ديوانية بيت العمر

[رحيق]

أخت فروحة الله يعينج على اختيار لون المطبخ . بس عجلي ترى اطول على ما يخلص

 

[رحيق]

سافانا حبيبتي شنو عنج أفكار لديكور الطوفة اذا بنحط جلسة مغربية .آنا لما رحت مصانع الديكور شفة كرنيش مغربي أقدر أحطة بمثابة البورد . هل اتعرفين محلات للتنجيد المغربي

 

[nono78]

كسرة بخور

سارا

الله يبارك فيكم يارب

وصج كلامج يا بخور الشقه كلها كراتين وغير جنط الي فيها ملابسي وملابس اليهاااااااااااااااال

والمواعين

الله كريم بس اخلص ان شاء الله ارتاح

 

[sara3]

صباح الخير على بنات احلى ديوانية

 

[اخت فروحه]

صباح النوووووووووووووووووور



الله يسهل لج نونو بس ان شاء الله شعور حلو يعني بدأ العد التنازلي ومثل ما قالت كسرة بخور خففي اغراضج أو نامي ابيتج الجديد بالويك اند اترتبين وتعدلين فيه وتحصرين النواقص وموفقة وعقبال ما تشترين ماجلة البيت الجديد

 

[اخت فروحه]

صج نونو الله يعينج عالتعب انتي حامل

يالله فترة وتعدي على خير ان شاء الل

 

[ام تحب عيالها]

مشكوره كثير يا سارا وتسلمين يالغالية وربي لا يحرمني من ذوقكم


اخت فروحه تسلمين ياقلبي ومشكوره كثير على الترحيب ويا حيالله اهل الكويت وربي معزتكم بقلبي كبيره

فروحه انا مطبخي مو احمر لونه عنابي غامق الي طالع هاذي الايام

 

[nono78]

صباح النوووووووووووووووووور



الله يسهل لج نونو بس ان شاء الله شعور حلو يعني بدأ العد التنازلي ومثل ما قالت كسرة بخور خففي اغراضج أو نامي ابيتج الجديد بالويك اند اترتبين وتعدلين فيه وتحصرين النواقص وموفقة وعقبال ما تشترين ماجلة البيت الجديد

اخت فروحه والله شعور مو طبيعي ان شاء الله تعيشونه بسرعه

حدي مستعيلههههههههههه وبل احرى مليييييييييييييييييت ابي اروح بيتي واستقر

وعقبالكم يااااااااااااااااااااااااااااااااااااااااااااااااااااااااااااارب

:tek:

 

[sara3]

اخت فروحه والله شعور مو طبيعي ان شاء الله تعيشونه بسرعه

حدي مستعيلههههههههههه وبل احرى مليييييييييييييييييت ابي اروح بيتي واستقر

وعقبالكم يااااااااااااااااااااااااااااااااااااااااااااااااااااااااااااارب

:tek:

ان شاء اللة يصير كل شى مثل ماتبين واحسن

بس ناطرين بعدين لانزلتى اتسولفين لنا بتفاصيل اكثر عن العزال والنفسية والعيال وربى يسهل عليك حمالك يا الغالية

 

[sara3]

مشكوره كثير يا سارا وتسلمين يالغالية وربي لا يحرمني من ذوقكم

العفو عزيزتى

 

[sara3]

رد: سارة

سارة شفت صورة المغاسل آنا امسوية محمام مثلة . بس آنا حاطة مزاييك ( مربعات صغيرة مع بورسلان )موصبغ

نايس

 

[سافانا]

هلا والله سارونه ...

ماادري والله وين راح الحماس حتى بالنسبه للبيت ماادري ليه ما لي خلق حتى افكر ..أحس الأفكار زحمه ...

لما ادخل للديوانيه بس احس ان فيه بيت وبنيان ......ماادري يمكن ضغط العمل ......والمدارس .......

وشكرا سارونه لأهتمامك ........

 

[سافانا]

حبيبتي كسرة بخور ...
افكر احط السيراميك المغربي .....
وعندي فكره ثانيه بالنسبه للطوفه الي تكون الي بالوجه مو الي تكون عالجوانب بس ماادري بتكون حلوه ولالا؟؟؟

ابي احط ديكور علا شكل باب خشبي بني غامق ويكون فيه القفل القديم ...وحطيت نافوره صغيره جدا...علا شكل سداسي بحيث ان طاولات الخدمه تدخل فيها وفي حالة انو انا مااستخدمت النافوره تصير مثل الطاوله الي بالوسط...

وافكر بعد في زجاج الفسيفساء...بيطلع روعه لماتدخلينه ...مع الأثاث المغربي...

وفيه محل يسوي التنجيد عامة بس لازم تجيبين له صور يطبق نفسها بالضبط شغله ممتاز جدا (شايفه شغله ).

وصراحة الكلام عن الأثاث المغربي بالنسبه لي مايتوقف ..

 

[رحيق]

حبيبتي سافانا . مثل ما قلت لج ناوية احط بورد مغربي في الوسط والطوفة الي تحت نسيت أقول لج ناوية احط المزايييك الي مثل الفسيفساء شفت موجود في حولي . وآنا ماراح أحط باب . لكن راح أحط دريشة وهمية شكلها مثل المشربية اما خشب او مزاييك وأصبغها بني وأحط عليها شبه ستارة قطعة شيفون وعندي صورتها ان شاء الله أنزلها لج . وفي محل جديد فاتحين في الصالحية كله مغربي قطعت اعلانه من الجريد را أكتبلج عنوانه ان شاء الله . وفي محل اكسسوارات مغربية في السالمية على الدائري الرابع كان بتروحين سوق السالمية على ايدج اليمين . اذا رحت راح أقولج عنه . آنا الركن المغربي راح يكون ركن في السرداب .
سارة الله يعينج 18 سنة الى الحين ما نزلتي البيت . ان شاء الله خيرة . آنا مثلج تقريبا 16 سنه يالله شفنا طعم البيت . الخمدالله على كل حال والخيرة فيما اختار الله .
بنات صحبتكم حلوة الله يجمعني وياكم في الجنه . وقاعدة أستفيد منكم . ومشكورين

 

[رحيق]

سامحوني وايد بدليات عيالي واقفين على راسي بنطلع . مع السلامة

 

[اخت فروحه]

سافانا ليش راح الحماس تو النااااااااااااااااااااااااس

 

[ام وهابي]

السلام عليكم
شلونكم بنات عسالكم بخير
مشكورين بنات على الدعوات الحلوه الله يجزاكم خير ويكفيكم شر الحساد
اسفه طولت عليكم بس اعذروني ما عندي نت بالبيت الجديد وما وصلنا التلفون لحد الحين واعدونا الاسبوع الجايي الله كريم ويركب التلفون
خبركم شركات الاتصال اكلونا
اخت فروحه فكرة اللون الفوشي ما ادخلت مزاجي سبحان الله الناس اذواق وذكرتيني لما لخترت لون جرانيت المطبخ اسود الكل عارضني
حتى اللوالدة بس اللي ايدني زوجي والحمد الله بعد ما ركبته طلع المطبخ شي وربي والكل اهبل عليه وعلى الافكار اللي فيه
نونو الله يسهل عليك العزال ويعينك وخاصه مع الحمال والله اتعب مرحله وانا خليتها على ثلاث مرات واقعد بالبيت ارتب انا وبناتي البيت من الصبح لين الساعه 12 بالليل وبعدين نروح انام بالشقه وفيه ناس اعرفهم كانو ايباتون بالبيت بعطلة نهايه الاسبوع
بس بالنسبه لي لو حاصلتلي جان سويتها بس العمال ما هدونا الا بنفس اليوم اللي سكنا فيه

 

[ام وهابي]

ساره الله يسهل امورج وبنيانكم وتسكنون والله انا صارلي 17 انطر البيت والحمد الله الله سهل الامور وسكنا انت ادعي ربك والله كريم
سافانا تو الناس على الملل بس مرات الواحد يزهق وتضيق فيه الدنيا من الضغط اللي فوق راسه الله يعينج انصحج اخذي الامور بساطه
وتوكلي على الله في كل شي وهوني الامور عليج لا تزحمين نفسك بالامور التافه اهتمي بالاساس لان الاساس اهو الاهم الامور الديكوريه صج مهمه بس قابله للتغيير اذا ما عجبتج لكن الاشياء الاساسيه صعب انك اتغيرينها
انا كل بيتي اخترته يكون قابل للتغيير باي وقت وما قيدت نفسي بشي معين لاني اعرف نفسي ملوله امل بسرعه واحب التغيير
والوان البيت كلها ساده ويا حلو الساده مريح للعين وتحسين بالراحه
متى ما مليت منهم اغيرهم بكل سهوله لكن بعض الحركات اللي اشوفها ببيوت الناس وخاصه المعجون البارز ما تعجبني كلش واحسها تشويه للبيت وموضه وتروح وبعدين لما تجين تغيرينها تصير التغيير صعب
علشان جذي اللي اللحين بمرحلة الصبغ انصحها بالالوان الساده نص لمعه او ربع لمعه افضل شي وخاصه الالوان الفاتحه الهاديه مثل المشمشي والكريمي

 

[ام وهابي]

حابه ا
اقولكم على فكره حلوه سويتها بغرفتي النوم وهذا حصري فقط على ديوانية بيت العمر وهديه مني لكل خواتي المتوهقين بديكور غرفة النوم
طبعا ما اراح اقول الالوان اتركها لذوقكم
الفكره بكل بساطه
تصبغون طوفه وحده بس لون غامج يفضل العنابي او الاحمر او البنفسجي او الطوبي الغامج او البني حسب اللون اللي تحبينه وتخلين الصباغ يرسم عليه نبرتيه ذهبي كل الطوفه فوق اللون الغامج والله يطلع روعه كانه ورق جدران
وباقي الغرفه لون كريمي ساده ويفضل الفكره اتطبقينها على خلفيه السرير مع وضع ابليكات حوالين السرير
وتخلين اثاث الغرفه من ستاير وقنفه اذا ناويه اتحطين بغرفة النوم بنفس لون الطوفه اللي صبغتيها
شرايكم بالفكره عطوني رايكم

 

[ام وهابي]

فيه لحد بالديوانيه والا انا بروحي اهذر