// افيدونــا بتجاربكم لمستشفى العــــرف //

[دغبووجه]

السلام عليكم

مثل ماهو واضح بالعنوان

نبي تجاربكم الناجحه والفاشله بمستشفى العرف لجميع العيادات والاطبه فيه

وخاصه الجلديه والاسنــان

لاتبخلون علينا :eh_s(7):

 

[مع حبي]

والله أنا اللي أعرفه إن الدكتور منصور العرف أمراض نساء حيييييييييييييييييل شاطر ماشاء الله عليه غيره ماأعرف

 

[دغبووجه]

حيـــاج حبوبه

وننطر باقي البنات

 

[@شمس الضحى@]

نفس كلام اختي( مع حبي)

 

[سهام11]

انا ماسمعت عنه الا انه يتخلى عن مرضاه اذا استعصى عليه الامر
وتخلى عن بنت جيرانا وهي في حاله صعبه وحولها للحكومي وتوفت الله يرحمها

 

[دغبووجه]

انا ماسمعت عنه الا انه يتخلى عن مرضاه اذا استعصى عليه الامر
وتخلى عن بنت جيرانا وهي في حاله صعبه وحولها للحكومي وتوفت الله يرحمها

الله يستر

معقوله هالكلام !!

مسكينه الله يرحمها وهذا يومها

 

[دغبووجه]

ابب

 

[Om Haya]

والله انا ولدت عندهم ومن اول حمالي وانا اراجع عندهم دكتورتي د.منتهى السالم
بصراحه رعايتهم حيل حيييل حلوه تبارك الرحمن ويهتمون بالمريض
واسنان سويت وجلديه سويت واطفال هم عيالي يراجعون عندهم

واذا في حاله استصعبت عليهم ترا كل المستشقيات الخاصه يحولون للحكومه والاعمار بيد الله
وهذا يومها محد يعترض على كتبة الله

 

[أميرة حبيبي]

دغبووجه شنو كان فيها بنت جيرانكم :×

 

[كويتيه كويت]

أنا سراحه جربت فيه ((الجلديه)) روووووووعه
لأن منتجات ((اوباجي اغلبها عندهم))
وجربت ((طارق بوزياد)) تجميل اروع من الروعه:dfgl:

 

[عجينه]

ماعندي فكره

 

[Q8stylle]

ماعندي فكره

 

[كلي أمل]

أنا جربت الليزر لإزالت الشعر عندهم والله خوش مستشفى


بس بنات شرايكم في ابر الميزوثيرابي حق الشعر اللي يغزونها بالراس

امدحووووووووولنا يابنات ولا سبووووووووووو

ابي حل مع شعري والله يتساقط وزواجي بعد كم شهر و خايفه اصلع

ألحقوووووووووو عليييييييييييي

 

[برونزية]

للرفع

 

[ملح بدويه]

انا اراجع عند دكتور مدحت ودكتور منصور كلهم نساء وولاده

خوش مستشفى وارتاحلهم حيل

 

[كويتيه رزتها ملكيه]

انا اعرف وحده سوت عمليه تجميل لخشمها عند ايفان اليوغسلافى ب 800 دينار بس

طلعت ولا خشم هيفاء وهبى نتفه وحلووو

 

[! كويتيه خطيره !]

انا اعرف وحده سوت عمليه تجميل لخشمها عند ايفان اليوغسلافى ب 800 دينار بس

طلعت ولا خشم هيفاء وهبى نتفه وحلووو

بالجهرا هذي الدكتوة ونفخ الخدود حلو عندهم ؟

 

[حنووونه]

اختي ولدة عندهم وكانت عند الدكتوره منتهى السالم والحمدالله تيسرت امورها والدكتوره خلوقه وتخاف ربها وهم بنت جيرانا ولدت عند نفس الدكتوره وسبحان الله توفى البيبي لان الحبل السري التف على البيبي وكلها توافيج من الله
وانا هم رحت عندهم حق الجلديه عشان ويهي فيه اثار وندب حب الشباب وبصراحة عمري مامر علي مثل الدكتور هشام الله يوفقه وين ماراح تدرون اول ماشاف ويهي شقال يابنتي انا راح اجذب عليج اذا قتلج ان علاجج عندي لاني ويهي كان محتاج تقشير والجهاز موعنده فقالي روحي سكري ملفج واخذي فلوسج وروحي راجعي مستشفى اسعد الحمد الجهاز اللي تحتاجينه هناك والله لو واحد غيره جان قص علي بجم دوا عشان يتربح وهم رحتله بعد سنه عشان اخلاقه وايد عجبتني وقلت يمكن ياب الجهاز وماحصلته عندهم حسافه عاد مبين عليه شاطر بنت عمي هم بويها حبوب عالجت عنده وراحت الحبوب وحيل امدحته بس للامانه البنت موحب شباب لاعلى حسب نفسيتها مرات شحلات بشرتها وحزت الامتحانات الله لايوريكم اتمنى اني افتدكم بشي.

 

[DAM3AH]

ماشاءالله المستشفى جدا ممتاز من دكاتره وعنايه

وغالبية أهل الجهرا ما يعترفون بمستشفى الجهرا ولا المستوصف...

ما يطيبون الا بالعرف:eh_s(6):

والدليل التوسع المستمر للمستشفى والزحمه..

 

[Om Haya]

على طاري دكتور الجلديه هشام لطفي الخطيب اهوا فعلا ممتاز وخوووووش دكتور انا بعد عالجت عنده النخاله الورديه والحمدلله بفضل الله وثم فضله راحت بسررررعه
واهوا حاليا طلع من العرف راح مركز الهلال فورتيس بالسالميه مقابل بوشهري كلينك شفت اعلاناته بالجرايد

للإفاده بس اذا وحده من الاخوات ودي تراجع عنده علمتكم وين مكانه الجديد