وين كنتي وقت الغزو ...صامده والا بره الديره ؟؟

[اكوامارين]

صامده ومارضيت أني أتزحزح من مكاني

 

[SoKr_NbaT]

صـــامدين ..
والله للحين اذكر امي كانت تخليني انام تحت الطاوله ​

 

[بنت عبدالله]

:68_asmilies-com:
الحمدالله على كل حال والحمدالله على العفو والعافية
طال عمركم انا كنت في الكويت صامدة
انا واهلي وبيتنا كلهم
ابوي كانوا يبونا العراقيين
انتقلنا 8 بيوت
أول شي بيتنا في بيان (بيتنا على شارع فحيحيل)
فريجنا (مدجج) بالجيش (كويتيين بالجيش ومراكز)
وجدامنا في سلوى المدرسة البريطانية حاليا (كانت عراقية)
وجدامنا وهم في سلوى (ادارة المباحث الجنائية)
وبيوت ضباط الجيش اللي بفريجنا كلها طالعين منها اصحابها وماخذينها العراقيين
وجيرانا (يمين وشمال) جيش عراقي
(وحتى بيتنا خذوه العراقيين) يعني باختصار دار مادارنا ملغم بالعراقيين
على قولة يدتي الله يرحمها
"ياعلهم الساحق والماحق والبلا المتلاحق"
المهم...ما اطول عليكم
بعدين درنا على باجي البيوت عشان ماينصاد ابوي
3 بيوت في كيفان
بيتين في خيطان
بيت في صباح السالم
واستقرينا في مشرف
وتفاصيل الغزو اذكرها بكل تفاصيلها...
واول يوم كان اصعب يوووم
يوم الهليكوبترات العراقية تدور فوق البيوت
والمسافة بينها وبين سطح البيت (يمكن مترين أو ثلاث أمتار)
واحنا انسلم لهم وندعي لهم (عبالنا كويتيين) وهم عراقيين :0bee2e8d89:
اذكر البسطات (بسطة بيان، القادسية وحولي..حتى دوار العظام كانت فيه بسطة)
واذكر ان احنا تطوعنا في جمعية مشرف ومستوصفها (كان بيت مو مثل الحين ما شاء الله)
واذكر السيطرات
واذكر اختي تعبت وكان لازم تدخل مستشفى
وديناها مستشفى الاميري وكانت غرفتها على البحر
وشافت البحر يغوش منهم
فسألت امي:
"يوما...حتى البحر خذوووه....؟"
:eh_s(2):
اذكر ان احنا خمينا وغسلنا وطبخنا
واحنا طول عمرنا (ايدنا ملفوفة بحرير)
ما قط دخلنا مطابخ ولا قط (عزكم الله) نظفنا حمامات
ولا قط غسلنا حوش ولا شلنا خمام
طول عمرنا الخدم والصبيان والطبابيخ يشيلون ويحطون
واحنا ريل على ريل
نامر وننهي
بس كل هذا سويناه بالغزو
:dfgl:
اذكر يوسف مصطفى ونشرة الكويت من السعودية
واغنية المقدمة والنهاية اللي كانت تبجينا وتقوينا كلما نسمعها:
((آن أن نحمي الحماة والوطن..آن أن ندفع عنه الايحنا
آن أن نصمد صفا واحدا...آن أن ندحر عدوا أرعنا
ياحماة العرين
لقنوا المعتدين
درسنا في اليمين
ضربة لن تلين))
واذكر عدل لمن صار القصف الجوي
واحنا شايليين (دواشقنا والماتريسات والمخاد)
ورايحيين سرداب الجيران
احنا وبيت عمي واللوية اللي صارت
اذكر التحرير (جنه أمس)
اذكر جريدة ال(guardian) البريطانية قابلتنا انا وبنت خالتي (عاد صرنا بلابل بالانجليزي)
اذكر طريج المطلاع
وشلون كان كله جثث عراقيين
اذكر بيتنا عقب ماخربووه :0bee2e8d89:
اذكر قشنا المحذف في بيتنا وواصل لي بيوت الفريج الثاني
اذكر جيش التحالف
اذكر اشرطة يسجلونها اهلنا اللي بره الكويت ويطرشونها لنا
اذكر في الرادو
الكويتيين يدورون على بعضهم بعض
اذكر جدي الله يرحمه
كان بيته كبير ومو راضي يطلع منه وقاعد فيه بروحه
واحنا لأننا كنا نخاف عليه وايد
طلعنا صورة كان مصورها أيام (قادسية صدام) -يا عل ماكو صدام- والصورة فيها جدي وصدام
رزينا هالصورة في وسط صالة الاستقبال عنده
عاد يوم دشوا عليه العراقيين
وشافوا صورته (مع الريس) خقوا
وقاموا ماينادونه الا عمي وسيدي _03BA:
حسبي الله ونعم الوكيل على كل ظالم
والله حدي انغثيت وانا اذكر
واحس راسي قام يعورني
واحس جني غثيتكم معاي :ssssso:
بس والله احس هالايام محفورة بعظامي
لمن اذكرها
احس روحي تطلع من مكانها

سامحوني عالطوالة
وسلامتكم وتعيشون​

 

[حناينq8]

صامده ومارضيت أني أتزحزح من مكاني

كفو والله
ومشكوره حبيبتي على المشاركه

 

[حناينq8]

صـــامدين ..
والله للحين اذكر امي كانت تخليني انام تحت الطاوله ​

يعطيج العافيه حبيبتي
ومشكوره على المشاركه

 

[حناينq8]

:68_asmilies-com:
الحمدالله على كل حال والحمدالله على العفو والعافية
طال عمركم انا كنت في الكويت صامدة
انا واهلي وبيتنا كلهم
ابوي كانوا يبونا العراقيين
انتقلنا 8 بيوت
أول شي بيتنا في بيان (بيتنا على شارع فحيحيل)
فريجنا (مدجج) بالجيش (كويتيين بالجيش ومراكز)
وجدامنا في سلوى المدرسة البريطانية حاليا (كانت عراقية)
وجدامنا وهم في سلوى (ادارة المباحث الجنائية)
وبيوت ضباط الجيش اللي بفريجنا كلها طالعين منها اصحابها وماخذينها العراقيين
وجيرانا (يمين وشمال) جيش عراقي
(وحتى بيتنا خذوه العراقيين) يعني باختصار دار مادارنا ملغم بالعراقيين
على قولة يدتي الله يرحمها
"ياعلهم الساحق والماحق والبلا المتلاحق"
المهم...ما اطول عليكم
بعدين درنا على باجي البيوت عشان ماينصاد ابوي
3 بيوت في كيفان
بيتين في خيطان
بيت في صباح السالم
واستقرينا في مشرف
وتفاصيل الغزو اذكرها بكل تفاصيلها...
واول يوم كان اصعب يوووم
يوم الهليكوبترات العراقية تدور فوق البيوت
والمسافة بينها وبين سطح البيت (يمكن مترين أو ثلاث أمتار)
واحنا انسلم لهم وندعي لهم (عبالنا كويتيين) وهم عراقيين :0bee2e8d89:
اذكر البسطات (بسطة بيان، القادسية وحولي..حتى دوار العظام كانت فيه بسطة)
واذكر ان احنا تطوعنا في جمعية مشرف ومستوصفها (كان بيت مو مثل الحين ما شاء الله)
واذكر السيطرات
واذكر اختي تعبت وكان لازم تدخل مستشفى
وديناها مستشفى الاميري وكانت غرفتها على البحر
وشافت البحر يغوش منهم
فسألت امي:
"يوما...حتى البحر خذوووه....؟"
:eh_s(2):
اذكر ان احنا خمينا وغسلنا وطبخنا
واحنا طول عمرنا (ايدنا ملفوفة بحرير)
ما قط دخلنا مطابخ ولا قط (عزكم الله) نظفنا حمامات
ولا قط غسلنا حوش ولا شلنا خمام
طول عمرنا الخدم والصبيان والطبابيخ يشيلون ويحطون
واحنا ريل على ريل
نامر وننهي
بس كل هذا سويناه بالغزو
:dfgl:
اذكر يوسف مصطفى ونشرة الكويت من السعودية
واغنية المقدمة والنهاية اللي كانت تبجينا وتقوينا كلما نسمعها:
((آن أن نحمي الحماة والوطن..آن أن ندفع عنه الايحنا
آن أن نصمد صفا واحدا...آن أن ندحر عدوا أرعنا
ياحماة العرين
لقنوا المعتدين
درسنا في اليمين
ضربة لن تلين))
واذكر عدل لمن صار القصف الجوي
واحنا شايليين (دواشقنا والماتريسات والمخاد)
ورايحيين سرداب الجيران
احنا وبيت عمي واللوية اللي صارت
اذكر التحرير (جنه أمس)
اذكر جريدة ال(guardian) البريطانية قابلتنا انا وبنت خالتي (عاد صرنا بلابل بالانجليزي)
اذكر طريج المطلاع
وشلون كان كله جثث عراقيين
اذكر بيتنا عقب ماخربووه :0bee2e8d89:
اذكر قشنا المحذف في بيتنا وواصل لي بيوت الفريج الثاني
اذكر جيش التحالف
اذكر اشرطة يسجلونها اهلنا اللي بره الكويت ويطرشونها لنا
اذكر في الرادو
الكويتيين يدورون على بعضهم بعض
اذكر جدي الله يرحمه
كان بيته كبير ومو راضي يطلع منه وقاعد فيه بروحه
واحنا لأننا كنا نخاف عليه وايد
طلعنا صورة كان مصورها أيام (قادسية صدام) -يا عل ماكو صدام- والصورة فيها جدي وصدام
رزينا هالصورة في وسط صالة الاستقبال عنده
عاد يوم دشوا عليه العراقيين
وشافوا صورته (مع الريس) خقوا
وقاموا ماينادونه الا عمي وسيدي _03ba:
حسبي الله ونعم الوكيل على كل ظالم
والله حدي انغثيت وانا اذكر
واحس راسي قام يعورني
واحس جني غثيتكم معاي :ssssso:
بس والله احس هالايام محفورة بعظامي
لمن اذكرها
احس روحي تطلع من مكانها

سامحوني عالطوالة
وسلامتكم وتعيشون​

مشكووووووووره يقلبي

كلامج وذكرياتج اهي نفسها اللي تكررت معانا كلنا ( الصامدين )

والحمدلله على سلامة الكويت واهلها

ويعطيج الف عافيه على هالشرح الحلو حسستيني وكأني رديت حق هالايام الله لا يعودها

 

[local]

الحمد لله كنا صامدين
والحمد لله .. الله صدهم عنا
فريجنا الوحيد بالمنطقة اللي ما تفتش
واحلى الايام ايام الحرب.. مزيح من الخوف والفرحة
ويوم التحرير كان يطق مطر.. غسل قلوبنا ونظف ديرتنا:q8:

 

[حناينq8]

الحمد لله كنا صامدين
والحمد لله .. الله صدهم عنا
فريجنا الوحيد بالمنطقة اللي ما تفتش
واحلى الايام ايام الحرب.. مزيح من الخوف والفرحة
ويوم التحرير كان يطق مطر.. غسل قلوبنا ونظف ديرتنا:q8:

يعطيج العافيه
ومشكووووووره على هالشرح الموجز للي صار لنا
والله لا يعودها من ايام

 

[FA9LA..3L6000L]

والله اخنقتني العبره اول ماقريت العنوان الله لايعيد هالايام ويحفظ الكويت وشعبها من كل مكرووه
انا بصراحه ماانولدت بالغزو بس من كلام امي الله يخليها لي عرفت كل شي دايما تكلمني عن الغزوعشان ماانسى شصار بديرتي الغاليه

 

[حناينq8]

والله اخنقتني العبره اول ماقريت العنوان الله لايعيد هالايام ويحفظ الكويت وشعبها من كل مكرووه
انا بصراحه ماانولدت بالغزو بس من كلام امي الله يخليها لي عرفت كل شي دايما تكلمني عن الغزوعشان ماانسى شصار بديرتي الغاليه

اكيد يقلبي
اي كويتي سواء حظر هالايام والا لا ما يقدر يسمع عن هالهوايل اللي صارت بديرته


مشكورررررررره يقلبي على المرور

 

[me my self and I]

انا كان عمري سنه بس اهلي كانو صامدين وانا طبعا معاهم صامده

الله لايرد هالايام

تسلمين حبيبتي عالموضوع الحلو

 

[حناينq8]

انا كان عمري سنه بس اهلي كانو صامدين وانا طبعا معاهم صامده

الله لايرد هالايام

تسلمين حبيبتي عالموضوع الحلو

مرورج الاحلى يقلبي

ومشكوره على المشاركه

 

[دلعووووه]

بــره الديــره
رحنا السعـوديه 8 شهــور
بس تعذبــنا .. العراقيين حزتها كانو بطريجنا لسعوديه
بغو يذبحون عمي وابوي بس الحمدلله ربي ستر علينا
ومشونا لأن شافو يدتي ريولها مكسوره اكسرت خاطرهم :eh_s(1):

 

[*&* المميزهـ *&*]

عمري 3 سنين وقتها
لا اذكر شيئا ههههههههه


الله لا يعيد هالايام

 

[حناينq8]

بــره الديــره
رحنا السعـوديه 8 شهــور
بس تعذبــنا .. العراقيين حزتها كانو بطريجنا لسعوديه
بغو يذبحون عمي وابوي بس الحمدلله ربي ستر علينا
ومشونا لأن شافو يدتي ريولها مكسوره اكسرت خاطرهم :eh_s(1):

الحمدلله على السلامه
وكل الشكر حبيبتي على المشاركه

 

[حناينq8]

عمري 3 سنين وقتها
لا اذكر شيئا ههههههههه


الله لا يعيد هالايام

اللهم امين
ومشكوره حبيبتي على المرور

 

[الحــــالمة]

كنا صامدين

واحلى شي بالغزو انه الناس صارت قلوبهم على بعض

واغلب عايلتنا تيمعت ببت واحد

 

[حناينq8]

كنا صامدين

واحلى شي بالغزو انه الناس صارت قلوبهم على بعض

واغلب عايلتنا تيمعت ببت واحد

كلنا جذي تيمعنا في بيت واحد وصرنا على قلب
هالشي احلى مافي الغزو
وكل الشكر حبيبتي على المشاركه

 

[زلابيا]

الله لا يعودها من ايام ..

كنا مسافرين سويسرا ما تهنينا بالسفره جان نروح مصر قعدنا هناك ودرسنا لين التحرير

 

[حناينq8]

الله لا يعودها من ايام ..

كنا مسافرين سويسرا ما تهنينا بالسفره جان نروح مصر قعدنا هناك ودرسنا لين التحرير

اللهم امين

ومشكوره يا زميليتي الغاليه على المشاركه