بالوعة المغسلة انصكت .. شسوي !

[وردة بيتنا]

السلام عليكم ورحمة الله وبركاته

خواتي تكفون ساعدوني

بالوعة المغسلة انصكت . كنت اغسل شغلة و دخلت اشياء و انصكت

شسوي ؟ شلون احل المشكلة ؟ من عند لوازم العائلة و الا عند شركات الصحية و الا شسوي ؟

يزاكم الله خير

 

[Dloool_q8]

اخذي علاق سيم وفتحيه يعني يصير طويل ودخليه بالبالوعه وحركيه لمن ينزل من البالوعه او اذا قدرتي سحبيه فيها <<<ان شاء الله وصلت المعلومه لووووووول

 

[وردة بيتنا]

Dloool_q8 يزاج الله خير اختي

بحاول اسوي الطريقة

 

[همسة ورد]

روحي الجمعيه صووب ادوات التنظيف تلقين بودر حق تسليك البواليع مكرم السامع ..

 

[sara3]

روحي الجمعيه صووب ادوات التنظيف تلقين بودر حق تسليك البواليع مكرم السامع ..

ديرى بالك سالى الموظف عن المسلك بعضهم يغير لون الاستيل المصفاية فتاكدى وقوليلة اذا البالوعة عندك بلاستيك ولا استيل

 

[bnt_kwt]

شوفي مسلك البواليع البودر اللي بالجمعيات
انا مجربته ممتاز ولا اتييبين شركه ولا شي

 

[وردة بيتنا]

جزاكم الله خير

الله يوفقكم و يسعدكم

 

[كوكا كولا زيرو]

بيبسي

 

[لازوردي]

حبيبتي ولا اتعبين نفسج ولاشي دقي على واحد مال ادوات صحيه خل ايي و يسلك لج البالوعه تلقين ارقامهم في جرايد الاعلانات الوسيط و ربعهم ​

 

[ريحانة_14]

صبي فيها بيبسي

مجرب

غازات البيبسي تفتح لبواليع المسدودة

 

[غلاي غير]

صبي فيها بيبسي

مجرب

غازات البيبسي تفتح لبواليع المسدودة

اول مره تمر علي سالفت البيبسي ومنكم نستفيد

 

[خشف العوازم]

سالفت البيبسي جديده

 

[اشواق2008]

جربي داك مسلك البواليع عجيب تلاقينه بالجمعيه

 

[ريحانة_14]

إي والله جربوها

بس لا يكون المغسله فيها ماي

شيلوا الماي وصبوا علبه والا علبتين بيبسي وإدعولي