ياللي ضعفتوا شوروا علي ادش نادي ولا لا ؟؟

[أسيرة أحلامي]

السلاااااااااااااام عليكم ..
بنات انا تعمدت اخلي موضوعي هني مو بقسم النادي الصحي واتمنى من المشرفات ماينقلونه ..
بنات انا وايد محتاره كنت معزمه اروح اسجل باجر بالنادي وعقب ماقريت تجارب البنات احس ترددت شوي يقولون لي هديتيه يصير لج ترهلات وانا بصراحه وزني كبير ونزلت 9 كيلو والحين وزني ينزل ببطء مع اني مستمرة بالرجيم بس ماااااااااااكو حركه كلش..
وانا محتاجه انزل ويتناسق جسمي بسرعه عندي مناسبات وايد غير جذي مليت من المتن ابي اضعف بسرعه ..
رحت لنادي فلكس وشفت الوضع هناك ولقيتهم يشغلون موسيقى وانا بصراحه مااسمع كلش .. ترددت ساعات اقول مالي شغل بالكلاسات ادش العب عالاجهزه واطلع وساعات اقول لا مو لازم ادخل اسوي رياضه بالبيت وخلاص >> مع اني عارفه نفسي ماراح استمر كاهو جهاز المشي عندي ومااستخدمه .. محتااااااااجه تشجيع وموعارفه شسوي اخاف اقط فلوسي ومااكمل .. شرااااااااااايكم .. ناطره ردودكم ..

 

[ام هباش]

حبيبتى مالج الا النادى هو صج اذا هديتيه جسمج يترهل بس انتى حافظى على نفسج
وامشى انا اشوووف انج تتوكلين على الله وتسجلين

 

[مستشاره قانونيه]

دشي ناااااااادي وفالج طيب

واذا تركتي النادي من غيرررر رجعه للوزن الزاييد وتحافظين على وزنج اليديد جسمج ماراح يترهل بالعكس راح يظل متناسق وحلو ومشدود

وانا عن تجررررربه اكلمج وصدقيني اذا حبيتي النادي والتزمتي راح يصير بدمج وتجددين اشتراكج على طوووول ماودج تقطعين النادي من حياتج

 

[bo6aa6ee]

والله انا بعد مثلج ودي و ماودي

 

[Q8stylle]

كل شي تتركينه يرجع مو أكثر مني 9 سنوات ألعب رياضه
بس اترك الرياضه ارجع ودبلات
فقلت مالي غير المشي بالاسبوع 3 مرات يشد ويهبل

 

[أسيرة أحلامي]

مشكورين بنات .. بس انا حاطه ببالي لو دخلت النادي فتره ليمن يتعدل جسمي وبس .. تالي اتم امشي بالبيت ..

 

[أسيرة أحلامي]

كل شي تتركينه يرجع مو أكثر مني 9 سنوات ألعب رياضه
بس اترك الرياضه ارجع ودبلات
فقلت مالي غير المشي بالاسبوع 3 مرات يشد ويهبل

انزين لو امشي ثلاث مرات كافي ؟؟ مايخرب جسمي بعدين مع التخفيف طبعا .. عفيه قولي لي شصار معاج الحين ..

 

[بوسي كات]

وليش تروحين نادي في مدربة زينة مصرية تروح حق البيت وتضعفين معاها حيل كلميها وشوفي ما انصحك الا بيها ولا نادي ولا شي رقمها هو 4429690

 

[janirek]

شوفي حبيبتي أول شي لازم تعرفي أنه الرياضة شي أساسي بالحياة ولازم تكون أسلوب حياة يعني ليست فترة مؤقتة وبعدين نهمل الرياضة لأ لازم على طول سواء كانت عن طريق نادي أو جهاز في البيت أو مشي كل يوم برى

ثاني شي أنا أشجع النوادي لأنه الشي الوحيد يلي يخليني ألتزم بالرياضة بشكل دائم علما بأني لأ ألعب لمجرد أني أنزل وزني لأنه ما عندي غير كيلو واحد أو 2 فقط زيادة بس الهدف الرئيسي هو الصحة العامة واللياقة والرشاقة ومثل ما قالت أحد العضوات اذا جربتي تدشين نادي لفترة طويلة انتي نفسك مارح تقدرين تتركي الرياضة بتكوني خلاص تعودتي واذا كان عندج الارادة والتصميم فبامكانك اللعب في البيت بعد ترك النادي ولما تلاقي نفسك ما التزمتي ارجعي للنادي مرة ثانية هذا رأيي وأتمنى لك كل الفائدة

 

[فجر الغلا]

لازم اذا بلشتي بالرياضه ما توقفين انا صارلي 4 اسنين العب
ماقولج ما وقف اوقف وبالاشهر بس ما طول عن 3 اشهر
وطول فتره وا انا موقفه رياضه ماخلي المشي امشي يوميا
تقريبا فإذا بلشتي رياضه لا توقفين اقلها تمشين ساعه كل يوم
وتخلينها شي اساسي بحياتج