¨°o.O ( سـفـرتي بالصـوت والصـورة لبـلاد العجـائـب ... الهنـــــــد ... ) O.o°¨

[سياسية]

خووووش تقرير كثري من الصور الحلوة .. وشنو اكثر المحلات الحلوة عندهم للملابس والتحف والاواني المنزيه ؟؟؟

حياج الله شيهانه..

نورتيني

شوفي يالغالية..في محلات وايدة.. بس صراحة ما رحت تعنيت حق أواني منزلية.. لأنج تعرفين المواعين يكونون ثقال و وزنج المسموح فيه كله بيروح على هالثقل..:eh_s(10):

والتحف موجودة في محلات المجوهرات.. تلقين تحف خشبية وصدفية ..وشغل الحفر باليد والسجاد الهندي الحرير..وتلقين الفضيات أيضاَ..

محلات الملابس تلقينها في كل مكان منتشرة بالمولات..

 

[سياسية]

ماشاء الله تهبل الصوور .. شوقتينا .. بس المطاعم ذبح اسلامي ؟؟ ونظااف ولا بصعوبه تحصلوونهم ؟؟

اكلهم مو حار ؟؟

تسلمين يا قلبي :eh_s(7):

المطاعم اللي قاعدين نروح لها..أول ما أطلب أطلب الشيف قبل المقبلات..واسأله.. عن أنواع اللحوم عندهم..وهل هي حلال أو لأ ..؟

الحمدلله ما رحنا مطاعم وصخة صراحة.. كلهم نظاف..

والأكل تطلبينه بدون بهارات او بهارات خفيفة..عشان لا يحركم

وحياج الله ياقلبي..

 

[سياسية]

اهي اهي ..

فلست من الصور والتعليقات..

ماطلعولي الا الصور الرد اللي فيه السوق والصندوق..

والاكل << لاب توبي مشفوح خخ..

متابعتج@@

هلا رونه...

ولا يهمج بغير موقع التحميل.. لأن جم رسالة وصلتني ان الصور مو طالعة :080402ask_prv:

<-- حسافة الوقت والجهد..بس تستاهلون الواحد يتعب عشانكم

 

[سياسية]

متااااااااااااااااااااابعين

حياج الله يا احساس...

نورتي

 

[Q8stylle]

يعطيج العافيه

والحمدالله علي سلامتج

 

[أم روونه]

ماشاءالله خوش موضوع والصور روعه :s142::s142::s142:

الله يخليج لاتأخرين علينا ​

 

[سياسية]

يعطيج العافيه

والحمدالله علي سلامتج

هلا وغلا كويت ستايل

حياج الله نورتي :eh_s(7):

 

[سياسية]

ماشاءالله خوش موضوع والصور روعه :s142::s142::s142:

الله يخليج لاتأخرين علينا ​

حياج الله أم روونه

شرفتي..

 

[طوق البنفسج]

كلس ما توقعتها جذي ماركات و حركات .. توقعت سوقهم كله خماجير

 

[سياسية]

كلس ما توقعتها جذي ماركات و حركات .. توقعت سوقهم كله خماجير

تدرين عاد يا طوق البنفسج؟؟عندهم طبقة أغنياء غناهم فاحش جداً جداً جدااااااااااااً..لو يجمعون ثروات أهل الخليج المليونيرية..ما تعادل ثروة ملياردير هندي واحد !!!!!!

يكفيج إن ثاني او ثالث أغنى أغنياء العالم..هندي !! اسمه لاكشمي ميتال اعتقد...دوري عنه بالإنترنت بتلقين العجب العجاب على قولتهم..

أصلاً حتى أسواقهم و شغلهم و مطاعمهم هالطبفة الغنية غير عن باجي الشعب.. بتشوفين بالتقرير بعض المعلومات عنهم ان شاء الله

 

[سياسية]

اليوم الثاني :

قعدنا من النوم..ورحنا تريقنا وكان الجو مو طبيعي الصبح..وفيو المطعم على المسبح خيال صراحة...

أخليكم مع الصور..

وحليت بهالفاكهه

وعقب ما خلصنا ريوقنا.. طلعنا من الفندق..باتجاه السوق..

وكانت هذه بعض من المجمعات اللي كانت تصادفنا بالطريج.. بس ما دخلناها..

سيتي مول

انفينيتي مول.. بس كان محترق قبل لا نوصل بليلتين..

شوفو مبين آثار الحريجة على الجامات المكسورة..

يتبع...​

 

[سياسية]

وصلنا وجهتنا...

INORBIT MALL

طبعا احنا واصلين الصبح بعض المحلات للحين ما فتحت..بس الناس ما شاء الله بأي حزة يطلعون هههههه

المول كبير عبارة عن ثلاث أدوار وفيه سينمات و مطاعم وأثاث وملابس والكترونيات و أحذية عزكم الله...كل شي فيه..و قعدنا ثلاث أرباع يومنا نحوس فيه :wqedqw:

بعض محلات الأطفال..

واللي عندهم بنات يحبون الباربي..

هذا محل باربي..من ملابس و هدوم و الخ الخ..

بس ما أتوقع إنه ماركة عالمية..أتوقع بس ماخذين الإسم :080402ask_prv:

وذكرت إني ما صورت واجهة السوق الصبح.. يوم طلعنا جان أذكرها...ما عليه الصور بالليل..

من جهة اليسار..

جهة اليمين

يتبع...​

 

[سياسية]

والمول صراحة كبير... افترينا فيه...لين تعبنا..وقلنا بنرد الفندق نريح شوي..

ولقيت محطة بنزين عجبني شكلها.. خلف الله على اللي عندنا يضيقون الخلق !

ردينا الفندق و ريحنا..وبعد ساعتين تقريبا طلعنا نتعشى بمطعم بحري.. موقعه يم الفندق بالضبط..بحدود 500 متر مشي..

مطعم ماهيش

ديكور الطاولة شمعة بحرية

شوربتي.. دياي مع الكورن..لذيذة صراحة..

المجموعة طلبوا برياني..

شرايكم بقلاص الفلفل ؟؟ هههههههههههههه أشوة إني مو من ربعه..

انا طلبت عيش مشخول و ربيان.. بس العيش كان على بخار..مافيه طعم باصج صراحة ! و الربيان ما حسيته مستوي عدل عاد عصبت وما صورته ولا حلينا ههههههه :dddds:

وهذه كانت جولتنا لليوم الثاني

ترقبونا باليوم الثالث

بنات طمنوني الصور طالعة ؟؟ لأني غيرت موقع التحميل ...ان شاء الله يكونون طالعين.. :yaaaaaarb:​

 

[طوق البنفسج]

تدرين عاد يا طوق البنفسج؟؟عندهم طبقة أغنياء غناهم فاحش جداً جداً جدااااااااااااً..لو يجمعون ثروات أهل الخليج المليونيرية..ما تعادل ثروة ملياردير هندي واحد !!!!!!

يكفيج إن ثاني او ثالث أغنى أغنياء العالم..هندي !! اسمه لاكشمي ميتال اعتقد...دوري عنه بالإنترنت بتلقين العجب العجاب على قولتهم..

أصلاً حتى أسواقهم و شغلهم و مطاعمهم هالطبفة الغنية غير عن باجي الشعب.. بتشوفين بالتقرير بعض المعلومات عنهم ان شاء الله

اي صاجه ابوي قبل كان يروح الهند بشغل و كانوا يعزمونهم تجارهم و يسكنونهم بافخم الفنادق .. و مره واحد منهم عزمهم على عرس شيحجي عنه .. لي يومج يتذكره .. حسافه انه ابوي انقطعه صلته فيه جان سيرنا عليه لي رحنا الهند

 

[miss-one]

الحمد الله علي سلامتج وبأنتظار باقي التقرير

 

[سياسية]

اي صاجه ابوي قبل كان يروح الهند بشغل و كانوا يعزمونهم تجارهم و يسكنونهم بافخم الفنادق .. و مره واحد منهم عزمهم على عرس شيحجي عنه .. لي يومج يتذكره .. حسافه انه ابوي انقطعه صلته فيه جان سيرنا عليه لي رحنا الهند

سيري بروحج مو ضروري عندكم أحد تعرفونه

أنا ما أعرف أحد اهناك الحمدلله.. لأنج لو تعرفين ناس اهناك ما راح تخلصين من العزايم..وفوق هذا ما تقدرين تسوين شي او تروحين مكان الا لما يروحون معاج..

تقديراً يعني لج كضيفة ما يخلونج تحتاجين شي

خدومين اهما وخوش ناس صراحة...

 

[سياسية]

الحمد الله علي سلامتج وبأنتظار باقي التقرير

الله يسلمج من كل شر..

حياج الله

 

[raq6a]

ماشاء الله خوووش سفرة ماهقيت جذي الهند توقعتها وسخة (وانتو بكرامة )

وعليج بالعافية بس بسألج اشلون البضاعة اللي عندهم حلوة تسوه يعني الواحد يروح الهند حق بضاعة

ومتابعتج ،،،،

 

[سياسية]

ماشاء الله خوووش سفرة ماهقيت جذي الهند توقعتها وسخة (وانتو بكرامة )

وعليج بالعافية بس بسألج اشلون البضاعة اللي عندهم حلوة تسوه يعني الواحد يروح الهند حق بضاعة

ومتابعتج ،،،،

مشكور ياقلبي..

بالعكس نظيفة وايد.. بس إنتي الحين قاعده تشوفين أوصخ (عزكم الله) مكان بالرحلة.. وهي منطقة بومبي.. لأنه وايد فيها تلوث..

يعني شنو تتوقعين من منطقة ساكنينها فقط 17 مليون شخص ؟!؟!؟ :bbbiu:

<-- كثر الكويتين 17 مرة هههههههههههههه

وبالنسبة للبضايع.. ماراح تلقين الشي اللي يناسبنا لأن معظم لبسهم لهم يصنعونه للإستهلاك المحلي..يعني ألبستهم اهما.. ساري وهالأشياء..

وحياج الله...تابعيني

 

[فبراير]

متابعين معاج سياسيه شكلها حلوه السفره عليكم بالعافيه والحمدلله عالسلامه ياجاى من السفر خخخ ( ؛