استفساراتكم عن الحضانات تجدونها هنا - الجزء الأول

[ريحانة]

رد: حضانة مرح للاطفال بالنزهة ؟؟

مشكورين وما قصرتو

 

[أم عبدالله Q8]

رد: عااااااااااااااجل ابي حضانه انجليزيه مو وايد غاليه

انا بنتي اوديها الاكاديمية الامريكية للبنات في سلوى بالسنة 950 بس ماشالله بنتي ليلحين تمااااااااام وايد استانست عليها أحسها صج استفادت والاهم مدرسة مو بيت وعندهم منهج يمشون عليه ولبس موحد

 

[amira_alsaher]

رد: أي حضانه معرفي ولا أفنان إلي في بيان

حضانة أفنان ستافهم صوماليات ومصريات
الله يخليج بس ما له داعي الواحد يتكلم زيادة كافي اللي شفته منكم
ناس ماديين لابعد درجة ما يهمكم شنو معنى طفل ولا اهتمام

 

[آخر_العنقود]

رد: أفضل حضانه للأطفال / حياكم

قوى بنات
بغيت أسال عن حضانة سوبر كدز اللي في اليرموك او ليتل كدز اشلونها و و لي الساعة كم دوامهم
و يعطلون بالصيف و لا لأ
الاهم من كل هذا اشلون الاسعار
الصراحة عالحضانات صاروا نار الظاهر يضاربون بالاسهم

 

[عتانو]

رد: أي حضانه معرفي ولا أفنان إلي في بيان

مشكورين خواتي

 

[عتانو]

رد: أي حضانه معرفي ولا أفنان إلي في بيان

حضانة أفنان ستافهم صوماليات ومصريات
الله يخليج بس ما له داعي الواحد يتكلم زيادة كافي اللي شفته منكم
ناس ماديين لابعد درجة ما يهمكم شنو معنى طفل ولا اهتمام

حبيبتي أشفيج علي

أنا قلت الأسعار لأن في أخت سألت عن السعر وحبيت أرد عليها

وأنا ماعندي غير هل ولد ماني بخلانه عليه
بس أنتي وايد معصبه أنا سألت أول شي عن المستوى وبعدين بالرد الثاني قلت الأسعار

ولي عنده كلمه حلوه خيقولها ولي ماعندي مانبي مشاركته


على العموم مشكورين حبايبي
وسلامتكم يالغالين

 

[اخصائيه]

رد: أفضل حضانه للأطفال / حياكم

كلمتهم قالت لأ، عمر ولدي من سنه لسنتين يكون بالشهر 90 .. يعني لازم ناخذهم 12 و نص ؟!!
انا إلي عجبني ان الخدامه تقدر اداوم مع ولدي لأن مابيه ينصدم اني خليته و لما يتعود يداوم بروحه .

ما فهمت اختي قصدج قالولج يختلف السعر من عمر الي لعمر؟ بخصوص طلعتهم قالولي ما في مشكلة اقدر اخلي بنتي الي ال1,5 بس من 12,5 ينتهي الدوام وياخذون الاطفال لغرفة التلفزيون وبصراحة ما هانت علي بنتي تقعد وتتشوف اكثر اليهال طالعين فوصيت خواتي ياخذونها, بخصوص الخدم انبلا اشوف وايد يهال صغار مع خدمهم

 

[سيدة الكويت]

رد: أفضل حضانه للأطفال / حياكم

بيبىىىىىىىىىى قاردن الى بالسلاممممممممم تلوع الجبد ..................من ناظرتهم وبعض المدارسات والسكرتيره ماكو تعامل زين الصراحه مع اولياء الأمور

حضانه فيوتشر امدحوها ناظرتهم حبوبه اعتقد بالشهر 80 دينار

 

[غموض المطيرى]

امهات صباح الناصر دشوا

انا سمعت من قبل عن حضانة انجال انها موشى وان خدمتها وتعاملها مع الاطفال غير تربوى من صديقه لى مقربه بس حبيت اشوف الوضع بعينى عشانها قريبه على بيتى ومالى خلق اطق درب لحضانات بعيده وللاسف رحت اليوم وبالغصب دخلتنى اشوفها على الطبيعه كانها خايفه من شى بس انا الحيت انى ادش ودخلتنى وبصراحه والله يابنات شفت العامله بعينى تعصب وتخرع طفل بالسرير تقريبا عمره 6 اشهر بعد عمرى قطع قلبى حسبى الله عليهم وقلت للمسؤوله اشلون جذيه تخيلوا شنو كان ردها؟ لاهى قاعده تلعبه ليش انا ما اشوف بعينى ؟تكفون ديروا بالكم على عيالكم من هالحضانه والله موشى حتى من داخل حدها قذره ادرى انى قرفرت كثير بس والله لمصلحتكم

 

[خذاني الشوق]

رد: امهات صباح الناصر دشوا

يعطيج الف عافيه حبوبه عاد شكثر مدحوها لي

 

[وصية ابي]

رد: امهات صباح الناصر دشوا

والله ما ندري في ناس تمدحها وفي ناس تسبها ما ندري منو نصدق


يا ليت اللي عندها تجربه تفيدنا وبلنسبه للدروس التقويه عندهم ِِِِشلونهم اللي مجربتها تدخل تفيدنا وما لها غير الاجرررررررر

 

[QATAR QUEEN]

رد: أفضل حضانه للأطفال / حياكم

حضانة سوبر كيدز الي باليرموك شنو برنامجها يعني لو ادخل ولدي شنو راح يستفيد مثلا...!!!

لان من كلامكم شكلهم مهتمين بالطفل حيل

 

[cramela]

رد: أفضل حضانه للأطفال / حياكم

بنات احد يعرف او سمع شئ عن حضانه الفيحاء؟؟؟؟؟؟

 

[amira_alsaher]

رد: أي حضانه معرفي ولا أفنان إلي في بيان

أول شي انا مااقصدج انتي !!!

أنا تكلمت عن تجربتي مع حضان افنان ناس مادية وشفت منهم معالمة سيئة للطفل وبعيني شفت مسؤولتهمتقول لليهال جب ولا كلمة

انا مو مدخلة عيالي علشان يقولون لهم جب !!!
على قولتج هذولاعيالي ومالي غيرهم في هالدنيا

وانتي سألتي سؤال وانا رديت علشان افيدج حق ولدج

ماني معصبة ولا شي وبشارك بكلمة حلوة لو كانت التجربة حلوة وبرد بكلمة مو حلوة ما تكون التجربة قاسية علشان افيد الأوادم

اذا في ناس حساسة ما نبي مشاركاتهم

تحياتي حبيبتي والله يخلي لج ولدج يا رب

 

[باونتى]

رد: أي حضانه معرفي ولا أفنان إلي في بيان

أنا رحت وزرت حضانة أفنان اللى فى بيان ووااايد ارتحت للحضانه وشفت الصفوف واليهال .. بصراحه شى حلو ومرتب وان شاء الله بسجل ولدى على اول شهر 12

 

[حرم حسن]

رد: أي حضانه معرفي ولا أفنان إلي في بيان

بالنسبه لحضانة معرفي الستاف كله كويتيات وبدون وفي مدرسه وحده باكستانيه بس عندها شهاده واهيه تدرس انجليزي
وبمعرفي يستعينون باللعب لتوصيل المعلومه للياهل يعني الطفل مايمل
وفعلا بمعرفي لهم كتب خاصه فيهم ومنهج
وعلى فكره ... صاحبه الحضانه استاذه بجامعة الكويت تخصص e يعني وااااااااااايد مهتمه بالانجليزي بالتدريس
واي سوال عن معرفي انا حاضره

 

[تروبيكانا]

رد: أفضل حضانه للأطفال / حياكم

انا شكلي بطلع ولدي من بيبي قاردن نهاية هالاسبوع يايني ممخوش ويهه للمره الثانيه انا قلت اول مره يمكن غصب عنهم س المره الثانيه معناتها اهمال ومو دايرين بالهم على الاطفال عدل والا شنو ياهلين يتخانقون على لعبه ويعورون بعض المدرسه وينها عنهم صج ولدي حركي س ما يغلط على احد بعد عمري تشرح ويهه للمره الثانيه من جذي قررت ما راح اخليه يداوم عندهم بعد

 

[hajer81]

رد: أفضل حضانه للأطفال / حياكم

بصراحة حضانة الينابيع روعة والحين حاطين بعد كاميرات وتقدر كل وحده تشوف عيالهم وهما بالصفوغير اهتمامهم بالتأسيس العربي والقرآن

 

[مسالمه]

اللي تعرف حضانه بالجهرا تدش ؟؟

بنات عفيه اللي تعرف حضانه بالجهرا تقولي شسمها وجم ندفع كل شهر ويعطيكم ألف عافيه ...

 

[!..القبله..!]

رد: اللي تعرف حضانه بالجهرا تدش ؟؟

طيبه ............... 24582824

ليتل اكاديمي ...............24589552


هذا اللي اعرفهم دقي عليهم واستفسري