{ ...الدكتورة رشا الصفي تجيب على استفسارتكم ..} استضافة اسبوعية

[ام عمار]

اول شي تحتاج تحليل بول عادي و مزرعة قبل المضاد

لأن اللي فيها اعراض التهاب بول

و ممكن يكون التهاب بسيط فيروسي بالمثانة بس

علشان نعرف اذا المضاد مناسب للمايكروب ولا لأ

تقدرين تروحين بأي وقت لأقرب مستشفى طوارئ تطلبين تحليل بول مزرعة و يسوونلها

بس قبل التحليل غسليها زين و حاولي تاخذين من نص البول مو من اول شي

و كثريلها سوائل و حطيلها مطارة ماي دافي على بطنها تساعدها انه تطلع البول تكرمين

و اي سؤال ثاني انا حاضرة

ما تشوف شر البنوتة

مشكورة دكتورة رشا انا عملت لها تحليل بول عادي طلع التحليل مافي التهاب والتحليل نتيجته سليمة تماما والاعراض مازالت مستمرة ودائما تكون في ملابسها الداخلية نقط من البول هل ممكن يكون موضوع نفسي ؟

 

[د. رشــا الصفــي]

السلام عليكم ورحمة الله وبركاته
جزاك الله خير على الجهد والوقت المبذول يا دكتوره
انا بنتي عمرها 8 شهور اول 6 اشهر كنت ارضعها طبيعي والحين اعطيها حليب صناعي سميلاك ادفانس بس تعاني من الامساك الشديد احيانا
مصحوب احيانا بالدم مع الخروج واحيانا اسهال شديد مما يسبب له احمرار في منطقة الحفاض هل السبب الحليب وما هو افضل حليب يناسبها
علما بان وزنها مناسب لعمرها
هل duphlac syيناسبها للامساك وكم المده يجب استخدامه
glycerin supp يسبب لها حساسيه

و عليكم السلام و الرحمة

معروف ان الطفل لما يتحول من الحليب الطبيعي الى الصناعي تصيبه حالات امساك غالبا

و خصوصا مع انواع معينة من الحليب مثل السيميلاك

مع انه طعمه لذيذ و مفيد جدا و مغذي بس يسبب امساك لأنه مدعم بالحديد

فحالات الامساك غالبا تتعقبها حالة اسهال لآنه الطفل يفضي اللي في بطنه من كم يوم فتكون الكميات كبيرة

كرمكم الله

و بالنسبة للتحاميل و ال duphulac

ما نفضل انه تتعود عليهم

و ممكن هو اللي يسويلها نوبات الاسهال

خلىها تخرج طبيعي و ساعديها بالأكل

مثل الفواكه المجففة و العصاير

سلامتها

 

[د. رشــا الصفــي]

بنتي وجهها شاحب وحول عيونها هالات نصحني الدكتور باعطائها حديد وفيتامين هل هذا معنا ه الحليب ما يعطيها كفايتها من المعادن و الفيتامينات وهل يجب علي تغييره وما هو الافضل وشكرا

اول شي الحديد و الفيتامينات ما نعطيها الا بعد عمل تحليل دم نتأكد منه ان الطفل فعلا محتاج هالأدوية

اذا مو محتاجهم ممكن يسببون له مشاكل بدون داعي

القصد اذا الطفل محتاج حديد فعلا

يتحمل الامساك و تلوين الأسنان المؤقت علشان يرتفع دمه

بس اذا مو محتاج ليش يتحمل كل هذا

و غالبا الحليب الصناعي كافي بالنسبة للحديد و المعادن بمساعدة الأكل طبعا

 

[د. رشــا الصفــي]

السلام عليكم دكتوره

صرااحه الله يعطيج العافيه على المجهود الى قاعده اتقومين فيه بالمنتدى وعلى طولت البال والرد على جميع الاستفسارات

انا عندى ولدى عمره 6 سنوات وانتى ابكرامه يخرج على نفسه بس مو خروج كامل لا جزء بسيط ومرات اكثر من مره باليوم

وانا وايد امضايقنى هالموضوع مع انا اذا استمريت فى الحاح عليه بعد كل وجبه ابدخول الحمام

كل شى يكون تمام لكن بس انساه ومااذكره لازم ايوصخ على نفسه وانا املاحظه ان العمليه كلها كسل منه دايما ايفكر باللعب

ومايبى يروح الحمام خوف انه ايطوفه شى وانا خايفه ان يكون فى شى ومانى عارفه شنو اسوى

مع العلم ترى عاقبته واايد يعنى كل طرق العقاب وهم التحفيز كنت اقوله اذا استمريت وماسويت اييبلك الشى الى اتحبه

بس ماكو فايده ومرات احسه مايحس انه امسوى شى يعنى اقوله ماما فيك ريحه ايقول مومسوى شوفى ولما اشوف ايكون امسوى

واتمنى الاقى الحل لان صج مليـــت من هالموضوع

وبنسبه للتبول عادى ايروح مافى شى بس الخروج


مشكووره

حياج الله الجود

حبيبتي هذي الحالة يسمونها encopresis

و هي عدم تحكم الطفل بالبراز

و غالبا ما تكون بسبب الامساك المزمن الغير معالج

شوفي هالرابط في كل ما تحتاجين تعرفينه عن الحالة

و اي سؤال زيادة انا حاضرة

http://www.childclinic.net/pain/encopresis.html

 

[د. رشــا الصفــي]

رد: السمنة عند الاطفال ؟؟؟

السلام دكتورة حبيبتي ابيج تفيديني عندي بنتي عمرها 5 ونص اسم الله عليها متينة وزنها 35 ونص وطولها 120 فقاعدة احاتي لان مرة شافها ددكتور غدد صماء قال اذا استمرت بنتج تاكل ونفس الروتين الله لا يقوله يصير فيها سكر او الاطفال عمومة بهالعمر وسمان ذبحة صدرية فخايفة وايد اكلمها مرات بس تدرين طفل ما يستوعب دايما شتقولين شسوي معاها فكرت اطلب لها وجبات الدايت للبيت علشان انزل وزنها ....؟؟؟؟ ومشكورة:0bee2e8d89:

هلا دانة

شوفي حبيبتي طبعا انتي تدرين ان وزن البنت زايد عن الطبيعي

اول شي

حاولي انج تمنعين الوجبات السريعة

ممكن مرة بالاسبوع و تكون غدا مو عشا

و الكاكاو و البطاط هم ممكن مرة باليوم و قطعة وحدة من الكاكاو او البطاط

و خليها تاكل وجباتها عادي بالنهار

الريوق و الغدا

بس العشا خليه

توستة و جبنة مع كوب حليب

او بيضة مسلوقة مع خبزة

يعني شي خفيف

و ان شاء الله بتنزل

و اذا تبين تقدرين تاخذين موعد عند عيادات تغذية الأطفال متوفرة بجميع المستشفيات الحكومية

 

[د. رشــا الصفــي]

شلونج دكتورة الله يعطيج العافيه ويجعله في ميزان حسناتج

دكتورة عندي ولدي عمرة اربع شهور شنو تنصحيني ااكله يعني ابدي معاه بالاكل لانه من دش 3شهور ونص بديت احط مع حليبه نص بسكوته فارليز مرين باليوم واعطيه شاي ميلوبا الشمار العصر وشاي ميلوبا البابونج بالليل زين جذي؟؟


وعندي ولدي الثاني عمرة سنتين ونص دكتورة مايااااااااااااااااااااااااكل كلشششششششش جنني ماني عارفه شسويله اذااكلتيه جنج بتذبحينه جربت معاه الفيتامينات اللي على شكل حلاو ماسوتله شي شرايج دكتورة اذا بسويله فحوصات شنو يحتاج بضبط ؟؟


وبغيت اسالج عن تطعيمه العنقز وتطعيمه الانفلونزا شرايج فيها تنصحين فيها؟؟

الله يعافيج سحايب

انتي اللي مشكورة على مشاركتج

اول شي

البسكوتة بالحليب غلط

ما المفروض البيبي ياخذ اي من منتجات القمح قبل 6 شهور علشان الحساسية

اوكي ..

فالمفروض الحليب يكون بس حليب

بعدين لما يكمل 4 شهور ابدي ذوقيه العيش الأبيض ( مسلوق و مهروس )

بدون ملح

ثم الخضار بالتدريج و عقب الفواكه

كل شي مسلوق طبعا و مهروس

بالنسبة للميلوبا

زين بس لا تعتبرينه بدل رضعة لأ

خليه كمية بسيطة بين الرضعات

علشان الحليب افيد له من الأعشاب




بالنسبة للولد الثاني

حالته طبيعية بالنسبة لعمره

من السنة لي 3 سنوات الأكل جدا قليل

اهم شي تسوين له تحليل نسبة الدم اذا زينة خلاص و الوزن اذا في المعدل الطبيعي زين

ما يحتاج حتى فيتامينات




بالنسبة للتطعيمات اللي سألتي عنها

اي انصحج فيها

 

[د. رشــا الصفــي]

مشكورة دكتورة رشا انا عملت لها تحليل بول عادي طلع التحليل مافي التهاب والتحليل نتيجته سليمة تماما والاعراض مازالت مستمرة ودائما تكون في ملابسها الداخلية نقط من البول هل ممكن يكون موضوع نفسي ؟

ممكن يكون نفسي

و ممكن يكون انه ما تفضي المثانة بالكامل لما تدخل الحمام

يعني تبي تلحق على اللعب

حاولي تكثرين لها سوائل و تخلينها تاخذ راحتها بالحمام بالكامل

و ما تشوف شر

 

[om deaj]

دكتورة رشا الله يوفقج على الي مسويته لبنات المنتدى بس بغيت استفسر
ولدي بيكمل السنتين بتاريخ 3/ 11 وليلحين مايتكلم؟؟ للعلم هو وحيد وانا ما اكلمه في البيت بس غيره وايد ونفس الوضع اشوفهم يتكلمون ويجاوبون اذا احد كلمهم>>> اخاف يكون فيه شي؟؟؟ شسوي؟؟؟

 

[حبيبة حبيبها]

شلونج دكتورة ان بنتي عمرها ثلاث سنوات بصراحه تعورني في قلبي لما اشوفها على هذا الحال وكل ام تبي لعيالها الافضل --- المشكلة انها تخاف من كل شئ تخاف من تفتح الباب وكمان من الحمام ان الباب يسكر وكمان في لبس الملابس ومن الصوت العالي بس انا احاول معها بشتى الطرق بس لما اشوف البنت تتحسن لان انا احاول ارفع من معنوياتها اشجعها تلعب مع خواتها وكمان انا العب معها بس بعض الاحيان افقد اعصابي و اضربها وش اسوي معها \\هي متعقدة من بنت عمتها دايم تضربهاومسببة حق بنتي خوف لان احنا عايشين في نفس البيت

 

[مسك الغرام]

دكتوره رشا..يعطيج الف عافيه..

عندي سؤال.. لو سمحتي..

أبي أحسن و أفضل فيتامين للأطفال؟؟

انا بنتي عمرها 9 شهور و حليبها بيبلاك2 و وزنها(( 8.4 ))..
بس ما تأكل عدل..عالمزاج >>مزاجيه..

أبي التوب ..
و مشكوووووووووووره​

 

[خجل العذاأارى]

قوه دكتورتنا شخبارج ولدي الله يسلمج الاسبوع الجاي انشالله يكمل الاربع شهوور ويدخل الخمس انشالله عطيته من 3شهوور ونص بسكووت ميلوبا نص بسكووته بالحليب ولما دخل 4شهور قمت اعطيه حزه الغدا عيش مسلووق مره مع جزر ومره مع كووساوبغيت اعطيه مع بطاط قالولي موزين يسبب امساك وبعد الوجبه اعطيه ماي المشكله مايشرب واجد بس شووي
شرايج تنصحيني اغير بالخضره والا اعطيه كووسا وجزر وعلى العصر اعطيه ميلوبا رايس لعمر 4شهوور وعطيته صفار البيض بس ماتقبله وماحبه شتنصحيني اعطيه بالعمر هذا وابدي اعطيه فواكه ولا لا وشنو الفواكه الانسب للطفل بلعمر هذا
وسؤال ثاني ولدي صارله فتره يرفع رجله اليمين ويطقها بالارض بقوه ويكررها ورا بعض واحيانا وهو نايم يسويها قالولي فيه مغص ؟؟ يسوي جذيه المغص ولاشي ثاني بنص الخامس اقدر احطه بالدراجه ولا مبجر عليه ؟
ادري طولت عليج اعذريني بكثره اسئلتي ومشكوره:tek:

 

[إنسانه وأكثر]

السلام عليكم
يعطيج العافيه دكتوره

حبيبتي انا عندي ولدي عمره سنه ومايبي ياكل اي شي الا الروب الجاهز بالفواكه ومرات يكرهه ويعيش عالحليب ودي اعطيه شي ولا الخضار يحبه ولاالعيش ولاالقرع شسوي معاه والكل يقولي وزنه تغير عن اول يعني ضعف مو مثل اول للعلم انه اهو قاعد يسنن الحين يعني قاعد يطلعله ضروس يديده بس مضيق خلقي

وعندي ولدي الكبير عمره سنتين ونص اهو عنده مشكله انه من ولدته بدون فتحت شرج (كولوستمي) وسويتله عملية وفتحوله الفتحه بس بعد عمري على طول خروجه مايوقف لانه ماعنده عضلة تحكم بالخروج فمايحس بنفسه ان شاءالله بنسويله العمليه الكبيره عشان هالشغله بس بعد مو الحين شنسوي معاه يعني لاحديد ولافيتامين يضل بجسمه وضعيف حييييييييل وحتى مشيته مو طبيعيه ماكو توازن تنفخين عليه يطيح يعور القلب بعد عمري

 

[ZajiL]

هلا وغلا دكتوره رشا شخبارج ياقلبي ان شاء الله بخير

عندي جم سؤال ودي تفيديني فيهم

ولدي عمره 6 سنين يوم صار عمره سنه حولته على حليب نيدو رقم 1 وبعد ماصار 3 سنين حولته على نيدو 3
واسمله علييييييه ليييه يومج يشرب حليب نيدو يا 3 او 5 او 6 اذا لقينها متوفر
مو راضي يغير على الطبيعي او على الحلييب العادي
حاولت من جم شهر اقطعه واقوله خلاص كبرت اشرب مثلنه مايرضى ويبجي
وهو مايشرب وايد يشرب كوبيييييييييين ومايرضى يقوم من الفراش او يروح المدرسه الا شارب حليب

والحمدلله انا من عمره سنتين قاطعته عن المميه بس يشرب بقلاص الحمدلله سؤالي عادي اخلييييييييييه على راحته
متى مايقطعه ولا احسن اقطعه من الحين ووالحمدلله اكله زين شكله ضعيفون بس اكله وايد زين الحمدلله


سؤالي الثاني

ولدي عمره 3 شهور ومنولد بالاسبوع 33 ووزنه كان 1950 غرام
جم المفروض الحين يكون وزنه لانه مااعرف اوزان الخدج
اهو يشرب حليب ابتاميل للخدج ومن صار وزنه 4 كيلو حوله الدكتور على ابتاميل كمفورت
الحين مااعرف جم وزنه صار وهالكلام من شهر تقريبا

 

[الجود90]

مرحبا دكتوره..
فديتج عندي كم سؤال.. بنتي الحينه 6 شهور.. انا أعطيها من الخضار: جزر، كوسا، بطاطا حلوه، قرع اخضر، قرع احمر (او اليقطين)
من الفواكه: تفاح، موز، افوكادو، عصير برتقال، كمثرى

واعطيها ماي التمر، شاي ميلوبا البابونج، ، روب، ارز مصري، شوفان، ارز ميلوبا، بسكوت فارليز، برطمانات ماركة هيب او فارليز..

يعني كل يوم اخلط كم شي واعطيها.. بس احيانا ماتاكل مادري ليش.. مزاااجيه مع اني احاول اغذيها واعطيها اكل البيت اقول انظف وافيد بس مادري بها..

بغيت اسأل شو رايج بأكلها؟؟ وشو ممكن ازيدلها في 6 شهور من الخضار والفواكه؟؟ في دكتوره قالتلي عطيها فول كبروتين بس مادري احسه ثجيل عليها الحينه وينفخ..

كم وجبه اعطيها باليوم؟؟ وكم رضعة حليب؟؟
انا في حد قالي عطيها وجبه خضار، ووجبه فاكهه، ووجبه سيريال شورايج؟؟ اخاف هالوجبات تأثر على كميات الحليب اللي تشربها باليوم

وعندي سؤال ثاني فديتج..

بنتي كل تحرك ريولها اليمين، يعني اذا حركتها اتم ترافس بشكل متواصل.. طبيعي؟؟

ومرات هي فجأة تنتفض او ترتعش كأنها بردانه حتى لو الجو مش بارد، طبيعي؟؟
وربي يجزيج خير

 

[نـــــ أم ـــــور]

السلام عليكم ورحمة الله وبركاته
دكتورة انا امس رحت حق الدكتور جعفر شمساه
ولما شاف بنتي قالي هذي كلش ضعيفة واكيد فيها انيميا

انا سبق اني سألتج عن وزنها وهي عمرها 8 اشهر كانت 6 ونص والحمدالله قلتيلي طبيعي

ابي اعرف الدكتور يبالغ ولا صج مو طبيعي وزنها الحين

عمرها 9 اشهر واسبوع ووزنها 7

عطاها SEVEN SEAS بمقدار 2.5 مل مرة يوميا


minadex بمقدار 5 ملي مرتين باليوم


تكفين طمنيني عليها قلبي تقطع امس والله

انا اوكلها الصبح بسكوت فيرلز والظهر اعطيها عيش مع خضار والعشا كل يوم غير

واهيا ماتشرب عصاير وايد يعني بس المانجا بكميه بسيطه

البرتقال ماتحبه كلش
واذا عطيتها شي ماتحبه على طول ترجع
احاول فيها بكل شي بس ماتبي شسوي

وترا انا ارضعها طبيعي والدكتور يقولي ان حليبج مايكفيها علما ان اهيا تشرب من صدر واحد وتشبع وماتبي اكملها من الصدر الثاني يعني ما اتوقع ان اهيا ماتشبع لان اهيا اصلا ماتبي تنتقل للصدر الثاني وتوخر عقبها

وابي اعرف دكتورة انا بسافر الحج بإذن الله وراح اخليها 10 ايام عند امي واهيا ماتشرب حليب بالممية عادي اخلي امي تخلطلها الحليب بالاكل وفي شي يعوضها

وصج الياهل بفتره 10 ايام ينسى امه


والله يجازيج الف خير على مجهودج

بميزان حسناتج يارب

 

[د. رشــا الصفــي]

دكتورة رشا الله يوفقج على الي مسويته لبنات المنتدى بس بغيت استفسر
ولدي بيكمل السنتين بتاريخ 3/ 11 وليلحين مايتكلم؟؟ للعلم هو وحيد وانا ما اكلمه في البيت بس غيره وايد ونفس الوضع اشوفهم يتكلمون ويجاوبون اذا احد كلمهم>>> اخاف يكون فيه شي؟؟؟ شسوي؟؟؟

اول شي مهم وايد انج تكلمينه

و هم شي مهم انكم تكلمونه بلغة وحدة بس

اما عربي او انجليزي

اللي يريحكم

علشان يقدر يركز

و اذا ما فاد

وديه عن طريق المستوصف حق مركز النطق و السمع يجيكون على اذونه و سمعه

اذا اوكي يعطونج تمارين للكلام

و ما عليه الا العافية

 

[د. رشــا الصفــي]

شلونج دكتورة ان بنتي عمرها ثلاث سنوات بصراحه تعورني في قلبي لما اشوفها على هذا الحال وكل ام تبي لعيالها الافضل --- المشكلة انها تخاف من كل شئ تخاف من تفتح الباب وكمان من الحمام ان الباب يسكر وكمان في لبس الملابس ومن الصوت العالي بس انا احاول معها بشتى الطرق بس لما اشوف البنت تتحسن لان انا احاول ارفع من معنوياتها اشجعها تلعب مع خواتها وكمان انا العب معها بس بعض الاحيان افقد اعصابي و اضربها وش اسوي معها \\هي متعقدة من بنت عمتها دايم تضربهاومسببة حق بنتي خوف لان احنا عايشين في نفس البيت

لالالالالا للضرب

الضرب يزيد المشكلة

كل اللي عليج تسوينه انك تزيدين ثقتها بنفسها

و تقولين لها انها بنية حلوة و قوية

و لا تجيبين طاري الخوف بكلامج بتاتا

و تحاولين تخلينها تحس بالأمان اكثر

مثلا وقت النوم خليها تنام و معاها دبدوب او عروسة

تحسسها بالأمان

او تنامين معاها بسريرها لما تروح بالنوم و عقب تقومين

و مع الوقت تقصرين المدة لما يزول منها الخوف

على فكرة

الخوف ممكن يكون طبع في الانسان و صعب يتغير

انتي حاولي باللي تقدرين عليه

و الباقي على رب العالمين

اهم شي انه ما يكون الخوف مرضي ( تصاحبه اعراض خفقان و شحوب و تعرق زائد )

في هذي الحالة تجب مراجعة طبيب الأطفال

 

[د. رشــا الصفــي]

دكتوره رشا..يعطيج الف عافيه..

عندي سؤال.. لو سمحتي..

أبي أحسن و أفضل فيتامين للأطفال؟؟

انا بنتي عمرها 9 شهور و حليبها بيبلاك2 و وزنها(( 8.4 ))..
بس ما تأكل عدل..عالمزاج >>مزاجيه..

أبي التوب ..
و مشكوووووووووووره​

حبيبتي اذا الوزن طبيعي و التطور طبيعي

و ما معاها انيميا

ما تحتاج فيتامينات

مالها داعي

الفيتامينات ما راح تحسن مزاجها للأكل

متى ما كانت جوعانة راح تاكل

لا تحاتين

 

[د. رشــا الصفــي]

اسمحيلي ام حمودي راح ارد على اسئلتج واحد واحد بلون مختلف

قوه دكتورتنا شخبارج ولدي الله يسلمج الاسبوع الجاي انشالله يكمل الاربع شهوور ويدخل الخمس انشالله عطيته من 3شهوور ونص بسكووت ميلوبا نص بسكووته بالحليب ولما دخل 4شهور قمت اعطيه حزه الغدا عيش مسلووق مره مع جزر ومره مع كووساوبغيت اعطيه مع بطاط قالولي موزين يسبب امساك وبعد الوجبه اعطيه ماي المشكله مايشرب واجد بس شووي

هالشوية ماي كافية عليه لا تتوقعين بيشرب كمية


شرايج تنصحيني اغير بالخضره والا اعطيه كووسا وجزر وعلى العصر اعطيه ميلوبا رايس لعمر 4شهوور

الخضرة زينة و انتي شوفي شنو يحب و البرنامج هذا انتي تحددينه حسب شهية الولد

وعطيته صفار البيض بس ماتقبله وماحبه

تو الناس على صفار البيض
مو قبل 8 او 9 شهور عزيزتي


شتنصحيني اعطيه بالعمر هذا وابدي اعطيه فواكه ولا لا وشنو الفواكه الانسب للطفل بلعمر هذا

تقدرين تبلشين بالفواكه مجرد ما يتقبل الخضار بشكل جيد
و ممكن تعطينه التفاح و العرموط و عصير البرتقال و عقب المشمش و الموز

وسؤال ثاني ولدي صارله فتره يرفع رجله اليمين ويطقها بالارض بقوه ويكررها ورا بعض واحيانا وهو نايم يسويها قالولي فيه مغص ؟؟ يسوي جذيه المغص ولاشي ثاني

والله ما اقدر احكم الا لما اشوف الحركة جدامي
اعذريني
بس المغص يرفع رجوله الثنتين مو وحدة بس

بنص الخامس اقدر احطه بالدراجه ولا مبجر عليه ؟

لا مبجر
نطري لما يكمل 6 شهور على الأقل

ادري طولت عليج اعذريني بكثره اسئلتي ومشكوره

العفو حياج الله:tek:

 

[د. رشــا الصفــي]

السلام عليكم
يعطيج العافيه دكتوره

حبيبتي انا عندي ولدي عمره سنه ومايبي ياكل اي شي الا الروب الجاهز بالفواكه ومرات يكرهه ويعيش عالحليب ودي اعطيه شي ولا الخضار يحبه ولاالعيش ولاالقرع شسوي معاه والكل يقولي وزنه تغير عن اول يعني ضعف مو مثل اول للعلم انه اهو قاعد يسنن الحين يعني قاعد يطلعله ضروس يديده بس مضيق خلقي

وعندي ولدي الكبير عمره سنتين ونص اهو عنده مشكله انه من ولدته بدون فتحت شرج (كولوستمي) وسويتله عملية وفتحوله الفتحه بس بعد عمري على طول خروجه مايوقف لانه ماعنده عضلة تحكم بالخروج فمايحس بنفسه ان شاءالله بنسويله العمليه الكبيره عشان هالشغله بس بعد مو الحين شنسوي معاه يعني لاحديد ولافيتامين يضل بجسمه وضعيف حييييييييل وحتى مشيته مو طبيعيه ماكو توازن تنفخين عليه يطيح يعور القلب بعد عمري

بالنسبة للولد الصغير

من عمر 1 - 3 سنوات تقل كمية الأكل عند الطفل بشكل كبير و بعض الأطفال يلاحظ انخفاض اوزانهم
طبعا الوزن ما ينزل فعليا بس الطفل يطول بسرعة بهالعمر فيعطي انطباع ان الياهل ضعف
انتي تحكمين من خلال الوزن

بالنسبة للأكل لازم انتي تتحكمين بأكله مو هو اللي يتحكم فيج

لا تعطينه الروب على كيفه

متى ما صار جوعان و اكو بديل بياكل


بالنسبة للولد الكبير

الله يشافيه و يعافيه و يقومه بالسلامة

طبيعي انه يكون وزنه قليل علشان المشكلة اللي ذكرتيها

بس ان شاء اله مجرد ما يسوي العملية و يقوم بالسلامة

راح يرجع كل شي طبيعي

بإذن الله

و عسى الله يطمن قلبج عليه

طمنينا