تعزيز عدد.. ابي مسابقات ابداااااااااع

[سوق الجمعة]

السلام عليكم.. ابلات الله يعافيكم اللي يعرف مسابقات تعزيييز شافها بدرس نموذجي او سمع عنها يعلمني لاني محتااااااااجة


ومثل ماكنت احرص اساعدكم بليز ساعدوني ولا طنشون

 

[a.n.y]

1-وزعي لكل الاطفال أظرف و حطي داخل الظرف العدد اللي دروسه والعدد القديم يعني السابق وركبي العددين على أعواد خشب وتطلبين من الاطفال استخراج العدد الجديد اللي تعلموه
2- اطلبي من أحد الاطفال استخراج عدد اليوم من ألبوم الاعداد من ركن المكتبة
3- حطي 4 كراسي أسفل أحد الكراسي عدد اليوم والكراسي الاثنين عددين السابقين وواحد ولا شئ يقوم 4 أطفال بالدوران حول الكراسي مع الموسيقى وعند توقف الموسيقى يستخرج الاطفال الاعداد ووضعها على السبورة ثم يضع أحد الاطفال دائرة حول العدد الجديد


أتمنى أن الافكار تعجبك وعندي المزيييييييييييييييييييييييد

 

[سوق الجمعة]

يامال العافية والله.. وراح احاول ارد على موضوعج بس عطيني بعد افكارج الباقية.. انتظرج

 

[سوق الجمعة]

ابلااااااااااات اللي ياخذون منا ولا يعطون .. ليش يعني ؟؟

 

[> شمس^^الكويت<]

انا تربيه عمليه بس بصراحه ما حضرت تعزيز عدد



بس اللي اعرفه انج تسوين مسابقات للعدد



ممكن تلعبين الاطفال لعبة الكراسي وممكن تضعين مثلا تسع طائرات وتطبين منهم

احضار 8 فقط ..


وممكن تسوين وسيله عن العدد شفتها باحد المنتديات لاخت بشاير يمكن تنفعج

وممكن تستخدمين اللوحه هذي

لو اعرف سااعدج اختي بس توني تربيه عمليه وما اعرف واايد للاشياء هذي


وبسئل لج رفيجاتي اذا يعرفون بكتب لج

 

[a.n.y]

الله يعافيج
4- رسمي على السبورة سلم وضعي أعلى السلم عدد اليوم يقوم الاطفال بكتابة الاعداد تنازلي وبجذي خليتي أغلب الاطفال تشارك كل طفل يكتب عدد
5- لعبة السنارة : عود خشب + خيط + مغناطيس + عدد اليوم + العدد السابق خلفهم مغناطيس توفرينها لكل الاطفال يلتقط كل طفل عدد اليوم
6- أعملي فريقين من الاطفال ورسمي على السبورة مربعين كبار أسفلهم مربعين صغار وطلبي من الفريق الاول مثلا استخراج 11 سيارة حجمها كبير ولونها أحمر وأنتي حاطتله 12 سيارة
والفريق الثاني يستخرج 11 سيارة حجمها صغير ولونها أزرق وحطيله 12 سيارة
مع الموسيقى يوصل الاطفال العناصر ثم يعدون العناصر جماعي ويكتبون عدد اليوم داخل المربع الصغير .
7- وفري لكل الاطفال أوراق تعلم ذاتي وهو كتابة العدد منقط أو نسخ على راحتج
8- أسئلة للاطفال عن طريق حهاز العرض العلوي والشفافيات
9- يقوم الاطفال بعمل حركات تنشيطية للعدد اليوم كالتصفق أو النط مثلا
10- طلبات من الاركان عن عدد اليوم مع الحرص على الخواص .

ها قوليلي إنشاءالله اعجبوج :eh_s(10): :eh_s(10): :eh_s(10):

 

[mooomooo]

ماشاء الله any كفت ووفت

تقدرين تغنين معاهم


انا العدد م( مثلا ) 6

يالله نطوووولي وعدي وانتو تنطون

انا العدد 6 يالله صفقوولي

انا العدد 6 يالله دورولي <---هذي تدوخ اليهال هخخخخخخ

ديري بالج


مادري حبيبتي

المخ حده مقفل اذا تذكرت ماراح اقصر

 

[دنياك دنياي]

تقدرين تشترين مضارب كرة تنس يبيعونهم بسوق بو اميه اشتري وايد كل مضربين ب 100 المهم تحطين على كذا مضرب العدد الجديد والباجي الاعداد القديمه الي تعلموها وتحطين المضارب على الارض بحيث الاعداد تكون على الارض ما تبين ومع وصوت المسابقه تطلبين من 2 او اكثر استخراج المضارب الي عليها العدد الجديد وراح تلقينهم يقلبون المضارب العدد الجديد ياخذونه والقديم يخلونه

ثاني شي يبيعون في دسمان جيوب شفافه الي تحين داخلهم شغله اهي مثل قطعة جلد وفيها جيوب الوحده بدنارين ونص انا شريت 2 وحطيت داخلهم العدد الجديد كررته بكذا مربع والمربعات الباجيه العدد القديم ومع وصوت الموسيقى تطلبين من الاطفال يدورون ولما توقفين الموسيقى لازم يوقفون فقط على العدد الجديد مثل لعبة الكراسي

 

[ejtma3ia]

تقدرين تسوين مسابقة البولنج ( تحطين على كل وحده منهم عدد وتطلبين من الاطفال يطيحون بس العدد المطلوب)
ممكن تعطين كل طفل أو عدد معين من الاطفال كياس أو صحون بلاستيك .. وتخلينهم ايمعولج من الاركان 5 أشياء .
ممكن تسوين صندوق فيه اعداد .. كل واحد ياخذ بطاقة منه ويقرا العدد اللي فيه.
تقدرين تعلقين على حبل أعداد مغلفين حراري وتحطين الوان اصابع عليهم (عالخفيف) .. واببخاخ الماي يرشونه ويقولون شنو العدد اللي طلعلهم.

واذا تسوينه أفرقه أحلى (فريق اللون الاحمر والاصفر ...)

المخ على قولتهم مقففل .. زين طلع منه شي =)) لووول

 

[سوق الجمعة]

ماقصرتم ياحبيباتي.. اخدمكم بالافراح ان شاء الله

 

[ابيار]

ياريت اللي عندها المزيد من الافكار تقولها
والكل ان شاء الله ما يقصر​

 

[:: عائشه بقلبي ::]

لعبة البولنج يحبونها اليهال

 

[عطري الشوق]

حبايبي الابلاااااات يسلموووووووووووووووو


ع هالافكار قاعدين تفيدونا احنا يالمبتدئات (طالبات الميداني )


الله يعطيكم العافيه وعساكم عالقوة

 

[معلمة متقاعدة]

عندى كتاب العاب يخدم الحلقة

 

[ملاك-77]

ياسلااااااام ابدااااااااااااااع


يسلموووووووووووو

 

[kokah]

مرحبا تقدرين تفرغين العدد و تلصقين الورقة على ورقة ثانية بس لزقة خفيفة و خليهم يلونون الورقة كاملة و بعدين شيلي الورقة المفرغة و شوفي راح يطلع لهم العدد اللي تعلموه

 

[kokah]

و بغد من خلال الالوان السحرية راح يتفاجاون بالعدد لما تحددينة بالابيض و بعدين عطيهم لون ثاني يلونون كل الصفحة راح يطلع لهم العدد بلون ثاني

 

[ورد123]

بنات عندي لكم فكره حلوووووووووووووووه عند دايسووووو قلم سحري شلون؟تكتبين بالقلم عدد:كلمه يكون الكتابه شفاف يعني مو يبين بس لما تحطين عليه الليت يكون مع القلم نفسه يبين العدد:الكلمه بشكل فظيععععععععععععععع بتستانسون الاطفال

 

[بريق الماسه]

بنات عندي لكم فكره حلوووووووووووووووه عند دايسووووو قلم سحري شلون؟تكتبين بالقلم عدد:كلمه يكون الكتابه شفاف يعني مو يبين بس لما تحطين عليه الليت يكون مع القلم نفسه يبين العدد:الكلمه بشكل فظيععععععععععععععع بتستانسون الاطفال

يعني الليت ينباع مع القلم والا بروحه ؟

 

[أم شواقه]

وفري لكل طفل لوحه مغناطيس وكتبي على كل لوحه العدد الجديد وعددين تعلموهم من قبل وخليهم يحوطون على العدد الجديد

وممكن بعد تعطين كل طفل قطعه قصدير مربعه وتطلبين منهم يشكلون العدد