رمضان وطاولتكم اليوميه .....بالصور

[ريمه الكويت]

الله يسلمج جاره القمر
تشوق سفرتج ام عزيز وعليج بالعافيه على المرقوق مبين لذييييذ
فطورنا




بيديان باللحم المفروم



شورما دياي



وهذي لزانيا وديته نقصه حق وحده عزيزه علي

الحلو اليوم يات على بالي الحلوى البحرينيه سويتها وطلعت لذييييييييذه

 

[أم عزيـز]

بعد عمري تسلمين حبيبتي ريمه
وانتي بعد سفرتج حدها تشوق بالعافيه على قلبكم


هذا فطورنا اليوم


ستيك بالصلصة

عيش احمر مع دياي

خبز عروق

كبه بطاط بالجبن + سمبوسك جبن كرافت

فتوش

 

[سبائك]

عليكم بالف عاااااااااااافيه بنات ماشاءالله صوركم تشوووووووووق


ام عزيز ممكن طريقة الستيك بالصلصه شكله رهييييييييييب ماشاءالله

 

[FoOosHiia]

daloO3a

الله يعافيج حبيبتي

 

[FoOosHiia]

nice-girl

الله يعافيج حبيبتي
و المقادير :
4 صدور دياي مقطعه و ناضيه
1 علبه ذره
1 علبه مشروم
1 كريمه حمره مخلوطه مع 1 جبن قلاص صغير
3 بطاط وسط مقطع شرايح

الطريقه :
اول شي تصفين بطاط بعدين ذره و مشروم بعدين نص الكريمه الحمره مع الجبن
و تكررين الطبقه بس حطي الدياي اخر طبقه

و بالعافيه

 

[جارة القمر]

ماشاء الله

تبارك الرحمن


وعليييييييييكم

بألف عافييييييييييييييييييييييييييييييييييية

 

[nero]

علييكم بالف عافيه

 

[بطه فيها نطه]

سحورنا قبل كم يوم انا وخواتي عند الوالده الله يحفظها ... وكل وحده متنقصه طبق




سلطة عدس الكشري




سلطة الملفوف مع الذره




فطاير جبن بالنعناع





بيتزا




لازانيا سبانخ مع كريمه .... والله يديمها من نعمه

 

[زهقاانه]

مااشالله عليكم

انا اول مره ادري عن الموضوووع

بس مااشاءالله عليكم تباارك الرحمن عيني عليكم باارده

طبخاات وتصوير وشغلات تهبل

عااد تشوقت وانا شسااءالله بصور فطوري واحطه ان شااءالله

يسلمو على الموضوووع الراائع

 

[شندوخه]

هني وعافيه وتسلم الايادي ماشاءالله تبارك الرحمن كل سفره تقول الزين عندي

ام عزيز
ماشاءالله شكل طباخج ناطع شوقني الفتوش شنو مكوناته الله يعافيج ؟

 

[مرق تفاح]

اختي نيرو
الله يعطيج الف عافيييه :tek:,,عجبني واايد طبق الدياي بالكريمه ,, حسيته حلو وبنفس الوقت سهل وسرييع
بس بسالج جنه الدياي حاطته كامل مو ؟ يعني مو منتف؟؟ لا قطع كامله مع العظم ؟؟؟؟؟ صح والا انا غلطانه ؟؟؟؟؟؟؟؟؟؟ وسالقته والا لا من قبل؟؟؟؟؟؟؟؟؟ وجم علبة كريمه حاطه ؟
يبا تدرييين شلووووووووون قولي الطريقه وفكي عمرج :dddds:_03BA:
وبالمره الزلاطه على قولتج خلنزلطها على الفطوور


ومشكوووره وااايد حبيببتي على هالاطباق الروعه

========================

نييرو حبيببتي طلبت منج وصفه الدياي بالكريمه وما عطيتيني اياها:0bee2e8d89:

جذي ترى احتمال اعصبب:krkrkr:


وبالنسبه لموس الشوكولاته شكله عجيب بس الحقيقه اخاف استخدم بيض بدون طباااخ:0bee2e8d89:



ريمة الكويت اخر سفره سويتيها عجيييبه
ممكن طريقة البيديان واللزانيا احسها ماشاء الله عجييبه
وعندي سؤال بعد:tongue22:
وانا عندي مشكله مع البشاميل سواء اللي باللزانيا او اللي بالمعكرونه بالبشاميل
اني اسويه مضبوط وكل شي اوكي حتى يكون ثقيل بعد لما اسويه على النار ,, بس لما اصبه ع المعكرنيا وادخله الفرن واطلعه يكون جامد من فوق بس من داخل سايح مع اني اخليه بالفرن مده وييييله يمكن ساعه ومع هذا يكون من داخل شوي سائل ,,ما ادري وين الخللل والا اهوه البشاميل جذي والا شالسالفه

 

[طفوش]

قطعتكم صارلي فتره .. من زمان ما صورت

بحط لكم صور الفطور من جم يوم


صمونة دياي مسحب




هالمره ميني حلووم لوول




كبب مشكله




هرييسه




قبوط .. نقصه من بيت خالوو




فطوري حلوم مقلي ما تهنيت فيه




لقيمات خطيره نقصه من رفيجتي فديتها




كيكة مو صج عمايل ايديا والقطايف تطل يمها .. ما صورتها ما تستاهل كانت لينه لوول

حبيبتى عليكم بالعافيه وصفره دايمه
ماعليج امر شلون طريقه الحلوم المقلى ؟؟؟
اقلى الحلوم فى دهن غزير ولا وسط ؟؟
ماعليج امر ياليت الطريقه

 

[ريمه الكويت]

ام عزيز عيشج يشوق شنو نوعه

بطه فيها نطه اطباقج عجيبه ماشالله كل طبق احلى من الثاني ابي طريقه سلطه الكشري ماعليج امر

مرق تفاح هذا رابط اللزانيا والبيديان
http://q8yat.net/showthread.php?t=226056

 

[ريمه الكويت]

فطورنا
ماصورت كل شي سويت تشريبه دياي وخضار بس ماصورته الكل يعرفه

شوربه الطبق الاول




جباب الربيان


مسقعه البيديان(بيديان بالبشامل)

 

[بطه فيها نطه]

ام عزيز عيشج يشوق شنو نوعه

بطه فيها نطه اطباقج عجيبه ماشالله كل طبق احلى من الثاني ابي طريقه سلطه الكشري ماعليج امر

مرق تفاح هذا رابط اللزانيا والبيديان
http://q8yat.net/showthread.php?t=226056

تسلمين ريمه ...

وهذي طريقة السلطه ( الكشري )


المقادير :

كوب عدس الاخضر الكبير مال الكشري مسلوق

1 بصل اخضر مقطع ناعم

فص ثوم مهروس

خضره مشكله ( خس مقطع - نعناع - بقدونس - ملفوف ابيض )

الصلصه :

عصير ليمون

نص م كمون مطحون او اقل

زيت زيتون

ملح وفلفل



الطريقه :

نحمر البصل مع فص ثوم مهروس + الكشري = نتركه يبرد وبعدين نحط الخضره بصحن التقديم

ونصب الكشري عليه وبعدها الصلصه وممكن نزينه ببصل المقرمش

وعليك بالعافية

 

[ام عفاف الكويت]

عليكم بالعافيه وسفر دايمه يارب

وبيوت عامره يارب


ريميه طلبتج 5 مرات اسوي الحلوى كله مرررررررررررررررررررررره تطلع

شسوي

 

[ريمه الكويت]

مشكوره يابطه على الوصفه انشالله اسويها
ام عفاف شنو كله مره تطلع ؟؟؟؟؟؟؟؟؟؟؟؟ظ

 

[ام عفاف الكويت]

طعمها مر
اسوي العمانيه طريقتج غير عن اللى سويتها اول
اللى احط فيها لون وسكر واتقطع الايد بالتقليب

هي نفسها البحرينيه صح مالت شويطر

 

[جارة القمر]

بطه فيه نطه


بالعافيييييييييييييييية

عليكم

 

[al7anona]

فطورنا امس

ملفوف

يريش

معكرونية بالبشاميل

مثلثات حمسة اللحم والخضرا مو طبيعية



ومثلثات الزعتر

شوربة وفيمتو وعصير برتقال

والحلويات

كنافة مبرومة جاهزة بس ماصورتها

حلو امي مسويته لذيذ بس مااعرف اسمه

وصب القفشة