اتمنـــــــى انهـــــا تعجبــــــج هالقصــايـــــــده
نويت السفر يازين عنـي نويـت اتـروح
وانا اخـاف لا طولـت غيبَتـك تنسانـي
اخافك تناسا الحب والخافـق المجـروح
وقلبـك مـع الايـام والبعـد يسـلانـي
واما اللي من اسبابك عشقت السهر والنوح
الـى غبـت لايمكـن يهجعـن الاعيانـي
وجودي بعد غيبَتك ما اشوف به مصلـوح
لأنـي ابجلـس طـول غيبَتـك وحدانـي
ولكن فمـان الله ومـن لوعتـي مسمـوح
ابا اصبر على لوعات بعدك والاحزانـي
عسى تنعكس لوعات قلبي هنـاء وفـروح
بعد ما تعود وخافقـك مـا عشـق ثانـي
###
حبيبي متى ظرف السفـر ينتهـي وتجـي
ابي راحة من هاجس الشـوق وإزعاجـه
وترى دارنا في غيبتـك ماتسـاوي شـي
ياسر العـذاب وشمعـة الـدار وسراجـه
عيادتك طـال إقفالهـا والعـلاج شـوي
ومريضك ذبحه الخوف لايقضـي إعلاجـه
ذبحني بعادتـك ياهـو البـال وأنـا حـي
تلطـف بمـن حالـه لحسنـاك محتاجـه
ذبل زرع قلبي بعد ما أبطى عليـه الـرى
عسى ما يودع قبل مـا نقطـف إنتاجـه
أنا اصبحت من حبي لك ومن غموضك زي
غريق يصارع رهبـة البحـر وأمواجـه
كفا ماحصل يازين ماهيـب تكفـى هـي
ترى ما حد قبلـك حدتنـي لـه الحاجـه
خذ الاجر في منهو طوتـه المحبـة طـي
وهرج العرب فـي حالتـه زود احراجـه
لو إن حكم قلبي يالطيـف الحشـا بيـدي
حـرام إن أبيـن لـه طريقـه ومنهاجـه
بـلاي ان ربـي مبتلينـي بقلـب عــي
يلامن نصحتـه زلـزل الصـدر بخلاجـه
يكابر على اللوعات والكـي فـوق الكـي
وتجاريه عيـن بـأزرق الدمـع زعاجـه
الا يالجميل اللي جبينـك يشعشـع ضـي
وعيش الكرامـه والفخـر ترتـدي تاجـه
على الله متى من حر شمسك نجي في الفي
ونقضي علـى فرقـا المحبيـن بمواجـه
###
طال السفر والمنتظر مل صبره.....
والشوق يامحبوبي في ناظري شاب...
رد النظر..خليت بالكف جمره....
سعيرها في داخل القلب شاب...
عز الخبر والمهتوي ضاق صدره...
يامن برد العلم عن هاك الأحباب,,,
طيفه عبر ما أرسل مع الطيف عذره ,,,
هو خاطره من لوعتي ما بعد طاب...
هو ماذكر إن الجفاء فيه كسرة
للخافق اللي من هوى صاحبه ذاب,,,
ياما سهر طرفي على حبس عبره,,,
أردها والوجد للدمع جذاب.....
وعســى الله يــردها لــج بالســلامـــه
