بنات الخليج اللي زارو الكويت

[استبرق أم علاوي]

شلونكم يابنات الخليج

ابي أسألكم اذا زرتو الكويت شرايكم فيها وفي أهلها

وشنو عجبكم أكثر شي ؟

وشنو واجهتو من صعوبات؟

وحياكم الله بالكويت اللي زارها واللي ما زارها

طبعا اكيد الكويت ما تختلف عن دول الخليج وايد

 

[استبرق أم علاوي]

شدعوه محد زار لكويت تره حلوه
اذا تبون اصيرلكم مرشد

 

[اوركيدا]

شلونكم يابنات الخليج

الحمدلله زينين ..

ابي أسألكم اذا زرتو الكويت شرايكم فيها وفي أهلها

الكويت تينن .. واهلها عاد شاقول؟ ويوه سمحه! من يعرفون انه بحرينين للامانه لازم يسلمون يبتسمون .. وعلى كثر زياراتي للكويت عبر السنين من وانا صغيره في كل ييه لازم نشوف موقف لحسن استقبالكم للضيف وبشاشتكم والناس كلهم خدومين ماشاءلله ..

خل اقول لكم موقف واحد لانه راسي وايد يعورني بس ماحبيت اتأخر بالرد .. لما نكون ويا ابوي ساعات نضيع خصوصا اذا نبي نروح مكان لأول مره .. كل مره نوقف احد بالاشاره نسأله يلزم علينا إلا يوصلنا ويمشي جدامنا يعني مايكتفي انه يشرح! .. ماشاءلله عليكم يعني ..
ومره ييت مع اختي او كانت اهيا تسوق فماقدرنا نسأل شباب دورنا سيارة بنات او سألناهم ونفس الشي سوولنا .. وهذا شي بسيط لكن وايد يبين بعين الواحد ..

وشنو عجبكم أكثر شي ؟

شوارعها لمرتبه والمنسقه والسهله .. السياقه فالكويت وايد حلوه ..
المجمعات تينن وكلشي فيها .. الديره بكبرها ملونه .. الناس ملونين .. الواحد مايشوف اسود بكل مكان "ترى انا البس عبايه او ماعندي اعتراض عليها لكني احب فالكويت البنات اللي يلبسون ملابس محتشمه .. الاوان تفتح النفس يعني"
طيبة اهلها .. مطاعمها الحياه فيها ماشاءلله بكل مكان .. ريحتها! Simply Everything

وشنو واجهتو من صعوبات؟

هممم .. بعض الشباب الله يهديهم ساعات مايحترمون الوحده اللي ماشيه في طريجها .. ولايحترمون الريال اللي وياها! .. يعني بايعينها مثل مايقولون وهالشي طبيعي لكن احنا فالبحرين ماعندنا هالشي بنفس الصوره اللهم من "السواح" اذا اقدر اقول .. يعني يتحرشون بطريقه ملحه تملل مافيها حيا ..

وغير هالشي البسيط بصراحه ماواجهتنا اي صعوبات .. كلها تينن ومليون شي يغطي على هالشي الواحد!

وحياكم الله بالكويت اللي زارها واللي ما زارها

طبعا اكيد الكويت ما تختلف عن دول الخليج وايد

بالضبط خليجنا واحد .. وشعبنا واحد!

 

[اوركيدا]

ترى هذي جزء بسيط بس لانه راسي وايد يعورني ماقدرت استرسل واكتب كل اللي في قلبي ..

 

[استبرق أم علاوي]

ترى هذي جزء بسيط بس لانه راسي وايد يعورني ماقدرت استرسل واكتب كل اللي في قلبي ..

حياكم يا أهل البحرين في كل وقت والله انا احبكم واحب اروح عندكم

وما تشوفين شر يا اوركيدا

 

[حبيبه]

وطنى حبيبى وطنى الغالى وطنى النجم العالى وطنى شعله مضيئه وطنى وطنى الغالى وطنى الكويت صراحه انا كويتيه بس حبيت اشارك لان ماعندى اغلى من هذا البلد على راسى والله:hjy5jewf:

 

[استبرق أم علاوي]

مشكوره يا حبيبه ويسلم راسج
انتي حدج وطنيه والله يخليلنا الكويت ويعز أهلها
ونظل حبايب مع اهل الخليج

 

[الزين نجدي والدلع شرقاوي]

الكويت كلها تهبل .. ماكو عيوب

 

[استبرق أم علاوي]

الكويت كلها تهبل .. ماكو عيوب

مشكوره حبيبتي
وحياج بديرتج الثانيه

 

[amoon]

ابي أسألكم اذا زرتو الكويت شرايكم فيها وفي أهلها؟

الكويت حلوة واهلها احلا واطيب ناس الصراحه


وشنو عجبكم أكثر شي ؟

الصراحه اهل الكويت اكثر شي عجبني ف الكويت

اذا قصدج الاسواق الافينيوز مول والمارينا وسوق الشرق وسوق السالميه وسوق المباركيه وابراج الكويت والمركز العلمي
الحدايق ماسرتها لان الجو بارد


وشنو واجهتو من صعوبات؟

الحمدلله ماشي صعوبات

 

[فله ووناسه]

حلووووووووووووه وما عليها كلام
والبضاعه شئ

 

[استبرق أم علاوي]

ابي أسألكم اذا زرتو الكويت شرايكم فيها وفي أهلها؟

الكويت حلوة واهلها احلا واطيب ناس الصراحه


وشنو عجبكم أكثر شي ؟

الصراحه اهل الكويت اكثر شي عجبني ف الكويت

اذا قصدج الاسواق الافينيوز مول والمارينا وسوق الشرق وسوق السالميه وسوق المباركيه وابراج الكويت والمركز العلمي
الحدايق ماسرتها لان الجو بارد


وشنو واجهتو من صعوبات؟

الحمدلله ماشي صعوبات

أمون حياج الله بالكويت
والحمدلله انها اعجبتج

 

[الإسراء]

حياكم في بلدنا الكويت

 

[غير كل الناس]

والله كل شي بالكويت حلووو

 

[استبرق أم علاوي]

والله كل شي بالكويت حلووو

مشكوره وحياج الله

 

[㋡..PRINCESS..㋡]

خوووش موضوع ^_^

حياكم الله بناااااات بديرتكم الثانيه :*

 

[نور الكويت]

حياكم الله فبلدنا الكويت

 

[استبرق أم علاوي]

خوووش موضوع ^_^

حياكم الله بناااااات بديرتكم الثانيه :*

.
.

 

[كوكب الدرر]

استبرق موضوعج وايد حلو بس في بعد سؤال مهم ما حطيتيه وهو :

شنو الشي اللي تحرصون انكم تشترونه لما تييون الكويت ؟

وشنو اهم الصوايغ اللي تاخذونها للأهل والأصدقاء ؟؟

ويعطيج العافية

 

[M!$$.3NoNa]

:aha:


مشكوره ع الموضوع الحلو ...


لكويت حلووووووه ونا احبها وايد .. ونا عندي اهل وايد بلكويت خالاتي وعماتي واهلنا من بعيد بعد


الحمدلله عندنا معارف ف لكويت .. فمانلاقي صعوبه ف السوووق او الضيعه كلش

طبعا سوق لكويت لا يعلاااااااااا عليه روعه فضيع من كل شي مجمعات اسواق عاديه اي شي بضاعتهم حلوه


واسعاركم بعد حلوه بس فرررق العمله الي قص ضهرناااااا:0bee2e8d89:


والله العظيم يمكن انتو ماتحسون بهل معانااااه بس صج نعاني بفرق العمله من البحريني لي لكويتي ..

يعني خلنا نقول الف دينار بحريني نصرفها كويتي تصير 700 ــ@@ــ اه ياحرتي 300 طايره ف البحر


ايييييي ليـــــــــش ............!!

خل يوحدون العمله والله والله لاشوفون اقتحااااااااام مب طبيعي الله يعينكم ههههههههههههههههههههههههههههه


بس بس بس في مشكله الصراحه تعور الراااااس ...........:eh_s(1):

واختي اوركيدااا قالتها من شووي لمغازل !!ـ@@ـ طبعا مب شي يديد الكل يغازل وفي كل ديره لمغازل ..مب بس لكويت

بس عوار راس والله اسمحولي اعبر عن رايي ولحد يزعل هذا واقع انتو نفسكم بنات لكويت
عايشينه .. طبعا مو كل الشباب بس الواحد اذا ياج يغازل واااااالله مايفج عنج مايوخر يلحون يلحون بشكل ممل ومستفززز والبعض يكرهنا ف السفره بكبرها بسالفة انه يلحق لي البيت ...... يشوف من بيته ! والله ودي اهزأ بس اخاف منهم هههههههههههههههههههههههههه <<< تمشي قنب الحيطه وتسوي روحها ماشوف ..

خل اقولكم سالفه سريعه .. مره كنت اتمشى في مجمع من المجمعات الحلوه

وشباب ثنينه واحد يغازل وواحد مساعف حق قط الكلام ولزي منه يكون يسولف مع رفيجه ولكلام لي هههههههههههههههه
ونا اسوي روحي ماشوفهم ولا اسمعهم شفتو الصمخه هههههههههههههههههههه بضبط هذي انا

يمر يمي يطالعني ونا ماشوف ماشوف اسوي روحي مشغوله جان اوقف اشوف شغله الا ايني ويقولي يكون مشغوله يعني وموشايفه !؟

|ــ@@ــ انا ويهي انبط من الفشيله .. << جكوووها:krkrkr:هههههههههههههههههههههههههه
جرااااائه!! خفت قاعده امشي بروحي مضيعه خواتي شسوي !!؟ وياغريب كون أديب:ggdw: مرت يمكن نص ساعه او اقل شوي ......... والله يابنات ماطولت
الا يسولف مع رفيجه الا يقوله فلاااااااااان ياخي شنو ريولك انته مركب فيها تيربو ؟!! مشالله عليك
ماتتعب من المشي انا تعبت ورد عليه رفيجه لا يرحم والديك دااق الكعب بعد .. حسيت بشي بارد في علباي ههههههههههههههههههههههههههههه << ولا بيهمني ولا بيهمني مشيت ولا جني سمعت شي:tongue22:
الحبيب نفذ صبره:eh_s(1): وقرر انه يتشجع ويوقفني وكلمني ....... لاتبطلون عيونكم نعم نعم صحيح الي قريتوه

قالي الشيخه لوسمحتي << يكون انه ذرب !! اللتفت ونا متخرعه الا يقولي الكيس الله يعافيج !! قلت له نعم !! << علامة استفهام !
مد أيده بكل جراااائه وقط شي بلكيس ـ@@ـ طالعني قالي عفيه ترا طاحت ريولي ونا وراج وعندي شغل ضروري بطلع ..

انربط اللساني حسيت بحراره في جسمي.. :eh_s(4) ركبي ذااااااااابت خلاااص والله تعرفون هاذي الي تحسين انه ريولج من الساق لي الركب مب موجودين منملين !!
بس والله ياجماعه احساس كريه يعني ياين لنا ايام معدوده وبرامجنا محدده مانبي نضيع وقت

خلاص ياعمي غازلت ماشفت نتيجه.. خلاص .. الحنه والرنه والسوالف ليش

بس عموما لكويت حلوه حلوه حلوه ..

وكلمة حق تنقال سوق لكويـــــــــــــــ:q8:ــــــــت احلى سوق وبضاعه ف الخليـج كله .. الله يهنيكم فيه :ggdw:​