رحلة لاتنسى أوربا (صيف 2008 )

[nice smile]

بسم الله الرحمن الرحيم

احب اختصر لكم بالبدايه واخلي السوالف بعدين

تاريخ السفره
24-7-2008
لمدة 18 يوم

خط الرحلة
كويت - دبي- ميونخ -
-ميونخ - دبي - كويت


السكن كان اغلبه بالنمسا لانه معانا اهلي و وماشاءالله جناطهم وايد وراح يقعدون اكثر من شهر ..
مو مثلنا انا وريلي خفاف وبس 18 يوم وبصراحه قررنا نقعد ونستانس معاهم .. لانهم ماشاءالله عندهم خبره ويدلون عدل


تسلسل الرحلة بالموجز ونخلي التفاصيل بعدين
ميونخ - زلمسي - فينيسا - انسبرك - سانت قلقن - سازبورج - ستوتقااااااااااااارد - زلمسي - ميونخ




يالله ربطو الاحزمه وخلونا نطير من مطار الكويت

المفروض الاقلاع الساعه 9 ونص .. وتاخرت نص ساعه

بعد وصلنا دبي وعندنا 3 ساعات بسوق الحره اتوقعت الوقت طويل بس رحت افتر واشم هالعطورات وخذيت سان لوران اليديد مع باريس هلتون وطار الوقت بسرعه رحنا البوابه

وعقبها ركبنا الطياره الى ميونخ

والحين بدت تبين الاراضي الالمانيه ..

بعد ماوصلنا لمطار ميونخ سوينا الاجراءات وكانو حيل فريندلي .. وبعدها رحنا ناخذ الجناط وسيدا على هالشركة

لانه ماجرين منهم سيارة اقتصاديه وعطونا قولف تكفي ل 5 راكب .. وجنطتين وكانت راهيه علي انا وريلي


وسعرها وايد حلو لمدة 18 يوم ديزل + تأمين عادي + نافغيتور السعر بحدود 240

راح احط صورها بعدين .. بصراحه انا يازت لي اهناك .. بس لو اشوفها بالكويت ماراح تعجبني

ملاحظه الصور اللي ماعليها توقيعي منقوله من قوقل بكتشر ...​

تابعوني ..​

 

[قـہۈه فـرنسيـہ™]

وااااااااااااو...
تقرير جديد...وأنا أول متابعه
عليج بالعافيه نايس سمايل شكله التقرير من بدايته قوي....

 

[.]

الحمدالله ع سلامه موخرا

ومتابعينج..

 

[h.a.d.a.w.y]

الف الحمدلله عالسلامه ومتابعين

 

[brettey]

ماشاء الله كملي وناسه ناطرينج وعليج بالف عافيه ويرزقج بسفره احلى منها

 

[digital]

متااابعه التقرير

خوش صووور

 

[دانه الهيرات]

كملي احنا ناطرين التقرير

 

[rawona]

ماشالله خوش صور ..

متابعه...


:ggdw:


​

 

[nice smile]

وااااااااااااو...
تقرير جديد...وأنا أول متابعه
عليج بالعافيه نايس سمايل شكله التقرير من بدايته قوي....

ياحياتي الله يعافيج و يشرفني انج تكونين اول وحده ت رد على تقريري ..

الحمدالله ع سلامه موخرا

ومتابعينج..

الله يسلمج حبيبتي

وخلج متايعه .. عشان تحوشين صوايغ باخر التقرير _03BA:

الف الحمدلله عالسلامه ومتابعين

الله يسلمج وتابعيني وان شاءالله بتلاقون معلومااات وأماكن يديده واكسكلوسيف لعيونكم

متااابعه التقرير

خوش صووور

خلج متايعه وان شاءالله التقرير راح يعجبكم ..

وبالنسبه للصور انا حاولت اختار احلى صور من الكاميرا ..

وحتى لو كانت الصور مو حلوه بس المكان حلو راح احطها :dddds: لكم

كملي احنا ناطرين التقرير

ان شاءالله حبيبتي راح اكمل

بس تدرون تصغير الصور والحركات يحتاج وقت .. وانا كل يوم ان شاءالله راح انزل لكم بارت

ماشالله خوش صور ..

متابعه...


:ggdw:


​

رووونه يااااااااعمري نور التقرير

شلونج

بشريني عنج وشلون ماليزيا

وترا انا بعد متابعتج ​

 

[rawona]

هلا سمايل شلونج؟؟؟

انا ناطره طيارتي راجعه الكويت انشالله ولهت على اعيااااااااااااااالي "عياره عقب ما شبعت فكرت بعيالها" لوول


لا يوقف احب هالدول يمكن ليش اني مو رايحتلها وودي اروح بس ريلي مخليها الى اشعار اخر :eh_s(6):​

 

[nice smile]

هههههههههه



رونه الله يردج بالسلامه ويقر عينج بشوف اعيالج


والحين قاعده اكتب التقرير وراح اكمل .. وان شاءالله الله يكتب لج روحه لها

 

[بسمه الم]

ماااشااء الله الصور تشووق
عليج بألف عافيه ياقلبي
متاااابعتج ^^

 

[nice smile]

طبعا رحنا مواقف الايفيز وعطونا رقم الموقف ومفتاح السياره

طبعا ركبنا السياره وعلى طول شغلنا النافغيتور ..
وحطينا الوجهه إلى :33_1185028183:
thumersbach


الطريج كان بحدود 3 ساعات وبليل من جذي ماصورت الطريج .. وأول ما وصلنا حطينا راسنا ونمنا من التعب ..

thumersbach اهي المنطقة المقابلة لزلامسي وتطل على نفس البحيره .. السكن بفندق 4 نجوم لمدة ليله وحده في فندق

سبب السكن بهالمكان ؟؟


صديقة اهلي نمساويه اهي موظفه لسلسه فنادق وشقق اديلويس .. اقترحت علينا نحجز فيه الفندق ليله وحده ونجربه لانه يديد وحلو ..

وعطتنا الدور الثالث كله .. واهو عباره عن 5 غرف و 3 حمامات عزكم الله .. بالضبط 9 سراير .. مع مطبخ صغير بس كل شي فيه


وهذي صورة الفندق

شوفو السيارتين اللي على يمين الفندق .. سيارتنا القولف السودا وسيارة اهلي فان سلفر :dddds:

وكان الفندق واااااااااااايد حلو بس عيبه المنطقه تخرع بليل .. والفندق حسيت انه خالي لانه يديد وحتى المطعم مافتح


طبعا امي وابوي الله يخليهم لنا قعدو الصبح وشافو المطعم مافتح راحو جمعيه هوفر شرو لنا ريوق عقب .. وزهبو لنا عالبلكونه

وهذي بعض الصور من البلكونه

شوفو الصوره اللي فوق لو تلاحظون الصور بالنص مبنى فندق جراند زلامسي


يـــتـــبــع :blueSmCLR:​

 

[nice smile]

واهني جبال كابرون على يسارنا وشلون مبين الثلج طبعا اهني مسويين زووووووووم بكاميره اخوي كانون وبعدسة الزوم مادري جم رقمها

طبعا الصور هذي كلها من الجهه الاماميه للفندق .. وفيه صوره يتيمه للجههالخلفيه اللي كااااااااااااااااانت رووووووووووووعه من كثر ما المنظر حلو بنت اختي تبجي على ابوي تقوله بابا وديني ابي امشي امشي امشي ههههههههههه .. يعني مشوقها المنظر ودها تتمشى

وبجذيه تكون هذي الصوره الاخيره لقرية thumersbach


واهداء مني لكم ورده اديلوس .. وردة النمسا

والورده وايد يحبونها حتى في فلم ذ ساوند اوف ميوزك في اغنيه عنها ..

وترا اسم فندقنا عليها .. وحتى شققنا بزلامسي بعد ​

 

[.]

نايس ماشاءالله..

متابعينج..

ومدام في صوايغ ماراح اخلي الموزوع خخ..

 

[h.a.d.a.w.y]

لاااااايوقف متابعه
رحلتج تشوق ماشاءالله
والاحلى فيها مع ريلج واهلج الله لايحرمكم من بعض

 

[nice smile]

نايس ماشاءالله..

متابعينج..

ومدام في صوايغ ماراح اخلي الموزوع خخ..

لا لاتخليني الموزوع وصوغتج محفوظه :dddds:

 

[nice smile]

لاااااايوقف متابعه
رحلتج تشوق ماشاءالله
والاحلى فيها مع ريلج واهلج الله لايحرمكم من بعض

ايي والله كانت حلوه الرحله واهم شي ما احاتي صوايغ اهلي
لانهم ماشاءالله لي سافرو اييبون لي جنطه كامله ..
وهالسنه رحنا كلنا نوفر صوايغ هههههههههههه

مشكوره هداوي على الدعوه الحلوه وما أقول إلا آمييييييييييييييييييييييين

 

[ام بدر 123]

الحمدالله على السلامه انا وايد احب زلمسي وخصوصا اني سكنت بشقة بكابرون قريبه على جبل الثلج صج المكان عجيب

 

[nice smile]

ام بدر ..كابرون حلوه .. وراح احط صورها بالتقرير ..

والسكن رخيص .. بس رفيج ريلي طلع منها والسبب ساكن بشقه مسكونه ..