افضل جهاز للارضيات 00السيراميك

[story]

:080402ask_prv:

السلام عليكم ورحمة اللة وبركاتة
يعطيكم العافية
بدش بالموضوع بدون مقدمات
بنات من تجربتكم شنو احسن جهاز اللي يخم ويغسل وينشف الارضيات السيراميك والرخام
حابه اشتري واحد سهل الاستعمال ومايخرب بسرعة ؟ومن وين اشترية؟
ياليت اللي جربو يفيدوني ​

 

[toto2006]

انا بعد ابي

 

[story]

ياعمري يا توتو الظاهر محد معطينا وجه
الكل يقرا ويمشي
الله يسامحكم

 

[أحلى همبه كويتية]

بصراحة امسح بالمساحة العادية اللي مثل الفوطة
وسلامتج

 

[حنان المطيري]

نفس اللي ادور علية المساحة العادية اللي تكون طويله وفيها خيوط وفي سطلين ازرق واحمر اللي يكون مع الخدم بالمستوصفات والمستشفيات وين نحصلها

 

[Katkota_46]

بصراحة امسح بالمساحة العادية اللي مثل الفوطة
وسلامتج

انا بعد نفس الطريقه , بس اذا عندج الرخام ما فيه لمعه تتصليين بالشركات هي اللي تقوم بعمليه التلميع ..​

 

[بعثرة محبره]

والله انا امسح بالفوطه ..

بس ودي اشوف احد جرب الاجهزه اللي تطلع على قنوات الاعلانات

 

[story]

مشكوررررين على الردود حبايبي
بس احنا راح نسكن بيتنا الجديد انشاء الله ومانبي نجيب شركة تنظفة
نخاف يطلع شغلهم مو حلو فنبي احنا نظفه بنفسنا بالجهاز
لاني سمعت ان في اجهزة تشفط الغبار وفي نفس الوقت تغسل وتشفط الماء
بعد وبالمره الجهاز لاح يكون حق استعمالنا اليوم للتنظيف يعني لاح نستغلة عدل
بدل هالشركات اللي تاخذ فلوس واخر شي مايعجبنا الشغل
ملاحظة :ابيت مووسخ وسخ ؟ يعني مجرد شوية غبار مايسوى شركه وسلامتكم :wqedqw:

 

[طيوفه]

السلام عليكم حبيبتي انا بصراحه طحت على ممسحه اسفنج لونها ازرق واهي ناشفه قاسيه ولما تنقعينها بالماي شوي تصير لينه وفيها حديده تسحبينها تعصر الماي منها وتمسحين فيها اي مكان بصراحه احسن من الممسحه اللي مثل الخيوط لان هاذي ما يصير وراها ماي واجد وبنفس الوقت حتى لو فيه شوي غبار او شعر يصير يلصق عليها من برا وبمجرد ما تغسلينه يطيح عنها بعكس الممسحه الخيوط لو فيه شعر دخل مع خيوطها ماعاد قدرتي تطلعينه وكل مره تمسحين راح يعذبج ترى اتكلم من تجربه على ارض الواقع وانا شريت ثنتين وحده للمطبخ لانه مو دايما بغسله وحده للصالات وباقي البيت لانه مايصلح وحده المطبخ تعرفين دهون وغيره قرقت واجد بس ابي اوصلج اللي عندي

 

[غلا مطير]

حتى انا ابي بعد

 

[همس البحر]

انا جربت اللي اسمها h2o بصراحه روعه في التنظيف واهي على البخار .

 

[غلا مطير]

سهله طريقة بتنظيف او صعبه ؟؟؟

تنصحين اني أشتريه؟؟؟

 

[*دانة الخليج*]

انا جربت اللي اسمها h2o بصراحه روعه في التنظيف واهي على البخار .

منوين اشتريتيهاااااااااااااااا؟؟؟وبجم؟؟؟؟

 

[منارة الإيمان]

روحي معرفي للتنظيف .. وطبي وتخيري .. من جميييع وسائل التنظيف الخااااصة .. موفقه .

 

[أميرة الورد2005]

روحي معرفي للتنظيف .. وطبي وتخيري .. من جميييع وسائل التنظيف الخااااصة .. موفقه .

بناااااااات وين معرفي للتنظيف

وجزاااكم الله خير

 

[منارة الإيمان]

شااايفة دوار الشويخ .. ألي لما تخلييين سوق لندن على إيدج اليمين ..فى محل دجاج بوعلي .. بجهته مباشرة ..وااااقع على الدوار نفسه ..

 

[وجـدان]

طيوفه من وين شاريتها ؟؟