&&&هذا اعلان تلفزيوني .. والا مصخره...؟؟&&&&

[*البدرة*]

"
"_03BA:
"
الكتاب باين من عنوانه..
بناااااات ابي كل وحده منكن تحطلي اي اعلان تجاري بالتلفزيون ما عجبها...؟؟
مااادري ساعات احس نفسي سخيفه اذا شفت بعض الاعلانات
لانهم ما راعوا انو هالاعلان داخل بيوت الناس...
والكل راح يدندن فيه وخاصة اليهال...؟؟والكبار يذكرونه والبعض
يتاثرون فيه...؟/// ماادري في هالايام زادت حملات التوعيه الارشاديه النفسيه
مثلا الا صلاتي.. وحملة ركاز وغيرها طبعا بدعايات حلوة ليس عليها غبار...؟
لكن انا امس على الم بي سي m b c
هابين بدعايه لا والقهر قاعدين يعيدونها الف مره ...:0bee2e8d89:
واهيه : بنات محجبات عندهم شاي الضحى او يمعه جذي وتجي الخادمه
تجيب اكل لمعزبتها فتقوم المعزبه بنهرها وزفها جدام رفيجاتها.. ويحطون كلووز كاميرا
على الخادمه اهيه اسيويه واهيه دمعه على عينها...
وبعدها يحطون عباره من لا يرحم لا يرحم..............؟؟؟؟؟!!!!!!
بصراحه ما اعجبتني كلش كلش.......؟
اولا انها تسيءء للبنات المحجبات ...المسلمات انا اشوفها عنصريه
ليش اعتقد الحجاب ما يتوافق مع هالموضوع ....؟
والا شرايكم .. عطوني انتوا شنو شفتوا...........................؟؟؟
"
":tomato2:
"
اختكم الصغيرة/
البدرة
هنا الكويت​

 

[noorq8]

أنا أتفق معاج الدعايه عباره عن دس للسم بالعسل لكن قصر نظر القائمين على الاداره بالمحطه والا وااااضحه انها اهانه للمجتمع الخليجي لأن كل اللي غلطوا بالدعايه خليجيين كان بامكانهم اذا في حسن نيه انهم يحطون مسؤل ينزر موظف أو أي شي ثاني لكن صدقوني خواتي خبث الاعلام واااضح وحقد اللي سووا الدعايه على الخليجيين يصرخ لكن لاحياة لمن تنااادي ,مشكوره حبيبتي على الموضوع وملاحظتج الذكيه.

 

[Snow angel]

هلا حبيبتي

موضوعك كثير حلو ووجهة نظر لا تفسد للود قضيه
حبيبتي هالاعلان واقع يصير في بعض البيوت وفيهم يضربون الشغاله ويشوهونها وهالاعلان يمكن يوعيهم ويذكرهم بأن من لا يرحم لا يُرحم

ونرجع لأساس الموضوع بصراحه إعلانات الفوط الصحيه هي اللي عيب وفشله والله استحي اذا طلعت وانا بين حمواني احس وجهي صار طماط

 

[aramq88]

لا بالعكس انا اشووف الاعلان حلو ومو قصدهم الحجاب لا اهمه حاطين متحجبات لان الي مسوين الدعايه مؤسسه دينيه الظاهر مثل غراس عندنا
ومو القصد الحجاب بالعكس يبوون يوعوون الناس ومو شرط متحجبه او مو متحجبه ياما متحجبات اخلاقهم مو شي وياما بنات مو متحجبات اخلاقهم صج راقيه
فالحجاب ماله اي علاقه بالموضوع اهمه حطوا الحجاب عشان يبينوون الوضع وان الاغلب الي عندهم خدم الخليجين ويبونا نرحم الخدم الي عندنا

وعلى الدعايات الي تبط جبدي دعاية الاولويز على قولة ضيفه سعوديه والله يفشلون تنبييييييه تنبيييييييه التسرب ممنوع لا المصييبه ماتطلع الا وكل شباب العايله يكوونون موجوديين لا وتلقيينهم يقلدون الدعايه تنبييه تنبييه فشللله انا ويهيي يختفي حزتها لووووووووول

 

[دراهــم]

بالعكس .. دعاية من لا يرحم .. نافعة أكثر وفيها توعية أكثر ..

والقسوة تكون بقلوب المحجبات والغير محجبات .. ولأن اللي مسوين الدعاية مؤسسة دينية .. فلبسوا البنات حجابات

::

الدعاية اللي ما اواطنها

دعاية معجون الأسنان ..

أثنين ( بنت وولد ) شايلين قنفة .. ولما وصلوا باب الشقة البنت خذت المفتاح من ما أدري وين بحلجها .. وعطت الولد اللي وياها المفتاح هم بحلجها .. على بو عادي وما تستحي من ريحة حلجها والسبب معجون الأسنان ..

وين قاعدين إحنا ؟

 

[مملوحة_الوصايف]

ويييي انا الدعايه الي كنت اكرها صج هذا ديودرنت مال الشباب او الي يكون مثل بدي سبرااي الي بس يمر واحد البنت تلحقه وتشم ريحته وتلزق فيييييييه وحتى بالاصنصيل لما يفتح تكون لاصقه يمه الصراحه دعايه سخيفه ولا اسخف من جذي اشوه من زمان ما حطوها هههههه

 

[دراهــم]

ويييي انا الدعايه الي كنت اكرها صج هذا ديودرنت مال الشباب او الي يكون مثل بدي سبرااي الي بس يمر واحد البنت تلحقه وتشم ريحته وتلزق فيييييييه وحتى بالاصنصيل لما يفتح تكون لاصقه يمه الصراحه دعايه سخيفه ولا اسخف من جذي اشوه من زمان ما حطوها هههههه

اي عرفته .. وفي مرة رايح لدكتورة .. ما ادري شنو سوت :dddds:

 

[مملوحة_الوصايف]

لووووووووووووول ايي حده مليق والله ودي اطفي التلفزيون لا طلع ههه

 

[mc_dremeya]

بالنسبه لدعاايه من لايرحم لا يرحم انا اتفق مع خوااتي دراهم وaramq88 في ان مو قصدهم بالدعايه انهم يخصون المتحجبات اهم قصدهم ان اللي قاااعد يصيرمن تحقير للخدم في بيووت الخليجين اللي اغلب بناتهم متحجبات وبالعكس انا وااايد عاجبتني الدعااايه لان في نااس واايد يعاملون الخدم جذييه نسوا انهم تاركين اهلهم وكل شي عزيز وغالي بالنسبه لهم فليش نعااملهم جذييه حرااام صج ساعات يسوون اشيااء تبط الجبد بس الرحمه حلوه وسوووري على الاطااله

وبالنسبه للدعايات اللي مالها داااعي دعاايه المعجون اللي يشيلون القنفه مثل مالت درااهم انا حيييل غاثتني :0bee2e8d89:
ومشكوووره على الموضوع

 

[نوسة الننوسة]

الاعلان جداااااااااااا حلووووووووووووووووووووووووو.....ليش؟؟؟؟اقولك ليش؟لانه هذا الواقع في معظم البيوت العربية!!!!!!....الخدامه عندهم كانها ليست انسانه ..بلا مشاعر..اوبعد يمكن ليست من البشر!!!!! او يمكن جايه من كوكب ثاني!!!!وكم مرة قدامي صارت مثل هذي المواقف!!!...حتى والله تلوع كبدي لما اشوف هالاشكال!!!!!!!!!....خلهم يشوووووفووووووووووووون هذي الدعايه عشان يستحون على وجيهم ..ويحسون شلون هم متوحشين....بالعكس انا اتمى انها على طول ماتنقطع...تذكير للناس بان الخدامة بشر تحس وتزعل...مثل ما يقول الاصلاتي..تذكير للغافلي:0bee2e8d89::gathering:ن بمدى اهمية الصلاة..نفس الشئ هذي الدعايه تذكير يان الخدامة بشر ويجب معاملتها بما يرضي الله لان اذا مارحمتي الخدامه تذكري ان الله لن يرحمك يوم الحساب..فهي مجرد تذكير..

 

[*البدرة*]

:68_asmilies-com:

حبيباتي مساكم الله بالخير ///
مشكورين على التفاعل.....؟؟
انا اللي اشوووفه انه في مبالغه بالنسبه للخدم...
احنا مانقول انه فيه ناس جذي بس اسلوب الطرح وعدم الدقه
في الامور البسيطه يخلي الناس يتهيا له ان الخليجيات والمحجبات قاسيات..؟؟
ماادري عيب والله طريقه السيناريو ما عجبتني مع انه انا اتفق بخصوص مشكلة الخدم
عندنا........؟:tomato2:
وبخصوص اعلان كمفووورت اللي على شكبل بنت تقعد تترقص ساعه ويحطون على خلفيتها
واهيه ترقص وعععععععع والله اليهال حرام يشوفون جذي..؟
واذكر في فتره كانوا يوزعون هالشخصيه مالت كمفورت دعايه مع الكمفورت نفسه...؟
فاليهال حرام يتفتح ذهنهم مع هالسوالف توهم صغاااار........؟؟
":eh_s(14):
"
"
يالله بنات ااازروووني عطوني اراءكم...
يا حلوووكم..​

 

[al_noory]

السلام عليكم ..

اوكي ما قلنا شي عن الاعلان بس ليش بس خاصين الخليجين ..؟

بتقولون عشان العمل خليجي ..

ياما اعمال عربيه غير خليجيه وضمون الخلجين وياهم ..

المفروض ينوعون من الجنسيات مو بس الخليجين يعني ..

ولا الغرض من الاعلان وايد حلوو وصحى قلوب كثيره ..

والدعاية الي تبط جبدي ..

الي اهي الظاهر ديتول او شي لتعقيم اليد ..

الي واحد دكتور ياه بياخذ الكيكه ولا مرته توخرها جان يقولها ( لا تخافيي ) ..

تنرفزني هل الدعايه .. صوته لما يقول لا تخافي ..

 

[*البدرة*]

..

والدعاية الي تبط جبدي ..

الي اهي الظاهر ديتول او شي لتعقيم اليد ..

الي واحد دكتور ياه بياخذ الكيكه ولا مرته توخرها جان يقولها ( لا تخافيي ) ..

تنرفزني هل الدعايه .. صوته لما يقول لا تخافي ..

"
"
"
هههههههههههههههههههههههههههههههه
عرفتها امبيه موتيني من الضحك...:dddds:

 

[ScarletteO'Hara]

انا اكره الدعايات المليقة مالوت جالكسي جواهر "خووووووووديها!!! آخرها اطيبها"
ودي احذف التلفزيون من الدريشة كلما تطلع
عموما الدعايات صايرين ابو الملاقة

 

[*البدرة*]

انا اكره الدعايات المليقة مالوت جالكسي جواهر "خووووووووديها!!! آخرها اطيبها"
ودي احذف التلفزيون من الدريشة كلما تطلع
عموما الدعايات صايرين ابو الملاقة

"
"
هههههههههههههههههههههههههاي:dddds:
على قولتج ملاقه...
ما في قيمة من وراها
بس تسويق واعلان وبوووووق
بووووق:0bee2e8d89:

 

[أم منصور]

انا الدعاية الي تلوع جبدي صج

العروس الي دشو عليها هالعجائز الي وجوهم سايحة ومعبطه ومعرعرة ومضعرطه عالاخر

وماسكين شيرة يايين يخوفون العروس

تحسين شي مؤرف شيرة وعماة عين شنو هذا والادهى منظر المنتهيات الصلاحية مع الشيرة صج الي سوت الدعاية شجع الناس يسوون ليزر ويرتاحون من جهازهم

 

[iTaLiyA]

انا يغثوني دعايات لايف بوي كلهم اعصب لما يحطونهم ولا مالت الصبي اللي اييب القطوه البيت و رفيجة امه تجكه :eh_s(14): !!
و بالنسبه لدعاية الخدم انا تعجبني وايد و ليش حاطين بنات او حريم متحجبات لأنه دول الخليج كلهم اكثر الدول العربيه فيها نسبة خدم فأتوقع عشان جذيه !!
انا اعرف وحده ما تضل عندها خدامه لأنها دايما تطقهم الله يهداها :0bee2e8d89:

 

[*البدرة*]

انا يغثوني دعايات لايف بوي كلهم اعصب لما يحطونهم ولا مالت الصبي اللي اييب القطوه البيت و رفيجة امه :0bee2e8d89:

"
"
"
"
هههههههههههههههههههههاي

 

[سعودية قلبها كويتي]

هلا حبيبتي

موضوعك كثير حلو ووجهة نظر لا تفسد للود قضيه
حبيبتي هالاعلان واقع يصير في بعض البيوت وفيهم يضربون الشغاله ويشوهونها وهالاعلان يمكن يوعيهم ويذكرهم بأن من لا يرحم لا يُرحم

ونرجع لأساس الموضوع بصراحه إعلانات الفوط الصحيه هي اللي عيب وفشله والله استحي اذا طلعت وانا بين حمواني احس وجهي صار طماط

ههههههههههههههههههههههههههههههههههههه نفس وضعي .. ذاك اليوم من قرادة حظ حماتي انها اخذت ولدي معها للجمعيه واشترت فوط .. ذاك اليوك كلنا كنا مجتمعين في بيت اهل زوجي بالصاله وتطلع دعاية الويز الا ينط ولدي ويقول نفس حق عميمة :0bee2e8d89: واقوم امسكة والعب معاه بسرعه ماابيه يعيد الجمله :dddds:

 

[*البدرة*]

ههههههههههههههههههههههههههههههههههههه نفس وضعي .. ذاك اليوم من قرادة حظ حماتي انها اخذت ولدي معها للجمعيه واشترت فوط .. ذاك اليوك كلنا كنا مجتمعين في بيت اهل زوجي بالصاله وتطلع دعاية الويز الا ينط ولدي ويقول نفس حق عميمة :0bee2e8d89: واقوم امسكة والعب معاه بسرعه ماابيه يعيد الجمله :dddds:

"
"
"
هاليهااال مشكله وانا هذا اللي اقصده انهم
يتاثرون يقلدون والله العالم يمكن يصير اكبر من التقليد....
شكرا لكم...