¨°o.O ( سـفـرتي بالصـوت والصـورة لبـلاد العجـائـب ... الهنـــــــد ... ) O.o°¨

[سياسية]

ماشاءالله خوووش صووور

وماااازلت متااابعه @@

حياج الله نوونه

وأشكرج على متابعتي

شرفتي :blueSmCLR:

 

[كل الأسامي مأخوذة ليش؟]

الله خوش تقرير
انا متابعة
عليكم بالعافية السفرة .. بسالج عن تكاليف السفر للهند اذا تقدرين قولي يعني تكلف وايد ولا يعني

 

[سياسية]

اليوم الثالث :

هذا اليوم يحتوي على صور عديدة..أرجو الإنتظار..

-----

صبحنا الصبح و نزلنا تريقنا كالعادة...

هالطاولة في بداية المطعم.. كل يوم صبح يحطون لج نوع فاكهه او نوع خضار..

ويكتبون فوايده اذا انوكل.. او انشرب...

وأي عضو بالجسم راح يستفيد أكثر شي من هالفاكهه او الخضرة..

يعني يعطون معلومات صحية

والحين بحط لكم صور البوفيه لأني بالأيام اللي فاتت ما صورّت لكم شي منه هههههههههه

هذا سكشن الكورن فليكس و توابعه

سكشن المأكولات الهندية

سكشن المقالي العالمية

سكشن الأكل الآسيوي ( ربع تايلاند و اليابان)

بعض أنواع الخضار

المعجنات

وهني من زاوية ثانية

ركن البراتا يسويها فرش جدامج

ركن الدوسا هم بعد فرش جدامج..

يتبع..​

 

[سياسية]

ركن العصاير الطارجة

ركن المشروبات الباردة

ركن الفواكه المقطعة

ركن الأجبان

ركن المربيات الفرش

وهذا كان ريوقي

أهم ما في الموضوع جبن كرافت ههههههههههههههههههههههههه :dddds:

وطلبت بارتا بالجبن.. بس ما يازت لي كلش !

<-- جيكو على الديكور..حاطين أجار مانجو هههههههههههههههههه

وهني فاكهتي

وعليّ بألف عافية

المنظر الخارجي شحلاته يشرح الصدر

يتبع..​

 

[سياسية]

والحين إشرايكم أطق فيكم فرة على المطاعم بالفندق ؟

مطعم سبايسز

قعدة انتظار للمطعم

مطعم زعفران

والحين نكمل جولتنا بره الفندق

هذه بعض الصور لمناطق فقيرة واجهتنا في طريقنا (صراحة الواحد يتأذى نفسياً من المناظر اللي يشوفهاً) لكن مجبورين ننقل لكم الصور الإيجابية و السلبية للدولة .. وأرجو منكم عدم كتابة تعليق سيئ .. ولكن تحمدوا ربكم على نعمة الإسلام والنعمة اللي احنا عايشين فيها ..

بيوتهم :0bee2e8d89: ...

يتبع...​

 

[سياسية]

وبالطريج.. مبنى لشركة طيران كنج فيشر الهندية و هي شركة خاصة.. تملك يضاً مصانع للخمور و الكحوليات استغفر الله..

أشهر مصابغ بومبي وأكبرها.. إسمها دوبي قات... مرينا عليها مرور الكرام..

في وحدة ناوية تغسل هدومها عندهم ؟؟ ترى الكنابل والشراشف على امية فلس..ههههههههههه : )

تبون عصير ليمون فرررررررررش ؟؟

بعض مناظر بومبي و خضرتها..

نهر خابط لونه

يتبع..​

 

[سياسية]

شوفوا الفن بس

بياع ليمون ثاني....

وتوجهنا لسوق في منطقة إسمها (دادار) صراحة حسافة الوقت اللي ضاع علينا واحنا بالطريج.ومع الأسف نسيت أصوره لكم..بس بالضبط سوق المهارة أكشخ منه !

وانتوا تخيلوا المستوى شلون !!

قلنا ماكو الا نرد على سوق فندق اوبروي.. لأن ذاك اليوم ما لحقنا عليه كانوا مسكرين..

وهذه صور بعض المباني اللي مرينا عليها باتجاه السوق

وصلنا فندق الأوبروي

منظر داخلي للطوابق...

وصراحة كانت وجهتنا لتاجر بخور و عطورات عربية.. موصينا عليه

وأخذت منه خوش بخور كمبودي و هندي..ويعطيه ألف عافية بو نبيل

<-- إسم صاحب المحل

الحمدلله على حظي ولا توّهم فرش واصلين له شحنات البخور..يعني للحين حتى ما فرغهم ولا صرفهم حق زباين..كنت انا أول وحدة أستفتح فيهم ما شاء الله عليّ


يتبع...

​

 

[سياسية]

وهذه صورته..

وعقبها طلعنا لمطعم..إسمه مطعم خيبر..صاحبه إيراني

المقبلات..

وطلبنا زبيدي محشي بالجتني.. لذيييييذة صراحة..مع عيش أبيض

وحلينا بهالطبق..

وعلينا بالعافية..

بس تعبت:eh_s(1):

ترقبونا في اليوم الرابع من الرحلة ​

 

[غربــــة اِحساس]

ماشاء الله تقريرج والصور وتعليقاتج كلهم يشوقون : )

الحمد لله على سلامتكم وعليكم بالعافية السفرة الحلوة

استمتعت حيل وانا اقرأ واشوف الصور شوقتيني اروح الهند

المفروض سفاره الهند ماتقصر معاج سويتي لهم دعاية مجانيه ..

وسبحان الله صج الهند فيها نااس فووق ونااس تحت فرق بالمستوى والحمد لله على الخير الي احنا فيه ..

متابعة باذن الله وعسى ربي يعطيج العافية ..

 

[سياسية]

الله خوش تقرير
انا متابعة
عليكم بالعافية السفرة .. بسالج عن تكاليف السفر للهند اذا تقدرين قولي يعني تكلف وايد ولا يعني

هلا وغلا حياج الله ياقلبي.. والله يعافيج

شرفتيني بمتابعتج

بالنسبة لتكاليف سفرتنا ذكرت في بداية التقرير إني أعتذر عن ذكرها.. لأن هالأشياء تعتمد على ميزانية الشخص و تخطيطه..

وطبعاً تعرفين ماكو سفرة ما تكلف.. لابد من المصاريف..لأن عندج تذاكر طيران دولي + طيران داخلي + فنادق + سيارة + مصرف شخصي..هالأشياء كلها تعتمد على ميزانية الشخص.. يقدر يخليها تطق بالعلالي..ويقدر يوازنها ويخليها على قده مثل ما يقولون.. كل شخص وعلى حسب راحته

يعني إذا بغيتي سفرتج تكلف وايد.. فهي راح تكلفج وايد..وإذا تبين سفرتج في حدود المعقول.. هم بعد تقدرين تخلين السفرة في حدود المعقول..كل هذا باختيارج للشي المناسب لج..

وعلى ما قالوا كل واحد و مدت إيده

حياج الله مرة ثانية و تابعيني:eh_s(7):

 

[سياسية]

ماشاء الله تقريرج والصور وتعليقاتج كلهم يشوقون : )

الحمد لله على سلامتكم وعليكم بالعافية السفرة الحلوة

استمتعت حيل وانا اقرأ واشوف الصور شوقتيني اروح الهند

المفروض سفاره الهند ماتقصر معاج سويتي لهم دعاية مجانيه ..

وسبحان الله صج الهند فيها نااس فووق ونااس تحت فرق بالمستوى والحمد لله على الخير الي احنا فيه ..

متابعة باذن الله وعسى ربي يعطيج العافية ..

حياج الله يالغالية..

أحرجتيني بكلامج ..مشكورة وما قصرتي :eh_s(22):

الله يسلمج من كل شر..والله يعافيج يارب

نصيحة روحي اذا لج خاطر..أنا اعتبرها من السفرات اللي ما تتطوّف صراحة..والحين صار عندي إدمان إسمه الهند هههههههه :dddds:

وبالنسبة للفروقات بين الفقراء و الأغنياء.. اهما جذي نسبة الفقارى وايدة عندهم وتعتبر السواد الأعظم..ونسبة الأغنياء هم بعد وايدة عندهم مقارنتاً بالعالم بس مو وايدة كثر الفقارى لكنهم ما يعتبرون غالبية المجتمع بس مثل ما يقولون النخبة ..ماكو حل بالنص.. يا اما فقارى حيل...ولا أغنياء حيل!

الحمدلله على النعمة اللي احنا فيها.. كل من عايش ألف حمد و شكر

نورتي موضوعي :tek:

تابعيني

 

[تشتوشا]

ماشاء الله البوفيه اشوق
يلا كملي ناطرينج :ggdw:​

 

[sweety_love2]

سياسيه تسلمين حبيبتي على هالصور الحلوه والله شوقتيني اروح الهند بس بسألج رخيصه او غاليه انا سامعه ان هناك مذركير اسعاره وايد ارخص من الكويت ومحلات ثانيه بعد ارخص
وبعدين انا ودي اروح موسم بوليوود ابي اشوف الممثليين اموت عليهم

 

[طوق البنفسج]

عليج بالعافيه

و المصبغه مره حاطين عنها برنامج لو شايفه الماي الي يغسلون فيه اصفر ..

 

[.]

وناسه..

بس حسافه ناقص سفرتكم العاب خخ ..

انزين مارحتوا اماكن غير السوق << بلاغة شف خخ..

ومتابعينج@@

 

[احلى^فراولة]

ان شالله السنه الجايه عقب رمضان طيراااااان عالهند

اهي اهي اهي


ماكو اماكن غير الاسوقه يعني تراث جبال تل فريك

وتقبلي مروري سياسيه

سيااااسيه قولي نكي عشان استانس

 

[بتبوتااا]

متابعه وتعليقي خاشته لي الاخر

 

[^noonaa^]

ماشاءالله


والمصبغه عجييبه لوووول


يلااا حبووبه كملي ناااطريييين

 

[سياسية]

ماشاء الله البوفيه اشوق
يلا كملي ناطرينج :ggdw:​

حياج الله تشتوشا..

نورتي موضوعي

تابعيني..

 

[سياسية]

سياسيه تسلمين حبيبتي على هالصور الحلوه والله شوقتيني اروح الهند بس بسألج رخيصه او غاليه انا سامعه ان هناك مذركير اسعاره وايد ارخص من الكويت ومحلات ثانيه بعد ارخص
وبعدين انا ودي اروح موسم بوليوود ابي اشوف الممثليين اموت عليهم

هلا والله سويتي..

الله يسلمج ياقلبي..

مورخيصة صراحة.. اذا بتعيشين نفس المستوى اللي إنتي عايشة فيه بديرتج.. بتطلع رحلتج مكلفة

وبعدين إنتي و ميزانيتج تقررون الطريقة اللي تناسبكم في سفرتكم..في ناس يروحون حده قده.. ومايقدرون يصرفون فلس زيادة.. و في ناح مبحبحينها على الآخر..

وبالنسبة لمحلاتنا في الكويت (محلات الشايع) ما دخلت هناك أي شي منهم..دامه عندنا بالديرة ليش أضيع وقتي ؟

أما بالنسبة لبوليوود ماني عارفة الطريقة صراحة بس تقدرين تشوفين موقع او معلومات بالإنترنت.. واذا عزمتي بإذن الله.. تسألين مكتب سفرياتج اللي راح تتعاملين وياه