{ ...الدكتورة رشا الصفي تجيب على استفسارتكم ..} استضافة اسبوعية

[د. رشــا الصفــي]

هلا وغلا دكتوره رشا شخبارج ياقلبي ان شاء الله بخير

عندي جم سؤال ودي تفيديني فيهم

ولدي عمره 6 سنين يوم صار عمره سنه حولته على حليب نيدو رقم 1 وبعد ماصار 3 سنين حولته على نيدو 3
واسمله علييييييه ليييه يومج يشرب حليب نيدو يا 3 او 5 او 6 اذا لقينها متوفر
مو راضي يغير على الطبيعي او على الحلييب العادي
حاولت من جم شهر اقطعه واقوله خلاص كبرت اشرب مثلنه مايرضى ويبجي
وهو مايشرب وايد يشرب كوبيييييييييين ومايرضى يقوم من الفراش او يروح المدرسه الا شارب حليب

والحمدلله انا من عمره سنتين قاطعته عن المميه بس يشرب بقلاص الحمدلله سؤالي عادي اخلييييييييييه على راحته
متى مايقطعه ولا احسن اقطعه من الحين ووالحمدلله اكله زين شكله ضعيفون بس اكله وايد زين الحمدلله


سؤالي الثاني

ولدي عمره 3 شهور ومنولد بالاسبوع 33 ووزنه كان 1950 غرام
جم المفروض الحين يكون وزنه لانه مااعرف اوزان الخدج
اهو يشرب حليب ابتاميل للخدج ومن صار وزنه 4 كيلو حوله الدكتور على ابتاميل كمفورت
الحين مااعرف جم وزنه صار وهالكلام من شهر تقريبا

بالنسبة للسؤال الأول خليه براحته مو مشكلة ابدا

بالعكس

اخاف تقطعين عنه هالحليب يكره الباقي و ما يشرب بعد الحليب

بالنسبة للولد الثاني

وزنه المفروض يكون بين 3 - 5 كيلو

 

[د. رشــا الصفــي]

مرحبا دكتوره..
فديتج عندي كم سؤال.. بنتي الحينه 6 شهور.. انا أعطيها من الخضار: جزر، كوسا، بطاطا حلوه، قرع اخضر، قرع احمر (او اليقطين)
من الفواكه: تفاح، موز، افوكادو، عصير برتقال، كمثرى

واعطيها ماي التمر، شاي ميلوبا البابونج، ، روب، ارز مصري، شوفان، ارز ميلوبا، بسكوت فارليز، برطمانات ماركة هيب او فارليز..

يعني كل يوم اخلط كم شي واعطيها.. بس احيانا ماتاكل مادري ليش.. مزاااجيه مع اني احاول اغذيها واعطيها اكل البيت اقول انظف وافيد بس مادري بها..

بغيت اسأل شو رايج بأكلها؟؟ ممتاز اكلها ما شاء اللهوشو ممكن ازيدلها في 6 شهور من الخضار والفواكه؟؟ ما تحتاج زيادة .. كل شي تمامفي دكتوره قالتلي عطيها فول كبروتين بس مادري احسه ثجيل عليها الحينه وينفخ..لالا تو الناس على الفول .. البروتين اللي تحتاجه تاخذه من الحليب و الأفوكادو

كم وجبه اعطيها باليوم؟؟ وكم رضعة حليب؟؟ 3 وجبات و 4 رضعات تقريبا تزيد او تقل حسب شهية البنت
انا في حد قالي عطيها وجبه خضار، ووجبه فاكهه، ووجبه سيريال شورايج؟؟ اخاف هالوجبات تأثر على كميات الحليب اللي تشربها باليوم مثل ما قلت لج انتي و بنتج تحددون شنو و شكثر تاكل .. انتي تعرفين شهيتها و هي تعرف شنو تحب و متى تشبع

وعندي سؤال ثاني فديتج..

بنتي كل تحرك ريولها اليمين، يعني اذا حركتها اتم ترافس بشكل متواصل.. طبيعي؟؟لازم اشوف الحركة قبل لا اقول طبيعي ولا لأ .. اعذريني

ومرات هي فجأة تنتفض او ترتعش كأنها بردانه حتى لو الجو مش بارد، طبيعي؟؟ هالحركة ممكن تكون طبيعية بس هم لازم يشرفها احد مختص افضل
وربي يجزيج خيرو يجزيج حبيبتي حياج الله

اسعدني مرورج

 

[د. رشــا الصفــي]

السلام عليكم ورحمة الله وبركاته
دكتورة انا امس رحت حق الدكتور جعفر شمساه
ولما شاف بنتي قالي هذي كلش ضعيفة واكيد فيها انيميا

سويلها تحليل دم اسمه CBC + Calcium + ALP + Phosphorus

انا سبق اني سألتج عن وزنها وهي عمرها 8 اشهر كانت 6 ونص والحمدالله قلتيلي طبيعي

صح كلامج

ابي اعرف الدكتور يبالغ ولا صج مو طبيعي وزنها الحين

عمرها 9 اشهر واسبوع ووزنها 7

وزنها اقل شي من المعدل الطبيعي .. بس يعتبر طبيعي


عطاها SEVEN SEAS بمقدار 2.5 مل مرة يوميا


minadex بمقدار 5 ملي مرتين باليوم


تكفين طمنيني عليها قلبي تقطع امس والله

انا اوكلها الصبح بسكوت فيرلز والظهر اعطيها عيش مع خضار والعشا كل يوم غير

ممتاز

و يا ريت تعرضينها للشمس كل يوم نص ساعة اقل شي

واهيا ماتشرب عصاير وايد يعني بس المانجا بكميه بسيطه

مو ضرورية العصاير .. عادي

البرتقال ماتحبه كلش
واذا عطيتها شي ماتحبه على طول ترجع
احاول فيها بكل شي بس ماتبي شسوي

شكلي لها بالأكل لما تعرفين شنو تحب

وترا انا ارضعها طبيعي والدكتور يقولي ان حليبج مايكفيها علما ان اهيا تشرب من صدر واحد وتشبع وماتبي اكملها من الصدر الثاني يعني ما اتوقع ان اهيا ماتشبع لان اهيا اصلا ماتبي تنتقل للصدر الثاني وتوخر عقبها

ممكن اسأل اذا انتي مسوية ريجيم ولا لأ ؟؟
اذا كنتي مسوية ريجيم فغالبا ما يكون هذا سبب قلة وزن البنت
و اذا لأ فاحتمال كمية الحليب قليلة مثل ما قال الدكتور
اذا تبين تعرفين انها شبعت فعلا ولا لأ حاولي تعطينها شي تاكله او تشلابه عقب صدرج و شوفي تبي و لا لأ

وابي اعرف دكتورة انا بسافر الحج بإذن الله وراح اخليها 10 ايام عند امي واهيا ماتشرب حليب بالممية عادي اخلي امي تخلطلها الحليب بالاكل وفي شي يعوضها

كميات الحليب اللي تحتاجها ما راح توفي مع الأكل

تحتاج تشرب الحليب

ممكن تعطيها الحليب بالكوب او الملعقة

او تبدين تعودينها على الممية من الحين احسن علشان ما تتعذب الوالدة معاها

وصج الياهل بفتره 10 ايام ينسى امه

لالالا ما ينسى امه

و لكن اذا كان يرضع طبيعي ممكن ينسى صدر امه .. احتمال و ممكن لأ


والله يجازيج الف خير على مجهودج

بميزان حسناتج يارب

حياج الله

و لا تنسينا بالدعاء يوم عرفة :eh_s(8):

 

[احساس طفلهـ]

السلام عليكم ورحمه الله وبركاته

شلونج اختى؟

انا عندى كم سؤال ولا عليج امر

1- انا عند بنت عمرها سنتين وتسعه شهور واعطيها بدياشور ولا تحسن وزنها وزنها 10 كيلو بس ؟
شنو المشكله المفروض ونزنها يزيد مثل ماقال الدكتور......واذا تنصحينى اغير الحليب ...او اعطيها فاتح للشهيه؟
*****************

2 - بنتى الثانيه عمرها شهرين الا شئ
اعطيها حليب نيو شور.....وماى غريب الازرق....بس يمدحون ماى همالايا مركز اكثر وفايدته اكبر...يعنى اى ماى غريب فيهم احسن او المستوصف وزنها عند الاولاده 2 كيلو بس

3- واعطيها رضعه تمر ورضعتين اعشااااااااااااب (حلبه كمون ينسون وسكر نباااات) وهل هى مفيده لها اولا

4- الدكتور وصف لى (بيبى فيث) ثلاث نقط بس ما استخدمته
5-شنو الاغذيه اللى تزيد كميه حليب الام ...لانه مرات احس ماتشبع

ويعطيج العافيه اختى وماقصرتى

 

[شوشو79]

مرحبا د كتوره مشكورا علي وقتج لنا
احب اسالج انا عندي ولد عمره 8 اشهر اخر زياره له عند الدكتور قال لي ناقص عن الوزن العادي اكيلو وشكله نحيف
الكل يقول انه نحيف وماكبر مع اني اعطيه شوربه بالخضروات مع رز مصري وفواكه مطبوخه وسريلاك وحليب بروميل ثلاثمرات باليوم
مع مشهي وصفه لي الدكتوره بس لحد الان مااعطه نتيجه ياريت اذا فيه نصيحه تقدميه لي واكون لج ممنونه
شكرا لج

 

[ZajiL]

بالنسبة للسؤال الأول خليه براحته مو مشكلة ابدا

بالعكس

اخاف تقطعين عنه هالحليب يكره الباقي و ما يشرب بعد الحليب

بالنسبة للولد الثاني

وزنه المفروض يكون بين 3 - 5 كيلو

بعد قلبي دكتوره ماقصرتي يعطيج الف عافيه
:tek:

 

[Love \ Hate]

مرحبا دكتوره

ولاعليج امر عندي سؤال .. بس مو طبي ؟؟ يمكن نفسي .. بنتي بالظبط عمرها سنة .. واهيا اول بيبي عندي البنت هادية وطبيعيه

فجأة من اسبوع ؟؟ البنت متغيره !! بس تصرخ ؟؟؟؟ اهيا طبعا ليلحين ما تتكلم بس كلمات بسيطه ماما و بابا وجذي .. الحين مادري

شفيها ؟؟؟ بس تصرخ على سنع وعلى غير سنع .. ونوعها يا تعطيني الشي اللي ابيه ؟؟ ولا اصرخ من قمة راسي !!! هذا شي يديد

مادري شلون اتصرف ؟؟ احقرها شوي قلت تتادب !! بس ساعات يعورني قلبي ؟؟ اخاف على صوتها لانها تصرخ من قمت راسها وللعلم

ترى انا هادية وبيتنا هادي مادري من وين متعلمه هالصراخ ؟؟

 

[نسمة وفاء]

السلام عليكم دكتورة انا لدي طفلان واحد عمرة سنتين 8شهور واحد عمرة سنة 6شهورالمهم الاول هزيل جدا وزنة 12 وشهيتة قليلة الى معدومة اكثر غذائة على الحليب والشيبس ومنها الشغلات****واللة اانحرج من نحفة حتى كل من شافة قال رابطينة عن السفرة ****مع العلم اني سويتلة كشف على صحتة وطلع ميشتكي من شي دكتورة الا عندة بس لحمية بانفة تكفين دكتورة واللي يسلمك دليني على شي يزيد وزنة بدون مايضرة والثاني حمداللة صحة بووم ودغبووج بس لين الحين ما يتكلم الاماما وبابا عكس اخوة تكلم بدري

 

[د. رشــا الصفــي]

السلام عليكم ورحمه الله وبركاته

شلونج اختى؟

انا عندى كم سؤال ولا عليج امر

1- انا عند بنت عمرها سنتين وتسعه شهور واعطيها بدياشور ولا تحسن وزنها وزنها 10 كيلو بس ؟
شنو المشكله المفروض ونزنها يزيد مثل ماقال الدكتور......واذا تنصحينى اغير الحليب ...او اعطيها فاتح للشهيه؟
*****************
اول شي 10 كيلو على عمرها قليل يبيلها كيلوين تقريبا و تدخل بالوزن الطبيعي
جم طولها ؟ و شنو طبيعة اكلها ؟
اذا تحاليلها طبيعية خلى دكتورها يحولها عيادة التغذية
تحتاج زيادة بالأكل و الحليب كلهم نفس الشي اذا بتغيرين عطيها الحليب العادي لأنه شوي خفيف يمكن اكلها يتحسن
و فاتح الشهية ما ينفع

2 - بنتى الثانيه عمرها شهرين الا شئ
اعطيها حليب نيو شور.....وماى غريب الازرق....بس يمدحون ماى همالايا مركز اكثر وفايدته اكبر...يعنى اى ماى غريب فيهم احسن او المستوصف وزنها عند الاولاده 2 كيلو بس

ماي همالايا افضل من الماي غريب العادي بس يدوخ شوي
و بالنسبة للماي غريب عندج تحضير المستوصف افضل من اللي بالجمعية
و اذا حصلتي الأصلي عند بوتس يكون ممتاز

3- واعطيها رضعه تمر ورضعتين اعشااااااااااااب (حلبه كمون ينسون وسكر نباااات) وهل هى مفيده لها اولا

الحليب كافي عليها بهالعمر
التمر و الأعشاب يسدون شهيتها بدون ذيك الفايدة يعني باليوم ممكن رقم واحد او بالكثير رقمين اعشاب بين الرضعات
عطيها بدالهم حليب احسن

4- الدكتور وصف لى (بيبى فيث) ثلاث نقط بس ما استخدمته

ما اعرفه مع الأسف
ممكن تقولين لي حق شنو بالضبط عطاج اياه
او اذا تعرفين الأسم العلمي حقه ( عبارة عن شنو او مكوناته )

5-شنو الاغذيه اللى تزيد كميه حليب الام ...لانه مرات احس ماتشبع

اهم شي الغذاء المتوازن و السوائل و كثرة الرضاعة
عندج الرهش و الحلبة و الجرجير و السمسم و الكراوية
و في حبوب اعشاب اسمهم فيتولات بالصيدلية و شاي اعشاب اسمه mother milk
ويعطيج العافيه اختى وماقصرتى

الله يعافيج حياج الله

 

[د. رشــا الصفــي]

مرحبا د كتوره مشكورا علي وقتج لنا
احب اسالج انا عندي ولد عمره 8 اشهر اخر زياره له عند الدكتور قال لي ناقص عن الوزن العادي اكيلو وشكله نحيف
الكل يقول انه نحيف وماكبر مع اني اعطيه شوربه بالخضروات مع رز مصري وفواكه مطبوخه وسريلاك وحليب بروميل ثلاثمرات باليوم
مع مشهي وصفه لي الدكتوره بس لحد الان مااعطه نتيجه ياريت اذا فيه نصيحه تقدميه لي واكون لج ممنونه
شكرا لج

حبيبتي المشهيات نادرا جدا تنفع

اهم شي كم وزن الولد وقت الولادة و كم وزنه الحين ؟

الحليب 3 مرات باليوم ما يكفي يبيله بعد رضعة زيادة

و بالنسبة للأكل ممتاز

خلى الدكتور يسويله تحاليل يشوف اذا في سبب لقلة الوزن

 

[د. رشــا الصفــي]

مرحبا دكتوره

ولاعليج امر عندي سؤال .. بس مو طبي ؟؟ يمكن نفسي .. بنتي بالظبط عمرها سنة .. واهيا اول بيبي عندي البنت هادية وطبيعيه

فجأة من اسبوع ؟؟ البنت متغيره !! بس تصرخ ؟؟؟؟ اهيا طبعا ليلحين ما تتكلم بس كلمات بسيطه ماما و بابا وجذي .. الحين مادري

شفيها ؟؟؟ بس تصرخ على سنع وعلى غير سنع .. ونوعها يا تعطيني الشي اللي ابيه ؟؟ ولا اصرخ من قمة راسي !!! هذا شي يديد

مادري شلون اتصرف ؟؟ احقرها شوي قلت تتادب !! بس ساعات يعورني قلبي ؟؟ اخاف على صوتها لانها تصرخ من قمت راسها وللعلم

ترى انا هادية وبيتنا هادي مادري من وين متعلمه هالصراخ ؟؟

الله يخليها

اول شي بهالعمر الياهل يبدا يفهم العالم حواليه و يبي كل شي حقه

و اذا ما خذاه يبدأ بالصراخ مو لأنها تعلمته من احد لألأ

لأنها الطريقة الوحيدة الي انتو تستجيبون لها فيها و تنفذون لها اللي تبي

و هي عرافة هالشي عدل

فالطريقة انج ما تستجيبين لصراخها

علشان ما تتعود لما تكبر على هالطريقة

و لا تخافين على صوتها ما راح يصير له شي

يمكن من كثر الصراخ يروح و يرجع

 

[د. رشــا الصفــي]

السلام عليكم دكتورة انا لدي طفلان واحد عمرة سنتين 8شهور واحد عمرة سنة 6شهورالمهم الاول هزيل جدا وزنة 12 وشهيتة قليلة الى معدومة اكثر غذائة على الحليب والشيبس ومنها الشغلات****واللة اانحرج من نحفة حتى كل من شافة قال رابطينة عن السفرة ****مع العلم اني سويتلة كشف على صحتة وطلع ميشتكي من شي دكتورة الا عندة بس لحمية بانفة تكفين دكتورة واللي يسلمك دليني على شي يزيد وزنة بدون مايضرة والثاني حمداللة صحة بووم ودغبووج بس لين الحين ما يتكلم الاماما وبابا عكس اخوة تكلم بدري

لا تنحرجين ولا شي

الولد الأول وزنه طبيعي حبيبتي

منو قال لج انه نحيف ؟؟

و اذا على الغذاء هذي غلطتج حبيبتي انكم عودتوه على هالأكل

منعي الشيبس و هالشغلات عنه و بياكل

و الحليب مرتين باليوم بس و بعد ما ياكل الوجبة

و ما تحتاجين تزيدين وزنه

و الثاني كلامه طبيعي على عمره

لا تحاتين

 

[om deaj]

بعد جبدي دكتورة مشكووووووورة وانا الحمدلله ماعندي خدامة مافي غيري وغير ابوه ومايحتك باحد يكلمه لغة غير العربي وانشالله بروح المستوصف واطلب التحويل الاحد باذن الله

الله يبرد قلبج وايد استانست من الرد

 

[نسمة وفاء]

مشكورة دكتورة ولك خالص شكري وامتناني ماتدرين قد ايش ريحتيني اللة يريحك في الدارين

 

[omdoodoo]

السلام عليكم دكتوره
انا عندي بنت عمرها 4 سنين وزنها 15 كيلو شكلها وايد ضعيفه وعظماها طالعه لي بره وماتحب تاكل الا بالغصب واذا كلت بسرعه تشبع واتقول بطني اتعورني خلاص ماي اكل
وعندي ولد عمره 8 شهور وارضعه طبيعي وطبعا اوكله بس ابي اعطي الحين حليب صناعي مو راضي يشرب كلش يموت من البجي حتى لو كان غافي كلش ما يرضى يشرب
جربتله اس 26 وجربتله ابتاميل كمفورت كلش ماحباهم
شنو تنصحيني اعطي

 

[memy-08]

يعطيج الف عافيه يا دكتورتنا على الاستشاره

 

[تروبيكانا]

د.رشا اتمنى تعطيني اجابه لتساؤلي
انا ولدي بسم الله عليه عمره الحين سنتين و6 شهور ماشالله حركي جداً ومره كنت رايحه موديته دكتور بالهادي عشان كان تعبان وبسم الله عليه ماقعد جان يقول الدكتور ماشاء الله ابنك هايبر اكتف ادري معناتها فرط النشاط صح؟ بس شنو اعراضها وهل تعتبر مرض يحتاج علاج؟
ومنو الدكتور اللي مختص بهالشي؟ لاني خايفه صراحه على ولديوعلى فكره دكتوره اهو وايد عنيد ومادري شلون اتعامل معاه واشكر جهودج معانا دكتوره

 

[someone-wn]

السلام عليكم و رحمة الله دكتورة

الله يجازيكي خير على مساعداتك و سرعة ردك على اسألة البنات

دكتورة أتمنى أن أجد عندك الحل لمشكلتي مع بنتي
بنتي عمرهها 3 شهور و نصف ( مواليد 19/7/2008) وزنها عند الولادة 3.8 و ولادتها كانت طبيعية الحمدلله و كانت من اول يوم ولادتها ترفض تماما الرضاعة من صدري و إذا رضعت ترضع شوي و بعدين تراجع بشكل كبير و إضطريت أعطيها رضعة واحدة صناعي في اليوم أو رضعتين في بعض الأحيان من حليب إس 26 و بعدها رفضت صدري تماما و عندما أخذتها للطبيب طلب مني أنا فحوصات لأني وجهي كان أصفر كتير و فعلا طلع معي نسبة الصفراء عالية و معي إلتهاب بالمرارة و جلست 10 أيام بالمستشفى و عملت عملية شلت المرارة و الدكتور منعني من الرضاعة لأني كنت باخذ مضاد حيوي و قالي منشان هيك البنت مابدى ترضع لأنه في الحليب نسبة من الصفراء
المهم من يوم 20/9/2008 |( عمرها كان شهرين) إنقطعت تماما عن الرضاعة الطبيعية و صرت أعطيها أبتاميل كمفورت بس رضاعتها جدا جدا قليلة يمكن كل 4 الى 5 ساعات تشرب بس 60 او 90 مل فقط و بتبكي ما بدى تشرب و حاولت معها بكل الطرق لدرجة حاولت اعطيها الحليب بالمعلقة و كمان ما بدى و ما بتبلع حتى و رحت عند الطبيب عطاها حليب سيميلاك قال طعمته أحلى من أبتاميل و كمان نفس الشي و المشكلة وزنها نازل كان 5.600 عند ال شهرين و نصف و من أسبوع وزنها 5 بلش ينزل !!!! و هدا شي منطقي بالنسبة لقلة شربها للحليب
المشكلة هلا صارت والله والله ممكن تضل 10 ساعات من غير ما ترضى تشرب ابدا ابدا والله بعمل الحليب و بكبه متل ماهو و إذا شربت تشرب بس 60 مل بالغصب حتى تكفي 90 مل و الخميس الماضي إتطعمت تطعيم الدرن و اليوم حرارتها عالية شوي 37.8 هل بسبب التطعيم؟؟؟

و ماذا أفعل حتى أزيد وزنها و أخليها تشرب حليبها و تتغذى و كيف أخليها تجوع و تحب الحليب
أنا كتير خايفة عليها دكتورة
متى اقدر أكلها و شو النظام المثالي للأكل و الحليب
مثلا 6 ص حليب
9 ص حبوب الارز مثلا ..... و هكذا
و بعمرها المفروض كام مل حليب تشرب و كل كم ساعة و كم المفروض وزنها يكون؟؟؟
ملاحظة: بنتي بتعمل براز مرة كل يومين تقريبا و احيانا كل 3 ايام و أحيانا بحس معها غازات بس قلت كتير عن الأول الحمد لله و أحيانا بترجع الحليب يللي بتشربه بس مو دايم
الله يرضى عليكي طمنيني:cxxxp:

آسفة طولت كتير عليكي بس حبيت أوضح لحضرتك الصورة كاملة

الله يسعدك يارب و يوفقك و يجازيكي كل خير

 

[د. رشــا الصفــي]

بعد جبدي دكتورة مشكووووووورة وانا الحمدلله ماعندي خدامة مافي غيري وغير ابوه ومايحتك باحد يكلمه لغة غير العربي وانشالله بروح المستوصف واطلب التحويل الاحد باذن الله

الله يبرد قلبج وايد استانست من الرد

حبيبتي حياج الله

الله يطمنج على ولدج

طمنينا عليه و قوليلنا شيصير معاج

 

[د. رشــا الصفــي]

السلام عليكم دكتوره
انا عندي بنت عمرها 4 سنين وزنها 15 كيلو شكلها وايد ضعيفه وعظماها طالعه لي بره وماتحب تاكل الا بالغصب واذا كلت بسرعه تشبع واتقول بطني اتعورني خلاص ماي اكل
وعندي ولد عمره 8 شهور وارضعه طبيعي وطبعا اوكله بس ابي اعطي الحين حليب صناعي مو راضي يشرب كلش يموت من البجي حتى لو كان غافي كلش ما يرضى يشرب
جربتله اس 26 وجربتله ابتاميل كمفورت كلش ماحباهم
شنو تنصحيني اعطي

اول شي ام 4 سنين وزنها زين على عمرها

ما يعتبر قليل

طبيعي

لا تحاتين

و دام وزنها طبيعي فمعناته تاكل اللي يكفيها و يسد حاجتها و بس

لا تغصبينها


بالنسبة للولد

اذا كان يرضع طبيعي كل هالمدة فمن الصعب انه يتقبل الصناعي بسهولة

مو المشكلة بنوع الحليب

المشكلة بإحساس الممية و تغير طعم الحليب عن حليب الأم بغض النظر شنو كان

فنصيحتي

خليج على حليب معين

اختاري اللي يناسبج من عمر 6 - 12

و حاولي معاه بالتدريج

و لا تغيرين الحليب كل شوي علشان يتعود على نوع واحد

الموضوع ما راح يكون سهل

بس انتي صبري و كل شي راح يصير مثل ما تبين