رحلة ريلاكس مو طبيعيه... في الاراضي الماليزية (صور)

[rawona]

الفيــــــــــــــــــــــــلا


انا باحطلكم صور للفيلا الحين وتالي باعلق على المكان واقيمه بالنسبه لتجربتي الشخصية..


اول ما دخلنا الفيلا كان في مثل كاونتر على اليسار فيه مغسلة وكبت فيه الثلاجه مالت الميني بار وفيه غلايه وجاي وقهوه وسكر ونسكيفيه واكواب .. وفيه بعد فوط مالت الفندق لحمام السباحه ..






القعده الخارجية + حمام السباحة ..














مدخل الفيلا الداخلي ..


المكتب ..





الدخلة الى الغرفة ..






لقطات..










يتبع
​

 

[rawona]

الممر لغرفة الملابس ومدخل الحمام "تكرمون"..





الحمام انتوا بكرامة ..





البانيو..





الشاور ..





طلعنا اول يوم نتجول وعقب ماردينا لقينا هالكاكاو على الفراش ..




​

 

[rawona]

شروقه خلج متابعه ..


الحين انزل بعد صور :icon30:​

 

[rawona]

راح اخلي رايي بالفيلا اخر شي ..


وهذي صور للصن واي لاغون ..






















المول بصن واي لاغوون ..















يتبع...


​

 

[rawona]

بس خلااااااااااااااااااااااااص بيكفي صور لليوم .. انشالله اكملكم المره اليايه ..


نطروني مع مطعم الطربوش- مهرجان كادبوري- بديكير ومنيكير من colour culture - ومناظر ليله للفندق والفيلا في الصن واي لاغوووووووووووون



تحياتي :blueSmCLR:


​

 

[Miss 3asal]

حبيبتى الحمدالله على السلامة و سنو اسم الفندق بصن واى لاغون؟؟

 

[عزااااايز]

وااااو ذكرتيني بسفرتي لماليزيا
صج كانت وناسة
ان شاءالله انتي بعد تستانسي

 

[اشراقة الحياة]

اينننن

واللله وايد حلوه الفيلا .......

عليج بالعافيه.........متــــــــــــــــــابعه

 

[84 Miss Chocolate]

متابعه

 

[rawona]

حبيبتى الحمدالله على السلامة و سنو اسم الفندق بصن واى لاغون؟؟

الله يسلمج حبوبه واسم الفندق sunway hotels and resorts

sunway villas

بس قبل لا تحجزين نطري وشوفي انطباعي عن هالفندق :eh_s(12):​

وااااو ذكرتيني بسفرتي لماليزيا
صج كانت وناسة
ان شاءالله انتي بعد تستانسي

هلا فيج حبوبه .. الحمدلله استانسا والديره ونيسه بس جوها شوي لج عليه الرطوبه العاليه .. مشكوره لمتابعتج معاي :blueSmCLR:​

اينننن

واللله وايد حلوه الفيلا .......

عليج بالعافيه.........متــــــــــــــــــابعه

هلا اشراقه ذكرتيني بعمري يوم اطالع صور الفيلا واقول الله شكلها يشوق "انغشيتي نفسي" لوول الحين اقول لكم الاسباب اللي تخليني ما افكر احجز في هالمكان مره ثانيه ​

متابعه

ميرسي حبيبه البي ... وانشالله اضلي متابعتني ع طووووول ​

 

[rawona]

تقيمي لفيلا صن واي لاغون ..

انا اعطي الريزورت 6/10 صدمه هااااا؟؟؟


فكرة المشروع وايد حلوه .. بس تجربتي شهدت مأساه في هالفيلا ..


اول ماسوينا جيك ان رحنا الفيلا وورانا اياها الريال وطلع طبعا كنا مستانسين حسينا ان الجو وااو خيال بس ماطول هالانبهار وايد واحنا نجيك الفيلا والا نلاقي تحفه كبيره على شكل مزهريه عوده محطوطه على جنب بالغرفه يعني ديكور وكان مبين عليها انها مكسوره وراهمينها وملزقينها وحاطينها بالغرفه!!!


الشغله الثانيه : يينا نبطل الsafety box علشان نحط جوازاتنا وفلوسنا والمصيبه ما كان يشتغل!!!

3. دخلت عزكم الله الحمام البانيو قاعته مشققه وشكله جنه وصخ من كثر ماهو متشقق!!!
السيفون ما يشتغل خربان!!!

الحنفيه الزجاج متكسره من الحواف زين ما اجرحت ايدنا!!!


4. الممر مال غرفة الملابس طوفته فيها شرخ مو طبيعي اللي من كبره حسيت الطوفه بتنهدم وبطيح علي!!

5. خزانه الملابس يعني مسوين فيها حركة اهي كبت صغير بالطوفه مو وسيع من داخل يادوب تعلقين فيه جم قميص فيه ليت متسلط على الملابس!!! زين ما حرقنا اهي فكرته انه اذا سكرتي الكبت يتسكر الليت بس الكبت ما يتسكر عدل!!! شلون؟؟ نخلي الليت الحار متسلط جذي على الملابس؟؟


6. التلفزيون يشوش مو صافي!!



قلت حق ريلي ما اقعد بهالغرفه انا مو قاطه شويه الليلتين ب 300 دينار الا شوي لو ادري ان هذا مستواها جان قعدت بالفورسيزون ابرك لي بنفس السعر!!

وفعلا رحنا المكتب مالهم وقلنالهم عن هالملاحظات وسيده "عارفين خمالهم" من غير ما يسألون غيروا الغرفه بسرعه وحطونا بغرفه احسن "نوعا ما" من الاولى بس مو واو!!


الغرفه الثانيه فيها مشكلتين رئيسيتين
1. الشاور: اذا الواحد خذا شاور تلف الحمام كله والسبب الماي ما ينبلع بسرعه وتصميم الشاور غبي يطشر ماي لي بره والنتيجه حمام غرقان بالماي!!! يعني الواحد يتسبح وعقب ما يخلص ينظف الحمام وراه!!! اي شي!

2. المكيف: كان حاااااااااااااااااااااااااااااااااااااااااااار ... خسنااااااااااااااا ... ما يطلع هوا بارد قلنا بنروح المول ونرد يمكن تبرد الدار على ما نرجع ولكن هيهاااااااااااااااات!!

كلمناهم ثاني يوم قالولنا بيشوفونه لنا واذا ظل حار بيغيرون الغرفه!! حد الاي شي!!

3. ازعااااااااااااااااااااج مو طبيعي!!!! يعني مكان مثل هذا حلاته رومنسي .. فيه هدووء .. فيه وناسه.. مو فيه خبااااااااااااااال؟؟!!

الخبال كان في مجموعه من الناس "مادري اذا كانوا صاحين والا الله بالخير" ماسكين الميكروفون ويغنون وصوتهم حد الازعاج لدجة اني ما اقدر اسمع ريلي شيقول واحنا قاعدين بره بفيلاتنا يم حمام السباحه!! اول شي علبالي الكاريوكي طلع لا احتفالات من ال 7 ونص بليل والله ما اسكتوا لين الساعه 11 ونص!!! واخر شي مت من الخرعه كنت توني طابه حمام السباحه وريلي قاعد داخل الفيلا على النت بسم الله توني ما تهنيت والا اسمع صوت انفجاراااااااااااات!!!! يالهوي .. فيه ايه؟؟؟ واطمر اركض داخل اطلعوا الخبلان اللي يغنون شابين العاب ناريه تصرقع لووول قلت هذيل مو ناوين يفكونا؟؟ اشهالليله الرعب!


مأساة اليوم الثاني فيها حسنه وحده بس فكتنا من ازعاج هالناس .. الساعه 7 ونص كالعاده بلشوا يغنون :eh_s(12): وانا صكت فيني الدنيا خاصة لما ردينا الفيلا قالولنا اللي بالريسبشن التكييف مافيه شي ويوم دخلنا الا حر!! قالي ريلي باقولهم يغيرون الغرفه قلتله لااااااااا خلاص باجر بنمشي ماله داعي كلها ليله وتدرون شنو صاااااااار؟؟ على الساعه 9 وشي تقريبا طفت الكهربا :080402ask_prv:


فندق 5 نجوم تطفي فيه الكهربا؟؟!! لا وجان زين بس شوي وردت قعدنا لين الصبح من غير كهربا لا تلفزيون لا كمبيوتر واهم شي لا تكييف!!!!

والله ان من كثر ماكنا تعابه ومو نايمين عدل من الحر والخيسه وعلى الساعه 8 الصبح تقريبا ردت الكهربا كنا ناوين نطلع مبجر ونروح جنتنغ بس كلمناهم وقلنا نبي ليت جيك اوت بس علشان انام شوي ونريح!!



انا مابي اظلم الريزورت يمكن الغرف العاديه احلى والخدمه افضل بس هذي تجربتي مع الفلل ..


واسمحولي على الاطاله .. انشالله اكمل وياكم باجي الصور عن قريب :edbf4317b9: ​

 

[اشراقة الحياة]

وي وي وي

شالسالفه.......؟؟؟؟

انا ساكنه فيه وايد كنت ساكنه في السويت العربي .......ديكوره كان ايننن

والمنظر من غرفتي كان وايد حلو ........... وكان ليلتين ب 180ِ

 

[rawona]

وي وي وي

شالسالفه.......؟؟؟؟

انا ساكنه فيه وايد كنت ساكنه في السويت العربي .......ديكوره كان ايننن

والمنظر من غرفتي كان وايد حلو ........... وكان ليلتين ب 180ِ

مو اقولج يمكن السويتات احلى يمكن لو حاجزة سويت احسن لي !!

مادري تصميم الفلل وايد حلو والنظام روعه بس حيل قديم ويبيله ترميم!! والكهربا ما انقطعت ترى الا على الفلل!! اقول اشراقه.. اخاف حاشتني عين لوووول


لا بس جد والله المكان كان بيصير اروع لو مافي هالاغلاط ولو اهتموا اكثر بالترميم مو كل شغلهم ترهيم منو يرقع فازة مكسوره ويرد يحطها بالغرفه؟؟ يعني وايد استغربنا خاصة انهم حرام العاملين اهناك حبوبين ومعاملتهم حلوه بس الفلل يبيلها شغل ​

 

[اشراقة الحياة]

والله حاشتكم عين قويه ...............

يالله ......انشاللله تعوضينها انشالله ف اميتااااااااا

 

[rawona]

والله حاشتكم عين قويه ...............

يالله ......انشاللله تعوضينها انشالله ف اميتااااااااا

الله يسمع منج وترضى الحكومه :eh_s(11):



​

 

[d-k_group]

مو اقولج يمكن السويتات احلى يمكن لو حاجزة سويت احسن لي !!

مادري تصميم الفلل وايد حلو والنظام روعه بس حيل قديم ويبيله ترميم!! والكهربا ما انقطعت ترى الا على الفلل!! اقول اشراقه.. اخاف حاشتني عين لوووول


لا بس جد والله المكان كان بيصير اروع لو مافي هالاغلاط ولو اهتموا اكثر بالترميم مو كل شغلهم ترهيم منو يرقع فازة مكسوره ويرد يحطها بالغرفه؟؟ يعني وايد استغربنا خاصة انهم حرام العاملين اهناك حبوبين ومعاملتهم حلوه بس الفلل يبيلها شغل ​

اهلا رووونا والله خوش تقرير وخوش ديره

عموما اغلب الحجوزات اللي ماتكون دايركت من الريزورت

يعطونج الغرف القديمه وعلي ما اعتقد لانج حاجزه من اكسبيديا

وكان السعر رخيص مقارنه بالسع الاصلي للفيلا

 

[dla3_princess]

روونا حبيبتي بسـألج شنو الارخص ان احجز للفنادق بالنت ولا من خلال السفريات ؟؟

اشراايج ؟ ودنا نروح انشالله شهر 12

 

[84 Miss Chocolate]

تقريرج يشووق حلو بس لا تزعلين انا ماليزيا ما احبها معني مارحت بس مادري ليش ؟؟!! قريب بنروح اسيا بس عشان المالديف و قلنا دام رايحين رايحين نروح هونج كونج و ريلي يقول ماليزيا قتله لا سنغافوره احسن مع ان اشووف التقارير واييييد حلوه بس مادري ليش ما احبها هه
الله يهنيكم و كل سنه تروحون يارب و اتسوين تقارير حلوة متابعه بقوه

 

[digital]

:dddds:الله الله وانا اشوف صور الفندق قاعده اخول خوووووش فندق طلع من بره هالله هالله ومن جوه يعلم الله

خوش تقرررير


سلمت يمناااج​

 

[rawona]

اهلا رووونا والله خوش تقرير وخوش ديره

عموما اغلب الحجوزات اللي ماتكون دايركت من الريزورت

يعطونج الغرف القديمه وعلي ما اعتقد لانج حاجزه من اكسبيديا

وكان السعر رخيص مقارنه بالسع الاصلي للفيلا

لا والله انا حاجزته من سايت الريزورت نفسه sunway villas اصلا ما حصلت عروض حلوه له باكسبيديا سعره مو رخيص!!! الليلتين جريب ال300 دينار يعني الليله ب 130 او 120 مو رخيصه.. الفندق الوحيد اللي خذيته من اكسبيديا بسفرتي هذي اهو الامبريال وكان صج واااو وسعره مو طبيعي على الخدمات اللي شفتها منهم كانوا مسوين خصم والليله اطلعت علي تقريبا ب 45 دينار!! ابلاااااااااش واحسن بمليون مره من الفيلا اللي ما ارتحنا فيها ليله على بعضها ..


باجي الريزورتات من سايت الفندق نفسه ماعدا الريتز كارلتون من سايت booking.com ​

روونا حبيبتي بسـألج شنو الارخص ان احجز للفنادق بالنت ولا من خلال السفريات ؟؟

اشراايج ؟ ودنا نروح انشالله شهر 12

شهر 12 الجو تقريبا نفس الجو اللي حاشنا وانا افضل الحجوزات من الانترنت ​

تقريرج يشووق حلو بس لا تزعلين انا ماليزيا ما احبها معني مارحت بس مادري ليش ؟؟!! قريب بنروح اسيا بس عشان المالديف و قلنا دام رايحين رايحين نروح هونج كونج و ريلي يقول ماليزيا قتله لا سنغافوره احسن مع ان اشووف التقارير واييييد حلوه بس مادري ليش ما احبها هه
الله يهنيكم و كل سنه تروحون يارب و اتسوين تقارير حلوة متابعه بقوه

انتي نفسي انا ما احب ماليزيا من قبل لا اروحلها ويمكن لوما دورة ريلي جان مارحتلها بس الظليمه شينه الديره حلوه وناسها طيبيين شعبها مثقف وانظف من تايلند ​

:dddds:الله الله وانا اشوف صور الفندق قاعده اخول خوووووش فندق طلع من بره هالله هالله ومن جوه يعلم الله

خوش تقرررير


سلمت يمناااج​

والله ديجيتال اهو خوش فندق ونظامه حلو ومعاملتهم حلوه بس مشكلته مبانيه قديمه شوي ويبيله اهتمام وترميم "انا اتكلم عن الفلل مادري عن الغرف والسويتات داخل"​