عندج استفسار عن منهج الرياضيات للمرحلة الابتدائية....حياج

[وافية*]

شلونكم أبلاتنا ؟

ان شاء الله بخير

أفيدونا أفادكم الله

ولدي بثانية ابتدائي و عنده واجب في كتاب التلميذ صفحة 26 ألا و هو:
حاطين صورة حديقة و فيها يهال يلعبون و السؤال
1_ انظر الى الصورة و اقرأ ما فيها
2_ احك قصة جمع
3- كيف تدرك أن القصة هي قصة جمع؟
4- احك قصة طرح
5- كيف تدرك أن القصة هي قصة طرح

شسوي بالضبط؟

انا ماادرس ثانية بس اجيك باجر انشاللة واردلج

 

[(كويتيه عسل)]

شلونكم أبلاتنا ؟

ان شاء الله بخير

أفيدونا أفادكم الله

ولدي بثانية ابتدائي و عنده واجب في كتاب التلميذ صفحة 26 ألا و هو:
حاطين صورة حديقة و فيها يهال يلعبون و السؤال
1_ انظر الى الصورة و اقرأ ما فيها
2_ احك قصة جمع
3- كيف تدرك أن القصة هي قصة جمع؟
4- احك قصة طرح
5- كيف تدرك أن القصة هي قصة طرح

شسوي بالضبط؟

أنا أبلة متوسطة بس بساعدج وبساعد الوافيه*

1- مافيه شي السؤال قراءه

2- مع عمر 5 دنانير ، ونجح في الامتحان واعطاه والده 4 دنانير كم دينار أصبح مع عمر؟

3- لآن عدد الدنانير زادت عند عمر بعد نجاحه في الامتحان
عدد الدنانير = 5 + 4 = 9 دنانير



4- مثلا اشترى أحمد 4 تفاحات واكل تفاحه واحده كم تفاحة بقي لديه؟
(وممكن تغيرين الاعداد )

5- لان عدد التفاحات نقص كان 4 تفاحات بعد أن قام أحمد بأكل تفاحه واحد واصبحت 3 تفاحات

عدد التفاحات = 4 -1 = 1 تفاحه

 

[(كويتيه عسل)]

ماعليج امر ابي طريقه سهله تخليه يكتب الارقام صح بنسبه لدروسهم رابع اللي ارقام مكتوبه بالاحرف وهو يكتبها بالارقام.
.

أول شي ملااااااااحظه مهمه لازم تعرفينها ان احنا نقرأ العدد مثل مانكتبه

لازم يعرف عدد منازل العدد مثلا

ان الآلاف مكونه من مئات اللآلاف + عشرات الآلاف + آحاد الآلاف ، ومئات وعشرات وآحاد

يعني 6 منازل كل ثلاث منازل مع بعض

نبدأ بمئات اآلاف ثم آحاد الآلاف ثم عشرات الآلاف بعدين الجزء الثاني نبدأ مئات ثم اآحاد ثم العشرات

مثلا مائة وخمسة وتسعون ألفا ومائة وسبعة وأربعون

الجزء الاول مائة وخمسة وتسعون 195000

الجزء الثاني
يكتب فوق الاصفار 195147

وبعد مانخلص نعد و نتأكد جم الارقام اللي كتبناهم اذا 6 يعني صح

ونرد نقرا العدد ونشوف مثل الاسم اللفظي للعدد (لأن احنا نكتب العدد مثل مانقراه)

وثاني شي السابق ولاحق مو كلها لا في ارقام معقده ماني عارفه شلون اوصله المعلومه مثال 99999 شن بعدها او 19999 شن بعدها وفي اشياء ثانيه ماني ذاكرتها فياليت تقولين لي الطريقه لان امتحانه يوم الثلاثه.

السابق انقص واحد في منزلة الآحاد ( اللي يسبق العدد يعني قبله)

الاحق نزيد واحد في منزلة الآحاد (اللاحق اللي لاحق العدد يعني وراه بعد)

المثال اللي انتي حاطته

19999


العدد السابق لهالعدد = 19999 - 1 يطرح بالطريقه الرئسيه لانها اسهل


19999
- 1
___________

19998




العدد الاحق لهالعدد = 19999+ 1 يجمع بالطريقه الرئسيه لانها اسهل


19999
+ 1
___________

0 0 0 0 2

يعني يطلع :

19998 ، 19999 ،20000

هذا بالسابق واللاحق بس ترى سلاسل الاعداد شي ثاني ساعات

نزيد او انقص اكثر من واحد على حسب السؤال وعلى حسب السلسله

 

[بنت البحرين]

السلام عليكم يعطيكم الف عافيه

انا بنتي بلصف الاول وليلحين تخربط بالارقام 6 و7 و8 و9 ماتعرفها إلى اذا غنيتلها اغنيه الاعداد عرفت شكل العدد

وشلون اعلمها اسماء العدد؟؟؟

انا طريقتي في اسماء العدد اقولها حطي عدد في مخج وعدي باصابعج لين نوصل حق العدد المطلوب ما ادري صح؟؟؟

وعلى فكره انا ام مبتدئه.. وشكرا

 

[(كويتيه عسل)]

يووووووووووووووووووووووووووووووووووووووووووه

ماادري شفيه الجمع والطرح بشكل رأسي يطلع جذي

عيزت اعدل فيه

 

[(كويتيه عسل)]

السلام عليكم يعطيكم الف عافيه

انا بنتي بلصف الاول وليلحين تخربط بالارقام 6 و7 و8 و9 ماتعرفها إلى اذا غنيتلها اغنيه الاعداد عرفت شكل العدد

وشلون اعلمها اسماء العدد؟؟؟

انا طريقتي في اسماء العدد اقولها حطي عدد في مخج وعدي باصابعج لين نوصل حق العدد المطلوب ما ادري صح؟؟؟

وعلى فكره انا ام مبتدئه.. وشكرا

وعليكم السلام ورحة الله وبركاته

الله يخليها لج

انا اقول لطالباتي اللي يخربطون بكتابة بين العدد 6 و2

السته تطالع اليسار

سته ويسار فيهم حرف السين

وهم ال9 تسعه سته يطالعون اليسار حتى اقولهم سته تسعه يسار سسسسسسسسسسسسسس

7 رافعه ايدها تدعي ربها تنجح

8 حياااااااويه مستحيه او ماعندها ثقه بروحها وتطالعه الارض

وييبيلها تلوين اللي على الارقام والاعداد يبيعينهم في المكتبات وعند بو 100

وفي جمعية المعلمين

وفي برامج كمبيوتر للاعداد مكودين بالنت وفي محلات الكمبيوتر فيهم العاب

عن الارقام والاعداد وفي العاب وتركيب عند محلات الالعاب عن هالسوالف

وعنج بعد في الغاز يبيعون مثل كروت لليهال فيها الغاز للارقام موجوده في محلات الالعات وفي المكتبات

الغاز تقوي تفكيريها واااايد حلوه جنج تلعبين معاها مره تسألج ومره انتي سأليها

ويصير بينكم تنافس واااااااااايد راح تستانس بنتج

ولما تطلعين معاها على شكل سوالف مثلا اذا رحتي محل سأليها خليها تقرا

مثلا الرقم او السعر اذا كانت ماخذته بالمدرسه

اذا جاوبت صح بوسيها وشجعيها وقوليلها انا فخوره فيج ماشالله بنتي شطوره

ووضحيلها الفرق بينهم علشان تميز بينهم بالاشياء المحسوسه

6 أصغر من ال7

وال7 أصغر من 8

وال8 أصغر من 9

يعني تييبن لها

6 العاب متشابهه و8 الاقلام وخليها تعد كل واحد فيهم وتميز بنفسها بروحها ايهو الاكبر

علشان تفرق بينهم

 

[أم حمووووود]

السلام اشلونج ابلتي ولدي عنده درس مو عارفه احله ممكن المساعده حبيبيتيحاطين بكتاب ثانيه ابتدائي صوره تتكون من ام وابو واعيالهم وخواللهم وخالاتهم وصحون فيها سلطه وجزر وموز و4 دجاجات و7 تفاحات الى غيره
كيف تتشابه قصص الجمع والطرح؟
كيف تختلف قصص الجمع والطرح؟

 

[basema]

مشكورين و يعطيكم العافية علي المساعدات الي تقدمونها

 

[(كويتيه عسل)]

السلام اشلونج ابلتي ولدي عنده درس مو عارفه احله ممكن المساعده حبيبيتي حاطين بكتاب ثانيه ابتدائي صوره تتكون من ام وابو واعيالهم وخواللهم وخالاتهم وصحون فيها سلطه وجزر وموز و4 دجاجات و7 تفاحات الى غيره
كيف تتشابه قصص الجمع والطرح؟
كيف تختلف قصص الجمع والطرح؟

أنا أبلة متوسطة ماعندي كتب ابتدائي بس انشالله مااقصر معاج

تقدرين تصورين الصفحه بالسكانر وتنزلينها علشان اشوفها واشوف الصورة

بس الدرس حاطين الام واليهال والخوال والخالات ههههههههههه :krkrkr:

يعني متيمعين بالويك اند هههههههه:krkrkr: المهم

بشكل عام


*في عبارة الجمع العدد الاول ممكن يكون اصغر من العدد الثاني

في عبارة الطرح مايصير ولا يمكن ان يكون العدد الاول (المطروح ) اصغر من العدد الثاني (المطروح منه)

مثلا :

13+ 19 نتقدر نوجد الناتج بس

13- 19 مايصير




* عملية الجمع ابداليه

عملية الطرح ليست ابداليه يعني نقدر نبدل الارقام ويعكينا الناتج مثل مااهوا مايتغير

مثلا

3 + 5 =8
5 + 3 = 8

عملية الطرح ليست ابداليه نقدر نقول

5 - 3 = 2

بس مايصير

3 - 5


* طريقة اعادة التسمية في عملية الجمع تختلف عن عملية اعادة التسميه في عملية الطرح

* عباره الجمع تتكون من العدد الاول ، علامة الجمع ، العدد الثاني ، علامة اليساوي ، ناتج الجمع

عبارة الطرح تتكون من العدد الاول (نسميه المطروح) ، علامة الطرح ، العدد الثاني نسميه ( المطروح منه) ،
علامة اليساوي ، ناتج الطرح


* عملية الجمع : زيادة في العدد

عملية الطرح : نقص في العدد

عملية الجمع تتكون من عددين او كثر لما نضيفهم على بعض يزيدون

عملة الطرح تتكون من طرح عدد من آخر والعدد في النهايه ينقص

مثلا

12 -8 = 4

4 + 8 = 12

 

[(كويتيه عسل)]

مشكورين و يعطيكم العافية علي المساعدات الي تقدمونها

عفوااااااااااا

 

[ثلوج الشيشان]

الله يجزاكم الخير ويبارك فيكم وعساكم على القوه بالنسبه للصف الثالث ابي طريقة في العمليه عددان مجموعهما 80والفرق بينهم 2؟ماهي الخطه للحل .

 

[um hamed]

السلاام عليكم
يعطيكم العافيه
عندي اسئله بكتاب التمارين لثالثه ابتدائي عصرت مخي ما طلعت النتيجه
عددين مجموعهم 92 والفرق بينهم 6 نقاط جم يكونون طبعا ما نقدر نستخدم الطرح لان ما وصلوله
عددين مجموعم 104 والفرق بينهم 4 جم يكونون اذا حليتو لي ايااه انا اكمل الباجي بس ابي الطريقه لان ما يصير نطرح
والله يجزاكم خير ويوفقكم ويسمح دربكم امين يا رب العالمين

 

[(كويتيه عسل)]

الله يجزاكم الخير ويبارك فيكم وعساكم على القوه بالنسبه للصف الثالث ابي طريقة في العمليه عددان مجموعهما 80والفرق بينهم 2؟ماهي الخطه للحل .

شالسؤاااااااااااااااال وايد اكبر من سنهم

والاعداد كبيره حرااااااااااااام عليهم شالاسئله :bbbiu:

هالسؤال انا خذيته بالبكالريوس في

مادة تخصص رياضيات اسمها تفاضل وتكامل

انا ابلة متوسطه الصراحه بس موقادره اشووف اسئلتكم وماارد

اعرف هالطريقه بس مادري شلون يعطونهم جذي اسئله مساكين المهم

انا بحلها لج وانتي شوفي طريقة ابلة بنتج ولا ولدج

الحل:

نفرض أن العدد الاول س

نفرض ان العدد الثاني ص

وبما ان الفرق بين العدد 2 يعني

س - ص = 2 معادلة (1)

س + ص = 80 معادلة (2)

من معادلة (1)

س - ص = 2

س = 2 + ص معادلة (3)

نعوض معادلة (3) في معادلة (2)

س + ص = 80

(2 + ص ) + ص = 80

2 + 2ص = 80

2ص = 80 - 2

2ص = 78

ص = 78 ÷ 2

ص = 39

اذن ص = 39 معادلة (4)

نعوض معادلة (4) في معادلة رقم (1)

س - 39 = 80

س = 80 - 39

اذن س = 41

اذن العدد الثاني = 41

وعلشان نتاكد

41 + 39 راح يطلع الناتج = 80 وكذلك

41 - 39 = 2


هذا الحل بالتفصيل

 

[(كويتيه عسل)]

السلاام عليكم
يعطيكم العافيه
عندي اسئله بكتاب التمارين لثالثه ابتدائي عصرت مخي ما طلعت النتيجه
عددين مجموعهم 92 والفرق بينهم 6 نقاط جم يكونون طبعا ما نقدر نستخدم الطرح لان ما وصلوله
عددين مجموعم 104 والفرق بينهم 4 جم يكونون اذا حليتو لي ايااه انا اكمل الباجي بس ابي الطريقه لان ما يصير نطرح
والله يجزاكم خير ويوفقكم ويسمح دربكم امين يا رب العالمين

انا ابلة متوسطة بس حبيت اساعدج موقادره اشوف اسئلتكم وماارد

وحاسه فيكم انهكم محتاسيسن بالمنهج انا اعرف هالطريقة مادري اذا في طريقه ثانيه

بس هالطريقه اهيا الصح انا بحلج المسألتين وانتي شوفي خلي بنتج ولا ولدج يسأل الابله

او انتي بالاجتماع سأليها وشوفي طريقتها

شلون ماخذو الطرح ومعطينهم جذي سؤال وشلون يبون الحل ومايصير يستخدمون عملية الطرح @!@

اصلن معنى الفرق بين عددين يعني عملية طرح المهم

انا بحلهم لج وانتي شوفي ابلتهم

المسأله الاولى:

نفرض ان س العدد الاول

نفرض ان ص العدد الثاني

س + ص = 92 معادلة (1)

س - ص = 6 معادلة (2)

من معادلة (2)

س - ص = 6

س = 6 + ص معادلة (3)

نعوض معادلة (3) في معادلة (1)

(6+ص) + ص = 92

6 + 2ص = 92

2ص = 92 - 6

2ص = 86

ص = 86 ÷ 2

ص = 43 معادلة (4)

نعوض معادلة (4) في معادلة (1)

س + ص = 92

س + 43 = 92

س = 92 - 43

س = 49

علشان نتاكد :

49 + 43 راح يعطينا 92

49 - 43 = 6

هذا الحل بالتفصيل

 

[ابلة حساب]

السلام عليكم
بالنسبة للسؤال الاول
عددان مجموعهما 80 والفرق بينهما 2 هو 39 - 41
وطريقة الحل هي :
التلميذ يستند الى الحقيقة الاساسية لعبارة الجمع وهي 4 + 4 = 8 ====> 40+40=80
وبما ان الفرق بينهم 2 يجب ان يكون احدهما اكثر او اقل من الثاني بمقدار 2
يعني مجمل الحديث الدرس هذا معتمد على الاحتمال
وليس حل معادلات وهذا خطا اذا علمتوا عيالكم
وبصراحة الدرس هذا مو داش بالامتحان وليس له مهارة يمتحن عليها
وانشالله افدتكم فيها
اما بالنسبة للسؤال الثاني فيحل بنفس الاسلوب
واذا في اي استفسار بالخدمة
واذا قدرتي على الخاص احسن لاني ما اتابع المواضيع باستمرار

 

[(كويتيه عسل)]

عددين مجموعم 104 والفرق بينهم 4 جم

المسألة 2:

الحل:

نفرض ان العدد الاول س

نفرض ان العدد الثاني ص

س + ص = 104 المعادلة (1)

س - ص = 4 معادلة (2)

من معادلة (2)

س - ص = 4

س = 4 + ص معادلة (3)

نعوض معادلة (3) في معادلة (1)

(4 + ص ) + ص = 104

4 + 2ص = 104

2ص = 104 - 4

2ص = 100

ص = 100 ÷ 2

ص = 50 معادلة (4)

نعوض معادلة (4 ) في معادلة (1)

س + 50 = 104

س = 104 - 50

س = 54

علشان نتاكد 54 + 50 = 104

و كذلك 54 - 50 = 4

اذن العدد الاول س = 54

والعدد الثاني ص = 50

 

[(كويتيه عسل)]

السلام عليكم
بالنسبة للسؤال الاول
عددان مجموعهما 80 والفرق بينهما 2 هو 39 - 41
وطريقة الحل هي :
التلميذ يستند الى الحقيقة الاساسية لعبارة الجمع وهي 4 + 4 = 8 ====> 40+40=80
وبما ان الفرق بينهم 2 يجب ان يكون احدهما اكثر او اقل من الثاني بمقدار 2
يعني مجمل الحديث الدرس هذا معتمد على الاحتمال
وليس حل معادلات وهذا خطا اذا علمتوا عيالكم

شلون ناجحه وماخذه البكالريوس @!@

اذا حلي خطأ يعني شهادتج انتي خطأ

لان هالمعادلات ماخذينهم في مادتين بعد مو ماده في البكالريوس

الاعداد اللي انا طلعتها مع النواتج كلها صح وانا متاكده من الحل وحاطه البرهان معاهم وطريقة التأكد بعد

واتحداااااااااااااااااااااااااااااج اذا غلط

بعدين مافي في الرياضيات خطأ يا أبله

وطريقتج هذي ماتطبق على كل الاعداد عدد قليل من الطلبه يعرفون ضعف العدد

ممكن في طالب يقولج 8 = 6 + 2 شلون بتحلينها بتقولينله 6 + 2 خطأ مايساوي 8

اصلن طريقتج في ضعف الاعداد ماتقدرن تطبقين على كل المسائل

اللي تقولين عنه هذا اي نظريه اي يقانون يقول جذي اتحداااااااج اذا تعرفين اسم هالقانون او النظريه

اصلن مافي نظريه ولا قانون لهالحل

انتي قاعده تطبيين نظريه وقانون من تأليفكم

ومحد ماكلها الا الطلبه مساااااااااااكين

بعدين وعرفي شنو معناة احتمال قبل لاتقولينه كلمة احتمال

المسائل اللي من هالنوع اكبر خطأ تقوليلنها كلمة احتمال

مافي شي اسمه احتمال في المسائل اللفظيه والرياضيات مادة منطقيه 1 + 1 = 2

 

[ضحـاوي]

مو عارفه احل الواجب حق بنتي بثالثه ابتدائي

س --- كيف تساعدك معرفة 6 + 4 = 10 على ايجاد ناتج 68 + 14 باستخدام الحساب الذهني ؟؟؟

س --- كيف يمكن للارقام التي عند جمعها تعطي 10 ان تساعدك على حل 58 + 32 ؟؟؟؟

بانتظار الحل ويزاج الله خير

 

[(كويتيه عسل)]

مو عارفه احل الواجب حق بنتي بثالثه ابتدائي

س --- كيف تساعدك معرفة 6 + 4 = 10 على ايجاد ناتج 68 + 14 باستخدام الحساب الذهني ؟؟؟

س --- كيف يمكن للارقام التي عند جمعها تعطي 10 ان تساعدك على حل 58 + 32 ؟؟؟؟

بانتظار الحل ويزاج الله خير

هالسؤال مر علي وحليت لاحد بس ماادري وين حليته

خل ادور عليه وانسخه لج

 

[(كويتيه عسل)]

مو عارفه احل الواجب حق بنتي بثالثه ابتدائي

س --- كيف تساعدك معرفة 6 + 4 = 10 على ايجاد ناتج 68 + 14 باستخدام الحساب الذهني ؟؟؟

س --- كيف يمكن للارقام التي عند جمعها تعطي 10 ان تساعدك على حل 58 + 32 ؟؟؟؟

بانتظار الحل ويزاج الله خير

http://www.q8yat.net/showthread.php?t=252441