خاص لاهل البر 000تبادل الاكلات الفناتق خلونا نعدي بعض بالسنع

[semaasem]

الله يعيني على هالسنه ويني وين الريجيم من الصبح لييييييييي الليل واحنا بس ناكل والبرد يوكل ياربي الله يستر

 

[الحــــلوه]

البيدجان المشوي على الفحم موطبيييييييييييييييييييييييييييييييييييييييييييييييييييييييييييييييييييييييعي اذا خلصت نجضت قصيها بالنص ورشي عليها ليمون وملح واحلي اللي داخل بخبزززززززز

 

[thenutybee]

يوعتيني وانا مسويه رجيم

بنات انا اسوي شغله مادري انتو

تسوونها ولا لا...شفتو سحارة

البيبسي ..احفر جدام باب الخيمه

واحطها مقلوبه يعني نصها داش

بالارض..عشان اللي يدخل الخيمه مايدخل تراب وياه حتى لي صار مطر ..لان فتحات السحاره ينزل التراب منها ..فهمتو شنو اقصد مثل العتبه

للمطبخ وللخيمه وللحمام اعزكم الله شان ما يدش التراب داخله ويصير طين..

والله خوش فكرة عندكم افكار خطيرة يابنات يعطيكم العافية

 

[girlie_girl]

هذي طريقة حلو خالتي سوتها بالمخيم اتيننن و يبيلها جو بارد


اخذي كرواسون محشي بالكاكاو و قصصيه و حطيه بالصينية

بعدين اخذي قيمر و كريمة و جبن كيري مع حليب نستلة المركز و بالخلاط

صبيه فوق الكرواسون ورشي بالاخر شوية دارسين مع ككاو بودر و دخليه الفرن

بس شنو لان احنا بالمخيم ف خالتي سخنته شوي على الدوة و تعالي اكليه وهو حااار اتغيبين من حلاته

 

[أحلى همبه كويتية]

هذي طريقة حلو خالتي سوتها بالمخيم اتيننن و يبيلها جو بارد


اخذي كرواسون محشي بالكاكاو و قصصيه و حطيه بالصينية

بعدين اخذي قيمر و كريمة و جبن كيري مع حليب نستلة المركز و بالخلاط

صبيه فوق الكرواسون ورشي بالاخر شوية دارسين مع ككاو بودر و دخليه الفرن

بس شنو لان احنا بالمخيم ف خالتي سخنته شوي على الدوة و تعالي اكليه وهو حااار اتغيبين من حلاته

عليكم بالعافية
صج حلو
اختي كل جمعة تسويه بالزوارة
بس شوي ثقيل

 

[مغيب الشمس]

كفيتوا ووفيتوا يابنات منتدانا الغالي والمرقوق والقبوط والجلي وصب القفشة والزبيديه المقلية على قولت عبد الحسين عبد الرضا

 

[سبائك]

تم تثبيت الموضوع لدخول وقت البر


كل عام وانتو بخير

 

[Snow angel]

وناسه التخييييييييييم خطيييييييير

من بعد ما توفى ابوي الله يرحمه ما صرنا نخيم اول وناسه بصراحه نوع اهلنا تخيم كل سنه ووناسه كل بيت عندهم كارفان عيالهم واللي يخاف من البر ينامون فيه وخيام خاصه للنوم وخيام للصغار الفيديو والبلاي ستيشن والنت والازعاج وخيمه نسائيه رهيبه طبعا انواع طق الطيران والاغاني والرقص والهبال والطبخ طباخين نستأجرهم طول فترة التخييم يتفننون لنا بأكلات البر ويكون موسم الفقع من الحفرة الى مائدتك يعني طازج ينطبخ كل يوم شكل مطبق فقع وقبوط على قولتكم بالفقع وجريش بحشوة الفقع وكبة الفقع مشوية على الفحم للعشا والخبز طازج على التنور وخبز انواع بالجبن والزعتر وسادة والسكر واشكال والوان قلت لبيت عمي عن طريقة اهلنا قبل لا يتوفى ابوي الله يرحمه تخيمنا وان شاء الله يطلعون هالسنه زي طلعتنا اول واذا طلعنا صورت لكم كل شيء

 

[الحــــلوه]

مشكوووووووووووووووورين على التثبيت

للرفع

 

[الحــــلوه]

اذابتسوين ريوق وترحين فيه للبر
ذاك اليوم سويت ورحنا كشتنا كشته قصيره
اخذت بايركس قصصت فيه جرجير وخليته اول طبقه والطبقه الثانيه طماط وحوالين البايركس على الحواف خيار ويتبعه خيار مخلل
وبالنص تقصصين جبن فرنسي مكعبات وتخلينه بالنص وتصبين عليه زيت زيتون ورشه زيتون اسود وسماق

موطبيعي يهبل ويكفي شكله لما تصطع عليه الشمس


لي رجعه

 

[Miss.EnGiNeErA^_^]

هياااااااا..يسلمـــــــو ع الموضوعــــــــــــــــ..
والطبخاااآآآآتـــــــــــــــ,,
عن جد الموضوع يا بوقتهـــ

................................^^.................^^...................

 

[NeloFaR]

قوووة يا بنات البر

انا رحت البر امس الحمد لله و تغدينا اهناك و تعيشنا بعد ,,

بس انا اهم شي سويته الجاي .. الشوي و الطباخ خليته عالاهل :tek:

بس طع جاي مخدر انما ايييه

 

[&&coco&&]

الله يلحقنا خير يارب..

البر له طعم ماله مثيل..

 

[اطياب طيبه.أم عبدالله]

موضوع حلو ومفيد ويعطيكم العافيه
استفدت منكم وايد اشياء بنات

 

[فروحة الكويتية]

موضوع حلو ومفيد ويعطيكم العافيه

 

[ام ابوها]

يعطيكم العافية بنات حييل استفدت من الموظوع :icon30:الاسبوع الجاي ابروح اتشيحط على حمولتي :denya:لانهم كاشتين بالبر وابوريهم سنع بنات المنتدى:ggdw:

 

[الحــــلوه]

مرحبا بنات سنعات

شلونكم شخباركم اجاه العيد الاغلبيه بقضونونها بالمخيمات والكشات والمزارع

حمسة النقانق


المقادير
2 بصل
1فصة ثوم
5 حبات نقانق
طماط معجون
شبنت وكزبره
مكعب واحد ماجي

الطريقة "
تقصيصين البصل طويل والثوم تقصينه حلقات صغير يعني ماندق
والنقانق تقصص حلقات رفيعه
نحمس البصل مع الثوم ونضيف النقانق ونحمسهم عدل مع اضافة مكعب ماجي ومع التقليب المستمر
وونضيف الطماط المعجون بمقدار 3 ونص ملعقة كبيره واضافة فلفل اسود
واخر شي نرش الشبنت والكزبره ومع التقليب ونقدمه حااار جدا


ملحوضه اذا كنتي مسويته بالبيت وبتاخذينه معاج حطيييه بحافضه واذا وصلتي هناك سخنيه بس

 

[الحــــلوه]

انتي الحين طالعه للبر
وفي نفسج مرقوقه
غشيييييييهم بمرقوق الخبر وقولي من اليوم اسوي العيين لووووووووووووووووول

سوي مرقتج العاديه لكن بدوووون بطاط ولا بيديان اذا خلصت المرقه سواء مرقة لحم او دياي

اخذي خبز لبناني حوالي جييس كامل للجدر الوسط والجدر الكبير اخذي 2كيس خب

قطعي الخبز بيدج وقطي على المرقه وحركيه بين فتره وفتره وتكونين على نار هاديه

ومع التحريك كل خمس دقايق لين تشوفين الخبز ساح وصار مثل العيين وصار مرقوق صجي وووونااااااسه

غرفيييه وبالعافيه

 

[(تـــــــروفه)]

خوش فكرة

 

[فرح العجرف]

صباح الخير حبيباتي.....@@


بالنسبه للبر احلا شي الشوي وطبعااا لازم نروح علي الشويخ نحضر استعدادات البر من ماجله والذي منه.:ada::ada:............ز

الريوق حليب وبقصم مسمسم للجهال .... وبيض بانواعه طماط مرتديلا مسلوق....والاجبان...وحمسات طماط وبصل.. وجباتي من الديره يجيبونه لنااا اللي بالديره وجاي لنااا؟؟

الغداء شوي اللحم ولا السمج ومموش للجهال ولا عيش حمر ولبن ودبس
وشوي الميد احلااا شي....

العصر السفره ممدوده بالقهوه والجاي والحلويات....لين المغرب


العشاء مرقوقه ولا تشريبه ولا معكرونه ولا شوي دجاج.وعرايس باللحم...


العرايس تهبل بالبر ناخذ خلطة العرايس من القصاصيب اللي في الشويخ مخلوطه وزاهبه

بس ندهنهاا بخبز لبناني ورشة زيت زيتون...وعلي الفحم ونشويهاااا@@يم يم يم


وسهره تالي الليل:gathering::gathering:

تمر ورهش\كستنه\حب مشكل\ ونفيش \وخدود البنات\ وفواكه((تفاح خوخ موز فراوله عرموط )) نشويهاا علي الدوه بسيخ ....ونحط طاسه مذوبين فيهاا كاكاو((اروو)) علي الدوه ونغمس فيهاا الموجود بعواد الخشب السيخ مال الشوي@@وناسه:ggdw::ggdw:


والكستنه لازم بنات تفقعونهااا بنقزه بالسجين قبل شويهاا علي الفحم علشان ماتفرقع@@



بنات تلاحظون مانشبع بالبر:0bee2e8d89: