نادي الكتاب لشهر12 رواية-17 لعبدالوهاب السيد

[C'est La Vie]

بنات

شرايكم الكتاب مال الشهر الياي يكون اجتماعي؟
اتوقع الكل يحب يقرا روايات اجتماعيه

كله روايات ؟؟؟
ليش ما نقرا كتب تطوير الذات ؟ :hjy5jewf:
او كتاب يعلمنا شي يفيدنا بحياتنا وبتعاملنا مع الناس

 

[TuTTi^FruTTi]

اي انا قصدي كتاب جذي اسمه السر عجييييييييييب قريت منه شوي صج صج صج خووش شي

 

[Eng.shosha]

كله روايات ؟؟؟
ليش ما نقرا كتب تطوير الذات ؟ :hjy5jewf:
او كتاب يعلمنا شي يفيدنا بحياتنا وبتعاملنا مع الناس

حبيبتي بهالقسم اكو حملة يقرون كتب تطوير الذات
اذا اعرفوا المشرفات راح ينحذف الموضوع
ويقولون ان الفكره مكرره

وأساسا الموضوع كان بقسم الروايات المفروض
نقرا روايات .. بس ما أدري ليش انقلوه اهني :080402ask_prv:

 

[TuTTi^FruTTi]

امممممم يعني هني بس حق الروايات ولا روايات وكتب خيال علمي وجذي ؟؟

 

[C'est La Vie]

حبيبتي بهالقسم اكو حملة يقرون كتب تطوير الذات
اذا اعرفوا المشرفات راح ينحذف الموضوع
ويقولون ان الفكره مكرره

وأساسا الموضوع كان بقسم الروايات المفروض
نقرا روايات .. بس ما أدري ليش انقلوه اهني :080402ask_prv:

اهاااا ما كنت ادري
زين قلتيلي
بس هم مستمرة معاكم انشالله بالرواية لأني مستمتعة بسوالفكم ونقاشاتكم :gathering:

 

[kikoo]

السلام اشلونكم بنات

أنا قريت الكتاب وعجبتني فكره الكاتب انه اتاح للقارئ المجال بأنه اهو يتخيل شنو باجي التفاصيل
أول قصه ما توقعت أنه الزوجه اتخون صراحه بس وايد حبيت مقدمه المقصه

والقصص الثانيه حلوه بعد صج أنه في نقاط ضعف مثل استخدام الكاتب لجمل معينه في أكثر من قصه
واستخدامه لبعض المصطلحات في 3 قصص تقريبا مثل اممم "رفع حاجبه مستغربا" ومصطلح" مططت شفتي"
مصطلحات حلوه ومو دارج استخدامها بس بما انها تكررت هذا خرب عليها

وقصه المسرحيه وايد حبيتها لأنها ادخلت في عقل المجنون لوول ما توقعت أنه مينون

وطريقته في الكتابه أقصد الكاتب حلوه أنه كاتب بطريقه كأنه ايقص القصه كأنه أهو اللي صارت له القصه عجبتني أول 4 قصص
لكن بشكل متفاوت اختياره لأول قصه كان قوي ايشجع القارئ بأنه يقرا الباجي من القصص

وسلامتكم

 

[Shiny Star]

أنا شخصيا أفضل إن يكون Book Club شامل أي نوعية من الكتب وما يقتصر على الروايات يعني كل شهر نتفق على نوع من الكتاب للمناقشة وجذي نرضي أذواق الكل
وكل اللي يحبون القراءة يشاركون معانا وجذي تكون الاستفادة أكبر وإذا ممكن أن المشرفات يذكرون أن في Book Club في الأقسام الثانية المتعلقة بالموضوع حق اللي ما يدري يعني إذا اخترنا كتاب روايات ينذكر في قسم الروايات والقصص وإذا اخترنا مناقشة كتاب تطوير الذات ينذكر تحت القسم التابع له وإذا نبي نناقش كتاب عن الزواج أو الحياة الزوجية يتم ذكر تنويه عن الموضوع تحت هالقسم وهكذا

ما دري شرايكم ؟

 

[Eng.shosha]

بنوتااات أنا اعتذر هالاسبوع عن المناقشه ان شاء الله باجر بسافر
لمدة اسبوع لما أرد بناقش وياكم الاربع قصص الثانيه

وراح أشتاااق لكم كلكم

 

[kikoo]

اتروحين واتردين بالسلامه يا ام عبدالمحسن انشالله

 

[C'est La Vie]

أنا شخصيا أفضل إن يكون Book Club شامل أي نوعية من الكتب وما يقتصر على الروايات يعني كل شهر نتفق على نوع من الكتاب للمناقشة وجذي نرضي أذواق الكل
وكل اللي يحبون القراءة يشاركون معانا وجذي تكون الاستفادة أكبر وإذا ممكن أن المشرفات يذكرون أن في Book Club في الأقسام الثانية المتعلقة بالموضوع حق اللي ما يدري يعني إذا اخترنا كتاب روايات ينذكر في قسم الروايات والقصص وإذا اخترنا مناقشة كتاب تطوير الذات ينذكر تحت القسم التابع له وإذا نبي نناقش كتاب عن الزواج أو الحياة الزوجية يتم ذكر تنويه عن الموضوع تحت هالقسم وهكذا

ما دري شرايكم ؟

خوش فكرة :icon30:

 

[Shiny Star]

بنوتااات أنا اعتذر هالاسبوع عن المناقشه ان شاء الله باجر بسافر
لمدة اسبوع لما أرد بناقش وياكم الاربع قصص الثانيه

وراح أشتاااق لكم كلكم

تروحين وتردين بالسلامة إن شاء الله and enjoy it there

والله راح نشتاقلك يالغالية

:nbvppw:

 

[Shiny Star]

بنات وناااااااااااااسة


اليوم كنت بالمارينا مول في مكتبة Virgen شفت قائمة أفضل عشرة كتب مبيعا وكانت كالتالي:

1- The secret
2- كتاب 17 (م.عبدالوهاب السيد)
3- زيارات ليلية (م.عبدالوهاب السيد)
4-عشاق الادرينالين ( م. سند راشد دخيل )
5- موسوعة الظلام (م. سند راشد دخيل ، أحمد خالد توفيق، د. تامر إبراهيم)
6- التجربة الانجليزية ( خالد النصرالله)
7- لاس فيجاس ( م.سند راشد دخيل )


صورتها بالنقال بس حسافة لما بقيت أنزلها بالموقع طلعت الصورة أكبر من الحجم المسموح فيه بالمنتدى :eh_s(11):

وما أعرف أسويلها تصغير :eh_s(11):

بس ونااااااااااااااااسة


منها للأعلى يا شباب يالله نشجع شبابنا الكويتيين :icon30::icon30::icon30:[/COLOR

 

[kikoo]

ها بنات وين وصلتو وين ناتشوو مو لازم اناقش الاربع القصص التاليه
بنات وينكم ليش محد ايناقش؟؟؟
<<< قريب اتخلص الكتاب عندها تعليق على كل سطر

 

[قصــب سكــر]

ام عبدالمحسن تروحين وتردين بالسلامه

باجر بناقش القصص الاربع الثانيه

 

[أبلة بشورة]

قووووووووووووة بنات ممكن انضم لكم<<<يعني مؤدبة
بصراحة انا قريت الكتاب قبل لااشوف موضوعكم...اممم من ناحية الغلاف ماعجبني اختيار الالوان حسيت كان ممكن ايسوون تصميم ثاني ايشد القارئ علشان يشتري الكتاب بمعنى ثاني ان المصمم ماعنده ابتكار بالعكس اختياره للألوان كان متوقع وماياب شي يديد
القصص كلها بينها رابط واحد واهوا الخيال وتقريبا كل شي غريب كان الكاتب ايقطه على راس المخلوقات الفضائية:gr4uu:
عجبتني قصة المسرحية لأني ماتوقعته يطلع مينون
وقصه الجار الغامض ضيقت خلقي ماحبيت الصبي يفقد اهله فجأه
وتعليقي عالقصص الباجي بخليه مابي احرق عليكم الكتاب
ناطرتكم خواتي​

 

[brat]

هاي بنااات

من زمان ما مريتكم

طبعاً خونت فيكم وقريت كل الكتاب من أسبوعين :\ ما فيني صبر. وقريت بعد قصته زيارات ليلية عجييييب

أحلى قصة عجبتني برواية 17 اهيا الدائرة. والباجي حلوين بس مو ذاكرة أساميهم

 

[pure feminine]

خلصنا تعليق على اول اربع قصص اعتقد

بعد شوي بكتب تعليقي على اربع قصص الثانيه

 

[Shiny Star]

شلونكم بنات عيدكم مبارك

 

[Shiny Star]

وين وصلتوا بالقصص ؟

 

[قصــب سكــر]

السلام عليكم ورحمة الله وبركاته عيدكم مبارك وكل عام وانتوا بخير والكويت بخير

الظاهر البنات لهوا بالعيد مثلي وتأخروا بالمناقشه

عموما انا بعلق على القصص الاربع الثانيه

بالنسبه لقصة حوض الزهور القصه مقنعه واحداثها متسلسله بطريقه واقعيه جدا يعني ممكن تصير

في البدايه استغربت الحدث لما دفن الجثه في حوض الزهور بعدين لما ركزت عرفت ان ممكن يكون مرتبك وابعد شي فكرفيه حوض الزهور

وممكن لان فعلا مافي جريمه كامله سبحان الله كانت رغبتها يكون عندها حوض عشان تزرع زهور مادرت انها بتموت فيه وان هالحوض سبب العثور على القاتل

القصه في مجملها رائعه ,,

قصه اغرب الجرائم قصه ممكن تكون واقعيه ,, لكن في انتقاد وهو ان المؤلف سرد احداث قصه وقعت بالكويت

في شغله دقيقه يمكن المؤلف ما انتبه عليها او انا ماستوعبتها ,, لما كان المحقق يروح لبيت الطبيب بعد وفاته عشان يحقق بالجريمه

كان يقابل مرته ويكلمها علما بانها في هالفتره بتكون بالعده صح والا انا غلطانه ؟؟ شلون يكلمها ؟؟

كان المفروض يوضح هالنقطه ان كلمها عن طريق احد او طلب من الخدامه تكلمها او اي شي اخر

القصه مو ذاك الزود لانها مو نوعيه القصص اللي تشدني

اما بالنسبه لقصه الآخر خياليه جدا جدا مادري ماعجبتني حسيت ان الاستنساخ شي هين وبسيط واهو بالواقع العكس تماما

قصه ذلك الجار الغامض .. ردينا على الفضائيين القصه حيل تسبح بالخيال وما افضل هالنوع من القصص

لي عوده مع الاربع القصص القادمه