رابطة "دودات الكتب " .. حياكم

[Little_Queen]

امممممممممم جوجو سألتني ان كنت انا الي كنت قاعده أبيع بجناح رابطة الادباء هالسنه في موضوعنا مال معرض الكتاب ...

و هذي الاجابة سويتلها كوبي من هناك ...

----

لا مو انا الي كنت أبييييييييييييييع بالرابطة هالسنه


انا كنت ابيع السنه الي طافت

و هالسنه مريت عليهم ساعدتهم عالخفيف و شفتهم شيبون ما يبون و مشيت ..


بس مو انا الي كانت تبيع الي مو متحجبه شعرها كاريه ...


انا متحجبه و دبه و بطه و قصيره كلش عكس البنت الي تبيع بالجناح ماشالله عليها يعني .. كل شي فيها ... مو فيني


بس انا عموما اشتغل مع اللجنة الاعلامية برابطة الادباء ... و عضوة في منتدى المبدعين الجدد بالرابطة .. و صديقة دائمة و عضوة فيها قريبا يااااااااااااارب ادعولي بس الله اييسر الامور و أطلعلي انا بعد مجموعه قصصية

وناسه عشان أرتز بمعرض الكتاب السنه اليايه اقعد اوقعلكم

نياهاهاهاهاهاهاهاهاهاهاههاااااااااااااااا

عاد وقتها اتكبر و انغر و ما أكلمكم و احاجيكم من طرف خيييشومي ابعد الله عنا الكبر و الغرور !


إذا تبون أي شي من الرابطة لا يردكم الا لسانكم

و كل اصدارات الكتاب الي كانو بجناح رابطة الادباء متوفرة عندنا و عندنا مكتبة للبيع و حياكم الله بأي وقت و لا يردكم الا لسانكم والله

و مكاننا بالعديلية عند نادي كاظمة ..

 

[Little_Queen]

ام مناف


حياج الله



اقري الموضوع الرئيسي نفسه


تكلمي عن اي كتاب تحبينه و شاركينا الراي في كل الي تحبينه مو لازم روايات


بس في كذا نوع ما نحب نسولف عنهم في هالموضوع لانه مالهم فايدة في الحياة

الابراج و السحر و الشعوذه و الاحلام و هالنوعية من الكتب


بس اكيد طالما كتب مفيدة و ممتعة و الاهم تزيد معارفنا و معلوماتنا



فاهلا و سهلا بك و بكتبك عزيزتي ام مناف

 

[Anastasia]

كتب عايلة اوفقير كللهم بجرير ..
.
رونة .. المنتظرمالت المضف ؟.. وييييع .. صراحة مووشي كلش لدرجة انه قطيتها حتى قبل ما اخلصها .. وصصصخة عالفاضي !!! يعني عندج مصور الملتزمين سوالف من تحت لي تحت وفلبينيات وخرابيط .. واليبراليين شذووذ وخمور وخياس .. والاخوان مكوشيين على جامعة الكويت .. ماكوو احد زين .. انا ما اقول اهما زينين بس اسلوب طرحه مو حلو .. ومايتحجى الا عن النشوة والجنس واللواط ويع ويع ويييع.. بعدين حاشي الرواية حشوو بالسيااسة ..و اشراط الساعة الانجيل وسدوم وقوم لوط .. وخطط امريكا عشان تسوي حرب وتذبح المسلمين وحرب هرمجدون اللي اهيا حرب نهاية العالم بين الخير والشر .. يعني باختصار تلوع جبدج وتضيق خلقج وتكرهج بالدنيا .. وتخيلو .. كذا مرة اشوف بجرير وفيرجن بنات صغااار سادس سابع يشترونها .. يعني موحرام يخرب افكارهم !! بس اهوا ميزته انه حاز على دعاية قوية .. تلفزيون وجرايد وسمعة .. عشان جذي مشت ولا مافيها من زود شوفو دعايتها باليوتوب شوفو التعليقات تحت كلهم يسبونه سب .. ماعرف احد قلااها مدحها .. تركيبتها وتكوينتها موشي ..
انا حق المضف روايته الاولى مادري تعرفونها ولا لا قديمة شوي .. عاشق مهزوم .. ابدد ياهل يكتب ..و البطلة عيونها زرق وشقرا .. والنهاية خايسة ..
.
.
الــــــــــــــــــــــلــــــــــــــــــــــه .. يشووووق الشعااااااار .. طيااارة بحطه بتوقيعي !!!!

 

[.]

مرسي جوجو..

عيل بشتري اول شي السجينه عقب الغريبه عقب غيتشا ..

وطبعا غرامي ماوراء الطبيعه كنت اقراهم بافاق اول ..

 

[][ الميـــــــار ][]

يبيله روحه حق جرير

مشكوره ليتل بحاول اسوي الطريقة
وانصحج تقرين المرأة والقطة صج ابداع وسمية تخرج من البحر حتى مسوين منها فيلم خالد امين مثل فيه بس للامانة مو شايفنه

 

[][ الميـــــــار ][]

الللله صار مشكورة حبيبتي ليتل

 

[Anastasia]

رونة .. تعالي ماقلتيلي وين صايرة ذات السلاسل ؟؟
.
ماوراء الطبيعة ..امممم هبيت فيهم بة سنعة قبل سنتين .. شوفي سلسلة ماوراء الطبيعة مالت د.احمد خالد توفيق .. وااي شحلاتها .. اللي تييلج كتيبات صغاار وعالطرف مكتوب روايات مصرية للجيب .. حللللوة .. شوفي الحين احمد خالد توفيق قام يكتب مع دايموند بوك .. وكتبه كشخة والغلاف بروحه قصة ..
وحتن عبدالوهاب السيد مثل ماقلت حق ليتل كوينة اول امس واايد متاثر فيه واصلا روايات عبدالوهاب السيد خرجت من عباءة روايات ماوراء الطبيعة لاحمد خالد توفيق وراح تلاحظين التشابه الواااضح بين اسلوبهم .. تلاقين كلل الاعداد عند الظمني طلبيهم يوصلولج لي بيتج .. الوحدة بثلثمية فلس بسس .. تخيلي عاد انا ايام العطل عطلة خمستعش والصيف لااازم ادق عليهم .. ويوصلولي عاد حسابي يطلع 20 دينار ههههه يعني تعالي شوفي جم وحدة شارية .. الحين ورثتهم حق اخوي بتاسع بس اسم الله عليه طالع علي يمووت على القراءة .. عاد احنا بيتنا بالذات مكتبة والحمدلله امي وابوي من يوم كنا صغار معلمينا عالقراءة.. ومثل ماقلت حق كوين امي قبل تدربني عالاملاء من كتاب سلاح التلميذ يخررع رعببب بس الحمدلله الحين ماعندي مشكلة بالاملاء والنحو .. لدرجة ان اختي يوم كان عمرها 9 سنين كانت تقرا روايات هاري بوتر وكل رواية على خمسمية ستمية صفحة ..
والله حلو جذي علمو عيالكم اخوانكم على القراءة .. راح تشوفون حتن تفكيرهم وطريقة كلامهم ناضجة واكبر من عمرهم .. والله الحين هالجيل مييح كللش مايقرا .. كلش كلش قرالج مجلة سبايدر مان ولا ماجد ولاا بس يطالع الصور مايقرا اللي يقولون .. انا جذي واحد من اخواني بس يا سوني يا اديفديات افلام ولا لابتوب خخخ ..
.
ادري في بدليات واايد بس عيزاانة اصلحهم .. بقوم اصلي الظهر استغفر الله ماصليت ليلحين .. وبنات ترى اليوم اليمعة اقرو الكهف ترى خفيفة بس تنورلج بين اليمعتين يعني هالاسبوع كله والله.:hjy5jewf: ..

 

[][ الميـــــــار ][]

جوجو حبيبتي عطيني رقم المكتبة وقوليلي شنو احسن شي عندهم ؟

الحمدالله صليت وقريت

 

[Anastasia]

الميار ..
.
الله يتمم عليج حبيبتي ..
الرقم مال الظمني كاهو عاد انتو حطو 2 قبل ههه ..
3727899/3719072
..
اي بنات عيدكم مباارك مقدما .. وعسانا نعوده سنين طويلة بصحة وعافية طاعة قولو امين ..

 

[Little_Queen]

تقبل الله طاعاتكم


ذات السلاسل خبري فيها بمجمع المثنى تحت ..ز

و بالسالمية عقب النسائم و الجمال الامريكي .... تلاقينها يم قهوة مادري شسمها تصير عالزاوية عند الاشارة الفاصلة بين السالمية القديمة و السالمية " الفنار و البستان " ..

 

[Little_Queen]

الظمني كل ما أدق عليهم كل ما ابي كتاب يقولي خالص ))))


والله حتى اكو موظف مصري عندهم زهق مني .. على يوم دقيت عليهم اكثر من 4 مرات .. كل ما اطلب شي يقولي

والله خالص يا اختي شوفي شي ثاني غيره


يهبلون هالمكتبه احبهم و احب اصداراتهم

 

[Anastasia]

ناتشووو ..
رفعت اسماعيل فديييته .. اهوا بطل روايات ماوراء الطبيعة ملوت احمد خالد توفيق اللي قتلكم عنهم مسااع ..
.
عاد تصدقون كان امو قسم كاامل بجرير حق هالروايات ماروا الطبيعة فنتازيا والذي منوو .. بس من ثلثتشهر شالو .. يالتهم ليش قالي اللي يشتغل انهم خلصو ..!!!!!!!!

 

[Anastasia]

وي ياحافظ..ليش !!
الحمدلله مامريت بهالموقف :q.. يمكن عشان انا دايما اطلب شغلات متوفرة .. قنوعة اسم الله علي لوول ..!!

 

[النمساوية]

السلام عليكم

مشكورة حبيبتي صاحبة الموضوع على هالرابطة صراحة انا احب القراءة حيل

وخاصة احب اقرأ كتب ابن القيم وهالسوالف ما احب روايات بس احب حق ليلى العثمان وايد حلوة رواياتها

بنات قريتوا كتاب لاتحزن حق عايض القرني روعة يخليج تعيشين عالم ثاني

حلو وبسيط
وكل عام وانتم بخير

 

[Anastasia]

النمساوية ..
ابن القيم؟ عيل انتي نفس امي .. كلله كتبه عندها .. مو اهوا مال زاد المعاد ؟
حياج الله بيننا ..

 

[Anastasia]

اي لاتحزن قريته ..
.
وااايد واايد حلو .. خصوصا انه مو ديني بحت .. لا جنه سوالف وايد استانست وانا اقراه ..
.

 

[Pop^*^CoRN]

بوب كورن ....


اكو وايد كتب في الدنيا تستحق القراءة للمتعة


مو كل القراءات بايخه و ثقيلة ...


حاولي تشوفين شنو المجال الي تحبينه و تقرين فيه ..يعني صج هواية القراءة من افضل الهوايات لانها تنمي العقل و تفتحلج آفاقج أكثر


اممممممممممممممممممممممممممممممممم ابتدي بكتب الماورائيات .. خلف أسوار العلم و على حافة العلم ... اتوقع بتحبينهم و بيشدونج لعالم القراءة الممتع و ياريت صراحة تقوليلنا تجربج مع القصص الي قريتيها و شنو كانو و شنو رايج فيهم

ان شاء الله بجرب اقرا و طالبه من نزاكا روايه حق اغاثا بتسلى فيها

و القصص اللي قريتها هاملت و روميو و جولييت الصراحة يونسون و ناوية اشتري نفس طريقتهم بس متى الله العالم

جربي كتب د.أحمد خالد توفيق ... و عبدالوهاب السيد


رح يعجبووونج و فيهم اسلوب و قصة و لغة حلوة و رح يشدونج وايد وايد


اقترح عليج تشترين " الابعاد المجهولة " الجزء الاول و الجزء الثاني .. لعبدالوهاب السيد ... اقريها و ادعيلي

و نسيت أقولج مشكووووووووووووووووووووووورة وايد وايد وايد عالتوقيع الروووووووووووعه مثلج

اسمج ايووع

العفو ماسوينا شي >> تبين اسمي بالكراميل و لا بس ملح لوووول

ان شاء الله بجرب الابعاد المجهوله بس موجودين بكل المكتبات ؟؟

 

[Anastasia]

اي صح بوب كورنة ..
.
واي مشكوورة مشكوورة عالشعار حدة ابداع ..
.
وصج مثل ماقالت ليتل كوين الابعاد المجهولة الاول والثاني لايعلى عليها .. واحمد خالد توفيق شهادتي فيه مجروحة .. وصراحة انا اعتبر اهوا اللي رباني لوول ..
.
فدييت كرستينااا والله اللي بصورتج .. واي هالمرة ويهها جنه رسمة ..

 

[.]

هلا جوجو..

ذات السلاسل لها اكثر من فرع..

بس اللي كل يوم اروح له موجود بمجمع الوزارات..

بشوف وين افرعهم واقولج..

والظمني رفيجتي مجربتهم بس قالت لي عن فلاش وروايات الرجل المستحيل وماوراء الطبيعه..

شنو بعد عندهم؟؟

احصل السجينه والغريبه وغيتشا و اي نسيت الجنيه ..

 

[Anastasia]

لا لا .. هالسوالف ماتحصلينهم بالظمني ..
.
رجل المستحيل يهبل .. بس انا مو حيل معاه .. لانه من الخيال العلمي وانا ماحب الخيال العلمي ..
.
السجينة والغريبة وذكريات غيشا بجرير بجريير بجريير >>برااا ههه
.
فلاش ههههه اختي الصغيرة تقراهم اللي بسادس ..ماوراء الطبيعة اللي قلتج عنه مساع رفعت اسماعيل مالت احمد خالد توفيق ..
.
وفيه بعد سلسلة فانتازيا هم مالت احمد خالد توفيق .. هاذي اعيزز واقوووول تهبل تهبل تهبل تهبل تهههبببببللللللل واااي لا تينن ..
.
قصتها عن وحدة اسمها عبير وجيكرة مسكينة وفقيرة وغبية وفاشلة دراسيا وحالتها حالة بس تموووت بشي اسمه قراءة بس تقرا تقرا تقرا .. بعدين تتزوج مهندس كمبيوتر وراعي فخفخة وفلييساات .. عاد اهوا مسوي برنامج بالكمبيوتر صانع احلام .. عاد اهيا اتيي وتحط على راسها اقطاب متصلة بالكمبيوتر وتنام ..بعدين تروح حق عالم الاحلام .. اكو قطار تركب فيه ومعاها مرشد كله يمسك قلم ابو سبرنغ ويطقطق فيه .. والقطار يمشي باراضي عقلها الباطن ويمر على مدن واقطاعات العوالم اللي قرتها..
مثلا .. شكسبير .. يمر على منطقته وتشوف روميو وجوليت .. وهاملت واهوا يذبح عمه .. ويوليوس قيصر قاعد مع كليوبترا ..
.
او .. جيمس بوند .. تشوفه واهوا يسوق سيارته العجيبة وطيارة هيلوكبتر فوقه تازل منها واحد بسلم ويطاققون بالمسدسات .
.
او تلاقي .. الفلاسفة .. ارسطو وسقراط نيتشة وابيقور والخ الخ الخ ..
.
او علم النفس .. فرويد وهالسوالف ..
.
او الاساطير الاغريقية .. طروادة والاوديسة ونركيسوس و بيغاسوس وبينلوب وهيلين الخ الخ ..
.
او عوالم البوليسية ,, مس ماربل وهركيول بوارو وشيرلوك هولمز وهالسوالف ..
.
او الهند ..والخناقين والثعابين واللي منسدح عالمسامير والمذاهب للي عندهم ..
.
او بالصين .. والكونغ فو الامبراطور ابن الشمس ..
.
او هانيبال وافياله ..
.
ولا غيفارا وكاسترو بجزيرة كوبا ..
.
ولا عوالم النحو .. وسيبويه وابو الاسود الدؤلي ..
.
ولا مع الامويين .. والحشاشين .. وقلعة السفاحين ..
.
ونااسة
عاد تختار اهيا وتدش معاهم .. ويبدي الحلم .. يعني مثلا ياخذون قصة طروادة .. ويقعد يحور فيها وتصير احداث غير .. جنه حلم .. بس روووعة نصيحة لا تخلينها..
.
وكل حلم اهيا تصير فيه شخصية .. مرة هندية .. مرة انجليزية ارستقراطية .. ومرة مصرية فلاحة .. ومرة اميرة يونانية .. ومرة فارس مع روبن هوود ,,مرة صينية تتعلم الكونغفو ..
.
واي تعبت من التطقطق والتكتب ههههه