ديوانية بيت العمر

[اخت فروحه]

مشكورة بعد عمري شيوخة رفعتي معنوياتي يعني برايج اعتمد اللون الالومنيوم مع الفوشي ؟
لان ابو الشباب مو عاجبه اللون

دام رديتي علي بقولج على على سر بس لاتعلمين احد: في محل يبيع غرف نوم اطفال روعة وراء سيتي سنتر الشويخ اسمه celik
وبالنبة للطاولة اللي تبين شفتها في ميداس الضجيج بس مو رخيصة

 

[اخت فروحه]

شيوخ عفيه نبي التفاصيل لاني يمكن ان شاء الله بروح الصين لاني مشاركة في سحب سنتربوينت اللي يفوز يطلع له تذكرتين فري لاي دولة يختارها وانا بختار الصين
قولي آآمين

 

[sara3]

مساء الخير بنات ازيكم واشلونكم

 

[اخت فروحه]

اهلين سارة ماقلتيلي رايج في لون المطبخ وقولي امين افوز بالسحب

 

[sara3]

بدعيلج من كل قلبى تفوزين

اللون حلو حبيبتى والرمادى يروح معاة والابيض بعد يبرزة

بس راجعى نفسك مرة ثانية مو حلو انكم تختلفون على اللون يا تقنعينة يا يقنعك وبعدين هذا مطبخ طول اليوم داشين وطالعين منة

 

[nono78]

ص 59
حبايبي ناطرتكم
انا ودي اغير عن اللون الخشبي كل اهلنا امسوينه

كل المطابخ الي بالصور خشبيه ؟؟؟؟

قصدج عن اي صوره ؟؟؟

 

[رحيق]

السلام عليكم .شلونكم بنات. اخت فروحة آنارايي من راي سارة لازم تكونون مقتنعين اثنينكم باللون .انتي ليش موعاجبج الأللمنيوم الخشبي وايد حلو وهذا الي دارج ألحين . حاولي اتغيرين في التصميم ويطلع حلو ان شاء الله . انتي من وين راح اتسوين مطبخج

 

[اخت فروحه]

بدعيلج من كل قلبى تفوزين

اللون حلو حبيبتى والرمادى يروح معاة والابيض بعد يبرزة

بس راجعى نفسك مرة ثانية مو حلو انكم تختلفون على اللون يا تقنعينة يا يقنعك وبعدين هذا مطبخ طول اليوم داشين وطالعين منة

الله يسمع منج

:yaaaaaarb:


اتصدقين والله فكرة الابيض انا من زمان عاجبني بس كنت متخوفه انه يتوسخ لاني كنت ناوية احط المطبخ كله ابيض لكن لما ادخله مع الالومنيوم بيصير حلو

 

[اخت فروحه]

كل المطابخ الي بالصور خشبيه ؟؟؟؟

قصدج عن اي صوره ؟؟؟

نونو ص59 في رودي للاستشارات الهندسية وناطرة رايج
ريلي عاجبه مطبخج ماشاء الله يقولي هذي الالوان الحلوة

 

[اخت فروحه]

السلام عليكم .شلونكم بنات. اخت فروحة آنارايي من راي سارة لازم تكونون مقتنعين اثنينكم باللون .انتي ليش موعاجبج الأللمنيوم الخشبي وايد حلو وهذا الي دارج ألحين . حاولي اتغيرين في التصميم ويطلع حلو ان شاء الله . انتي من وين راح اتسوين مطبخج

مشكورة على رايج بس مثل ماقلت كل اهلنا مسوين الالومنيوم الخشبي وانا ما احب التكرار
انا مسويه مطبخي عند مطابخ الرياض ودفعنا العربون ودقوا علينا عشان نحدد اللون

 

[اخت فروحه]

يارب يارب تروحين وتشوفين وتشترين ترى حسافه على كل من بنى وماسافر لأنه بيوفر وبيجيب أشياء غير عن الموجود وجوده أحسن والله اني شاريه 3 حمامات من الشايع ب 1000 ويوم رحت تحسفت عليهم ومصوره لكم كل شي بس بتعلم شلون أنزل الصور وأسوي تقرير كامل عن السفره

الله يوفقج يارب
وفي انتظار التقرير

 

[sara3]

مساء الخير

بشتختة يعنى بتكتبين عبارة فى برواز مثل هالصورة ؟؟انا اقول برواز جام لاتخلينة فوق السرير خلية مكان ثانى بالحجرةولا اشرايك امن لليهال
الا اذا اتحصلين ستكر يطلع شى

 

[nono78]

سارونه اشلونج شخبارج

رحت صفحه 59

وشفت مطابخ كلها خشب

انتي ودج اي لون ترا ماعرفت اي مطبخ الي خاطرج فيه؟؟؟؟

 

[soso q8]

صباح الخيرااااااااات واللليراااات


وأخييييييييييارا اتفقت على المطبخ تحضيرى للصالة فوق ويكون مفتةح على صالة المعيشة
خشبى غامق سادة والرخام سيسيليا بيج ونفس الرخام طاولة للاكل

بس أنا بحيييييييرة؟؟؟؟ا
ألحين دور النوافذ

اشرايكم؟؟ الأمونيوم أويو بى فى سى ؟؟؟؟؟؟؟؟أحد مسوية؟؟؟؟؟؟؟؟؟؟

 

[مشكاة]

سلام بنات اشلونكم وشخباركم انشالله مرتاحين
لله يخليكم بنات محتاجة مساعدة انا والله استفدت من ديوانيتكم بس مالحقت ادش على كل الصفحات
احنا الحين انشالله بنوقع عقد الاسود وحاطين بالعقد كذا بند ريلي يبي يتأكد منهم وقاعد يدقدق على ربعه الي بنوا كاشتين فيه
انشاله يارب مارة عليكم هالشركات وتقدرون اتفيدوني
وانشالله يارب يسهل عليكم ويباركلكم في بيوتكم ويحفظكم من العين
1- صب جاهز ( الشركة الوطنية للخرسانة الجاهزة) سامعين عنها ؟ اذا موزينة شنو الشركات الاحسن؟
2- انواع الطابوق:
طابوق خارجي هيبل من شركة صناعات الخرسانة الخلوية؟؟؟ّّّ!!!
طابوق الاسود بخاري بدون صلبوخ ؟؟؟؟!!!
ناطرة ردكم

 

[اخت فروحه]

اهلين مشكاة ان شاء الله افيدج بس ناطرة ريلي يرجع اسئله اتأكد لانه افهم مني بهالسوالف

 

[البسايل]

مشكاه انتوا مسلمين بيتكم شركه عدل .... وراح اسالج زوجى وان شاء الله تسمعين اللى يسرج

 

[DooNy]

صباح الخير

شلونكم بنات من زمان عنكم والله

الي كانوا معاي بنفس المرحله قولولي وين وصلتوا

 

[مشكاة]

فروحة والبسايل مشكورين حبايبي الله لايخلينا منكم
اي احنا والله راح انسلمه شركة
والقسيمة في جابر الأحمد ومادري لو سامعين عن التربة والماي اهناك عندنا اشوية مشاكل
علشان جذي ماراح نبني سرداب
انشوفكم انشالله

 

[soso q8]

مشكاة بصراحة ما عندى فكرة

شوفوا استفسارى بخصوص الدرايش الأمونيوم عزلهم 60 بالمية وثلاث ربلات

ودرايش اليوبى فى يى عزلهن 80 بالمية و اربع ربلات وعازل أكثر وبمواصفات خايجية وهاذا كلام البائع طبعن أحد جرب هالدرايش من الشركة السعودية الكويتية؟ اللى هى اليوبى فى سى

بالنسبة لموضوع الصين


أخت فروووحة كنت قبلج متحمسة لموضوع الصين

بس هاذا يصلح التوفير كتشطيب وأثاث أقول صج يسوى

بس تحذرت امن البرسلان الصينى يقولون يكافى الشر امراض وهاذا قالة لى واحد كنت بمحلات السيرامييك بالشويج وقالى نصيحة اخوية لا تاخذين صينى

أنا هنية أتجهت وجذيت كل سيراميك بيتى أسبانى حتى الخدامة والسايق

وبعد ألادوات الصحية ايطاالى واسبانى .. وكنت ماخذة قبل رمضان مغاسل ايطاليه من ميداس ب 25 وبعد العيد صاروا ب 85 تصوروا وقالولى كان عرض وخلص ,, يعنى استغلوا وقت العروووووووووض وأحرصوا عليها

وبالنسبة لأثاث غرف النوم ما كو على النجارة أخذوا موديلات وفصلوا ,, شغلة كد ومد

يعنى صرفنا ألى عندنا شبقى للصين مايسوى
بس مفكرة على فرة الأثاث والاستقبالات وغرف الطعام والبوفية وطاولات الخدمة والاكسسوارت فية صناعة جيدة هاذى ممكن نوفرها بسفرة الصين وعند هالمرحلة لكل حادث حديث

قرقت علييييييييييييكم وااااااااااااااااايد

<<<<< خخخخخخخخخخخ قلت قصة حياتى