ابي افكار في استقبال اخوي المسافر

[nono_1]

السلام عليكم هذي اول مشاركه لي في منتداكم عجبني كثير واتمنى تقبلوني صديقه عندك
بصراحه وبدون كذب احب الكويت واحب ذوق بنات الكويت احسهم شيااكه حتى لو الشي بسيط مع احترامي لدول الباقيه بس لانه اشووف اهلنا الي بالكويت
<<<< نست السالفه وقامت تقول قصة حيااتها :eh_s(6)::tomato2:
المهم انا اخوي بعد اسبوع بيجي من السفر هو وزوجته وانا مفكره ازين الصاله في بيتنا بالعبااراات وديكور معين يبين انه فرحانين برججوعه بالسلامه
انا فكرت بالتول الاحمروالابيض بس مو عاارفه عيف اسويها هل اسويها قلوووب واحط صورته بالداخل مع عبااراات مسويتها بالقلووب الحمراا والظرف الاحمر ياليت تساعدوني انا مابي شي مباالغ بس ابي شي يبين فرحتنا برجعته
ياليت الي عندها فكره تقولي انا شريت مثلاا حركه مطويه بكتب فيها عبااره وبلسق فيها شوكلاته
وشريت قلوووب حمرا مكتوب احبك ونجووم حمراا وبيضاء ابي انشرها بس مو عارفه ياليت تساعدوني واكون ممنونه لكم واذا في احد عنده عباارات يعطيني
الله يجزاكم خير انتظركم

 

[meen_ana]

حبوبه اشتري له طووق ورد
وحطيه وزيني داره

وزيني صالتكم وحطي فيها زينه وحمدلله عى السلامه
نورت الكويت

 

[laura mercier]

حطي بحمامهم ورد داخل البانيو وعلى الارض......واشتري مواعين جديده بس حق نفرين من لاند مارك...حق ريوقهم....لاتغيرين ستارة غرفته حطي بس "هدب" جديد على كريستال...................اشتري بخور واطياب وحطيهم بعلبه كشخه وحطيهم على سريره مع عبارات حلوه كهديه اكيد يحتاج بخور بينعزم وايد والجو برد اونس البخور وفي بنات شطار في منتدانا عندهم افكار للهدايا والاطياب ووصلون الى البيت.."قرة عينكم " مقدما؟.

 

[nono_1]

مشكوووووووووووووووووووووووووووووووووووووووورات حبيبااتي طيب عندكم فكره كيف ازين الصاله يعني الديكور
انتظر الباات الذويقاات والمبدعاات

 

[al-zabarjad]

مبلااااااااااا
في ليتات حدهم صغااااااااااااااااااااااااااااااااااااااااااار نتفة
تقدرين تنثرينهم بالصالة كلهااااا
وتسوين منهم أشكال روعة

................
طلبيلج من مطعم كذاا صنف وسوي بوفيييييييييه مزينتة بالشموع
مثااال

...............

عند مدخل البيت تقدرين تحطين باقات ورد
او روحي راعي جملة الورد اخذي ورد وايد وكتبي فيهم حمدلله على السلااامة
.................

من برة اذا كان عندكم ارتداد او مساااحة في الحديقة تقدرين تأجرين لج بالووووون كبييييييييييييير
ومكتوب عليه بلوحة حمدلله على السلامة نورت مكانك

..............

في اماكن وااايد يسوون لج بالبالونات اشكار وارناااق
حق جميع المناسبات اللي تبييييين

 

[nono_1]

مشكوره اختي عججبتني فكرت الانوار بس ياترى وين الاقيها بالشرقيه السعوديه يعني

 

[**فلونه**]

افكاااااار حلوه

 

[nono_1]

اهلين اختي فلونه انا من السعوديه وكيف بتساعديني بالافكار ياليت توضحين واكو ن شاكره لك

 

[al-zabarjad]

انا ماعرف بالسعودية

بس اكيد عندك محلات للتزيين واضاءات واشكال جي

ودي افيدج بس للأسف ماني قادرة

 

[ebtsama-3re9'a]

تقدرين تترسين الصاله بالونات على الارض بلون مميز انتي تختارينه

وبالسقف تنزلين قلوب صغار حتى لو بايدج مسويته من ورق او خام تنزلينه بخيط

والعبارات تكون من السقف نازله من الويهين تبن او بطريقه مثلثه

والشرايط تعطي شكل مميز وراقي

والودر الطبيعي يهبل

عند محل الورد يبيع ورده مقطعه وايد حلو يصير

الشموع تلعب دور واذا كانت فيها ريحه تكون احلى

ديكور الصاله تقدرين تزينينه بكوشيات لون غير الصاله

مع خام الاورقنزا او الشيفون على القنفات والطاولات

واهم شي الشموع والورد الطبيعي راح يكون فظيع

وجاولي اطلعين من قوقل اشكال الديكورات وجذي عشان تتخيلين اكثر

بس ماقدر افيدج من وين ينباعون بالسعوديه لان ماعرف شي فيها غير مكه

 

[laura mercier]

الله يرده بالسلامه...

 

[<< أزيان >>]

هلا فيك حبيبتي بينا ماقصروا البنات افكارهم حلوه بس فعلا انتي بالسعوديه الظاهر ماانتبهو لانهم يعطونك اسامي محلات عندنا بس انتو بعد عندكم افكار حلوه طبعي تيشيرتات واكواب على صورهم مع اضافت عبارات وتقدرين تسوين باب غرفته هم على صورته وعندنا يسون كفرات عالصور او الاسامي سويلهم كيكه على صورهم واساميهم خلي كل شغلك متشابه كأنه طقم وفي يسون ابجورات وميني كيك عالصور واعلام هم صورهم وبالونات كل صور بصور

 

[nono_1]

هلا فيك حبيبتي بينا ماقصروا البنات افكارهم حلوه بس فعلا انتي بالسعوديه الظاهر ماانتبهو لانهم يعطونك اسامي محلات عندنا بس انتو بعد عندكم افكار حلوه طبعي تيشيرتات واكواب على صورهم مع اضافت عبارات وتقدرين تسوين باب غرفته هم على صورته وعندنا يسون كفرات عالصور او الاسامي سويلهم كيكه على صورهم واساميهم خلي كل شغلك متشابه كأنه طقم وفي يسون ابجورات وميني كيك عالصور واعلام هم صورهم وبالونات كل صور بصور

اهلين اختي تقدرين تقولين لي وش اسم المحل الي يطبع وكم بيكلفني الكفر
بشوف صديقتي اذا تقدري تسويه لي