سفرتنا المباشره لامريكا .. (كروز - ميامي & اورلاندو)

اوركيدا

**عضــوة شرف بمنتديات كويتيات**
إنضم
11 سبتمبر 2007
المشاركات
1,910
مستوى التفاعل
0
النقاط
0
وفالنهايه .. رحلة السفاري ..



عباره عن سيارات مفتوحه ..
كل سياره فيها 5 صفات وسايق .. وكل صفه تشيل 4 تقريباً
السائق .. يعيشنه جو الادغال .. بأنه يحسسنا انه في جوله استطلاعيه ..
وفجاًه تطاردنا الاسود .. ويسرع ويعبر جسر كأنه آيل للسقوط ..
وطبعا هذي تمثيليه ..
فهالجوله بتشوفون العديد من الحيوانات الطليقه ..
زرافات ..



اسود .. ونمور
فيله ..



وحيد القرن .. وانواع عدديده من الغزلان ..
تماسيح والكثير الكثير ..





في نهاية اليوم .. تتناولون وجبه في
RainForest عند بوابة الحديقه ..

 

اوركيدا

**عضــوة شرف بمنتديات كويتيات**
إنضم
11 سبتمبر 2007
المشاركات
1,910
مستوى التفاعل
0
النقاط
0
بعد مغادرة الحديقه ..
عند البوابة .. مطعم الـRainForest



وهو ثاني فرع في اورلاندو .. الاول في منطقة الديزني داون تاون ..



الاجواء فالمطعم احلى من الاكل .. شخصياً مايعجبني اكلهم اللهم الفولكينو .. اللي اهوا ديزرت ..
اطباقهم معظمها فيها خنزير .. انتبهو عند الطلب ..

وهذي صور للاطباق ..











مثل ماذكرت مسبقا الاجواء فالمطعم احلى من المطعم نفسه ..
الديكورات والاصوات كأنك في غابه ..
المجسمات والحيوانات في كل مكان ..





 

اوركيدا

**عضــوة شرف بمنتديات كويتيات**
إنضم
11 سبتمبر 2007
المشاركات
1,910
مستوى التفاعل
0
النقاط
0
وفي المطعم جزء يبيع الهدايا الخاصه بالمطعم .. مثل معظم الاماكن الامريكيه ..
نظامه نفس Planet hollywood و Hard Rock





 

اوركيدا

**عضــوة شرف بمنتديات كويتيات**
إنضم
11 سبتمبر 2007
المشاركات
1,910
مستوى التفاعل
0
النقاط
0
واللحين نصل لختام جزء ديزني في تقريري المتواضع ..
وطبعا راح اختم بـDisney DownTown Area



منطقة الدوان تاون كبيـــــــــــره نسبياً ..
صعب تغطيتها كامله في يوم واحد ..
اهيا سوق .. بمحلات متنوعه في بضايعها .. يبتدي بالسيرك دو سوليه ..
وهو سيرك عالمي شهير .. يعرض في عديد من المدن العالميه ..
وعرض الداون تاون اسمه لانوبا ..
خيمة السيرك كبيره وحلوه وفيها محل للهدايا برى ..



بعد السيرك محلات كثيره .. منها فيرجن ميغا ستور كبيــر



ديزني كويست .. هوس اوف بلوز



محل مختص بالمغناطيس في اشياء كثيره غريبه ..
Candy Store



للي بيروح لانطوفكم
The Strawberries Dip in chocolate
وراهم السينما .. اللي تمتد من اما الفيرجن الى بلانت هوليود وتتكون من اكثر من 30 صالة عرض



مقابل لهم هوس اوف بلوز .. وكافيز .. منها هاجن داز



ومن المحلات ايضا محل خاص بهدايا بلانت هوليوود وهارلي ديفدسون ..




من بعدها جسر ينقل الناس الى بلاشر ايلاند .. ومطاعم منها مطعم ايطالي وايد حلو ..
وثم تبتدي منطقة الماركت بليس ..

 

اوركيدا

**عضــوة شرف بمنتديات كويتيات**
إنضم
11 سبتمبر 2007
المشاركات
1,910
مستوى التفاعل
0
النقاط
0
فيها
Huge Disney STores







بعضها شامل كل شي وبعضها متخصص مثلاً
Mickey Team



مطبخ Mickey
مستلزمات كرسمس .. وحتى Outlet
وفي هالقسم ايضا محل Lego
فيه مجسمات رائعه



و ماكدونالدز .. بالنسبه لي هذي جزئي المفضل من الداون تاون ومقر السهره ..
لكن الخليجيين عادتاً يتجمعون في صوب الفرجن ..
وهذي سبب اخر لتفضيلي لهالمنطقه ..



المهم .. في العاب للاطفال ..
ورسامين كاريكاتير ..
ونحاتين وموسيقيين ..
ومحل Once Apon A Toy




الشارع فيه حياه .. وممتع جداً .. ويطل على بحيره كبيره ..
في الضفه الثانيه منتجع سراتوقا ..



كان هذا جزء ديزني ختمته بحمد الله اليوم ..
واي استفسار عن ديزني انا حاضره .. وان شاءلله في اقرب فرصه بكتب لكم جزء خاص
بالـRed Lobster
 

digital

New member
إنضم
4 يونيو 2008
المشاركات
4,541
مستوى التفاعل
6
النقاط
0
مشكوووره اوركيدا تقرررررير عجيب

وناطرين جزء ال Red Lobster
 

اوركيدا

**عضــوة شرف بمنتديات كويتيات**
إنضم
11 سبتمبر 2007
المشاركات
1,910
مستوى التفاعل
0
النقاط
0
مشكوره انتي ديجيتال وان شاءلله مابتأخر عليكم ..
 

malekatsabaa

New member
إنضم
26 مارس 2008
المشاركات
1,616
مستوى التفاعل
0
النقاط
0
الإقامة
بيتي!!
هااااي
اوركيدا...
ماشاءالله عليج..

في الانيمال كينغدوم ركبنا لعبه الديناصور..

وهي سيارة سفاري احيانا تكون سريعه نوعا ما ويطلعون لج ديناصورات تخرعج..
واايد حلوه اللعبه..

بس السفاري العاديه ما ركبناها...ما احب الحيوانات ..واستانست لما قالو ان الحديقه بتسكررررر!!

يلا كملي متابعينج..
 

^emy^

New member
إنضم
2 يونيو 2008
المشاركات
2,373
مستوى التفاعل
0
النقاط
0
الإقامة
Q8
ماشاء الله صور روعه وتقرير ممتااز,,, الله يهنيكم :)
 

حناينq8

**مشرفة قسم العروس&وطن النهار**
إنضم
3 سبتمبر 2007
المشاركات
26,822
مستوى التفاعل
17
النقاط
0
الإقامة
Le Koweït
التصوير حده اينن

عليكم بالعافيه حبيبتي
 

rawona

**مشرفة قسم السياحة والسفر**
إنضم
14 يونيو 2006
المشاركات
6,616
مستوى التفاعل
0
النقاط
0
الإقامة
On the moOn
اوركيدا ولكم بااااااك

الصور روعه وناطرين البقيه ..

اشسويتي فيني اوركيداااااااااااااااااااااااااا :( انا قايله مابي اروح امريكا مو قبل سنتين لا تخليني اغير رايي لووول
 

malekatsabaa

New member
إنضم
26 مارس 2008
المشاركات
1,616
مستوى التفاعل
0
النقاط
0
الإقامة
بيتي!!
اوركيدا ولكم بااااااك

الصور روعه وناطرين البقيه ..

اشسويتي فيني اوركيداااااااااااااااااااااااااا :( انا قايله مابي اروح امريكا مو قبل سنتين لا تخليني اغير رايي لووول

وييييييي روونااا

عيل انا شقول؟؟؟

الي لما اشوف سوالفكم احس جني ما رحت اورلاندو..لاني نص الاشياء ما شفتها...

وخصوصاااااااا

ميسززززززز....لووول..

انشالله دوم سفراتكم بنات حلوه..

اوركيدااا

هل هناك المزيد؟؟؟نحن نننتظر
 

المـاسة

New member
إنضم
21 يونيو 2008
المشاركات
1,540
مستوى التفاعل
1
النقاط
0
اوركيدا وين تقريرج لحظه الوصووووووووول <<<<<< حدي فااااضية شسوي


انتهى التقرير وانا مستمتعه فيه متخفيه لاتعليق هههههههههههههههه


انشالله سفراتج الياااايه أحى منها وتفيدين كويتيات
 
التعديل الأخير:

rawona

**مشرفة قسم السياحة والسفر**
إنضم
14 يونيو 2006
المشاركات
6,616
مستوى التفاعل
0
النقاط
0
الإقامة
On the moOn
وييييييي روونااا

عيل انا شقول؟؟؟

الي لما اشوف سوالفكم احس جني ما رحت اورلاندو..لاني نص الاشياء ما شفتها...

وخصوصاااااااا

ميسززززززز....لووول..

انشالله دوم سفراتكم بنات حلوه..

اوركيدااا

هل هناك المزيد؟؟؟نحن نننتظر


ملكة انا باسافر امريكا مخصوص علشانج والسبه ميسيز لووول

يالله ناطرين البقيه اوركيدا
 

اوركيدا

**عضــوة شرف بمنتديات كويتيات**
إنضم
11 سبتمبر 2007
المشاركات
1,910
مستوى التفاعل
0
النقاط
0
هذا ردي على رساله خاصه وصلتني .. كل ماحاول ارد على صاحبة الرساله وصغر بالرد يطلع لي الحقل كبير المهم ..
هذا ردي حبيبتي على استفساراتج ..


اهلا عزيزتي الله يعافيج ..
ميامي تينن انا وايد احبها او افضل انها تكون اول منطقه تنزلين فيها لانه النوم بيكون معتفس فبتقعدون من وقت وبتقدرون تشوفون الشمس او اهيا تشرق من المحيط .. المنظر رووووووووعه ..
وفالليل مافيها شي غير لكلبات اللي طبعا ماتنفع لنا .. فبتستقلين النهار بطوله .. وبتستانسون واهم شي تسكنون عالبحر ...
الطيران .. احنا رحنا عالبرتش .. انا انصحج باليونايتد لانها تروح دايركت لواشنطن او نيويورك ..
احنا ماعندنا طياره تطلع من البحرين وتروح دايركت الاماراتيه تمر الامارات واليونايتد لازم نروح الكويت والقطريه قطر فحسينا نمر لندن اهون ..
المناطق اللي تزورينها على حسب الفترة اللي بتروحين فيها ..
اذا بشهر 11 او 12 لي 5 اورلاندو روعه وتقدرون تطولون فيها لانه فيها برامج وايد ..
وتقدرون تشوفون نيويورك وفيجاس بعد ..
الصرف في امريكا وايد مناسب او زين او اسعارهم بمليوون مره احسن من اوروبا يعني تقدرين تقولوين نفسنا بس سووقهم فضيـــــــــــع او ارخص ..
السكن وايد رخيص مقارنه بدول ثانيه اوروبيه او حتى عربيه
السكن ضبطيه من الكويت احسن .. والكروز تقدرين عن طريق موقعهم او مكتبهم بدبي ..
او بتشوفين بتقريري الطريقه بالتفصيل .. وحطي في بالج كل ماحجزتي للكروز قبل كل ماقل السعر او فرق وااااااااااااااااااااااايد واهم شي تاخذون فالكروز غرفه ببلكونه ..
انتوا بس اثنين اذا بس اثنين حق مشترياتج 1000 او خمسميه لي الفين بتكونين رااااااهيه وبتقدرين تشترين ماركات .. او هالسوالف .. الاكل خلو ميزانيته بروحه اذا بتروحون احسن المطاعم حق شهر حطو 300 دينار يعني يعادل 1000 دولار حق المطاعم بتزيد وايد ..
السياره او السكن عندج بالتقرير عشان تشوفين المستويات اللي تكلمت عنها ..
او اي شي ثاني انا حاضره


هااااي
اوركيدا...
ماشاءالله عليج..

في الانيمال كينغدوم ركبنا لعبه الديناصور..

وهي سيارة سفاري احيانا تكون سريعه نوعا ما ويطلعون لج ديناصورات تخرعج..
واايد حلوه اللعبه..

بس السفاري العاديه ما ركبناها...ما احب الحيوانات ..واستانست لما قالو ان الحديقه بتسكررررر!!

يلا كملي متابعينج..

اي لا الديناصور عجيـــــــــــبه بس كلش تفرق عن السفاري ..
ودام ماتحبين الحيوانات ماكانت بتعجبج هاللعبه لكن الطبيعه عجيـــــــــــبه ..

ماشاء الله صور روعه وتقرير ممتااز,,, الله يهنيكم :)

مرورج الاروع

التصوير حده اينن

عليكم بالعافيه حبيبتي

الله يعافيج حبيبتي مشكوره

اوركيدا ولكم بااااااك

الصور روعه وناطرين البقيه ..

اشسويتي فيني اوركيداااااااااااااااااااااااااا :( انا قايله مابي اروح امريكا مو قبل سنتين لا تخليني اغير رايي لووول


ثااااااااااااااااااااانكس زميلت السفر راوناا .. كلنا نقول جذي ونحس نفس الشي والله ههههههههههههههههههه ..
بس صج الواحد دام قادر يسافر خل يشوف اشيا يديده احسن

وييييييي روونااا

عيل انا شقول؟؟؟

الي لما اشوف سوالفكم احس جني ما رحت اورلاندو..لاني نص الاشياء ما شفتها...

وخصوصاااااااا

ميسززززززز....لووول..

انشالله دوم سفراتكم بنات حلوه..

اوركيدااا

هل هناك المزيد؟؟؟نحن نننتظر

ان شاءلله تشوفين كل شي او اكثر بالروحه اليايه ..
ان شاءلله هناك المزيد انتظرووووووووني

اوركيدا وين تقريرج لحظه الوصووووووووول <<<<<< حدي فااااضية شسوي


انتهى التقرير وانا مستمتعه فيه متخفيه لاتعليق هههههههههههههههه


انشالله سفراتج الياااايه أحى منها وتفيدين كويتيات

مافهمت عزيزتي الماسه الوصول وين؟ انا ماخصلت التقرير ..
باقي اشيا بعد .. وحياج الله

ملكة انا باسافر امريكا مخصوص علشانج والسبه ميسيز لووول

يالله ناطرين البقيه اوركيدا

يايتكم البقيه ان شاءلله

كملي تقريرج يونس

ان شاءلله حبيبتي
 
إنضم
27 نوفمبر 2007
المشاركات
2,641
مستوى التفاعل
0
النقاط
0
مشكوووووووووووووووووووووووره حبيبتي ماقصرتي
والله يهنيج ويسعدج
انا ناويه اسافر شهر 7 واقعد شهر بميامي وطبعا معاي بنتي راح يكون عمرها 11 شهر
شلون الوضع بميامي جم الساعه اسوقتهم واماكن الطلعات يسكرون بالليل؟
وشنو في مناطق قريبه على ميامي اقدر اروحلهم جم يوم علشان بضبط سفرتي والكروز جم يكلف تقريبا اذا اسبوع باخذ؟
تقريرج وااااااااااااااااااااااااااااايد روعه ماقصرتي
 

اوركيدا

**عضــوة شرف بمنتديات كويتيات**
إنضم
11 سبتمبر 2007
المشاركات
1,910
مستوى التفاعل
0
النقاط
0
مشكوووووووووووووووووووووووره حبيبتي ماقصرتي
والله يهنيج ويسعدج
انا ناويه اسافر شهر 7 واقعد شهر بميامي وطبعا معاي بنتي راح يكون عمرها 11 شهر
شلون الوضع بميامي جم الساعه اسوقتهم واماكن الطلعات يسكرون بالليل؟
وشنو في مناطق قريبه على ميامي اقدر اروحلهم جم يوم علشان بضبط سفرتي والكروز جم يكلف تقريبا اذا اسبوع باخذ؟
تقريرج وااااااااااااااااااااااااااااايد روعه ماقصرتي

حياج الله حبيبتي ..
الله يهنيكم انتو بعد ان شاءلله ..
شهر بميامي وااايد .. شاللي شجعج عليها هالكثر ؟ ..
اورلاندو تبعد عن ميامي بعد الكويت عن البحرين .. والطريج جدا سهل ..
Highway واحد ياخذج على طول من ميامي الى اورلاندو .. اللي اهوا روت 95 او الترن بايك .. اثنينهم يودون ..
اورلاندو .. فيها ديزني ويونيفرسال وفيها مجمعين كبار .. او Outlets
ميامي فيها اكثر من 4 مجمعات كبار .. او مجمعين حلوين وايد مفتوحين .. مافيها Outlet
ميامي مجمعاتها نفسنا لي 10 بالليل .. وفيها حياه .. بس احس الشهر كامل اهناك ماينفع .. لانه فنادقها غاليه اذا بتسكنين باماكن الونااااسه ..
وزعي الشهر بين اورلاندو وميامي او اذا تقدرين تمرين نيويورك او لاس فيجاس .. بعد اثنينهم روعه ويستحقون الزياره ..

الاماكن القريبه من ميامي اهم شي اورلاندو ..
الكروز بيكلفج 700 دينار بحريني .. يعني كويتي اقل .. بس احنا حاجزين قبل السفره ب3 اشهر تقريبا كل ماجدمتي اكثر يطلع لج ارخص ..
او هال700 شامله الغرفه والوجبات كلها ..

اوركيدا انتي رائعه:)
يعطيج الف عافية ومتابعين حلقاتج بشغف

انتي ومرورج الاروع حبيبت قلبي .. الله يعافيج ..
 

المـاسة

New member
إنضم
21 يونيو 2008
المشاركات
1,540
مستوى التفاعل
1
النقاط
0
عبالي التقرير انتهى >>>>>>>>>>>>> وقتهاا كنت فاصله عن الخدمه ههههه


نطرين Red Lobster ومتلهفه على تكملت التقرير لانه روووعه يا الغاليه ((اوركيدا))