بنات سؤاااااااااااااال متى تبدي عطلة 15 حدي مستعيله :)

[fofowa_q8]

قوه بنات

ابي اعرف متى عطلة نص السنه اللي اهيي عطلة 15

اي تاريخ راح تبدي ياليت تقولون لي متى بالضبط

ومشكوووووووورين :eh_s(6):

 

[dr-MamLoOo7a]

ههههههههههه حتى انا ابي اعطل تصدقين عبالي الاسبوع الياي عطله و ما زهبت حق الروضة شي قاعده اضحك جني الخبله و اطرش ريلي يروح مكتبه و يزفني يقولي اي مكتبه هالحزة كيفه الحمدلله اني دريت ان في دوام ولا كان في مشروع نوم و كبر المخده براسي ترا في عطله براس السنة 1\1 بس عطلة 15 ما ادري بس لما شفتج كاتبة جذي ضحكت و انا احوس بالمنتدى ادور شي منقذ حق باجر

 

[fofowa_q8]

هههههههههههههههههههههههههههههههههههههههههههههههههههههههههه

وااااااااااي يحليلج حدج راهيه


قولي لي شنو درسج خنساعدج

 

[mooomooo]

حبيبتي اخير يوم نداوم فيه اهوا 29 / 1 الخميس

وتبدي العطله لي اول يوم نداوم فيه عقب العطله 15\2 بإذن الله تعالى

 

[kokah]

العطلة تبدي 1/2 و تنتهي 14/2

 

[fofowa_q8]

اوووله والله وايد باقي شهر ونص وانا عبالي بعد اسبوعين :|

مشكورة حبيبتي مومو

 

[fofowa_q8]

مشكورة كوكا

 

[الغاليه نونو]

حدها حدها العطله 14 يوووووم عدا ونقدا حاسبتها صح طنط نوريه الله يهداها مادري اشعليه مستعيله ههههههههه

 

[fofowa_q8]

اي والله 14 يوم بس مايمدينا نسوي شي

 

[ابيار]

انا برز ويهي وابي مساعدتك

ابي سير درس يتعرف على اهمية الماء للكائنات الحية
ويحرص على سقي الزرع

ما ني عارفة اجمع افكاري

 

[^ليلاس^]

اي 29-1 يعني باقي شهر وشي مافيني صبر لي هالتاريخ :dddds:

 

[طيرشلوا]

ننطر هالعطلة مثل الجهال ومتشفين لها اكثر منهم يااللة فات الكثير ما بقاش الا القليل

 

[dr-MamLoOo7a]

هههههههههههههههههههههههههههههههههههههههههههههههههههههههههه

وااااااااااي يحليلج حدج راهيه


قولي لي شنو درسج خنساعدج

اهلين حبوبه درسي عن اهمية الماء للكائنات الحية و يقلد حركة شرب الماء و يحرص على المحافظة على الماء
تصدقين ريلي يدور صور سلوكيات بالمكتبة قالي ما لقيت و زعلت عليه و بعدين قالي بادبج بحرمج من الماي اسبوع عشان تعرفين تعديل سلوكج بالاول خخخخخخخخخ صج ادبني عدل هالريل

 

[الزين 83]

والله انا تبدي العطله عندي من يغيبووووووووون الاطفال اهم شي ماااااافي تجهيييز للحلقه واللاصفي يعني تقريبا عقب راس السنه

 

[fofowa_q8]

ابيار انا درسي باجر نفس درسج

راح ابدى بالمنبه واهو مجموعه من الاشكال بالقص واللزق اكون منها ورده على السبورة او حتى تقدرين على جهاز العرض

او بالبور بوينت لين يطلع لنا ورده مبتسمه هذي الورده غير حقيقه ابيكم اتييبون لي يااطفال ورده حقيقيه من الفصل راح اييبون

لي اصيص فيه ورده ذابله ليش ذابله وشنو تحتاج؟ الماء .. اييبون لي مرش الماء مال الزرع ويسقون الورده

واقولهم قصة ولد عنده مزرعه وكان يحب يلعب فيها ينقط ويركض واخلي اليهال ينطون معاه لين يتعبون وهالولد شعر بالعطش

ماذا يشرب؟ماء اخليهم اييبون لي بطل ماي ويشرب مع صوت شرب الماء(عندي اياه باللابتوب) ويشرب معاه واحد من اليهال

وبعدين اسمعهم صوت عصافير واقولهم عندي قفص فيه عصافير شوفو يااطفال حطيت لهم اكل بس في مكان ثاني بالقفص فاضي

شنو لازم احط لهم؟ ماي واييبون الصحن اللي فيه ماي وبعدين الولد يوريهم مزرعته (صورة مزرعه والحنفيه مبطله على الزرع)

مع صوت ماي شرايكم بزرعي؟ راح تطلع لهم رشوده(مجسم بالفلين وتقدرين تسوينه بالورق) تقول له هذا التصرف غلط لازم تسقي

الزرع اما بالمرش اليدوي او المرشات الصناعيه اوريهم الصور لكل منهم ...

وبعدين اقولهم ان كل كائن حي يحتاج للماي عشان يعيش واسمعهم آية الخبره ..

بس الانسان يستعمل الماي مو بس للشرب لاشياء ثانيه بعد مثل غسل الملابس والاستحمام وغسل اليدين وغسل الفواكهه

واوريهم صور عن هالاعمال واخليهم يقلدون الحركات وبس سلامتج

 

[fofowa_q8]

ههههههههههههههههههههههههههه مملوحه والله ضحكتيني

شوفي الدرس اللي كتبته ...

ومو لازم صور حق السلوكيات تقدرين تسوين السلوكيات عن طريق مسرح عرايس

او موقف تمثيلي ..

 

[dr-MamLoOo7a]

ثانكس وايد وايييييييييييييد حلو بصراحة بروح اجهز الله يعينا

 

[رزة الكويت]

العطلة تبدي 1/2 و تنتهي 14/2

 

[أمونه الأموره 2007]

واااااااااااااااااي قريت ردود البنات وحدي انصدمت تو الناس على العطله

 

[fofowa_q8]

رزة الكويت مشكورة حبيبتي