العبــايه والنقــــــاب صار غريب بديرتي

[شهدQ]

يابنات ورب الكعبه قام يتقلص

عدد لبيسات العبايه والنقاب بطريقه ملحوظه هال3 سنوات

الحين ادخل مجمع

وعلي عبايه والنقاب السير

الكل يطالع مستغرب شسالفة لايكون والدين بكاليفورنيا وانا ماادري !!!

جد جد النظرات هذي ماشفتها الا بسنغافوره بسبب استغرابهم من لبستنا

ياجماعة الخير ترى احنا بلد العبايه

حتى لما اقعد بكوفي احس حتى الحريم الكبار يطالعون مستغربين من لبستي !!

منو الي صار لبسه غريب انا ولا انتم !!

استغرب واغص بالالم ديرتي ومو عارفه اخذ راحتي فيها عيل وين اخذ راحتي

مو علشان ديانه بس هم عادتي وتقاليدي حافظت عليها شالشي الغريب !!

لبستي ذربه وماتجرح الحياء العام

عبايه مانتو فضفاضه ونقابى سير وشيلتي ذربه وسوده وناعمه والبس اخر صرعات الشنط الموضه بعد

البس اجدد خطوط الموضه بين عايلتي ورفيجاتي وقمه بالذرابه والرقي والي تعرفني تعرف منو شهد شنو ذوقها

توضيحا للنظرات الي اشوفها

انا ماانغز واحترم كل لبس محتشم ومايخذش الحياء حتى لو من غير عبايه

بس

هم انا ابي اخذ راحتي بديرتي اروح مجمعات من غير نظرات غريبه ومستنكره وجودي

انا بديرتي وهذي هويتي ولازم هالشي يتصلح

بدينا نفقد احترام حتى عمال المحلات والي ع الكاشيرات

دام اهل الديره يستنكرون وجودنا بهالمكان مالوم هالدخلين اذا تعاملو معنا بهالاسلوب وبهالوقاحه

بقولكم جم شغله صارت معاي

رحت البربري الي بالمارينا وحده قاعد تطالعني من فوق لي تحت

وتسأله هذي بجم وهذي بجم وشنو الجديد اي وحده فيهم اجد

انا قلتله ابي الموديل الفلاني ووريته الصوره
قالي هالكولكشن توه ماوصل الكويت

ورديت سألته

عن موديل بدله بناتيه وهم قال ان مايبو منها بالكويت قلتله حتى بفرع الرايه قالي حتى بفرع الرايه !!

حتى بلحظه من فضلك مو موجوده


فرع المارينا بس جاكيتات


استغربت يت يمي

قالتلي شكلج خبيره بالموضه ممكن تنقيلي جنطه

وهم موقف ثاني بماك
سألتها عن اضاءه ببالي اقوى من النايلون مضهرها مائي تنحط قبل الاضاءه لتثبيتها اكثر وتعطيها رونق اكثر مو اللوس بودر لا اهيا مثل كريم دهني ينحط باطراف الاصابع نصحني فيه الخبير بسام فتوح وتاي تنحط فوقه الاضاءه

تتوقعون شنو طلعتلي

زري

قلتلها

بصراحه

اما مااحب جذي لفت الحنج مو عاجبها كلامي

بمعنى انتي شعرفج !!

قالتلي اغلب زبايني الذوق بياخذونها

بمعنى يعني ماتعرفين شي شنو تبون نترصرص نفسكم وننفش الكشه عشان نصير ذوق !! وهذي باعتقادهم هي الانسانه الذوق والي تفهم !!


قالتلها الشرهه مو عليج الشرهه عى حاطج ماتعرفين تتعاملين مع الزباين

انتي شوفي مكياجج اول وتالي نقدي على حججي

وفعلا مكياجها مكياج الثمانينات واحس وقفت كشختها عند هالسنه وخلااص

تعبت

وانطر تعليقاتكم حبيباتي ع الموضوع اكيد:bbbiu:

 

[viva la glam]

ماادري مااعتقد يخزونج عشان لابسه عبايه ونقاب ؟ الحين الديره صارت خزني وخزج كبير وصغير حتى الهنود @@! وسالفت ماك اهمه جذي نفسيه ومادري منو تافل بويهم والله يثبتج حبوبه ويهدي الجميييع

 

[شهدQ]

ماادري مااعتقد يخزونج عشان لابسه عبايه ونقاب ؟ الحين الديره صارت خزني وخزج كبير وصغير حتى الهنود @@! وسالفت ماك اهمه جذي نفسيه ومادري منو تافل بويهم والله يثبتج حبوبه ويهدي الجميييع

لا ياقلبي العيون تتكلم واحيانا العيون اعبر من الحجي

ولو على خزني واخزج احنا بخيررررر

 

[SoKr_NbaT]

والله حبيبتي انا رايي من راي اختي شوكو

ترا الديره صارت خزني واخزك ..

انا البس عباية راس بعد

والخز شي طبيعي يسري بدم كل مواطن كويتي و مواطنة كويتيه ..

وحتى الوافدين يخزون .. انتقلت العدوى

لا تحاتين ..

وصج ماك كله منفسين .. بس وحياتج احلا سيفون وطلبي منهم اللي تبينه

انشالله تطالعج من فوق لي تحت .. طاااف

طنش تعش ​

 

[روزالكويت]

صاجه حتى انا احس ان الناس بالمجمعات مستكشرين علينا نقعد بالكفيهات ونستانس مثلهم ويخزونج خز وكلهم عبالهم ان احنا لابسين النقاب عشان نسوي شي غلط ومانبي احد يعرفنا استغفرالله وانا نفسج البس النقاب والعباه بشكل ذرب وراقي وصاجه مادري ليش يخزونا جنه جايين من الغنم بالبر عسى ماشر ترى نلبس ونكشخ والحمدالله حتى موناقصنا من اللبس شي بس ببيوتنا على الموضه وبين الحريم ...وانا نفسج عمري ماخزيت احدكلن يلبس وبيئته وتربيته...شالحل ؟؟؟

 

[شهدQ]

سكر نبات مشكوره ياقلبي وصدقيني انا مو فاهمتهم غلط

روز اي والله شالحل ؟؟

 

[فجر الغلا]

تروالج يا اختي بالعكس انا عندي رفيجاتي ثنتين توهم متنقبين سألتهم ليش
قالولي نغرنا من جم بنيه من رفايجهم وتنقبوا وهم بنت اختي توها متنقبه
وانا صحيح مو متنقبه بس ما شوف هالظاهره خفت بالعكس انتي ما تدرين
باليوم جم وحده الله يهديها فتسعا حق هالشي على طول وبعدين هذا لبس
الخليجيين فليش نستغرب منه وانطالع اي وحده منقبه او لابسه عبايه اشرايج
انا امي وخواتي منقبات حتى بالسفر ما يقطونه وانا عن نفسي ما حب يقطونا
بالعكس هذا لبسنا وافتخر اذا ظلو عليه وما اخجل منهم بس ليش انتي قمتي
اتشوفين هالشي مادري
عموما مشكوره عالموضوع وتقبلي مروري حبوبه

 

[واحشنى موت]

يالغاليه انتى الصح وهم الغلط الحمدالله انتى راضيه ربج وساتره نفسج والحمدالله مو حارمه نفسج من اى شى مشاءالله والله يباركلج يارب
ونظرات البعض تعبر عن النقص اللى فيهم والله والفضول اللى بقلوبهم ...والله يا اختى انا مثلج ولله الحمد شايفه كل خير واللى يطالعنى
بهالنظره لانى محتشمه اردله بنظرة كبرياء لانا احنااا الصح ومايصح الااا الصحيح

 

[coffee]

برايي انتي وايد بالغتي لان وايد حريم يلبسون عباة ونقاب تارسين الديره.. انتي يمكن حساسه من هالناحيه وتحسبينهم ينقدون على لبسج والمحلات اللي ذكرتيها بالديره والديره فيها كل انواع اللبس يعني لو كنتي في مجمعات بمناطق ابعد من العاصمه بتشوفين الاكثرية عبي ونقاب.. واحب اعقب ان النقاب ماله دخل بعاداتنا وتقاليدنا يعني لو نرجع للماضي قبل النفط البنات يلبسون بخنق والحريم الكبار بوشية او برقع.. وبالستينات اللبس صار غير وماكان هالشي موجود الا ما ندر.. اما النقاب فانتشر عقب الغزو بوجه التحديد واذكر الكثير منهم اللي كانو بفترة الغزو بالسعودية وتعودو.. كل جيل له ستايله وهالجيل مخلوط وكل له حرية باختيار لبسه اذا كان ما يخدش الحياء ولا يعارض الامن والسيكيوريتي وان كان واثق من نفسه ومقتنع من لبسه ومو بالضرورة متابع خطوط الموضه ماراح يفسر نظرة الناس له بهالتفسيرات لان بالاخير يبقى احساس ومو بالضرورة يمثل الواقع.. ومثل ما نقدتي على مكياجها مال الثمانينات يمكن هم اهي تشوفج بمنظورها الخاص
تحياتي

 

[بتبوتااا]

شهود ياقلبي انا اللبس العبايه والشيله يخزون فيني !! يعني لا المفصخه سالمه ولا المحتشمه سالمه المهم خزني واخزك

حتى السيلانيه يخزونهاا انا نفسج استغرب من الي يخزون الوحده المتحجبه ولابسه عبايه جنهاا ارهابيه ولا من كوكب ثاني

اما الي شبه مفصخه هذي عادي مافيها شي خلاصت الكلام خلج مثل ما انتي واثقه من روحج ولا يهمونج الناس الي يعيش ياما يشوووف

 

[soseta]

مثل ماقالوا البنات الحين موضه خز محد سالمممممممممممم ..
بس غريبه انا حاسه ان بهالفتره الاخيره زادوا اللي يلبسون العبايه والنقاب والحجاب !!
بس المشكله ان عبايه ونقاب وحجاب عالموضه , بس المهم ان يلبسون

يااختي ماعليج منهم , اهم شي ربي راضي عنج , وماخزوج الا لانج احسن منهم وفيج شي مميز والا جان ماخزوج ..
الله يثبتج يارب ويهديهم

 

[نبضي جابر]

ياقلبي إنتي ثابته على قيمج ودينج
للأسف أغلب الحملات مالت ركاز وغيرها تشوفين جميع الفئات وأنواع التأثر ولكن بعد هالحملات
ليش مستكثرين ع الوحده إنها تكون ثابته على دينها وقيمها

إنتي الصح خلاص إمشي وراسج مرفوع فووووق
إحنا ولله الحمد إمتعين عمرنا والكباته يالله تسكر من الملابس ( قصير, طويل
سكيني , برمودات , ماركات...وإلخ ) نلبس ولله الحمد وكل من يعرفنا يمدح ذوقنا ويستشيرنا

ولكن إحنا صح نلبس ونكشخ بس ببيوتنا وبين جمعات الحريم لأن إحنا مسلمين ولله الحمد مو مضيعين هويتنا
إحنا مو رخاص نعرض نفسنا بالشوارع بهاللبس ربي ماحرم هالشي إلا لحكمه سبحانه

ولكن يالغاليه آنا ضدج بإن هاللبس قام يتقلقص لا والله كلمة حق قام يزيد سواء من البدو أو الحضر وعلى لباس شرعي ربي يثبتهم
لأن إنتشر عندنا الوعي والحملات ربي يجزاهم خير وصج قامت تأثر بالمراهقات والحريم عامه

ويابنات لا تحطون في بالكم هالنظره إن إحنا أقل لا إنتي عارفه إن لبسج لو لبستي
أحلا منهم وعارفه إنج ذويقه ولكنج إحترمتي أمر دينج وعاداتج وتقاليدج ولبستي اللي ودج في محيطج النسائي
وبين محارمج
ويمكن تكون وحده تخزج وتقول بقلبها ماشاء الله عليها ربي يثبتها
ويمكن وحده تفكر بإنها تستر نفسها مثلج وتكون صج غاليه بأنها تكون لؤلؤه داخل صدفه

وشوفوا هالصوره إهداء مني لكل وحده منكم متحجبه متنقبه أو سفور ولكنها محتشمه بلبسها ومحافظه على دينها وتقاليدها ومو مضيعه هويتها ولاهي إمعه
عشان تعرف قيمتها

واااي تعبت من الحجي خخخخخ

 

[*peace*]

صاااااااااااااااااجه وايد ناس اعرفهم صار معاهم جذي تخيلي خالتي ملتزمة التزام تااااااااااااااام متغطيه من فوق لي تحت

الله يثبتها تخيلي وحده كويتيه شقالت لها؟؟؟ واي عقد :080402ask_prv: شنو عقد؟؟ من صجها هذي!

الحمدلله انا ليلحين ماصار معاي اي موقف جذي وان شاء الله مايصير

الدنيا الحين بالمقلوب تمشي الله يكافينا شر هالاشكال قطيعه اهم العقد صراحه ينقدون على اللي متغطيين وخايفين ربهم

اما المفصخين اهما الستايل واهل الذرابه والكشخه؟؟؟ رخص سبحان الله

بعدين شكووووووو يعني وحده متغطيه هلاقه؟؟؟ انا قبل الصراحه كنت اخذ فكره مسبقه عن البنات اللي متغطيين

انصدممممممممممم لمن اشوفهم بالعروس ولا المناسبات امبي شي موطبيعي والله,وفهمة هالشي اكثر بعد مالتزمت

بنظري اللي تمشي بتنورة فوق الركبه وفاله الكشه << هيلقيه من امه يعني ستايل يعني ترى انا البس مثل الاجانب

كوووول,هذي وجهة نظري وكل واحد كيفه وحر

الشكوى لله الحمدلله والشكر ناس ضايعه سبحان الله ماخذتهم الدنيا شافوج مفصخه؟رديت البيت خلاص وبعدين؟لي متى

؟اعوذ بالله شهالعيشه


.

 

[خليج***]

الموقفين اللي كتبتي عنهم ماحس لهم علاقة بلبسج المحتشم
وحدة قالتلج شكلج خبيره بالموضه ممكن تنقيلي جنطه
بالعكس المفروض تستانسين,,

وبالنسبة لمحل ماك العاملة اللي كانت نفسية شنو علاقتها بلبسج؟؟يمكن مافهمت الموقف!


انا اشوف بالعكس البنت اللي لبسها مو محتشم يخزونها اكثر من اللي لبسها محتشم,,
انا قبل كان لبسي ضيج بضيج والناس كله خز,,
وبعدين قمت البس محتشم ماقمت الاحظ الخز,,

 

[sereen]

السنه اللى فاتت يوم نزلت الكويت حسيت صاير تناقض فى فصاخه وايد بس فى نقابات وعبى واييييييييييييد وعادى على الكوفى شوب قاعدين وبالعكس هالشى وايد طمنى مازالت الدنيا بخير.... انتى ياعمرى لاتحطين فى بالج انتى واثقه من نفسج ومحد له عندج شى عدل ..... والكويتين صايرين شعب خازوز يالله لك الحمد ليش مايندرى هل عجبه هل نقص هل عقد ........ ولاتحطين فى بالج ابد اللى على مبدء قوى مثلج يواجه الناس ويفرض نفسه
بس ترى ناسنا اللى تعابنه مو انتى ياعمرى

 

[~*~الملكة~*~]

بالعكس انا اشوفهم زادو

ومثل ماقالو الخوات اعتقد المواقف الي صارت لج مالها شغل بلبسج

لاتحطين هالاشياء فبالج

والله الهادي

 

[BlackRose]

مااشوف ان المولقف لها اي علاقة باللبس

اللي متحجبة تنخززززززززززز

السفووووووووووووووور تنخززززززززززز

المتنقبة هم تنخزززززززززززززززززز

المتسترة تنخزززززززززززززززز

اليهال ينخزووووووووووووووووووووووون

شيابناااااااااااا يقعدون على كافيهات المارينا ويخزوووووووووووووونن

طلعي تمشي انتي وزوجج يخزوووووووووووووووووون

شبابناااااااااااااااااااا يخزوووووووووووووووووووووووووون

اطلع مع خدامتنا راعي المحل يخززززززززززززهااااااااااااااااااااااا


حبيبتي

الخز صار ظاهرة بالديرة

 

[Hello_kitty]

برايي انتي وايد بالغتي لان وايد حريم يلبسون عباة ونقاب تارسين الديره.. انتي يمكن حساسه من هالناحيه وتحسبينهم ينقدون على لبسج والمحلات اللي ذكرتيها بالديره والديره فيها كل انواع اللبس يعني لو كنتي في مجمعات بمناطق ابعد من العاصمه بتشوفين الاكثرية عبي ونقاب.. واحب اعقب ان النقاب ماله دخل بعاداتنا وتقاليدنا يعني لو نرجع للماضي قبل النفط البنات يلبسون بخنق والحريم الكبار بوشية او برقع.. وبالستينات اللبس صار غير وماكان هالشي موجود الا ما ندر.. اما النقاب فانتشر عقب الغزو بوجه التحديد واذكر الكثير منهم اللي كانو بفترة الغزو بالسعودية وتعودو.. كل جيل له ستايله وهالجيل مخلوط وكل له حرية باختيار لبسه اذا كان ما يخدش الحياء ولا يعارض الامن والسيكيوريتي وان كان واثق من نفسه ومقتنع من لبسه ومو بالضرورة متابع خطوط الموضه ماراح يفسر نظرة الناس له بهالتفسيرات لان بالاخير يبقى احساس ومو بالضرورة يمثل الواقع.. ومثل ما نقدتي على مكياجها مال الثمانينات يمكن هم اهي تشوفج بمنظورها الخاص
تحياتي

قالت اللي كنت بقوووووله

 

[شووكولاته]

أولا بقولج 0000بدأ الأسلام غريبا وغريبا سوف يعود 000000000000000000 نسبوا ديني ارها با والمسلم صار مريب 0000
وكأنك تقولين يا أيها العالم صمتا واسمع شكوانا 00000000000

طبعا هالكلمات لنشيده راااااااااائعه عن المسلمين واسمهادين الأسلام سلام أنصحكم تسمعونها مؤثره جدا

أنا منقبه وعبايه عالراس والحمد لله والله مادري شقولج بس أنا لما روح السوق عيني عالملابس والبضاعه ولماخلص أطلع مانتبه عالناس ولا يهموني لأن بزمن انقلبت الموااااااااااااااااااااااااازين وصار الدين تشدد وتعقد واحنا نفس الناس نطبق الأحاديث والقرآن
وبعد احنا يعني نغلط مو معصومين ------------------------------ وبعدين بالأماكن الراقيه يظنون متنقبه يعني ماتعرف الموضه عرفتي يمكن عشان جذي يطالعونج ترصرصي بالجيينز ودلعي بتصيرين بعينهم كشخه وكيوت وعالموضه 0000 الله المستعان

 

[إنسانه بكل حالاتي]

خلج واثقه من نفسج ولا يهمج شي إنتي متنقبه مو متفصخه مالج شغل وصج أنا مو متنقبه يخزوووووووووني وين مارحت حتى لما أروح مستشفى لوووووووووول والله ظاهره خزني وأخزك وعلى سالفه ماك أنا يوم الخميس زافه البطه الجلحه إللي تشتغل بالمهلب قطع نفسيتها وصخه نفسها وزفيتها صارت تمشي معاي سيده