حصري (( تبييض الاسنان )).. سؤال و جواب ..

[دكتورة أسنان]

انا ودي ابيض بس عندي حشوة جدام هل معناته اني لازم اشيلها وابيض اسناني بعدين اركب حشوة ثانية؟؟

حبيبتي ممكن تبيضين اسنانج تالي تغيرينها حسب لونهم الجديد بس هذا معناته انج كل 6 شهور لازم تبيضينهم لان لون الحشوات راح يصير ابيض من لون اسنانج اذا ما بيضتيهم مره ثانيه .. اذا الحشوات واايد مبينين انا ما انصحج تبيضين بس الموضوع راجعلج طبعا

 

[للصبر حدوود]

دكتورت يالحبيبية انامشكلتي ان اسناني الامامية يوجد بها فتحة (فلجة) وانا متضايقة منها كثيرا وفريت كل عيادات الاسنان في الكويت وقالولي لازم تركيب اسنان تجميلي وانا محتارة لان ماادري عند منو اسوي التجميل

 

[ام الحارث]

شكرا

 

[lolocati]

دكتور ماعليج امر عندي سؤال


اذا سويت تبيض اسنان بالليزر يصير دائم ولا بعد فترة اسوي...؟؟؟

 

[دكتورة أسنان]

دكتورت يالحبيبية انامشكلتي ان اسناني الامامية يوجد بها فتحة (فلجة) وانا متضايقة منها كثيرا وفريت كل عيادات الاسنان في الكويت وقالولي لازم تركيب اسنان تجميلي وانا محتارة لان ماادري عند منو اسوي التجميل

حبيبتي ياريت كنت اقدر اخدمج اسمحيلي .. سالي و روحي شوفي الشغل و قرري و اي سؤال انا حاظره من عيوني

 

[دكتورة أسنان]

شكرا

حياج الله

 

[دكتورة أسنان]

دكتور ماعليج امر عندي سؤال


اذا سويت تبيض اسنان بالليزر يصير دائم ولا بعد فترة اسوي...؟؟؟

هلا حبيبتي ..
لا حبيبتي مافي تبييض دائم لا بليزر ولا غيره اي تبييض اذا التزمتي بالتعليمات 100% لازم تسوينه كل 6 شهور و طبعا تقل المده حسب الاهمال

 

[للصبر حدوود]

تسلم عيونج يادكتورة
بس قالي الدكتور راح يسويلى تقويم بس يبيلة اكثر من سنة او تلبيس اساني الامامية وبصراحة انا محتارة بين الشغلتين لان عمري 39 وماادري شنو المناسب لحالتي
وشنو الافضل اروح عيادة خاصة او حكومة

 

[دكتورة أسنان]

تسلم عيونج يادكتورة
بس قالي الدكتور راح يسويلى تقويم بس يبيلة اكثر من سنة او تلبيس اساني الامامية وبصراحة انا محتارة بين الشغلتين لان عمري 39 وماادري شنو المناسب لحالتي
وشنو الافضل اروح عيادة خاصة او حكومة

حياج الله حبيبتي ..

في الغالب حجم الفلجه اهو اللي يحدد العلاج المناسب .. و بما ان الدكتور خيرج هذا يعني ان تشخيصه للحاله يسمحله بالاثنين .. هني اييي راي المريض هل تقدرين تتحملين سنه ؟ وطبعا بهالفتره لازم تحسين بشعور عدم الراحه لان اسنانج تتحرك و ايضا في معلومه ثانيه وهي ان المده قد تطول او تقصر لانها تقريبيه فممكن تنطرين اكثر من سنه و بعد هالسنه في ارشادات لازم تسوينها حسب الحاله يحددها الدكتور فاذا انتي مستعده لها فالتقويم احسن و اسلم اما اذا انتي مو مستعده فمافي حل غير التلبيس مع العلم ان في التلبيس يتم نحت الاسنان و غالبا ازاله العصب يعني السن يموت بالاضافه الى ان حجم السن راح يبين اكبر و غالبا يبرز اكثر من اللي حولينه و هذا مو كل شي بعد في ارشادات طوول العمر لازم تلتزمين فيها و الاهم في الاختيارين اهو الدكتور المناسب لان هذا جزء كبييييييير من نجاح العلاج ... و اخيرا الراي راجع للمريض الي اهو انتي :eh_s(1):

 

[للصبر حدوود]

يعطيج الف الف عافية هالحين قررت شنو اسوى

 

[للصبر حدوود]

اي ياقلبي حبيت اسال اذا العمر كبير يكون صعب التقويم وان السن يكون ثابت حيل من الصعب يتحرك وان اللي عمرهم صغير سهل التقويم لهم

 

[lolocati]

تسلمين حياتي

 

[للصبر حدوود]

مع العلم يا دكتوره ان الاسنان مو اللي بعد الفلجة اللي وراهم تركيب وش الافضل لي ياليت تردين بسرعة لاني بروح العيادة السبت

 

[ANGELICA]

اولا تشكررين عالموضوع الطيب

ثانياا

انا مثلا مو صفر وشربي للمنبهات محدود بس لو حطيت ميك اب يبين فيهم لون مخالف وانا ماني حابه

وترى عندي وقت مو مستعجله مو لازم بلازما وبرايت سمايل<< تثقفنا من وراج خخخ

فاي نوع اختار وجم يكلف عشان اكون على درايه ومايستغفلونا

شاكرتلج تعاونج

 

[chakletaA]

حيااتي تسلمي دكتورتنا
والله مشكله الاصفرار مشكله
بس انا وحده اخاف من الليزر
هل يسبب مشااكل او ازماات قلبيه
لاني جد جد بسوي ليزر
صراحه بياض اسناني موشي
لامعجون ينفع ولا شي
حتى البرايت سمايل وشاكرتل اختي على الموووضووع الراائع

 

[y7lok_7loho]

دكتور
ة بشنو تنصحينى اسوى تبيض اسناااان بناء على خبرتج ومعرفتج
شاكرة لج ع الموضوع

 

[دكتورة أسنان]

يعطيج الف الف عافية هالحين قررت شنو اسوى

اي ياقلبي حبيت اسال اذا العمر كبير يكون صعب التقويم وان السن يكون ثابت حيل من الصعب يتحرك وان اللي عمرهم صغير سهل التقويم لهم

مع العلم يا دكتوره ان الاسنان مو اللي بعد الفلجة اللي وراهم تركيب وش الافضل لي ياليت تردين بسرعة لاني بروح العيادة السبت

الله يعافيج حببيتي ..

مو العمر اللي يحدد اذا في مجال ولا لا .. يقوم الطبيب المعالج باجراء عدة فحوصات لسماكة العظم ووضع الاسنان فاذا كانت تسمح بوضع التقويم فلا توجد اي مشاكل باذن الله بخلاف اذا كانت هناك اي مضاعفات فسوف يخبرك طبيبك بها ..

اذن يجب اجراء الفحص المناسب قبل التقرير لانه في بعض الاحيان تكون التلبيسات غير سليمه او فيها بعض المشاكل فوضع التقويم عليها قد يؤدي الى تلفها .. و لكن اذا كانت سليمه 100% فلا مانع ابدا ..

نصيحتي الفحص اولا و من ثم اسمعي كلام طبيبك ولا تحكمي رايك لانه الادرى بما يراه مناسب لك .. وفقك الله

 

[دكتورة أسنان]

تسلمين حياتي

حبيبتي حياج الله

 

[دكتورة أسنان]

اولا تشكررين عالموضوع الطيب

ثانياا

انا مثلا مو صفر وشربي للمنبهات محدود بس لو حطيت ميك اب يبين فيهم لون مخالف وانا ماني حابه

وترى عندي وقت مو مستعجله مو لازم بلازما وبرايت سمايل<< تثقفنا من وراج خخخ

فاي نوع اختار وجم يكلف عشان اكون على درايه ومايستغفلونا

شاكرتلج تعاونج

حياج الله حبيبتي مشكوره

طبعا مع الميك اب راح يكون لون الاسنان اصفر من اللون الطبيعي و هذا اسمونه التباين .. خاصه اذا كان لون الميك ابد فاقع بسبب اختلاف زوايا سقوط الضوء عليها <<< ماراح اغرز لاتحاتين :eh_s(6):

المهم .. بما انج مو مستعجله اختاري التبييض العادي باستخدام اللايت كيور ارخص بس يحتاج مايقارب 4 جلسات بس نفس مفعول الليزر بجلسه وحده .. قارني الاسعار و قرري اللي يناسبج المهم تكونين على درايه انهم كلهم نفس الشي الفرق بس بالوقت و التسميات التجاريه بس ..

والله من ناحية الاسعار يختلف من مكان لي مكان ماعندي علم اسمحيلي ..

 

[دكتورة أسنان]

حيااتي تسلمي دكتورتنا
والله مشكله الاصفرار مشكله
بس انا وحده اخاف من الليزر
هل يسبب مشااكل او ازماات قلبيه
لاني جد جد بسوي ليزر
صراحه بياض اسناني موشي
لامعجون ينفع ولا شي
حتى البرايت سمايل وشاكرتل اختي على الموووضووع الراائع

هلا حبيبتي ..

لا حببيتي مافي اي دراسه اثبتت هالكلام لاتحاتين باذن الله ماكو شي اهو يسلط على الاسنان و يشتغل بس على الماده المبيضه ينشطها علشان يسرع العمليه بس .. و ااذا مو مرتاحه سوي تبييض بالايت كيور هذا مو ليزر ..