¨°o.O ( سـفـرتي بالصـوت والصـورة لبـلاد العجـائـب ... الهنـــــــد ... ) O.o°¨

[سياسية]

وااااو التقرير رووووووووعة

وعجبني بالتقرير بوفيه الريوق ماخلوا شي ماحطوه على الطاولة يختي العين تشبع ( بطينية )

وبعد عجبني تغطية الجانب الفقير بالتقرير الحمدلله على النعمة ... كسروا خاطري

متاااابعة وقواج الله

حياج الله سوبرماركت...

تسلمين يا قلبي..

إي والله يقطعون القلب الفقارى اللي اهناك

خلج متابعتني..

 

[سياسية]

رووووووعه .. بصراحه ماتوقعت ان الهند جذي
---- ماخذه فكره غلط عن هالدوله
التقرير والتصوير وااايد حلوين .. تصدقين شوقتيني اسااافر للهند
ومتااااابعينج​

هلا وغلا أحلى سمايل

لا إتينن الديرة ..لا يغرج

ومشكورة وما قصرتي ياقلبي..

إذا تقدرين روحي لا تفوتينها عليج

نورتيني :tek:

 

[سياسية]

خوش تقرير سياسيه

ماتوقعت بلاقي تقرير مفصل عن الهند عندنى بالمنتدى

بس صج يستااااااااااهل


جوووو اهيد

هلا وغلا أم مض مض

والله انا حاولت ادور بالمنتدى.. بس ما لقيت..قلت أسافر للديرة و اعطيكم فكرة عنها لا رجعت ..

<--- بززززززززززززززززززززز :dddds:

لا والله.. كنت مسافرة راحة و استجمام.. قلت بالمرة أحاول كثر ما أقدر أغطي سفرتي..

ولو إن التصوير بعض الأحيان يكون على قدّي و أحسه خواره.. بس يأدي الغرض:fun22:

<-- ترفع معنويات روحها لول

حياج الله و نورتيني والله :tek:

 

[سياسية]

متابعة.... لا تطولين

حياج الله يا بختج..

ان شاء الله ماني مطولة..بس خل يترقع موقع التحميل شوي :eh_s(14):

صج لوّع جبدي :cxxxp:

نورتي ياقلبي :tek:

 

[سياسية]

سياسية،،


تقرير رااائع أختي الغالية،،

أنا سرت الهند بالصيف وبالتحديد حيدرآباد،، وشو المطر كان ونااااسه،،

والصراااحة تطورت حيدرآباد بشكل كبير،،

وبانتظار بقية التقرير،،

لج أطيب التحايا،،

هلا و غلا بنت الخور..

حياج الله بتقريري

حيدر أباد أتينن..مطر و خضرة وجوها على طول السنة جذي ما يتغير..

كنت رايحة لها بأول سفرة لي للهند.. بس هالمرة ما مريت عليها..

خلج متابعتني

 

[سياسية]

اليوم الرابع:
--------

قعدنا من صباح الله خير...ونزلنا تريقنا...

صحن الفاكهة اليومي

والمناظر..لازم أحط لكم كل يوم.. عشان تشبعون من هاللوك

اي صح نسيت..

ذيج المرة كنت قايلة لكم إني بطق فيكم فرة على الفندق..بس أبي فيو صباحي عشان كل شي يبين..

على ما نروح سيارتنا قلت أجكجك لي جم صورة


هذا المنظر الرئيسي لما تدخلين الفندق..

وهذا جوانبه في ورود تونس..

ما قدرت أصور لكم اللوبي أكثر لأن في ناس وايد..ما بغيت يقولون عني عمرها ما شافت فنادق لول

المهم طلعنا ذاك اليوم.. لمشوار تسوقي

واحنا بالطريج ولا وحدة تبيع جناط..

شوفوا طريقة العرض..

وتوجهنا حق محل إسمه

كل شي عنده من مجوهرات و تحف و ملابس و جناط..

يعني كأنه department store

يتبع..​

 

[سياسية]

المصريين عندهم الطأم المدهب.. هذولا عندهم الطأم المفضض <--يعني فضي لول

ركن تجهيز العرايس : )

ما شرينا منه شي.. أستغلوا إن احنا سواح.. ويضربون بالسعر بالعلالي !!

وتوجهنا حق محل ثاني هم بعد عبارة عن أدوار إسمه امارسون.. بس نسيت ما صورته لول.. و طولنا فيه..وما مدانا ما فريناه كله

وبعد هالمحل اللي بدون صوّر.. رحنا لمجمع Atria

محل ديزاينرة هندية عجبني ..

تبوون جناط ؟

يتبع.. ​

 

[سياسية]

كولكشن جناط شوارفسكي حق الحفلات

ويوم شفنا روحنا تعابة.. قلنا ليش ما نسوي مساج حق ريولنا..

والله كان خوش مساج ريفلكسولوجي..بس عجييب

أهم ما في موضوع الصورة فوق.. الكروكس عزكم الله مبين هههههههههههههه

<-- مستانسة تهابد حافية عقب المساج لول

هذه صور المجمع من بره بالليل

وعقب هالمشوار الحافل..

تعشينا في مطعم..

مدحوه لنا وايد واحنا بالكويت.. بس طلع عادي

وهذا كان ديكور المطعم الخارجي..

للأسف ما حلينا.. لأن ما ياز لنا حلوهم صراحة هههههه

وهذه كانت جولتنا لليوم الرابع..

ترقبونا باليوم الخامس : )​

 

[supermarket]

اجااا ماما



ناااطرين اليوم الخامس ..... الى اخر يوم

 

[ام مضاوي]

خوووووش صور سياسيه

بالعكس تصويرج حلو

بس منظر واجهة الفندق مومبين حسافه ظلمه

 

[.]

متابعتج@@

 

[SupeR-GirL]

متااااااااااابعه

 

[^noonaa^]

وانا متااااااابعه

 

[طوق البنفسج]

امين .. تسلمين

امي الله يسلمج شايفه البرنامج

ومسولفه لها عن تقريرج اشوقها عشان انروح لول

 

[بساط الريح]

ماشالله تبارك الرحمن خوش سفرة عليكم بالعافية بصراحة ماتوقعت ان الهند جذي توقعت كل خدم والديرة صبخة بس ماشالله فيها تطور

وبصراحة بكل اكلة عليكم بالعافية عيش مشخول يشوق احس مانغير عليكم الاكل نفس الكويت

عليكم بالعافية مشكورة خوووووش تقرير تسلم ايدج

 

[rawona]

عليج بالعافيه سياسه موضوعج وايد حلو وانشالله متابعه وياكم ..

انا خلقه من عشاق السفر .. وراثه عن الوالد الله يطول بعمره :050103nbh_prv: والهند من الدول اللي ودي ازورها اهي على سيريلانكا والنيبال والاسكا واليابان والصين ودول وايد والله لووول ..

ناطرين البقيه :eh_s(7):​

 

[q.u.e.e.n]

مشكــــــــــــــوره على هل الصور الروعه وناطرين الباجي

 

[dr.tota]

لايوقف لايوقف لا يوقف متابعينج حبوبه لاتطولين علينا

 

[nice-girl]

الجناط تهبل
والمحل مال الدزاينر الهنديه شكله حلووو

امي تقوول مو قتلكم الهند جنها باريس لوول امي رايحه من 1975
ناطرين اليو الخامسسسسسسسسسسسسسسسسسسسسسسسسسسسس

 

[رفرف]

ماشالله عليكم بالعافية خوش سفرة المناظر اتهبل وصورج وتعليقاتج احلى ..

متابعة معاج