قام صفق له و أشلون دمعته أنزلت ، و كلنا متجمعين نشوف الخطبة و الكل بجى بهاللحظة حريم و رياييل ، كبار و صغار
اتذكر خالتي لما كانت تخبز ، و يدتي لما عطتنا لزمة تضحك عن صدام
اتذكر لما طقوا الباب علينا و أنا بطلت الباب ، واحد متلثم عطاني فلوس و راح
اتذكر لما أمي ولدت أخوي بمستشفى هادي و ماكان عندنا عود للبيبي ، و أشلون ماشاء الله قبل لا ترد البيت الكل يمعلها أغراض للبيبي كفته لبعد الغزو
اتذكر أول طلقة تعلن الحرب الجوية ، و صوت الطايرات المنخضة إللي تبط الأذن و كسرت جامات الدرايش من قوتها
اتذكر الحرب البرية و لما انطفت الكهربا علينا
اتذكر يوم التحرير ، أرواحنا ردت ، كنا ميتين و حيينا أحلى يوم بحياتي
اتذكر لما قررنا بيوم التحرير نسمي أخوي الصغير جابر على أسم بابا جابر ( كنا قبلها للحين مو مسمينه ، 3 أشهر اناديه الياهل و الياهل )
فالسؤال كان وين كنتي باالغزو ؟ معناه ذكرياااااات مرة بحقيقتها ، حلوة بترابطنا و لمتنا
و يعطيج العافية عالموضوع
( والله كتبت كل شي و عيوني مو راضية توقف دموع )
كان عمري 11 سنة ، فأكيد أتذكر كل لحظة و كل دقيقة
وايد اتحلم بهذيج الأيام ، الله يعيدها من أيام قشرة
للحين أتذكر ليلة الغزو شنو كان موضوع سوالفنا
و اتذكر لما أمي كانت تقعدني من النوم يومها و تقولي قومي حرب حرب ، و انا عبالي تقول حر حر ( صج يومها كان وايد حر )
أذكر لما العراقيين صادوا خوالي يم بيت يدي بشرق و عذبوهم ( للحين اتذكر شكل التعذيب على ظهر خالي و أشلون ما كان يقدر يقوم أو يتحرك من مكانه )
اتذكر يوم التكبير فوق السطح
للحين أتذكر يوم أمي تقولنا : ما أدري أشفيهم داقين علي و يقولون ( أسم ولد خالتي ) و أسمع صوت صراخ و بجي ، و لما رحنا حق خالاتي و خوالي ، شفت خالتي محنية إيدها بدم ولدها الشهيد
أتذكر لما أبونا جابر ألقى خطبته بمجلس الأمن و أشلون الكل قام صفق له و أشلون دمعته أنزلت ، و كلنا متجمعين نشوف الخطبة و الكل بجى بهاللحظة حريم و رياييل ، كبار و صغار
اتذكر خالتي لما كانت تخبز ، و يدتي لما عطتنا لزمة تضحك عن صدام
اتذكر لما طقوا الباب علينا و أنا بطلت الباب ، واحد متلثم عطاني فلوس و راح
اتذكر لما أمي ولدت أخوي بمستشفى هادي و ماكان عندنا عود للبيبي ، و أشلون ماشاء الله قبل لا ترد البيت الكل يمعلها أغراض للبيبي كفته لبعد الغزو
اتذكر أول طلقة تعلن الحرب الجوية ، و صوت الطايرات المنخضة إللي تبط الأذن و كسرت جامات الدرايش من قوتها
اتذكر الحرب البرية و لما انطفت الكهربا علينا
اتذكر يوم التحرير ، أرواحنا ردت ، كنا ميتين و حيينا أحلى يوم بحياتي
اتذكر لما قررنا بيوم التحرير نسمي أخوي الصغير جابر على أسم بابا جابر ( كنا قبلها للحين مو مسمينه ، 3 أشهر اناديه الياهل و الياهل )
فالسؤال كان وين كنتي باالغزو ؟ معناه ذكرياااااات مرة بحقيقتها ، حلوة بترابطنا و لمتنا
و يعطيج العافية عالموضوع
( والله كتبت كل شي و عيوني مو راضية توقف دموع )
من احلى الردود اللي قريتها بموضوعي
لانج شرحتي كل شي صار لنا كلنا بالاختصار المفيد
يعطيج العافيه حبيبتي
ومشكوره على هالمشاركه الفعاله
تحياتي لج
يا ليل مطولك
New member
كنا بتركيا وكان عمري 3 سنين ويوم درينا بالغزو قعدت امي تبجي
خل نرد للكويت ابي اشوف امي
فعلى طووووووووووول سافرنا للسعوديه
وهناك شافت جدتي وخالاتي
>>هذا كله على قوله امي كنت صغيره وما اتذكر شي
والحمدلله اني كنت صغيره ..
والله يحفظ ديرتنا ياااااااااااااااارب..
رايدة وقايدة
New member
صااااااااااااااااااامدة للنهاية:q8:
بس اذكر كنا كلنا قاعدين بغرفة وحدة بدون كهربا وامي وابوي يدعون يرجع اخوي اللي خذووا اسير والحمدلله رجع بالسلامة...... واذكر لما رجع بالتحرير كل اهلي يبجون وانا كووووول وكان معاه خبزة معطينها له العراقييين يايبها الاخ ذكرى.....................وخذيتها ابي اعظها والله لليوم اذكر سنوني كانوا بيطيحون منهاااا جنها صخرة.......:0bee2e8d89:
امي تقوووولي اني كنت اقعد عند باب بيتنا مع خالتي نتحرااا شوفة اخووي وانا كنت لما اشوووف جندي عراااقي..... اصررررخ واقووووووووووووول
طاااااااااااااااااااااااااااع جوووووووووووووووووووتيه .......واضحك :krkrkr:
بس اذكر كنا كلنا قاعدين بغرفة وحدة بدون كهربا وامي وابوي يدعون يرجع اخوي اللي خذووا اسير والحمدلله رجع بالسلامة...... واذكر لما رجع بالتحرير كل اهلي يبجون وانا كووووول وكان معاه خبزة معطينها له العراقييين يايبها الاخ ذكرى.....................وخذيتها ابي اعظها والله لليوم اذكر سنوني كانوا بيطيحون منهاااا جنها صخرة.......:0bee2e8d89:
امي تقوووولي اني كنت اقعد عند باب بيتنا مع خالتي نتحرااا شوفة اخووي وانا كنت لما اشوووف جندي عراااقي..... اصررررخ واقووووووووووووول
طاااااااااااااااااااااااااااع جوووووووووووووووووووتيه .......واضحك :krkrkr:
لووووووووووووول
مو بس جواتيهم كلهم على بعضهم كنا نضحك عليهم
والحمدلله على سلامه اخوج
ومشكوره على مشاركتج الحلوه
كنت صامده للنهايه
وكانت اتعس ايام حياتنا-اخوي كان بالدوام ومارد لنا الا ثالث يوم وكان متنكر بملابس صعيدي وقط ملابسه العسكريه
ومرينا بتجارب صج كانت صعبه بالنسبه لنا كلنا -والعراقيين فتشو بيتنا ثلاث مرات وكنا وايد خايفين
بس احلى ايام يوم كنا نصعد السطح ونكبر
الله اكبر الله اكبر
وكانت اتعس ايام حياتنا-اخوي كان بالدوام ومارد لنا الا ثالث يوم وكان متنكر بملابس صعيدي وقط ملابسه العسكريه
ومرينا بتجارب صج كانت صعبه بالنسبه لنا كلنا -والعراقيين فتشو بيتنا ثلاث مرات وكنا وايد خايفين
بس احلى ايام يوم كنا نصعد السطح ونكبر
الله اكبر الله اكبر
نجمة البحر
يوم اللي صعدنا نكبر كان اروع يوم بحياتي وحتى الجو كان وايد حلو
مشكوره على مشاركتج الغاليه
تحياتي
