جاناا لشتا وودعنا الصيف

[ام فجور 2008]

مسحات كلوركس تحصلينهم صوب المنظفات
وهذي صوره


انا كنت اخذ ديتول وجربت كويك وشفت الحين كلوركس
بس قلت اخلص اللي عندي وبجربه

تسلمين ياقلبي

 

[SWEET18]

واااااي انا لين الحين مالي خلق اسوي شي بس شجعتوني
لانه ودي اسوي تصفيه على الكبت

 

[مهااوى]

خوش موضوع انا ما اكود علي طووول اللجنهههه واشترى ملابس شتوى جديدا يعني 4 بدل طلعا تدرون بالشتا تقل طلعاتي مدارس وامتحانات يعني اذا بنطلع لبيت اههلي بس اكثر من البجايم والملابس الداخليهه وجم دشداشا وجوتي طلعا يعني بالعدد حق موسم الشتاااء ما اشترى واكود عندى علشان جذى ماعندى عفيسا

 

[الوردة المكنونة]

انا عاد قاعده في بيت الحموله شقتي محكر وطبعا مثل الكل جناط الشتاء تنزل والصيف تصعد على الكباته

اول شي نزلت ملابس البنوتات

ملابس الصغيره وزعتهم راحاو حق اللجان
وملابس العوده خليتهم حق الصغيره وبروح اشتري حق العوده ملابس
اما انا وريلي حاطتلنا كبتين واحد بالغرفه والثاني بالممر ادري بتضحكون بس شسوي بيت صغير ماكو غير الممر المهم يعني الملابس معلقه وجاهزه بس تبديل من الممر لي غرفة النوم

وثانيا

نزلت الدفايات من المخزن ( الكنقيه) ونظفتهم وحطيت بكل غرفه وحده بس للحين طبعا ما بطلتهم احنا للحين نشغل التكييف

ثالثا

شلت كفرات الصيف وغسلتهم وكيستهم وفوق الكبت وطلعت كنابل الشتاء

رابعا

فرشت قطعتين زل بالمطبخ عشان اليهال ما يقعدون على الارض وهم يلعبون بالديرفه مو محسوبتكم حاطه لليهال ديرفه وزحلاقيه بالمطبخ لوووووووووووووووووووووووووووووووووول عادي الحكره وما تفعل

وان شاء الله اشوف بعد شنو جهزتوا حق الشتاء واذا كنت ناسيه شي اسويه

 

[ام فجور 2008]

نزلت الدفايات من المخزن ( الكنقيه) ونظفتهم وحطيت بكل غرفه وحده بس للحين طبعا ما بطلتهم احنا للحين نشغل التكييف

حياتي ديري بالج عليها من غرفة الاعيال

 

[ام فجور 2008]

انا امس نزلت الجنطة مالتي ولا عندي ملابس والله للحين سعرهم عليهم قلت ماني مكثرة اذا باخذ لي بس باخذ لي قطعتين او ثلاث
وبنتي الله يخليها هذا اول شتا لها يعني لازم اجهز لها وملابسها الصيفية كلهم راح اوديهم للجنة لان اكيد راح يصغرون
وزجي عاد الطامة الكبرى على كثر ماعنده يقول ماعندي

 

[الوردة المكنونة]

حياتي ديري بالج عليها من غرفة الاعيال

تصدقين احلى شي في بناتي انهم ما يدشون غرفتهم الا اذا كنت معاهم صغار يخافون