هل لديكم طفل يعاني من التوحد- خلونا نتجمع

[Emanova]

حتى انا احبج وضوح و احبكم كلكم

بس لا تبجيين اللي يعافيج

 

[ناني سيكرتس]

ناني: عبير شنو كان تشخيصها؟

قالتلي فيه بطئ تعلم وفرط نشاط..

 

[ناني سيكرتس]

سلامات لأحمداني الغالي
ناني وديه حق عبير وغير عبير
يمكن ولدج ما فيه شي

وين اوديه حق غير عبير..؟؟

:0bee2e8d89:

 

[ناني سيكرتس]

ناني : نا مع وضوحه عبير الصفات توحد تقول عنهم تأخر...فروحي لغيرها..

في دكتوره بالصباح التطوري اسمها ناهد العتيقي وايد وايد وايد شاطره انا راح اسوي موعد لجمودي علشان ادخله عندها

بالطب التطوري ماني خابره ان عندهم وحده كويتيه..؟
انتي اشدراج عنها مني الي قايلج عنها..؟

تعرفون اي عياده ولا طبيب شاطر بلندن اقدر اودي يسوفي له اوحتى بالامارت ولا دول الخليج..؟ بس ابي واحد يسوى اني اروح له لان بقط علي ولدي شي وشويات..

 

[ناني سيكرتس]

واي وااااااااااااااااااااااااااااااااايد استانست لما شفت القسم اليديد, والله كش شعر جنبي, مشكورينوما قصرتوا من مشفتنا الغاليه الي كل البنات الي اتعبوا عشان هالقسم..
مشكوره ايمان..
مشكوره سنوعه..
مشكوره وضوح..
مشكورين يا امهات يا مناضلات..

مشكوره يا ريحانه على الامور التعليميه الخاصه يالتوحد الي قاعده تفيدينا فيها بمجال خبرتج..

 

[Emanova]

ناني : هذي كانت بالقسم ..وراحت تدرس قي لندن و توها راده

 

[كويتيه مذهله 87]

مبروك افتتاح القسم يااابنات

انا عندي بنت خالتي عندهااا اثنينمن التوحد

واحد اسملا عليه عمره 13 سنه بس الحين الحمدالله احسن من قبل بوااااااااااااايد وصار ريال

والثانيه عمرها 8 سنين اللله يشااافيها يااارب

ويشااافي كل مريض يااارب

 

[اخصائية احتياجات خاصه]

القسم ده فعلا فى غاية الافاده ربنا يجازى بنت الكويت كل الخير ويجازى كل من قدم فيه معلومه كل خير وربنا يشفىكل طفل من اطفال الفئات الخاصه ويوفقنا جميعا علشان ناخد بايده لبر الامان والسلامه وانه ياخد جميع حقوقه فى المجتمع زيه زى اى فرد عادى اللهم امين

 

[الغاليه نونو]

الله يحفظكم يمه ويخلي لكم غاليكم ومغلبيكم اليوم ودوووم"


بقول مبرووووك لنا كلنا علي انجازات بنت الكويت اللي لونقعد نشكرها لي يوم الدين ماوفيناها حقها يزاها الله خير علي كل اللي تسويه والمشرفات معاها ياعله بميزان حسنااتهم يارب



انا ماعندي احد فيه توحد بس اتمني تستضيفزن رجاء التويتان مسؤولة مدرسة التوحد بالقسم ونستفيد منها ونفيد الناس اللي بره

 

[wathoo7a]

ناني وايد في مراكز للتشخيص مثل مركز أنس وعندج الدكتورة فاطمة
أقصد لا توقفين عند دكتور واحد
شوفي هل تشخيصهم نفس الشي؟
وبالنسبة حق لندن
أنا أقول قعدي على النت ليمن تلقين اللي تبينه
وإن شاء الله البنات يساعدونج
متى بنطلع؟

 

[سنع ومنع]

ما تصدقون شكثر فرحاااااااااااااااااااااااانة بالقسم اليديد .. احس الكل راح يستفيد ..
تشجعت أشد حيلي أكثر وأخلص ترجمة الكتاب بأسرع وقت

 

[Emanova]

بنات ادعولي ...دكتورتي تقولي احتمال عندي حمل خارج الرحم ...اذا باجر الصبح الهرمون مو مرتفع و لا بين شيء بالسونار ..راح تدخلني عمليات....

ادعولي

 

[froha]

السلام عليكم
حابه استفسر
شنو الفرق بين الصرع والتوحد؟؟
وهل التوحد يعتبر نوع من انواع التخلف العقلي؟؟
ولد بنت خالتي في صرع يصر فيه تشنج ويطيح وبعد فترة تشوفينه ما في شي
عمره 5 سنوات
الله يعين امه خايفة تحمل ويطلع الثاني فيه نفس الشي

 

[ريحانة_14]

السلاااااااااااااااااااااااااااام علييييييييييييييييييييييييييييييييييييييكم

مبروك مبروك مبرووووووووووووووووووووووووووووووووووووك بنات على القسم اليدييييييييييييييييييييييد بنات

وعساه عامر بالمواضيع المفيده ياااااااااااااااااارب

 

[ريحانة_14]

ناني حبيبتي العفو يالغاليه ماسوينا شي بعد قلبي

بنات ماعليه إذا بعض الأحرف مفقوده لأن الكي بورد ولد عمتي الصغيرونو ناقف الأحرف إللي فيه

====================================

 

[ريحانة_14]

السلام عليكم
حابه استفسر
شنو الفرق بين الصرع والتوحد؟؟
وهل التوحد يعتبر نوع من انواع التخلف العقلي؟؟
ولد بنت خالتي في صرع يصر فيه تشنج ويطيح وبعد فترة تشوفينه ما في شي
عمره 5 سنوات
الله يعين امه خايفة تحمل ويطلع الثاني فيه نفس الشي

بالنسبة لسؤالج حبيبتي الصرع أهو حالة مرضية ظاهرة نتيجة وجود شحنات كهربية غير طبيعية في الجهاز العصبي، وتظهر بأشكال وأعراض متنوعة ، فمنها ما يظهر على شكل نشاط حركي Motor activity متكرر أو ثابت Repetitive Tonic ، في منطقة معينه أو في جميع أجزاء الجسم ، كما قد تظهر على شكل تغيرات في الأحاسيس أو زيادة عمل الجهاز العصبي اللاإرادي ، وفي البعض منها يفقد المريض الوعي وفي الأخرى بدون فقد الوعي ، وهذه الشحنات الكهربية تحدث بدون مؤثرات خارجية تؤدي لحدوثها ولكن لمشاكل في الدماغ نفسه.

واللي فيهم صرع مو شرط يكون فيهم توحد .. أحيانا يكونون أطفال أو ناس كبار طبيعين لكن فيهم صرع .. والعكس صحيح

لكن التوحد أهو نوع من الإعاقات التطورية إللي تصيب الجهاز العصبي .. يعني الشخص التوحدي تتعاملين معاه حسب خطه محدده والتعامل معاه لازم يكون عن طريق إختصاصي متدرب .. لكن إللي فيه صرع ممكن يكون شخص عادي وسليم عقليا وجسديا لكن فيه صرع

وأحيانا تخف حالات الصرع وتتلاشى مع الوقت .. وأحيانا تظهر بضروف معينه مثلا إذا مر المصاب بحالات عصبية

وكذلك في أطفال توحديين يعانون من نوبات الصرع .. لكن التوحدي لما يصير فيه صرع وتشنجات يكون هذا نابع من عدم مقدرته على التواصل مع إللي حوالينه فيؤدي إلى رغبته بأشياء مايقدر يعبر عنها وخصوصا إذا كانوا إللي حوالينه موعارفين تكنيك التعامل معاه

أتمنى إني أكون وصلتلج المعلومة حبيبتي

والله يشافي ولد خالتج

 

[ريحانة_14]

ما تصدقون شكثر فرحاااااااااااااااااااااااانة بالقسم اليديد .. احس الكل راح يستفيد ..
تشجعت أشد حيلي أكثر وأخلص ترجمة الكتاب بأسرع وقت

الله يعطيج العافيه وشدي حيلج سنوعه

وعساج عالقوة ياقلبي :aha:

 

[ريحانة_14]

بنات ادعولي ...دكتورتي تقولي احتمال عندي حمل خارج الرحم ...اذا باجر الصبح الهرمون مو مرتفع و لا بين شيء بالسونار ..راح تدخلني عمليات....

ادعولي

الله يكتبه لج إيمان إذا كان من الذرية الصالحه

سوري على هالسؤال بس ودي أعرف الله لايقول شنو أسوء شي ممكن يصير إذا كان الحمل خارج الرحم ؟؟

وماكو شي بعيد عن رب العالمين

 

[ريحانة_14]

ناني حبيبتي .. سألتيني عن الأسبيرغر

شوفي .. الأسبيرغر أهو أسرع نوع من أنواع التوحد بالتعليم والتطور .. يعني تقريبا تقدرين تعطينه وتمشينه حسب مناهج وزارة التربية العادية لكن ياخذ وقت شوية وأيضا يبيله طريقة خاصة

تقيمينه بالبداية وتشوفين شلون تقدرين تبسطينله المنهج مثل الرياضيات واللغه العربية والعلوم .. تقدرين تاخذين كتب أولى وثانية وثالثه إبتدائي على حسب المنهج إللي يتماشى مع عمره وتسوينله الأنشطة على حسب المنهج لكن ما تدربينه حسب ما أهو بالمنهج لأ .. تمشين معاه حسب خطه فردية .. بالبداية يكون شوي فيه نوع من الصعوبة لكن كثر ماتقدرين خلي الأنشطة تكون محببه ومسلية حقه علشان يتشرب المنهج ويتعلمه وأهو رغبان فيه


وعسى الله يوفقج يارب

بالنسبة حق التوحد بلندن جربي طقي بقوقل autism center uk

وشوفي شيطلعلج

 

[froha]

مشكورة يا اخت ريحانه
وتسلمين على هالرد
بس حابه اعرف هل المرض هذا وراثي ولا شنو؟؟
اهي ودها بياهل ثاني بس مأجلة الموضوع خايفة