اللي ولدها فيه نقص اكسجين واثر عليه بليييييز تدخل

[ام شيخ العربان]

مرحبا بنات انا بغيت اعرف عن حالات نقص الاكسجين وآثاره ومتى بدت تطلع هالاثار وعلامات الاعاقه او اي شي سببه نقص الاكسحين انا ولدي فيه نقص اكسجين من الولاده
والدكتور قال ان نقص الاكسجين ثلاث درجات وولدي اشد درجه بس هو ليلحين مابين عليه شي عمره 6شهور واسبوعين اسمالله عليه يقلب ويركز ويسمع ويضحك ويناغي ويقعد شوي بس مو واجد والله العظيم ماشي نفس اللي بعمره واحسن بعد
بس معاه تشنجات وكهربا بسيطه بالراس بغيت اعرف بنات عندهم حالات نقص اكسجين ودي اتناقش معاهم انا ما كتبت الحاله بالتفصيل مابي اطو عليكم بس بالنقاش بتكلم اكثر
الله يشافي مرضانا ومرضى المسلمين يااااااارب​

 

[HearT ChocolaTe]

عسى الله يشافيلج ولديج اليماني
أنا أقولج إن تشخيص الكويت.. دايما........................ نقص أكسجين
وعموما حبيبتي مع الوقت إذا ما عرفوا التشخيص بقطونه على الوراثه
شوفي الغاليه أنا أنصحج تدزين أوراقه وتقاريرة برا على دكتور متخصص
والكهربا تبين بـmri , mtc ,emg, eeg
إذا إنتي مسويتهم كلهم توكلي على الله وشوفيلج إستشارة دكتور أعصاب
وديري بالج على الأدوية تراهي موشوي .. واطبة الأطفال بالكويت قسم الأعصاب ترى مو تخصص
نصيحة يا الغاليه لاتهملين ضناج .. أنا محد وعاني يوم كان ولدي صغير ترى البداية مهمه حيل
ومرض نقص الأكسجين يختلف من طفل للثاني حياتي
وإذا تحبين تعرفين أكثر عن المرض تصفحي هالقسم بيفيدج وايد
وسامحيني على الإطاله

 

[afesa]

شوفي حبيبتي انا الحمدلله ماعندي عيال نقص اكسجين بس انا اشتغل مع الفئات الخاصه والشلل الدماغي وحالات نقص الاكسجين ما تتشابه بالاعراض او بالحاله لانها تعتمد على درجه الاصابه والضرراللي صار بالمخ والمناطق اللي تاثرت ودرجه تاثرها ومو كل حاله يكون فيها الخلل بنفس المنطقه يعني مثلا اذا صارت الاصابه بمناطق الادراك تعطيك حاله غير عن اللي تكون الاصابه بالمناطق الحركيه
وبالنسبه لولدك ماادري شنو المنطقه اللي متاثره بالمخ وواضح انه حالته معقوله بالنسبه لعمره واحيانا مايبين الا متاخر بس اذا عنده التحكم بالراس زين ويقلب وبدا يقعد فهذا معناته انه قاعد يمشي بالخط الطبيعي بش بسالك عنده شد بالعضلات او ما عنده؟؟؟وشنو تشخيصه الطبي ؟؟

 

[ام شيخ العربان]

عسى الله يشافيلج ولديج اليماني
أنا أقولج إن تشخيص الكويت.. دايما........................ نقص أكسجين
وعموما حبيبتي مع الوقت إذا ما عرفوا التشخيص بقطونه على الوراثه
شوفي الغاليه أنا أنصحج تدزين أوراقه وتقاريرة برا على دكتور متخصص
والكهربا تبين بـmri , mtc ,emg, eeg
إذا إنتي مسويتهم كلهم توكلي على الله وشوفيلج إستشارة دكتور أعصاب
وديري بالج على الأدوية تراهي موشوي .. واطبة الأطفال بالكويت قسم الأعصاب ترى مو تخصص
نصيحة يا الغاليه لاتهملين ضناج .. أنا محد وعاني يوم كان ولدي صغير ترى البداية مهمه حيل
ومرض نقص الأكسجين يختلف من طفل للثاني حياتي
وإذا تحبين تعرفين أكثر عن المرض تصفحي هالقسم بيفيدج وايد
وسامحيني على الإطاله

مشكووووووره ياقلبي

 

[ام شيخ العربان]

شوفي حبيبتي انا الحمدلله ماعندي عيال نقص اكسجين بس انا اشتغل مع الفئات الخاصه والشلل الدماغي وحالات نقص الاكسجين ما تتشابه بالاعراض او بالحاله لانها تعتمد على درجه الاصابه والضرراللي صار بالمخ والمناطق اللي تاثرت ودرجه تاثرها ومو كل حاله يكون فيها الخلل بنفس المنطقه يعني مثلا اذا صارت الاصابه بمناطق الادراك تعطيك حاله غير عن اللي تكون الاصابه بالمناطق الحركيه
وبالنسبه لولدك ماادري شنو المنطقه اللي متاثره بالمخ وواضح انه حالته معقوله بالنسبه لعمره واحيانا مايبين الا متاخر بس اذا عنده التحكم بالراس زين ويقلب وبدا يقعد فهذا معناته انه قاعد يمشي بالخط الطبيعي بش بسالك عنده شد بالعضلات او ما عنده؟؟؟وشنو تشخيصه الطبي ؟؟

هلا حبيبتي ومشكووووووره عالمرور
انا ولدي اول ما انولد قالوا عنه تلف كلي بالمخ وان نقص الاكسجين اشد درجه وان معاق جسدي وعقلي وانا انهرت وصرت اقرا البقره يوميا عليه بالمستشفى لان هو قعد شهرين والله كنت قيصريه واروحله واقراها واقرا الاذكار وادعية الشفاء
بعد عشر ايام من الولاده شرب حليب وهم ماكانوا متوقعين ان راح يقدر يمص وبعدين قالوا ان فيه شد بالاعضاء السفليه وارتخاء بالاعضاء العلويه
ولمن كبر رجوله صارت طبيعيه وايدينه صار فيها شد بسيط بنسبه لا تذكر هذا كلام الدكتور وهو سم الله عليه يمسك عدل ويعتمد عليها ورقبته يسيطر عليها عدل ويرفع راسه مافيه اي مشاكل وظهره الحمدالله يسمته عدل
بس الدكتور قال ان محيط الراس اصغر من التوسط بشوي اخر مراجعه كان محيط الراس 42 والمتوسط 43
وهو من ناحية الحركات ماشي نفس اللي بعمره من ناحية ان يقلب ويقعد ويمسك بس هو شوي كسول يعني انا اشوف اللي بعمره من اول ماتنزلينه يقلب انا ولدي هيك وهيك وهو يزحف شوي قدام اذا قلب
ومن ناحية الادراك ادري توه صغير لكن بشهادة الكل ان الطفل الوحيد اللي بسرعه ينتبه لاي حركه واي صوت وبسرعه صار يعرف يفرق بين الاصوات والاشكال وطبعا انا احس بهالشي لمن اقارنه للاطفال اللي بعمره
اسفه طولت عليييييج حاولت اختصر وما اهمل اي نقطه
بليييييييييز اذا عندج فكره وخبره فيديني مليت من كلام الدكاتره يتكلمون من منظر علمي ابي ناس مرت عليهم هالحالات

 

[ام شيخ العربان]

اي صج حبيبتي بغيت اقولج ان اول شي قالو تلف كلي بالمخ وقبل لا يطلع من المستشفى سووله اشعه مقطعيه وقالو خلايا المخ سليمه
والله كل الدكاتره ما كانوا متوقعين يقلب او يقعد او يكون بهالحاله كلهم مصدومين لان انولد ميت وسوووووله عملية انعاش وصار فيه نقص اكسجين بدرجه شدييييييده

 

[afesa]

شوفي انا من خبرتي وتعاملي مع هالحالات اشوفه وايد زين وتطوره الحركي ممتاز بالنسبه لعمره والحمدلله صار عنده تحكم بالراس وصار يقلب ويمسك وهذا شي وايد زين وانتي شيلي كلام وتشخيص الاطباء من راسك لانك امه واكثر واحده تشوفينه وتقدرين تشخصينه والامل بالله دايما موجود وبالطب ما فيه شي يصير ومايصير
وانا من خبرتي شفت وايدحالات ومرت علي وايد حالات نقص الاكسجين او الشلل الدماغي ....بس يمكن النقص ما اثر على مناطق الحركه او المرتبطه بالعضل ...وهذا اللي انا اشوفه وانشالله كل ما يكبر يصير احسن بس اهم شي اهو ياخذ علاج طبيعي والا لا؟؟ وشنو درجه الشد العضلي اللي عنده يعني لما تبدلين حفاظته تحسين ريوله يابسه؟؟او لما تحركينه اشوي تحسينه يتيبس معاك

 

[ام شيخ العربان]

حبيبتي اهوا ياخذ علاج طبيعي ودكتورته تقول ان حييييييل زين ومافيه اي مشاكل من ناحية رجوله بس ايده منطقه الكف فيها شوي بطئ يعني لمن يقعد ما يفردها وقالتلي ان هالمشكله قاعد تتحسن وكل ما سألتها اقولها ولدي فيه مشاكل تقول انا ما اشوف فيه شي اشوفه طفل طبيعي ومشكلة الكف حيل بسيطه

 

[ام شيخ العربان]

حبيبتي انا اشوف رجوله عادي نفس عيال خواتي لان ماعندي غيره ما احس ان فيه شي ملفت للنظر بس لمن كان صغير كا حيل يمدها وتتيبس بس لمن كمل اربع شهور صارت طبيعيه

 

[afesa]

زين عيل ليش تحاتين لا تشغلين بالك اهم شي انه ما فيه شد وانشالله يتحسن اكثر بس والله مابي اضيق خلقك احيانا الياهل لما يكبر يتغير جسمه العظام تطول والعضلات تشد اشوي بس انشالله ما يصير معاك هالشي ومدام مو مبين معاه شد فانشالله خير واهم شي استمري بالعلاج الطبيعي وحتى بالبيت وشلو ن المخ والتشنجات معاه؟؟؟اهوه ياخذ ادويه للمخ ؟؟ةشنو نوعها وهالادويه من النوع اللي ينوم؟ او تاثر على نشاطه

 

[ام شيخ العربان]

هلا حبيبتي انا ولدي فيه كهربا بالراس بس مافهمت كلام الدكتور يقول فيكهربا طبيعيه وفي كهربا غير طبيعيه وبيسوون له مره ثانيه التخطيط عشان يتاكد اكثر وان الكهربا هي مسببه التشنجات وبالنسبه للتشنجات فيه بس انا ما عمري شفته يتشنج لان من طلع من المستشفى وانا اعطيه الدوا عباره عن حبوب اذوبها بماي وبصراحه انا ماعطيه الكميه كامله مخففه الدكتور يقول 7مل كل 12 ساعه وانا اعطيه 4مل كل 12 ساعه لان والله وليدي اذا عطيته الدوا مثل مايقول الدكتور يصير طايح كانه رقعه ليل نهار نايم يقطع قلبي فصرت اخففه وعمري ماعطيته اكثر من 4مل والحمدالله مايتشنج بس كان فيه رجفه مدتها ثانيه تجيه اكثر من مره باليوم والحمدالله من شهر وقفت

 

[حلا الدنيا]

هلا وغلا
موضوع لفت انتباهي وحبيت اشارك معاكي
انا عندي أخت وأول ماجابتها امي عمرها 6 كيالو ولدتها بعمليه قيصريه وواول ماجابتها مابين عليها اي حاجه ولدتها بمستشفى خاص ولا قالوا لها الاطباء انها معاقه بعد الاربعين من بعد الولادة من ستة شهور حست انا ماعندها اعصاب قويه استغربت توقفها تحسها انهيا مرتخيا تعرفين الطفل من يكمل سنة يمشي اختي مامشت بس على الرغم انها حبت توقف وتطيح سوا لها ابوي عربيه تمسكها وتمشي عليها بس نفس ماقلت تمشي وتطيح مو ثابته بعدين ودتها المستشفى تعرفون كلام الدكاترا لازم تعطينها فيتامينات تعرضينها للشمس سوت لها مثل ماقال لها الدكتور مانفع معاها رجعتها المستشفى قال لها الدكتور لازم اعمل لها تخطيط على المخ طلع عندها نقص بالاكسيجن وعندها خلايا منتلفه بالمخ بالسبب نقص بالاكسيجين لان المفروض بعد مانولدت اختي يعطونها اكسيجين و هم الله يسامحهم ماعطوها والحين اصبحت اختي معاقه عمرها 12 سنه واصبحت اعاقتها مش تخلف عقلي ماتدرك لا ماشاء الله عليها تفهم وتشوف وتعرف الكلام والشي اللي عاجبها تاشر علي بالاصبع الابهام انه زين
لكنا اعاقتها في الاعصاب والنطق اول البدايه كانت تنطق ماما بابا والحين كل ماكبرت ثقل اللسانها والاطباء قالوا لازم العلاج الطبيعي ياليت اختي الدكتورة اذا عندج معلومه تفيديني فيها وسامحوني على الاطاله

 

[afesa]

اليماني هذي الكهرباء اهي اللي تاثر عالمخ ومحتاجه متابعه لتحديد كميه وجرعه الدوا وفعلا ادويه المخ اهي اللي تاثر على الطفل وتحدد اذا كان صاحي ونشيط او خامل وانتي ولدج الحين حالته مستقره بس خليك ماشيه على الدوا وبنفس الكميه وديري بالك لا تلعبين بالكميه من كيفك ترى ممكن تقلللين ويصير له التشنج وهم ممكن حالته تتغير بعد ما يكبربس انتبهي عالتشنجات اللي تييه وتابعي حاله ونشاط المخ وخليك الحين على نفس الجرعه ال4 مل وانتبهي عدل واساسا الاطبا يقررون هالعلاج حسب حاله الطفل يعني يزيدون او يغيرون حسب حاله الطفل والتشنجات ولا تقللين بس وقفي الحين عالكميه هذي وشوفي شيصير معاك
بس ماشالله من وصفك ولدك حالته زينه واموره ماشيه عدل والله يشفيه انشالله

 

[afesa]

اختي حلا الدنيا ما فهمت الموضوع عدل بس اتوقع اختك اعاقه حركيه بدون تخلف عقلي وبالنسبه للعلاج الطبيعي اذاتقصدين للنطق والكلام فيه نوع من العلاج اسمه speech theapyيدربون فيه الطفل على النطق
والنطق ممكن يكون من اصابه عضليه وهذا مرتبط باصابه الجسم ومحتاج علاج طبيعي وممكن يكون من المراكز الحسيه بالمخ بدون اصابه العضلات وهذا محتاج تدريب على النطق ومخارج الحروف والالفاظ

 

[HearT ChocolaTe]

ممكن حبيبتي تعطينا من خبرتج تمارين النطق لو تمارين بسيطة تعلمينا فيها شلون نعلمهم على النطق
انا صار لي من شهر 6 ماخذه موعد حقه في العلاج بالتخاطب وللأسف يقولون ضغط؟؟
يا ريت تساعدينه شوي.. ومشكورة

 

[حلا الدنيا]

مشكوره اختي على الرد
وش تقصدين اللي مافهمتي الموضوع كله انا قاعده اوضح المشكلة اللي عندنا
تعالي ابي اسالج وين هالعلاج حق النطق الللي كتبتي قصدج بالمستشفيات ولا صيدليه

 

[نجاة44]

اختي تقولج ولدها عنده نقص اكسجين
مانطق الا بوسبع سنين
ونطقه مو صحيح
حتى اسمه ماتفهمينه اذا تكلم

بس مع التعليم وجهود بذلتها تغير نطقه الحين صار طبيعي

 

[afesa]

ام عزوز ماادري جم عمر ولدج؟؟وفيه مراكز خاصه تعطي علاج النطق ,,,,بالحكومه صج صج ضغط عندهم لان عددهم قليل
حلا الدنيا علاج النطق اهو جلسات يسويها اخصائي النطق ومحتاجه استمرار بالعلاج
نجاه والله يعطيكم العافيه ونتيجه ممتازه

 

[ام شيخ العربان]

مشكوووووره afesa والله يعطيج العافيه على هالمعلومات اللي استفدنا منها

 

[ترانيم العود]

هلا اليماني

موضوع حلو

انا بنتي صار معاها نقص اوكسجين بس بعد الاربعين واللي مبين معاها ان نظرها ضعيف حتى النظاره ماتفيد معاها
والدكتور يقول مراح نعرف شنو فيها الا اذا كبرت

هي عمرها سنه وانا بسافر برى مراح انطر تشخيصهم

والمخ في اماكن ماجاها اوكسجين