القــمل :( نصايحكم يا خبيرات

[DanaQ8ia]

السلام عليكم

بقص لكم القصه من بدايتها :0bee2e8d89

قبل شهرين يمكن ...شريت جيس مكسرات صغير وحطيته بدرج الكمدينه عند سريري ...ما فتحته كلش ..يعني يديد

ونسيييييييييته... مادري انه موجود اصلا ... لاحظت عقب هالشهرين اني لما انام ... يصير على فراشي قمل ويتعلقون بهدومي ساعات :0bee2e8d89: ...لاعت جبدي من نفسي وقلت اكيد من الفراش نفسه ...قطيت السرير بكبره برة ونظفت تحته وحواليه والدار كلها عدل عدل عدل ...كل الزوايا والاطراف

قبل لا يوصل السرير اليديد ..اكتشفت ان القمل طالع من جيس المكسرات ... قطيت كلشي بالكمدينه و نظقتها عدل عدل عدل

رديت مرة ثانيه ونظفت الدار <<== وسواسيه

يبت السرير اليديد وتوقعت اني خلاص قضيت عليهم ..

اليوم شفت جم قمله صاعدين على الطوفه الي يم سريري .. وشفت جم وحده على الارض

شسوي بعمري

ابي حل ... شي مقرف ولايعه جبدي منه

 

[د.شريفة]

شلون يعني قمل يطلع من المكسرات ..............؟؟؟؟؟؟؟؟؟؟؟؟؟؟؟؟؟
اخاف حشرات ثانين مو قمل
لالالالا
شوفي ماكو الا اتيبين لج شركة تنظف لج البيت عدل مدل خصوصا غرفتج لالالالالالالالالالالالالالالا ويع استغفرالله

 

[DanaQ8ia]

لا دكتورة شريفه ..قمل قمل ما غيره

نفس قمل العيش

 

[nouna82]

وااااااااااااي استغفر الله الله يعييينج والله رشي دارج

 

[<< أزيان >>]

ههههههههههاي يحلاتك حبيبتي هذا موقمل الله لايوريك القمل شان مشى بشعرك وماطلع هذي يسمونها سوسة العيش وفي ناس يسمونها ادويبه كل واحد يسميها على ذوقه رشي البودر مال الحشرات وهوي الدار خاصه بالنهار خلي الشمس تدخل وهالله هالله بالتنظيف الدايم وماعليك الا العافيه

 

[فوق المستوى]

والله ما ادري ....... معقوله يطلع القمل من المكسرات ؟؟
بس اللي اعرفه في دوا امي تشتريه من الصيدليه وترشه بغرفت الخدامه عن القمل اللي فيها "" احتياط يعني ""
والدوا هذا اسمه بارا

؟؟؟؟؟؟؟؟؟؟؟؟

 

[supermarket]

ههههههههههاي يحلاتك حبيبتي هذا موقمل الله لايوريك القمل شان مشى بشعرك وماطلع هذي يسمونها سوسة العيش وفي ناس يسمونها ادويبه كل واحد يسميها على ذوقه رشي البودر مال الحشرات وهوي الدار خاصه بالنهار خلي الشمس تدخل وهالله هالله بالتنظيف الدايم وماعليك الا العافيه

سبحان الله ... نفس اللي كنت بقوله بالحرف :33_1185028183:

هذي سوسة العيش ... وتوني ادري انه يكون بعد بالمكسرات رشي البودرة وثاني يوم نظفي الادراج وكل مكان

وحاولي تحطين بالفوطة شوية ديتول مخفف وانتي تمشين ...

 

[DanaQ8ia]

مادري شسمها والله بس شكلها نفس الحشرة اللي تكون بالعيش

برش هالبودرة اللي تقولون عنها وبرد أنظف كلشي مرة ثانيه

بس بسأل

البودرة هذي فيها ريحه؟؟؟

 

[@رنوده@]

شوفي مالج الا تنظفين غرفتج عدل وتهوينها وتغسلينها بديتول وتطلعين كل أغراضج وتاكيدين ما فيهم شي وتمسحينهم بديتول لان يمكن فيهم بيض القمل

وبعدها ترشين بودرة بايجون خلصي علبتين او ثلاث عادي وخليه ثلاث ايام وبعدها خمي غرفتج وانشالله ما تلاقين اثر

والله يعينج

 

[~ام خالد~]

جسمي كله قام يحكنـــــــــــي
حبيبتي فظي دارج ونظفيها ورشيها من فوق لي تحت
كل يوووووووووم
بس ما توقع قمل هذا ادويبه لو قمل جان نام بشعرج نووووم

 

[سيدة الذوق]

نفس المشكله بس بالمطبخ .. ساعدوني نظفت كل شي وجبت شركة تنظيف مالت عليهم ماجني سويت شي

 

[خالف تعرف]

اخاف بق الفراش يكونون صغار يقرصون الجسم يمصون الدم ويتغذون عليه

 

[انوثة من حرير]

رشي بودر النمل علا الزوايا ويروح ان شالله ترا بسرعة يختفي مع التنظيف