خاص لاهل البر 000تبادل الاكلات الفناتق خلونا نعدي بعض بالسنع

[just flower]

ماشاء الله عليج فرح

يوعتينا لووووووول

عليكم بألف عافيــــــه بنات

 

[الحــــلوه]

شكرا للجميع

 

[طرقية]

:hjy5jewf:والله شوقتونا حق البر والتشوى احلى شى شوى الكباب ونحط معاه حمص او طحينه مع خبز ايرانى او صمون المخبز او شوى الهمبورجر على الفحم مو طبيعى طعمه اكون غير عن شوى البيت الله يبارك لنا بهالجو الحلوهالسنه وزيد المطر حق الخضار

ياليت تعلمونا طريقة شوي الكباب والهمبرغر بالضبط
يعني شنو نوع الفحم وتحطونه بالدوة او بالارض
وشلون تحطون الكباب بقصدير او بدونه؟؟ ترى ميييييح بالشوي وودي اتعلم

 

[أحمر شفاه]

السلام بنات

شخباركم شلونكم

بس ابي طريقة الخبز المعفوس ،،،

وبالنسبة للشوي انا عمري ما شويت بس يا ليت وحدة فيكم تقولي بالشرح الممممممملللل اشلون الطريقة

ودي اصير سنعه

مشكوريييين كثير ،،
يعطيكم ألف ألف عافية

 

[nazek_q8]

وااااي على البر بس فاجيين حلوجنا وناكل حق المتن لوووووووووووووول

شوربة العدس ملكة القعده مانستغني عنها
وحليب بالزنجبيل مع حلويات الشمالي سوالف درابيل وقرص عقيلي وغيرة

والمرقوق والمعدس والمموش

والخفايف توست وجبن ومرتديلا وبطاط نايس ودقوس لووووووووووووووول يعني خفايف اي وبفك

 

[ghalaty]

واي البر الواحد يحس ان مجاعة بس يبي ياكل انا اسوي حمسات مثل اقطع نقانق ومرتدلا وفللفله بارده واقطع حلوم واحمسم مع بعض ووووووايد الاكله لذيذه جربواااااا

 

[معلمة انجليزي]

يمكن يجيبونه معاهم من البيت خاصه ورق العنب او معلب لانه يصير فيه تراب لااا خاصه لاكان وقت اللف الجو غبار والخيمه ترقص من الهوا لوووووووووووووووووووول

انا عن نفسي بشتر المعلب

صاجة و الله
الي ينام بالبر مثلنا ماله الا السلطة الخضراء العادية ولافاضين نخلط و نسوي سبحان الله بالبر النفوس تصير مرتاحة و الجهال يلعبون و ياكلون بشهييه فما تحاتين الاكل يامجبوس و يدامة داخلة يا مشخول يا مموش اشياء عملية ( الله يعين الخدامات على الغسيل) اما اذا كنا ما راح ننام يعني كشتات و نرجع فاننا نتفنن بالسلطات و الاكلات الحلوة بس احنا اكثر شي ننام اسبوعين!!!!!!!!!!!!!

 

[روح آلمشآعر]

فرح شلون تشوون آلفوآكه !!!


،

 

[فرح العجرف]

فرح شلون تشوون آلفوآكه !!!


،

هلااا ياقلبي.... بعود الشوي نسطر الفاكه الموجوده مثل ((خوخ - تفاح - فراوله -موز.....))

ونحطهااا علي الدوه لدقايق معدوده بس وعلي حسب حرارت النار اذا عاليه بعديهاا اشويه يعني بس تصير علي الاطراف غمجت وخريهاااا واغمسيهاا بالكاكاو المذاب وبس تطلع تجنن....لانه لما تعرضينهاا للحراره يحترق السكر الموجود فيهاا ويتحول لطعم الكريميل ...

 

[||الجـــواهـــــر||]

انتي الحين طالعه للبر
وفي نفسج مرقوقه
غشيييييييهم بمرقوق الخبر وقولي من اليوم اسوي العيين لووووووووووووووووول

سوي مرقتج العاديه لكن بدوووون بطاط ولا بيديان اذا خلصت المرقه سواء مرقة لحم او دياي

اخذي خبز لبناني حوالي جييس كامل للجدر الوسط والجدر الكبير اخذي 2كيس خب

قطعي الخبز بيدج وقطي على المرقه وحركيه بين فتره وفتره وتكونين على نار هاديه

ومع التحريك كل خمس دقايق لين تشوفين الخبز ساح وصار مثل العيين وصار مرقوق صجي وووونااااااسه

غرفيييه وبالعافيه

واااااااااااااااااااااااااي شوقتيني يالحلوه اختي كانت تسويها اول عجيييييييييبة احبها وصارلي فترة احن عليها وماتسويها :krkrkr:
كل ماقولها تقولي انشالله وطااااااااااااااف واااااااااااااااااااااااي عجيييييييييييبه

 

[شهد سبرنغ]

انا عاد ياحلوات بعلمكم طريقة شوي الدجاج بالقصدير
دجاجه منظفه ومقصوصه نصين - بصله بطاطه تقصينهم مكعبات وفلفله خضرا بارده شرايح وحبة ماجي بقر وملح وملعقه من كل نوع فلفل اسود ولومي اسود وزنجبيل بودره وبهارات وصلصة خردل وhp صلصة الستيك وملعقة روب وملعقة معجون طماط -تتبلينها 3 ساعات
وبعدين تحطين بالقصدير نقطه زيت عشان ماتلزق المحتويات وتلفينها طبقتين وتشوينها كل وجه ربع ساعه او ليما تستوي على حسب حرارة الجمر

 

[خليج***]

الصبح
شاي+حليب مع هيل او بدون هيل +بقصم او بيض

بعدين
عرايس او كباب,,
و بيبسي .


بس توا الناس عالبر لي لحين ماصار الجو حيل بارد,,

شخصيا ماحب البر
اذية,,وتراب ولوية ,,
بس احب اروح اقعد جم ساعة وارد بس ماحب انام بالبر,,

 

[برديس]

شوقتوني يابنات لجو البر والمخيمات اتهنون ان شالله
بصراحة فيه شغلتين بالكشتات يعجبوني البطاط المشوي وفقع مشوي
البطاط عادي بعد ماتغسلينه اتقصدرينه من غير تقشير واتقطينه بالدوة وبعدها اذا حسيتي أنه خلص تقلبينه
وبعدها رشي اشوية ملح وشوفي طعمه والدخان طالع منه رهيييييييييييييييييب وبهاللحظه قشرية وماوصيج سمي وأبدي بالأكل
والفقع نفس الطريقة
وفيه طريقة ثانية
تبونها؟؟؟؟ والا لأ
أول شي بعد ماتنظفين الفقع
تطبخينه بماي وملح لين يخلص
وبعدها اتقطعين خبز _ طبعن يفضل خبز من اللي أنتوا اتسوونه _ مايبيله _ خبزج اللي بالفرن
وبعدها اتحطين السمنه بعد قولواا مو سامعين فيها هههههههههههههه
واتخلطينهم عدل واتقلبينهم بالقفشة لين اتحسين أنه خلاص كله تخلّط
بعدها اتحطينه بصينية التقديم وتزينينه براحتج بالفقع شرايح أو كل وحده اتقصينها من الداخل واتكونين امجهزة حشوة بكيفج
وبعدها أراهنج اذا مااطلبوه بنفس اللحظه
وألف هنا وعافية علي وعليكم أذا ناوين اتعزموني طبعن ههههههههههه
هذي اكلتها ببر السعودية بمرة من المراريت معزومين على بر هع وان شالله ودي أخيم عندهم عاد هذي أبيها من الله
وبعدها صارت أكله مقدسة ويودونها الديوانيات بعد :ada:
ولي عوده عشان أقراا أصنافكم ياحلوات عشان أمخمخهم
وخبروني اذا اعجبتكم الطرق والا لأ
​

 

[روح آلمشآعر]

هلااا ياقلبي.... بعود الشوي نسطر الفاكه الموجوده مثل ((خوخ - تفاح - فراوله -موز.....))

ونحطهااا علي الدوه لدقايق معدوده بس وعلي حسب حرارت النار اذا عاليه بعديهاا اشويه يعني بس تصير علي الاطراف غمجت وخريهاااا واغمسيهاا بالكاكاو المذاب وبس تطلع تجنن....لانه لما تعرضينهاا للحراره يحترق السكر الموجود فيهاا ويتحول لطعم الكريميل ...

ممممممممممم غريبه بصرآحه :dddds:


عليكم بآلعآفيه ~

ومشكورهـ حبيبتي ع آلتوضيح ~


،

 

[ANGELICA]

حركات

 

[^SwEeTa^]

مشكوره حبوبة على الموضوع الحلو

و بالنسبة للكويتيين .. البر = بلعة ... ليش مادري؟؟ بس ترى أحلى شي البلعة بالبر مالكم شغل

خلوني أقولكم على اللي يسوونه الأهل

الريوق:

إذا عندنا أحد يبي يحدر الديرة .. نوصيه على ريوق باجر (نخي- باجيلا - آش - سمبوسة - جباتي) مع الجاي و الحليب المهيل يمممممم

و إذا محد حادر الديرة .. نسوي حمسات (حمسة حلوم ، حمسة بيديان، فاصوليا بيضا بالصلصة الحمرا، فول، حمسة بطاط و بزاليا ... الخ طبعا مع المشروبات غير الجبن و اللبنة و القيمر و المربى و العسل و الخيار و الطماط و الزعتر و البيض ... الخ

الغدا:

لازم عيوش و معكرونيات عاد ننوع كل يوم صنف غير يا (مجابيس، مطابيق "حلوة مطابيق خخخ"، كشري، معدس، عيش شبنت بس أهم شي المموش واااي عذاب) غير المرقوق أو الهريس أو اليريش .. و السلطات في الغالب تكون السلطة الخضرا العادية و إذا وحده يايبه معاها شي من البيت تتفنتق عاد .. لازم يم العيش معكرونيا .. يا اسباجيتي أو معكرونية لحم، أو فوتوتشيني، باشاميل ... الخ


العصاري: جاي، قهوة، أو كابوتشينو مع حب، كيك، حلوى، رهش، درابيل، حلو قهوة، كيك جاتوه إذا وحدة يايبته من بره

المغربية: ممكن نوزع قلاصات شوربة عدس، أو ذرة، أو نشوي على الدوة كستن، و بطاط صغار بالقصدير أو فقع او فندال كل من يشوي اللي يبيه


العشا:

ممكن نسوي مشاوي، إذا لنا خلق تبلنا الطاووق و الدياي، و الكباب و التكة و العرايس مع البصل و الطماط، مع خضرة و خبز لبناني أو ايراني (المتوفر حزتها). و إذا مالنا خلق نطلب من أي مطعم اييب لنا السياخ مشكوكة و جاهزة .. بس علينا الشوي

ساعات انييب وجبات سريعة (برجر كنج أو ماكدونالدز) اللي يكون يم المخيم ناخذ منه

ساعات الوالد الله يخليه لنا يسوي أمسيات صينية .. يسوي فرايد رايس ، و لا يفوح لوبستر يشيل لحمها و يخلط معاها خلطة و يردها داخل اللوبستر مثل المطاعم، يسوي شوربة (دوم يوم) التايلندية

ساعات يتبل لنا ربيان و يشويه أو يسويه بالبقصماط و يقليه .. و يسوي كوكتيل ربيان ----- (الوالد من عشاق السي فود الله يخليه لنا)

أهو ما يسوي كل الشغل بروحه .. تلاقونه معانا بس يوجهنا مثل الشيف مال الفنادق و احنا المتدربين

ساعات بعد يطق براسه يشوي طلي صغير على الفحم .. يسوي حفرة و ينزلة و يخليه ينشوي من الظهر أو العصر لي الليل

ممكن إذا مالنا خلق نسوي شي على العشا .. نقلي همبرجر و بطاط و ناجيتس حق اليهال

ممكن نشوي دياي بالفرن مع خضار و بطاط

ممكن نسوي (عشا ريوق) على قولة اليهال .. يكون مثل الريوق جاي و حليب وكورن فليكس و بقصم و بيض و جبن و طماط و حمسات و الذي منه

ممكن نسوي معكرونية نقانق و خضار .. أو اسباجيتي ----- (هالسوالف إذا ما كانوا الرياييل بيتعشون .. بس الحريم و اليهال فما نتكلف وايد)

ممكن نسوي خبز رقاق فرش أول بأول ناكله مع الجاي أو الحليب (يا نحشيه جبن قلاصات أو بيض بالشكر و الزعفران أو سادة)

ساعات انييب الريال اللي يسوي الصاج أو الشاورما .. أو ممكن تطلبون منه يسوي مشاوي .. عاد اييب عدته مع السلطات و الحمص و المتبل و غيرة

هذا غير الأشياء اللي ما تخلى منها قعدة البر .. كرواسون، و سارا كيك أو كيك بيت و بفك و عصير و ككاوات بأنواعها و بيبسي و أحلى شي بعد بالبر البرتقال و الأفندي .. مممم يصير له طعم ثاني بالبر

و بس .. إذا تذكرت شي بعد بقوله .. أمبيه وايد بلعتنا بالبر .. بس علينا بالعافية

 

[^SwEeTa^]

اي صج نسيت

تذكرون الكتكات بو قصدير؟؟؟

انييب منه و نحطه على طرف الدوة .. تلاقون الككاو يسيح على القصدير و نطيح له خخخ

يعت يمال العافية

 

[F.A]

موضوعكم روعه
مشكورين

 

[خشف المطران]

يا حلو البر ...

شوقتوني ..

إحنا من النوعييه اللي مانروح البر .. كلش ...كلش


خبري فيه يومني جاهل ... شوقتوني عليه ..


وما ندر مع أهلي .. بس وناسه ...


نسوي عيش مشخول و مرق عن الحوسه الزايده وأمي تكون مسويه السلطه من البيت ببستوك الخضره الكبير تعرفونه كبر سحارة البيبسي مربعه وبلاستك مسكره مليانه سلطه

ماشالله يالله يالله يكفي ..خالاتي وخوالي وكل واحد وعياله و وعيال عياله ..
مع الخدم و السواق ..
حول الميه ... نفر ..

والمرق جدر شكبره .. وتكثرين البطاط .. تجي خاثره ...

وتخلينها تطبخ لين تصير زبده مو لحم ...


واااااااي شوقتوني للبر

بحن عن زوجي ..وأهله .. بس ما يحبون البر يا حضي الأقشر..

 

[خشف المطران]

إيه بنات ..

بقولكم عن ملحمه .. تطلبين منها الكباب الصيخ الواحد مية فلس . .

+ مية فلس تأمين عن الصيخ


يكببه لج ويدخله بالصيخ وكل شيء .. ويجيبلج وياه بعد خضره وبصل وليمون و خبز إيراني


عشان بس تشبين الفحم وتشوين على طول



ما تقعدين تكببين وتحوسين ...

ولحمه رهيب .