نادي فيت منو جربته؟

[بطاطا]

السلام عليكم
بنات ابي اسال عن نادي فيت اللي بالدسمه يم (جمعيه المعلمين ) شلونه؟؟؟؟
ضروري ما عليكم امر

 

[عنيّد]

بصراحه اخترته لسبب واحد ، انه بمنطقة قريبه من بيتنا

وماشفت نوادي ثانية ، دخلت وحبيته من أول نظره :dddds:

عندج هالموضوعين ، فيهم كـــــــل المعلومات عن النادي

تجمع بنات نادي فيت ,,, حياكم

اشرايكم بنادي fit ?



وللعلم ، برمضان سووا خصم 30% ،، وهاليومين ردوا وسووا خصومات تقريباً 40%






بروشور النادي

 

[eng_bdliat]

والله الصراحه انا جربت تشامبيونز وشفت فلكس بس ماعجبوني كثر فت حسيته اشرح وحبيته اكثر ومكانه حلو

 

[سنـــابل]

مشكوره اختي ما قصرتي
انا كتبت الموضوع بنك اختي لان نكي كان ضايع
بروح لهم الاحد او الاثنين ان شاءالله

 

[عنيّد]

سنابل ،، اتصلي فيهم قبل ماتروحين

لأنه هالاسبوع كانوا موقفين ، لأنه عندهم صيانه بالنادي ، ولما سألتها قالت يمكن يخلصون الأحد (عقب باجر) بس قالت اتصلي تأكدي ، واليوم اليمعه مايفتحون

دقي عليهم باجر الصبح أظمن ، قبل ماتروحين

 

[a7latwins]

جم اشتراكهم بنااات ؟؟

 

[عنيّد]

جم اشتراكهم بنااات ؟؟

اقري أول تعقيب لي بالموضوع ، وبتحصلين جواب سؤالج ^_^

 

[عنيّد]

دقيت ع النادي ،، قالت (التنين ان الله راد) >> الترجمه (الاثنين انشالله) :dddds:


حظ ردي ، عاد اليوم متنشطه وناويه أروح واطب بالحوض :0bee2e8d89:

 

["ليان"]

انا خبري في فيت سنه 2005 يهبل خوش نادي واشتركت فيه مدة ست شهور ............شرح والمشتركات بنات محترمين وهادي وفيه خدمة سيارات ...............بصراحه عجبني اكثر من النوادي الثانيه ..........ارتحت يوم دخلته وشفت الناس اللي فيه .........وعلى فكره تراه بعيد عن بيتنا بس اشتركت فيه..............

 

[عنيّد]

خصـم حتى 23 / 10

اشتراك 6 شهور = 225 د.ك (سابقاً 318 د.ك)

اشتراك سنة كامله = 350 د.ك (سابقاً 440)



للعلم ،، اليوم الي تدفعون فيه ، يعتبر أول يوم بالنادي

 

[F@ntG Q@t]

يصير ادفع اقساط؟

 

[عنيّد]

يصير ادفع اقساط؟

هممممم بصراحه ما أدري
دقي عليهم سئليهم 22570860

 

[عنيّد]

تصحيح للأسعار الي حطيتها بالتعقيب الي فات
خصـم حتى 23 / 10

اشتراك 6 شهور = 225 د.ك (سابقاً 337 د.ك)

اشتراك سنة كامله = 350 د.ك (سابقاً 440)



للعلم ،، اليوم الي تدفعون فيه ، يعتبر أول يوم بالنادي