¨°o.O ( سـفـرتي بالصـوت والصـورة لبـلاد العجـائـب ... الهنـــــــد ... ) O.o°¨

[سياسية]

ناطرين البقيه سياسه

​

حياج الله يا روونه

بس منو سياسة ؟:eh_s(1):

ههههه انا نكي سياسية :dddds:

بس كله يودي..

نورتي ياقلبي ..

 

[سياسية]

يالله ناطرين وصولج عشان نتحمد لج بالسلامة....

لا توّ الناس على الوصول :eh_s(6): ..

بعد يبيلي وقت بسم الله توها الرحلة بأولها

حياج الله يا بختي ..نورتي

 

[سياسية]

تكملة اليوم الخامس

وصلنا المطار و دخلنا نسوي جيك ان

كنت مختارة طيران الجت ايرويز أفضل خطوط طيران خاص داخلي..(بالنسبة لي)..والترمنال بروحه لهم مالنا شغل بخطوط الطيران الثانية..يعني كان قمة الترتيب و النظافة..وماكو وايد ناس

طيارتهم مريحة وسلسين بالتعامل وطيرانهم ثقة من حيث تأمنين على أغراضج و سامحونا على كيلوين زيادة

هذا الكاونتر مالهم..

وهذه صور من داخل المطار..

ركبونا باص يودينا لي طيارتنا وهذه المناظر بالمدرج

وهذه كانت طيارتنا...

ركبنا..جان أصورلكم الطيارة اللي يمنا.. جارتنا..عشان تشوفون الطيارة كلها

وبعد ما طارت... عجبني منظر السماء و ألوانها ..سبحان الله

وزعوا علينا الوجبات.. وكانت هذه وجبات المرافقين اللي معاي

يتبع...​

 

[سياسية]

وهذه كانت وجبتي...يمي يمممم لذيذة حدها بس متروسة فلفل وانا مو من ربعه بس حبيته بهالصمونة..

اي نسيت أقولكم.. طبعا ما وزعوا مشروبات .. وعقب ما احترقت من الفلفل بوجبتي..أنطر الماي ..أنطر أحد يقولي شتشربين؟ ماكو أحد يمي !! :tomato2:

جان أنادي المضيف..قلت له ليش ما تقدمون مشروبات؟؟ وانا خشمي حمر..وعيوني تدمع!! :eh_s(14):

قالي مدام احنا نقدمها على الطلب !!!!!! :eh_s(1):

لأن الهنود عندهم عادة..ما يشربون شي مع الأكل..لازم عقب الأكل يشربون !!

قلت له الحقني بقلاص ماي لساني احترق ههههههههه..وأشوة كان سريع و أنقذني من الكارثة اللي طيحت عمري فيها :eh_s(6):

ويازين الشاي بعد هالوجبة الحارقة اللذيذة..

وقبل ما تنزل الطيارة وزعوا علينا حلاو..

خذيت واحد شكله عجبني..ومدحوه القروب..يقولون طعمه حامض حلو مثل الصبار ( التمر الهندي).. و أخذت لي وحدة..

بعد ما كليتها ..طلعت مقلب...طلعت ناااااار... حتى حلاوهم فيه فلفل...

يتبع...​

 

[سياسية]

طبعاً..كانت وجهتنا لمنطقة جيبور وهي عاصمة مقاطعة راجستان الشهيرة..و تعد أكبر مدينة في راجستان..وتم بناءها في القرن الثامن عشر بواسطة (سواي جاي سنغ) كأول مدينة تم التخطيط لبناءها..

كذلك تسمى بالمدينة الوردية نسبة لمبانيها الملونة بهذا اللون الذي يعكس لون الحجارة الأصلية المكونة للمناطق الصحراوية. ولون البناء الحالي في المنطقة يأتي بالأصل من ألوان المباني القديمة التي صبغوها بهذا اللون للترحيب بأمير ويلز في العام 1876م.

وتحتوي جيبور على العديد من الحِـصن والقلاع و القصور الأثرية القديمة التي تعكس تاريخ المنطقة العريق في البناء..وهي تشتهر بتصنيع الرخام و بالطباعة اليدوية على الأقمشة ..

تابعوني عشان أوافيكم بتقريري عن المنطقة ​

 

[.]

حياج الله يا روونه

بس منو سياسة ؟:eh_s(1):

ههههه انا نكي سياسية :dddds:

بس كله يودي..

نورتي ياقلبي ..

وي خخخخخ..

خليني ع سي سي احسن..

تدرين لو موقايله لي جان ماانتبهت..

ومتابعتج@@

 

[sara2000]

مشكوره عالتقرير

ودي أروح تاج محل

بس سؤال

ما فيها ريحه الهند ؟

 

[rawona]

ماشالله روعه سياسيه ... هالمره كتبت النك عدل لووول


لا يوقف ناطرين البقيه ​

 

[malak_alroo7]

ما شاء الله صج تقريرج رااائع
يعطيج العافيه

بس صج ضحكت على سالفة الحلاوه
في ناس يقولون اصلا بعض الهنود حتى البيبسي يحطون فيه فلفل عاد صج و الا لا مادري هههههه

 

[سياسية]

وي خخخخخ..

خليني ع سي سي احسن..

تدرين لو موقايله لي جان ماانتبهت..

ومتابعتج@@

وييي حبيبتي إنتي..بس أنا قصدت روونه اللي بالانقلش :eh_s(1):

أمبيه سوري سوري حبيبتي كلكم خواتي والله وأتشرف فيكم :eh_s(22):

حياج الله ياقلبي تنوريني

 

[سياسية]

مشكوره عالتقرير

ودي أروح تاج محل

بس سؤال

ما فيها ريحه الهند ؟

العفو يا قلبي

حلو تاج محل بس ترى بالتلفزيون يصير أكبر من الواقع..لأن التلفزيون يضخمون كل شي..

بس كمنطقة ما تسوى الواحد يقعد فيها لأن مافيها الا تاج محل بس!

بعدين شنو تقصدين بالريحة ؟؟ اذا قصدج الدولة فيها ريحة خايسة حشى والله ما شمينا شي..

بس اهما كشعب يتسبحون و يدهنون شعرهم بالناريل عكسنا..احنا ندهن و تالي نتسبح

وحياج الله يا قلبي..

 

[سياسية]

ماشالله روعه سياسيه ... هالمره كتبت النك عدل لووول


لا يوقف ناطرين البقيه ​

تسلمين يا قلبي.. ميخالف سياسة و سياسية كله يودي :eh_s(6):

حياج الله و خلج متابعتني

 

[سياسية]

ما شاء الله صج تقريرج رااائع
يعطيج العافيه

بس صج ضحكت على سالفة الحلاوه
في ناس يقولون اصلا بعض الهنود حتى البيبسي يحطون فيه فلفل عاد صج و الا لا مادري هههههه

هلا وغلا تسلمين يا قلبي على هالكلام ..

صج والله الحلاوة كانت مقلب !!

أمي تسولف عليّ تقولي الهنود يحطون بحليب اليهال شوية فلفل..عشان يتعودون عليه من صغرهم !! :eh_s(1):

بس يالله عدت على خير

 

[سياسية]

الحلقة الأخيرة من اليوم الخامس

بعد ما أكلت الحلاوة المقلب.. أعلنوا دخولنا لأجواء جيبور وإنه راح تنزل الطيارة خلال أقل من نص ساعة

كنت مصورة صور لنزولنا من الطيارة بس نظراً لسرعة الطيارة على المدرج ولا طلعت أي صورة ثابتة !!

هذه صورنا يوم نزلت الطيارة صراحة تفاجئنا بالجو البارد نسبياً عكس بومبي..

طبعا المنطقة فقيرة.. ترمنال الوصول هو نفسه المطار هو نفسه ترمنال المغادرة...بسرعة طلعت الجناط و السيارات ناطرتنا عشان نروح للفندق..

وبالطريج..


الشاطرة تقولي شنو هالصورة ؟؟

سوق الخضرة بالليل.. يشتغلون وعليه بدون ليتات حتى مع فلاش الكاميرا ماني قادرة أسفر عليهم : (

كملنا طريجنا..الفندق يبعد تقريبا نص ساعة لي 45 دقيقة عن المطار..

ووصلنا الفندق بالسلامة..

هذا موقع الفندق... للي تحب تستفيد

http://www.oberoirajvilas.com/Hotel/Hotel-Overview.aspx

أول ما دخلنا اللوبي كانوا يرحبون فينا على الطريقة الهندية و يحطون لنا النقطة الحمراء على اليبهة.. بس لأن جميع الصور فيها الأهل ما أقدر أحطهم أعذروني..

على طول رحنا الغرف ونسوي الجيك إن داخل الغرفة عشان يعني ما ننطر باللوبي وايد : )

وهذا كان شكل الغرف أول ما دخلنا...أخليكم مع الصور

يتبع...
​

 

[سياسية]

كل يوم يحطون لنا نوع حلو من الحلويات الهندية غير شكله عن اليوم اللي قبله..

بعض اللوحات بالغرفة

ورقة طلب الريوق داخل الغرفة..

أسعار الميني بار..عجبني البرواز..

غرفة داخلية و داخلها دريسنغ روم

ندخل الحمام عزكم الله..

الشاور

وكان فيه جامتين..وحدة تطل على البانيو الأرضي..يشوق شكله..

يتبع..​

 

[سياسية]

والثانية تطل على الحديقة مباشرة بس ما صورتها لكم بالظلمة..

بعد ما ريحنا شوي بالغرف.. وتأخر الوقت علينا..قلنا ماكو خيارات نتعشى بأماكن ثانية غير الفندق..

ورحنا تعشينا بمطعم الفندق..

وبطريجنا شفنا المسبح..

هذا شكل المسبح بالظلمة

أدري الصور مظلمة..بس راح تشوفونهم بالنور عما قريب ههههههههه

وهذا كان عشانا بالمطعم..

تصبيرتنا على ما يوصل الأكل

جدورنا هههههههههههههههه

وهذا صحني

والحمدلله على النعمة..

خلونا ننام الحين و نلقاكم على خير باليوم السادس ​

 

[SupeR-GirL]

وصلتني ريحه الفلفل والجباتي لووول
متابعه

 

[rawona]

انا دخنت .. جني انا اللي ماكله فلفل .. على جذي الهند ماتصلحلي مو مالت فلفل بالمره ..


لا يوقف للحين متابعين ​

 

[A7la-SmiLe]

LoOoOoL حتى حلاوهم فيه فلفل
متابعينج ..​

 

[supermarket]

متااابعين وناطرين اليوم السادس