استفساراتكم عن الحضانات تجدونها هنا - الجزء الأول

[ام فهادى]

رد: اشرايكم حضانة الروضة النموجية ولا ليتل لاند ؟؟

الصراحه ماكو على حضانه ليتل لاند حدها عجيبه انا مدخلى ولدى فيها وايد زينه انصحج فيها وماشالله عليها بدور الجرى صاحبه الحضانه حدها ممتازه فى التعامل وراح تلاحظين من اول شى شلون يستفيد الطفل

 

[ريحانة]

رد: اشرايكم حضانة الروضة النموجية ولا ليتل لاند ؟؟

انشالله القى مكان يارب فيها على التسجيل الياي

 

[bib23]

رد: أفضل حضانه للأطفال / حياكم

مسائكم خير
انا توني عضوة يديدة في المنتدى
اذا حابين تعرفون اي شي عن حضانة افنان تفضلوا لاني اشتغل فيها و انشالله اقدر افيدكم ​

 

[moony77]

رد: أفضل حضانه للأطفال / حياكم

اشلونكم بنات منطقة الصباحية
ترا اليوم مريت حضانة اسمها المبدع الصغير صراحه منظرها حلو وتوها يديده ومكانها في قطعة 3 في مبرة الرحمه

 

[اخصائيه]

رد: أفضل حضانه للأطفال / حياكم

بناااااااات انا بسجل ولدي بحضانه سوبر كيدز باليرموووووووك اشلونها ؟؟ انا واااايد ارتحت لها و اعجبتني و عندهم كاميرا و سايت اقدر اشوف فيه ولدي لالا و الخدامه اداوم مع ولدي عااااااادي فتح الملف 60 و الشهر 90 اشرايكم انا اليوم رحت بس ولدي حبيبي ويتنج لست و قاام يبجي يبي يلعب باللألعاب

حبيبتي انت غلطانة انا بنتي بهالحضانة اسعارهم 80 فتح ملف و110 شهريا والصراحة اهي اكثر من ممتازة ....بس جم عمر ولدج ؟

 

[أم فرووحة]

رد: منو سامعة بحضانة النوابغ بجنوب السرة ؟

اعرف وحده تقول عنها ممتازه و يعلمونهم القرآن عدل و الادعية..يغلب عليها الطابع الاسلامي و هذا الحلو فيهم..و ان شاء الله اللي تعرف معلومات بعد تفيدج اكثر

 

[Nawara]

رد: منو سامعة بحضانة النوابغ بجنوب السرة ؟

يمدحونها وأصحابها دكاترة وشيوخ د شايع الشايع ود البديوي والشيخ عدنان عبدالقادر ونسيت الرابع

 

[غــ Q8 ــزلان]

حضانة او روضة تهتم بتحفيظ القرآن بالجهراء

السلام عليكم ورحمة الله وبركاتة ..

ممكن تفيدوني باحسن روضة او حضانة بالجهرا تهتم بتحفيظ القرآن .. بنتي اسم الله عليها عمرها 3 سنوات وشهرين ..
وابيها تحفظ قرآن ..

وشرايكم بحضانة طيبة ؟؟؟

 

[ام بنتها]

رد: أفضل حضانه للأطفال / حياكم

قوه بناات شلوونكم
ابي حضاانه انجليزيه زينه تكوون قريبه من الجابريه السره الروضه او السلااام
و ماا تكون حيل غاليه يعني حدها 800 حق الكورسين
لقيت منتسوري و لتل لاند و الفصحى بس حييل غالين فوق الالف
بليييييييز سااعدوني

 

[ام بنتها]

عااااااااااااااجل ابي حضانه انجليزيه مو وايد غاليه

قوه بنااات شلوونكم
ابي حضاانة انجليزيه حق بنتي
وابيها تكوون قويه وممتازه و تفيد الطفل من صج
عجبتني منتسوري و الفصحى بس حيل حيل غالين فوق الالف بالسنه بس شكلهم عجييييب
و انا حدي حدي 800
ودي تتعلم انجليزي
في وايد حضانات يكونون بس شكلهم من برا حلو بس لااا مضمون الياهل ياا يلعب او نايم انا ودي بحضاانه مستواها عالي بالتدريس مثل مستوى منتسوري بس ارخص

يااليت الي تعرف حضااانة قويه انجليزيه تدلني عليهاا
و افضل تكوون بهالمنااطق
الجابريه السره الروضه السلام

دورت و الي القاهم يكوونوون غالين وايد :0bee2e8d89:

 

[عتانو]

أي حضانه معرفي ولا أفنان إلي في بيان

السلام عليكم


مابي أطول عليكم بس حبيت أعرف أهي أحسن حضانه

معرفي ولا أفنان

محتاره مادري أودي ولدي أي وحده

عمر ولدي 3 سنوات

وإذا في أحسن منهم شنو
بس أبيها تكون قريبه من بيان



وسلامتكم يالغالين

 

[manarah]

رد: أي حضانه معرفي ولا أفنان إلي في بيان

انا اعيالي بحضانه افنان والحضانه وايد حلوه ومرتبه وعندهم منهج يمشون عليه يعني كل اسبوع ياخذون حرف وكلماته وشكل هندسي ولون مع دعاء ويحفظون بعد سور قصيره ... اهي ثنائية اللغه يعني عربي وانجليزي .. عندهم رحلات اسبوعيه وعندهم انشطه حلوه لليهال ... مريهم وشوفيهم .. بالنسبه لحضانه معرفي ماعندي فكره عنها .

 

[سبائك]

رد: أي حضانه معرفي ولا أفنان إلي في بيان

حضانة افنان جم بالشهر؟؟

 

[عتانو]

رد: أي حضانه معرفي ولا أفنان إلي في بيان

مشكورين حبايبي على المرور
أنا مريت الحضانتين وشدوني معرفي فيها كتب ومنهج مو أوراق مثل أفنان
بس حبيت أسألكم لأن تجربتكم خير نصيحه
أفنان الشهر 150 وفتح ملف 30
معرفي حتى يعلمون الأطفال أشلون يسوين أشكال بالتوست علشان البيبي يشتهي ياكل
معرفي فتح ملف 100 والشهر 90 دينار

وسلامتكم يالغالين

 

[bib23]

رد: أي حضانه معرفي ولا أفنان إلي في بيان

السلام عليكم
بالنسبة لحضانة افنان و عشاني اشتغل فيها اقول انه عندنا كتاب عربي للمستوى الثاني يشمل الاحرف و الكلمات و المنهج الباقي صج انه على اوراق بس يستفيد منها الطفل و تطلع التطبيقات كل اخر اسبوع في ملف للطفل و عندنا رحلات و برنامج كامل للطفل على طول الاسبوع و يتوزع بحيث انه نعطي المواد كلها و ما يطوفة شي و اساس الحضانة و اللي معروفين فيه قبل دراسة المنهج اهو تقويم سلوك الطفل و بناء ذاته بحيث يطلع واثق من نفسة و يعرف يحاور بكل جراءة
و اذا عنكم اي سؤال ثاني انا مستعدة افيدكم بالتفصيل و انشالله ما نقصر معاكم ​

 

[*دانة الخليج*]

رد: أي حضانه معرفي ولا أفنان إلي في بيان

ترى الاسعااااره مو مقياس ابدا

والافضل سألي واللي ترتاحين لها توكلي على الله وسجلي ولدج

 

[*دانة الخليج*]

رد: حضانة او روضة تهتم بتحفيظ القرآن بالجهراء

ان شاء الله احد يقدر يساعدج
بالتوفيق

 

[غــ Q8 ــزلان]

رد: حضانة او روضة تهتم بتحفيظ القرآن بالجهراء

اشكر لج مرورج الغالي ..

انتظر المساعدة

 

[84 Miss Chocolate]

رد: أفضل حضانه للأطفال / حياكم

حبيبتي انت غلطانة انا بنتي بهالحضانة اسعارهم 80 فتح ملف و110 شهريا والصراحة اهي اكثر من ممتازة ....بس جم عمر ولدج ؟

انا قالولي فتح الملف 60 و شهريا 90 !!
ولدي عمره سنه و 10 شهور ؟؟ بس ليلحين ما تسجل قالتلي اذا سجلته الحين ادفع 90 كامله مع ان الشهر بيخلص فقتلها انطر 1-12 يعني من بدايه الشهر .

 

[amanea]

أختي محتاره بولدها ماتدري وين توديه...

السلام عليكم
شلونكم خواتي...

ولد أختي عمره 4سنوات مشكلته مشكله هالولد حنان كله يبجي والشي اللي يبيه يبجي ويصرخ عشان يحصله هالشي وماعنده
تمييز بالوقت إذا بغى شي بالليل نقوله السوق مسكر يقولنا ليش مسكر لا ودوني اللحين وبجي وحنه مايستوعب كلام امه............

الارقام مايعرفها والالوان مايعرفها وإذا قالت له قصه يجننها بالاسئلة وأسئلة ماله معنى ولا لها صله بالقصة..........

ودها تدخل حضانة سنعة قالوا لها عن حضانة أفنان فهل تصلح له واذا تعرفون حضانة مميزه تنمي ذكائة وتغيره للاحسن..