هل لديكم طفل يعاني من التوحد- خلونا نتجمع

[wathoo7a]

وااااااااااااااااااي وايد كلام ماشاالله نسيت شبكتب وحق منو بكتب
ريحانه فالج التوفيج
بالنسبه للأخت الأماراتيه حياج الله..وأنا أنصحج تسوين التحليل بديرتج صراحة عيادات دبي متطورة
وبالنسبه للنظام الغذائي أنا نظامي لولدي مشابه لنظام ولد ناني
وبالنسبه للأخت اللي الدكتوره قالت لهل ولدها مافيه توحد أنا ترى قالت لي نفس الشي بس اللي ألاحظه إن ولدي في من صفات التوحد
وعشان جذيه أنا أتبع حدسي في بعض الأمور
حوض السمج مشوقنيييي ناني خل نروح ندوره
بنات في أحد لاحظ ولده يحب الساعات الألكترونيه؟
وتلاحظون مرات يبتسمون بدون سبب جنه يحاجون الأشياء؟

 

[سنع ومنع]

ربي يوفق الجميع ونشوف عيالنا متعافين ونفرح فيهم يارب في القريب العاجل .. ممكن تساعدوني وين اسوي التحاليل لولدي في اي عيادة ؟ وهل موجود منها عندنا في الامارات والا تنصحوني اسويها عندكم ؟ افيدوني جزاكم الله خير

حبيبتي شوفي الخاص ..
وانا باجر اكلم عيادة الدكتورة عبير وأسألهم اذا في دكتور دان في الامارات ..
حاولت ادور بالنت عن دكاترة دان ما طلع لي شي ..
يعني السالفة مو بس تحليل تحتاجين دكتور يتابع الحاله .. انا هذا رايي

 

[mrymahmd]

بصراحة انا وايد مستانسة بهذا المنتدى لاني استفدت منه وايد هذا من ناحية ومن ناحية ثانية حسيت انه فيه غيري يعانون نفس معاناتي ومن الممكن نتبادل الخبرات ، على فكرة ولدي وايد يزعل ويبكي وما اعرف السبب ولما الح عليه بالسؤال يقول لي ( يعورني ) اسأله شو يعورك يردد يعورني ، واحيانا يضحك وبدون السبب احاول اعصب عليه يسكت شويو ويقول لي خلاص ( طبعا هذي كلمته لما يعتذر مني دايما يقولها ) ويرجع يضحك . احس امكانياته زينة يعني يحب الكمبيوتر ومتمكن منه ، حافظ كل الاحرف الابجدية وحاليا يحفظ الانجليزية ويحاول يكتبها ويعرف العديد من الكلمات وقدرته على الحفظ ممتازة ، بس لحد الحين ما عرفت التشخيص الصحيح لحالته مع اني الاحظ عليه بعض سمات التوحد لكني محتارة ومازلت ابحث ...لكن بلا يأس بالعكس متفائلة دايما وثقتي بربي كبيرة

 

[ريحانة_14]

وضوح وناني .. إن شالله إذا لقيت من حوض السمج أييبلكم منه

تعجبيني يا وضوح وإنت يتتبعين حدسج .. وفعلا التوحديين أحيانا يبتسمون أو يبجون من غير أسباب محدده .. طبعا لهم أسبابهم لأن أجهزتهم العصبية غير أجهزة الإنسان العادي فيتذكرون أشياء أو يتخيلون أشياء تخليهم يضحكون ويبجون بدون أسباب واضحه عندنا .. حتى الأشياء إللي يحبونها وضوح واحد من عيالي يمكن سولفتلج عنه يحب البطاقات .. وواحد المفاتيح .. وواحد يحب النظارات .. كل واحد فيهم له لغة خاصه مع إللي يحبه

فهودي طلع يحب الإلكترونيات ؟؟؟

 

[ريحانة_14]

بصراحة انا وايد مستانسة بهذا المنتدى لاني استفدت منه وايد هذا من ناحية ومن ناحية ثانية حسيت انه فيه غيري يعانون نفس معاناتي ومن الممكن نتبادل الخبرات ، على فكرة ولدي وايد يزعل ويبكي وما اعرف السبب ولما الح عليه بالسؤال يقول لي ( يعورني ) اسأله شو يعورك يردد يعورني ، واحيانا يضحك وبدون السبب احاول اعصب عليه يسكت شويو ويقول لي خلاص ( طبعا هذي كلمته لما يعتذر مني دايما يقولها ) ويرجع يضحك . احس امكانياته زينة يعني يحب الكمبيوتر ومتمكن منه ، حافظ كل الاحرف الابجدية وحاليا يحفظ الانجليزية ويحاول يكتبها ويعرف العديد من الكلمات وقدرته على الحفظ ممتازة ، بس لحد الحين ما عرفت التشخيص الصحيح لحالته مع اني الاحظ عليه بعض سمات التوحد لكني محتارة ومازلت ابحث ...لكن بلا يأس بالعكس متفائلة دايما وثقتي بربي كبيرة

دام إنج اثقع برب العالمين .. عيل تأكدي إن رب العالمين أيضا معاج وموناسيج

ولد يتكلم والا فيه نوع من التأتأة ؟؟

ولما تسألينه عن مشاعره يوصفها لج بدقه ؟؟

ماتلاحظين عليه حركات لا إراديه ؟؟ رفرفه بإيدينه مثلا ؟ أو حركات بعيونه .. يعني لما تنادينه مايطالعج وعيونه تكون متعلقه بمكان فوق ؟؟؟؟

تحسين فيه إنه روتيني ؟؟ مثلا يحب ياكل من نفس الصحن يوميا ؟؟؟؟

 

[ريحانة_14]

وأنا من رايي إنج تفحصين بالإمارات أحسنلج ... الإمارات عندهم مراكز تحد متطورة وعلى مستوى الخليج

دورتي عيادات بالإمارات حبوبه والا لأ؟

 

[wathoo7a]

ريحانه مشكوره ياقلبي,,,أنا بشتريه (أحط عذر علشان أطلع ,,يعني نقول لأبو العيال شغل ؛)
وصاجة يموت بلألكترونيات

 

[توته79]

تةنه اول شيئ حياج الله في تجمعنا

انتي خذيتي تقرير من الدكتوره عبير؟ اذا خذيتي في شغله اسمها cars
chiledhood autisem rate scale
شوفي جم الرقم اللي فيه و انا اقولج اذا توحد ولا لأ....

قالت لج تسوين دايت و لا لأ؟

و ان شاء الله ماكو الا العافيه و يشافيه و يشافي اعيالنا يا رب

اذا تقصدين تقرير عن حالته لاوالله ماخذيت والدايت عطتني لسته الماكولات اللي ياكلها وااللي ماياكلها بس مودايت بس سالتني وعقبها قعدت معاه بغرفه تسويله اختبار قالت مافي توحد لان تفاعل معاها ويوم مل قام يبطل الباب

 

[توته79]

الظاهر عشان تعرف اذا فيه حساسية جلوتين وكازيين ..
بس اذا ما فيه توحد ليش سوت له التحليل .. غريبة !!!!!!

والله مادري ليش التحاليل بس انا قتلها ان ولدي في اقزيما خفيفه اواهيه اللي سالتني والله ناسيه

 

[Emanova]

توته: منعته من الحليب و الطحين ؟ هذا الدايت

 

[najlaa]

صباح الخير
انا سالت اخصائي ولدي عن اختبار الكارز قال كويس بس فية اختبار افضل منة لانة اوسع اسمة جيليام لقياس اضطرا التوحد ممكن تسوينة حق ابنك يا مريم وتوتا
اللة معكم

 

[najlaa]

دام إنج اثقع برب العالمين .. عيل تأكدي إن رب العالمين أيضا معاج وموناسيج

ولد يتكلم والا فيه نوع من التأتأة ؟؟

ولما تسألينه عن مشاعره يوصفها لج بدقه ؟؟

ماتلاحظين عليه حركات لا إراديه ؟؟ رفرفه بإيدينه مثلا ؟ أو حركات بعيونه .. يعني لما تنادينه مايطالعج وعيونه تكون متعلقه بمكان فوق ؟؟؟؟

تحسين فيه إنه روتيني ؟؟ مثلا يحب ياكل من نفس الصحن يوميا ؟؟؟؟

اختي اعتقد ان هذا سمات توحد متعلقة بجانب الانتباة والتواصل البصري يعني مايقدر يطالع بالوجة او مايقدر ينتبة لاسمة احيانا
هذا اسمة سمات توحد طبقي علية الكارز او جيليام

 

[ريحانة_14]

مافي شي إسمه سمات توحد أختي نجلاء

يا إنه يعاني من التوحد أو لأ .. أما نوع التوحد إللي فيه يا إما يكون مصاحب له تخلف وهذا من أنوع النوحد الشديد .. أو التوحد الكلاسيكي يعني إنه يعاني من إضطرابات في التواصل وهو الأسرع بالشفاء مع التدريب المستمر

وفي الأسبيرغر والويليام أوتيزم .. هالنوع الأخير الله لا يبلي أحد فيه

 

[najlaa]

مافي شي إسمه سمات توحد أختي نجلاء

يا إنه يعاني من التوحد أو لأ .. أما نوع التوحد إللي فيه يا إما يكون مصاحب له تخلف وهذا من أنوع النوحد الشديد .. أو التوحد الكلاسيكي يعني إنه يعاني من إضطرابات في التواصل وهو الأسرع بالشفاء مع التدريب المستمر

وفي الأسبيرغر والويليام أوتيزم .. هالنوع الأخير الله لا يبلي أحد فيه

هلا اختي ريحانة
اقصد بسمات توحد انة ماخذ سمة او عرض من الاعراض وملتصق فية مو زملة اعراض
يعني مثلا ضعف تواصل بصري بس عندة مهارات ثانية جيدة او انة عندة مشاكل الانتباة مثل مهارات استقال ضعيفة او مدي انتباة قصير وهذا مثل ماقلتي بالجلسات المكثفة والتاهيل يصير افضل بحول الله
او انة اسرجر سيندروم وهذا معناة ان مهاراتة عالية جدا وعندة قصور بالنواحي الاجتماعية وكل هذا بيحددة اختبار التقييم سواء كارز او حيليام
اقصد بعد بالسمات هو انة يكون عالحدود بالنسبة للدرجة يعني واقف بين توحد او طبيعي وهذة احبانا كارز يبينها او ممكن جلسة تقييم توضحها
بخصوص التاتاة او الاستثارة الذاتية فعدم وجود هذة الاعراض لا يعني عدم وجود توحد خاصة مثل ماذكرت قل اذا كان مهاراتة عالية
شكرا اختي

 

[ريحانة_14]

حياج حبيبتي

فعلا كلامج عدل .. إذا كانت هذه الأعراض غير موجوده موشرط إنه مايعاني من التوحد ..

على فكره التوحد مثل البصمة .. مافي أثنين متشابهين بشكل كلي .. في فروق .. والنوع إللي وصفتيه أعتقد إنه أسبيرغر

والله يشافيهم كلهم يارب

وحياج مره ثانيه

 

[najlaa]

حياج حبيبتي

فعلا كلامج عدل .. إذا كانت هذه الأعراض غير موجوده موشرط إنه مايعاني من التوحد ..

على فكره التوحد مثل البصمة .. مافي أثنين متشابهين بشكل كلي .. في فروق .. والنوع إللي وصفتيه أعتقد إنه أسبيرغر

والله يشافيهم كلهم يارب

وحياج مره ثانيه

هلا اختي ريحانة
مظبوط كلامح انة ممكن يكون اسبرجر سيندروم او يكون توحد خفييييف من خلال الاعراض اللي ممكن مع العمل المكثف تقل
تدرين ان في وايد ناس يعيشون بينهم عندهم توحد او صفات توحد او اعراض معينة واحنا ماندري وعايشين بشكل طبيعي

 

[توته79]

توته: منعته من الحليب و الطحين ؟ هذا الدايت

امنعته من الحليب بس بس قالت عطيه خبز عادي لبناني ايراني يعني المهم موصمون فيه حليب

 

[sweet.sweet]

واي الموضوع وايد يعور القلب عيوني دمعت الله يشفي عيالكم يارب يارب يارب يارب يارب

 

[mrymahmd]

مساكم عسل خواتي .. اختي ريحانة حالة ولدي باختصار احيانا يعيد لما اسأله شو اسمك يردد لي شو اسمك لكن بعد التدريب صار يقول اسمه بالكامل ، لكن الاشيا او الاسئلة اللي مايعرف اجابتها يردد نفس السؤال اما بالنسبة اذا كان يرفرف بيده فهذي نادرة عنده كما انه مايتمسك بلعبة معينة او حاجة مايحب يتركها ، التواصل البصري افضل من قبل لكنه مازال قليل ، هو يحب برامج سبيس تون ويحب الآذان ويحي الحاسوب يحب الكرة ويلعب فيها بشكل طبيعي يحب يلعب يالسيكل ، لكنه احيانا يضرب اخته اللي اكبر عنه اذا غيرت القناة اللي يحبها وانا ماادري هل اتصرف معاه بشدة في هذي الحالة او شو هو التصرف الصحيح ، بالنسبة للتعبير عن مشاعره هذا اللي تعبت فيه لانه مايقدر بس يبكي اذا حد اضربه او زعله بالذات لما يكون اكبر منه اما اذا كان اصغر فياخذ حقه بنفسه ، وهو يخاف من الظلام ومايحب الباب يكون مفتوح حتى اذا كنا في بيت غير بيتنا .. هذا باختصار بس لي رجاء عندكم اذا تعرفون عيادة للتحليل في الامارات تعطوني اسمها الله يخليكم

 

[!!.. غير البشر ..!!]

الله يشافي عيالكم وولد خالتي
وان شاالله نشوف عيالكم وعيال الجميع متشافين ويشتغلون ويتزوجون ويزوجون عيال عيال عيالهم

طلعوهم ونسوووهم