تجمع اللي سوت شعرها كيراتين+صوره الشامبو و البلسم اللي عندي

[DeeR_MusK]

[/COLOR][/COLOR][/SIZE] قـــــــــــوه بنيااات
شلوووونكم طيبيين ان شاء الله ؟ و شلوووووون الشعر الحريييري معاكم
واي وناسه افتكيييت من النفشه و الاستشوار (علموووني شنوو شعووركم بعد الكيراتين)

انا عن نفسي اصلا زوجي ما يوخر ايده عن شعري مستانس عليه (الحمدالله )


المهم بنات خلونا نفيد بعض بتجاربنا و بطريقه العنايه بالشعر ..
مثلا ..انا بحط لكم صوره الشامبو و البلسم اللي استخدمهم ..و طبعا طريقتي (مثل ما قالت لي الخبيره ) استعمل شامبو الكيراتين و البلسم مرتين بالاسبووع و باقي الايام الشامبو مالي العادي !


ياللـــــــــــــــه صبايا كل وحده تورينا الشامبو و البلسم اللي تستعمله ..خل نعرف احنا قاعد نستعمل النوعيه الصحيحه ولا مغشوشين (انشاء الله مو مغشوشين و كلنا نفس الشي )

وايــــضا فيدونا بالصالون اللي سويتوا عنده و شسم الخبيره و بجـــــــــــم؟..بجم هذا اهم شي ..


ياللـــــه بنيااات حبيباااتي عفيه لا تخلووون الموضووع خل نستفيد و نفيد وناخذ الاجر ..(عشان اللي تقرر تسوي كيراتين بعد هالتجمع تدعــــــــي:yaaaaaarb: لنا من كل قلبها :wqedqw:



ابي اشوووووف التفاااعل عشان انزل الصووووره:lololoe:

 

[خدود بنات]

بالعافيه عليج ياقلبي

بس ماعلمتينا وين وعند منو وبجم ؟؟؟

وان شاءالله راضيه عن النتيجه

 

[DeeR_MusK]

هلا هلا ..الله يعافيج ..انا سويته بالبيت يوني فلبينيتين سووه ب 70 يشتغلون اوفر تايم بعد الصالون ..يعني اييون بعد الساعه ثمان بليل..بس شغلهم حلوو.. والكيراتين مالهم لبناني ...الله يعافي وحده من الخوات هني بالمنتدى حطت رقمهم بس خل تسامحني لاني والله ماذكر اسمها..

واللي اعرفه ان الكيراتين اللبناني يكون مخلوط معاه مواد اضافيه عشان يفرد الشعره!!! يعني مثل ما قريت باحد المنتديات الكيراتين اللبناني 60 بالاميه و الباقي مواد ضايفينها !!!!


اللي عندها معلومات اضافيه خل تفيدنااا

 

[خدود بنات]

70 بس والله زين ليش حبيبتي شطول شعرج ؟

وجم صارلج مسويته؟

وشلون شغلهم نظيف ومضمون ؟

 

[جكورة]

يعطيج العافيه حبيبتي على عالتجمع
وإن شاء الله نستفيد منه وخصوصا إني مفكرة أسويـــه بس حيل مترددة

ننتظر تجارب البنات وياليت اللي تذكر تجربتها تكتب لنا ووين سوته وبجم ؟ وشنو كانت نوعية الشعر قبل وبعــــد ؟

 

[%عـجـمـيـه صـريـحـه%]

مشكووووره حبيبتي

فكره حلوه منج بدل من كل وحده ما تفتح موضوع وتعب نفسها

يا الله بنااااااااااااااااات نبي تجااااااااااااااربكم

 

[DeeR_MusK]

خدود بنات ...شعري طوله تحت الجتف بشويه.. بالنسبه للفلبينيات اي شغلهم نظيف وصارلي تقريبا اسبوعين و نص من سويته و كاهو شزينه بس خل يكمل شهر ونص يبين شغلهم اذا مضمون ولا لا! ..[

جكوره ..الله يعافيج خيتوو...ان شاء الله نشجعج و تشوفين نتيجه حلوه


(بصراحه انا قاعده انطر وحده تذم بالكيراتين عشان نعرف السلبيات جان فيه سلبيااات!..بس الحمدالله ليييييييييمن اللحين بالكويت كلها ما شفت وحده ذمت الحمدالله ..)/COLOR]

 

[DeeR_MusK]

العفوووو يا عجميه صريحه وحياااج ...

بنــــــــــــــــــــــات حبايبي بليييييز نبيهااااا كيراااااااااااااااااتين ..اللي تدخل تعطينا اللي بجعبتهاااااااا

اللي سوت خل تعلمنها بجم و وين و طبيعه شعرها قبل و بعد و شنو الشامبو اللي اللحين تستعمله..
اللي ما سوووت خل تستفسر هنـــــــــي والاجابااات مفتووحه للكل ..يعني اللي مجربه خل تجاوب عااادي كلنااااااااااااااااااااااااا نساعد بعض
همتتتتتتتتتتتتتتتتتتتتكمممممممممممممممم

 

[malgoofah]

انا سويت حق بنتي قبل يومين عند وحده سوريه مادري لبنانيه اسمها نهى اهي ابيوم اجازتها اتسوي لحسابها في صالون اختها والكيراتين مالها البرازيلي والنتيجه شفتها على حماتي و بناتها و مرت حماي كانت روعه من جذيه تحمست و سويتلها وانا بجرب حقي اليوم في سيماز وبلغكم بالنتيجه بنتي سويتلها اب 120 شعرها لي نص ظهرها تقريبا وانا سيماز قالولي 150 شعري اطول من البوي بشوي اما الشامبو انا طالبته من امريكا مع البلسم و موقتا شريت من صالون كرستال اقزر فيه لين يوصل مال امريكا

 

[DeeR_MusK]

انا سويت حق بنتي قبل يومين عند وحده سوريه مادري لبنانيه اسمها نهى اهي ابيوم اجازتها اتسوي لحسابها في صالون اختها والكيراتين مالها البرازيلي والنتيجه شفتها على حماتي و بناتها و مرت حماي كانت روعه من جذيه تحمست و سويتلها وانا بجرب حقي اليوم في سيماز وبلغكم بالنتيجه بنتي سويتلها اب 120 شعرها لي نص ظهرها تقريبا وانا سيماز قالولي 150 شعري اطول من البوي بشوي اما الشامبو انا طالبته من امريكا مع البلسم و موقتا شريت من صالون كرستال اقزر فيه لين يوصل مال امريكا

ليش ما تخلين اللي سوت لبنتج تسوي لج دام شغلها عجبج!!!!
بالنسبه للشامبوووو و البلسم من اي موقع طلبتيه..(انا اللحين بحط صوره بلسمي و الشامبو بس موقع تحميل الصور يكتب لي مغلق مؤقتا للصيانه !!؟ )اول ما تحصل لي فرصه بحطططط الصور

 

[هدير البحر]

بنات الله يعافيكم ابي اعرف شنو الكيراتين بالضبط وشيسوي حق الشعر
انا شعري مو ناعم وكنت بسويه بماي الذهي يوكو


فعفيه اذا هذا يغني عنه قولو لي

 

[سبائك]

والله انا بخاطري اسويه ان شاءالله فبنضم لكم من الحين

 

[حلوة الروح]

انا توني مسوية عند مدام تمام باجر اقولكم شنو صار لان اغسلة باجر ادعولي لان وايد ناس خرعوني يقولون مفعوله بس اشهر مع ان تمام قالتلي سنة ما يندرى بعدين كل شي يبين

 

[كلي انوثه]

انا شعري محترق من الصبغ الوايد وشعري لي نص ظهري بس شعرته ناعمه بس محترقه من الصبغ مثل ما قلت لكم يصير اسويه ولا بس للشعر الخشن

 

[جدة الحلوين]

حبيباتى انا يونى شعرى فرش صار لى نصف ساعة راجعة من صالون سيماز عند مدام تمام
والله العظيم مانى مصدقة ان هذا شعرى يهبل ماشاء الله وسويتة 150مع العلم ان قصير بس عدلت
قصتى ماخذت فلوس قالت هدية وشريت منهم الشامبو والماسك واشجع كل وحدة شعرها فى ردات تسوى وتقول
العن ابو الاستشوار

 

[Nonita-q8]

واااي شفت مرت اخوي قبل يومين مسويته
شحلاته واهيا سمالله عليها شعرها ناعم بس من الصبغ

انا شعري لي نص ظهري بس فيه رده وكثيف ودي اسويه بس خايفه
وادري امي ماراح ترضى تقعد تطلعلي الف شي عليه
بليز قولولي تنصحوني فيه ولا لا

 

[malgoofah]

هلا والله لان اللي سوت حق بنتي ما اتسوي الا يوم الاحد وانا يتلي الدوره و ماقدر انطر لي يوم الاحد الياي و انا قلت شعر بنتي للحين ما غسلته بس شفت شغلها على حمولتي و انا هم بعد قلت بجرب صالون سيماز من كثر ما مدحوه البنات و بشوف منو اللي شغلها احسن عموما انا سويت اليوم عند سيماز هم بعد ارد اقول ما اقدر اقولكم زين والا لا الا بعد ما اغسل شعري يعني لا انا ولا بنتي بعد غسلنا يعني ما اقدر احكم الحين

 

[malgoofah]

و بالنسبه للسايت هذا اهو http://www.braziliankeratin.com/ انا طلبته على عنوان اب امريكا و زوجي استلمه لانه كابتن و عنده رحله حق نيويورك انا خذيتلي شامبو الكيراتين للشعر المصبوغ و البلسم ماله و بنتي خذيتلها حق الشعر العادي والبلسم و جيكي انشالله يوصلون الكويت واذا ما يوصلون مركز سلطان يطلبونلج اياه

 

[malgoofah]

و ماشالله بنات صالون سيماز معاملتهم جدا حلوه اعجبتني وايد ماشالله حبوبين و مدام تمام و مدام عبير و خلود كلهم عسل دللوني دلال بس خننطر ونشوف النتيجه عاد انشالله يصير اوكي شعري و شعر بنتي ادعولنا بنات نبي نفتك من هالسشوار اللي حرق اشعورنا

 

[malgoofah]

كلي انوثه انا شعري ناعم بس من كثرة الصبغ صار تالف او اشوي ناشف من جذيه سويته اهو اصلا وايد ينفع و يحسن الشعر التالف المصبوغ والمحترق موفقه