اسناني .. ساعدوني

[جوزائيه مغروره]

يعطيكم العافيه

وعيدكم مبارك

بنات بليز ساعدوني

عرسي ما بقى عليه شي

ابي شي يبيض الاسنان

قالوا لي زبده البحر عند العطار ومافي عطار ما رحت له

يقولون ماااااااااكو

وكل ما ادق على دكاتره يقولون التنظيف ب 60 !

شدعوه لو قايله تبييض بجم عيل؟؟

بليز فيدوني الله يخليكم

 

[ام بنتها]

مبروووك مقدما اميره و انشالله منه المال و منج العيال

جربت كل شي من سوالف الصيدليات بس الاشياء الطبيعيه بس مااااااااكو ما صار شي ولا فتحوا ولا درجه و اعرف وحده معي بالجامعه كانت تستخدم جل من الصيدليه يبيض و صج شوي يبيض الاسنان بس مو زين يشيل طبقه من الاسنان اذا تجازفين تجربينه اهي ابوها طبيب اسنان كلا يزفها بس اهي تحط ما يهمها اتوقع سعره مو غالي
و على التنظيف ترا يسوونه بالمستوصفات ببلاش روحي سوي هناك و سوي تنظيف جير بعد و هم بالمستوصف
وا ذا المستوصف ما يسوون يحولونج يا الاميري يا بنيد القار

وعلى التبيض يسونه بالخاص بأميه وشي يمكن اذا و اكثر انتي دقي على اكثر من عيادة و شوفي الي بناسبج
بس مااحس اسناانج لهالدرجه صفر ؟؟
يعني انا تزوجت وماسويت تبيض ولاوحده من بنات خالاتي الي تزووجوا سوت تبيض و عادي يهبلون يعني لا تحاتين لان اغلب الناس اسنانهم مو ناصعه و بيضه
ووحده من اهلنا بعرسها سوت تبيض حسيت شكلها كان غلط واايد بيض جنها حاطه تركيب
الله يوفقج بحياتج انشالله و سوري عالقرقه الزايده

 

[جوزائيه مغروره]

زحمه حيل بالمستوصف

وانا ابي شي عالاقل يشيل الصفار لاني مهما فرشت ما يروح

ومره قالوا لي هذي ترسبات

 

[اللــAــوتس]

والله العظيم من اربع ساعات كنت عند الميداان وعياده الحكمي بالفحيحيل وكلهم قالوووا لي مالا داعي لا تنضيف ولا تبيض

واذا سويناا لج تبيض ما يطلع نفس الممثلات والفنانات لان اهم يسووونه اكثر من مره وجذي صاار بياااض اسنانهم وبالاخير تصير رقيقه ضروسهم ويركبوون ضرووس >> يعني تركيب بتركيب

 

[اللــAــوتس]

وفركي ضروسج بملح او ليمووون ترى واايد يمدحووونهم وانا ناويه اسوي جذي صج عرسي بعد اربع ايام بس شسوي عبالي بسوي تبيض

 

[جوزائيه مغروره]

ويييييييييي

خلاص انا بعد بجرب الملح او الليمون

وانا سمعت عن العسل بعد

الله يعينج ويوفقج اللوتس :*

 

[meen_ana]

انا اجرب معجوت كرست اكسترا وايت للتبيض وبعد يبيعون لزقه من نفس الماركه تبيض الاسنان عقب 7 ايام يبين الفرق عن تجربه انا مجربته وصج

 

[مناوووي]

انا اجرب معجوت كرست اكسترا وايت للتبيض وبعد يبيعون لزقه من نفس الماركه تبيض الاسنان عقب 7 ايام يبين الفرق عن تجربه انا مجربته وصج

وين يبيعونها ؟

 

[ورده وسط صحرا]

عليك بالليمون افركي اسنانك بنص ليمونه كل يوم والله عن تجربه
تشيل الصفار وتنظف رررررررروعه

 

[Q8stylle]

مبروووك مقدما و انشالله منه المال و منج العيال

روحي الصيدليه قوليله ابي شي يبيض الاسنان

 

[meen_ana]

وين يبيعونها ؟

حصلته في سلطان سنتر

ومو غالي سعره وايد حلو في سطرة معجون الاسنان

وفيه كلاسك وفي عاد
انا استخدمت الكلاسك

 

[جوزائيه مغروره]

يعطيكم الف عافيه على تفاعلكم

انا رحت طبيب الاسنان وشال الطبقات اللي على اسناني بس ما قدر يكمل لانه لاعت جبدي

ولي الحين ما جربت الليمون بس انشالله بجربه