حصري (( تبييض الاسنان )).. سؤال و جواب ..

[دكتورة أسنان]

اختي الدكتوره كل عام وانتي بخير عندي سؤال
انا اسناني لونها شوي اصفر من شرب الشاي والقهوه
سويت ليزر من 7 شهور وردت اسناني واسؤء من قبل بعد
فالحين ابي شي دااائم على الاقل مو اقل من سنه
ابي بياض في الاسنان من غير مايشلون اي طبقه في الاسنان او يحفون وسمعت عن التقنيه اليديده الماده اللي بحجم العدسات تنحط على الاسنان بدون مايسون شي بالاسنان الطبيعيه

شرااااااايج شنو تنصحيني
والله يجزاج خير حبيبتي

و انتي بصحه وسلامه ..

حبيبتي مافي شي دائم للاسف بالنسبه للتبييض خاصه و انج ماراح تقطعين المشروبات الملونه .. اما اذا تقصدين قشور البورسلان ( الامينيت ) فهي ايضا تحتاج الى برد 0.5 مللي من الاسنان و تحتاج الى عنايه خاصه و من وجهة نظري لاتفتحين على نفسج ابواب ثانيه و الامر طبعا راجع لج

وحياج الله باي استفسار

 

[دكتورة أسنان]

مشكورة دكتورة وايد على وقتك وسعة صدرك

أنا مسوية تبييض بالليزر قبل سنتين عجبني وايد وقتها بس بعد مدة رجعوا اسناني صفر مرة ثانية

أستخدم حاليا لزقات كرست من مركز سلطان مفعولها حلو بس تسبب حساسية لأسناني

البنات بالمنتدي امدحوا وايد معجون أسنان اسمه email dimant شرايك فيه؟ وإذا في شي ثاني تنصحيني فيه؟

مشكورة مرة ثانية

حياج الله حبيبتي ..

فعلا حبيبتي مثل ماذكرت اللي تسوي تبييض و تبي تحافظ عليه لازم تعيده كل 6 شهور والا لا تجازف .. كرست زينه بعد التبييض بالليزر بس مفعولها خفيف و حاولي ماتخلينها تلمي اللثه علشان لاتسبب الحساسيه و اذا تسببلج حساسيه قللي المده علشان لاتصير الحساسيه مزمنه ..

تقصدين
Email Diamant؟؟

حبيبتي انا قريت مكوناته مافيه مواد مبيضه اللي تستخدم في التبييض .. اول اكسيد الكارباميد او اول اكسيد الهيدروجين .. مفعوله يعتمد على حبيبات كاشطه يعني مثل السنفره فقط .. و انا ما انصح فيهم عن نفسي لانها تكشط طبقة المينا مع الاستمرار فيها ولكن اذا عندج اصباغ ممكن تستخدمينه لمده لاااتزيد عن شهر .

نصيحتي ابتعدي عن المنتجات غير المعترف فيها خاصه المبيضه .. و هذي لسته للمعاجين عموما المعترف فيها و الاكثر امانا ..

http://www.ada.org/ada/seal/sealsrch.asp?searchtype=Category&keyword=dentifrice


حياج الله

 

[Shiny Star]

مشكورة على الإفادة

 

[دكتورة أسنان]

مشكورة على الإفادة

حياج الله

 

[^^ام ميمي^^]

مشكورة دكتورة وماقصرتي وعسى الله يكثر من امثالج ويوووسعلج باب رزقج يارب

 

[garga_girl]

يعطيييييييييييييج العافيه على هالمعلومات القيمه والمفيده

 

[دكتورة أسنان]

مشكورة دكتورة وماقصرتي وعسى الله يكثر من امثالج ويوووسعلج باب رزقج يارب

حياج الله حبيبتي امين مشكووره و لج مثله يارب

 

[دكتورة أسنان]

يعطيييييييييييييج العافيه على هالمعلومات القيمه والمفيده

الله يعافيج حبيبتي حياج الله

 

[koosa]

هاي حبيبتي شلونج؟؟ حبيبتي ما تعرفين عيادات يسون تبييض بسعر مناسب؟ كل ما سألت قالولي 120 ؟؟ أحس وايد عليه و لا لا؟

 

[فطـــومه^_^]

مــــرحبآ...
بسألك الله يعطيك العافيه... لمن رحت اراجع لأسناني سألتهم عن التبييض و وصفتلي طريقه وهي تـــشبه اللي قلتي عليه التبييض المنزلي...
بس ما قالت تبييض منزلي ...قالتلي شي ثاني بس ماأفتكر المهم ان الطريقه تعطيني قالب وأحطه على اسناني قبل النوم مدة 3 او 4 اسابيع...
ويعكي بياااااض....؟؟؟

هل تنصحيني فيه ؟؟؟
مع العلم ان لثتي حساسه (يعني قصدي تنزف من اي شي واحيانآ من لاشي)

طيب...ما في معجون بديل حتى لو أستمر عليه طول العمر ويعطي بياض مماثل حتى لوبعد5أشهر مثلآ؟؟؟؟

لأني أبي اسناني تبييض لــزواجي ..وبالأخير أبي اسألك عن الماسه اللي تنحط على السن..وش رايك فيها؟؟

الله يسعدك... صدقيني انا مــــــــــــــــغررررررررمــه بالأسنان البيض وهذا من أكبر امنياتي لدرجه اني اول شي أطالع فيه الأسنان<<<متأثره الأخت ههههه

يسلموووووووو على روح المساعده فيك

 

[ToOTOoWa]

مشكوووووورة حبيبتي على موضوعج
بصراحه واااايد استفدت لانه ناويه اسوي واركب قشره السيراميك لانهم فهموني انها اقل نوع من انواع التبيض انها تصير صفره
واهي واااايد مكلفه بصراااحه
اذا جذي بسوي التبيض العادي وخلاص

 

[دكتورة أسنان]

هاي حبيبتي شلونج؟؟ حبيبتي ما تعرفين عيادات يسون تبييض بسعر مناسب؟ كل ما سألت قالولي 120 ؟؟ أحس وايد عليه و لا لا؟

هلا حبيبتي والله ماعرف انا تابعه الحكومه فكلش ماعندي فكره عن الموضوع و جم صارت الاسعار .. حطي موضوع بالعام و سالي خواتج وايد مسوين و حياج الله

 

[دكتورة أسنان]

مــــرحبآ...
بسألك الله يعطيك العافيه... لمن رحت اراجع لأسناني سألتهم عن التبييض و وصفتلي طريقه وهي تـــشبه اللي قلتي عليه التبييض المنزلي...
بس ما قالت تبييض منزلي ...قالتلي شي ثاني بس ماأفتكر المهم ان الطريقه تعطيني قالب وأحطه على اسناني قبل النوم مدة 3 او 4 اسابيع...
ويعكي بياااااض....؟؟؟

هل تنصحيني فيه ؟؟؟
مع العلم ان لثتي حساسه (يعني قصدي تنزف من اي شي واحيانآ من لاشي)

طيب...ما في معجون بديل حتى لو أستمر عليه طول العمر ويعطي بياض مماثل حتى لوبعد5أشهر مثلآ؟؟؟؟

لأني أبي اسناني تبييض لــزواجي ..وبالأخير أبي اسألك عن الماسه اللي تنحط على السن..وش رايك فيها؟؟

الله يسعدك... صدقيني انا مــــــــــــــــغررررررررمــه بالأسنان البيض وهذا من أكبر امنياتي لدرجه اني اول شي أطالع فيه الأسنان<<<متأثره الأخت ههههه

يسلموووووووو على روح المساعده فيك

هلا حبيبتي

اي هذا التبييض المنزلي تحت اشراف الطبيب و اهو احسن انواع التبييض المنزلي .. ولكن عالجي اللثه اولا لان ملامسة الماده المبيضه للثه الملتهبه يسبب هيجان كبير قد يستمر لايام ليست بالقليله .. اما بالنسبه لمعاجين الاسنان فكما قلت درجه التبييض لن تكون واضحه و يفضل استخدامها بعد عمليه التبييض في العيادات او بعد استخدامك لنظام التبييض كوسيله للمحافظه على البياض فقط .. اما بالنسبه للمده فحذاري استخدام معاجين التبييض اكثر من شهر متواصل ..

الله يتمم لج على خير و بالنسبه للستراس ممكن تحطينها تغيير و ماتضر لانها لزق و الماده الاصقه المستخدمه هي نوع من انوع الحشوات تنشف باستخدام الضوء

فعلا الاسنان هي سر الابتسامه و الابتسامه سر الجمال فاحرصي عليها دائما مشرقه :eh_s(6):

حياج الله يالغاليه

 

[دكتورة أسنان]

مشكوووووورة حبيبتي على موضوعج
بصراحه واااايد استفدت لانه ناويه اسوي واركب قشره السيراميك لانهم فهموني انها اقل نوع من انواع التبيض انها تصير صفره
واهي واااايد مكلفه بصراااحه
اذا جذي بسوي التبيض العادي وخلاص

الحمدلله اسعدني مرورج و الاكثر استفادتج :eh_s(6): حياج الله

 

[نووووونا]

 

[فطـــومه^_^]

هلا حبيبتي

اي هذا التبييض المنزلي تحت اشراف الطبيب و اهو احسن انواع التبييض المنزلي .. ولكن عالجي اللثه اولا لان ملامسة الماده المبيضه للثه الملتهبه يسبب هيجان كبير قد يستمر لايام ليست بالقليله .. اما بالنسبه لمعاجين الاسنان فكما قلت درجه التبييض لن تكون واضحه و يفضل استخدامها بعد عمليه التبييض في العيادات او بعد استخدامك لنظام التبييض كوسيله للمحافظه على البياض فقط .. اما بالنسبه للمده فحذاري استخدام معاجين التبييض اكثر من شهر متواصل ..

الله يتمم لج على خير و بالنسبه للستراس ممكن تحطينها تغيير و ماتضر لانها لزق و الماده الاصقه المستخدمه هي نوع من انوع الحشوات تنشف باستخدام الضوء

فعلا الاسنان هي سر الابتسامه و الابتسامه سر الجمال فاحرصي عليها دائما مشرقه :eh_s(6):

حياج الله يالغاليه

ياقلـــبي ريحتيني كنت خايفه ومتردده .. الله يسعدك يااااارب..

طيب سؤالي الأخير: كيف أعالج لثتي؟؟؟؟؟

على فكره دائمآ مع تفريش الأسنانن تنزف اسناني وقتها وتوقف...؟؟؟

يعني في أدويه أخذها من الصيدليه...؟؟؟

الله يعطيك العافيه

 

[ندى^الورد]

السلام عليكم

أو شيء يعطيج العافية دكتورة :


بغيت أسئلج عندي مشكلة بأسناني الأمامية .. فيهم خط بنص السن لونه أغمج من لون السن لونه تقريباً بني و هم في خط أبيييييض أفتح من باجي السن .. و نهاية السن شفافه >>>>> مشاكلي كلها بسن واحد


أتمنى تكونين عرفتي قصدي دكتورة

و على فكرة كللللش ما أتوقع إنه تسوس .. لأني الحمدلله محافظه على أسناني أفرشها يومياً و هم لما أروح المستوصف أنظفهم من الجير بس هاللون اللي جدام ما يروح و كل الدكاترة اللي شافوه يقولون التبييض ما يشيله

زين شالحل؟



انا رحت الطبيب على أساس هالمشكلة قالتلي يمكن إنتي عندج نقص بالكالسيوم فصار عندج هالتلون .. قلتلها بسوي تبيض علشان يروح قالتلي مايروحون بالتبيض الخط الأبييض راح يضل أفتح من لون باجي الأسنان لأنه أهوا بالتبيض راح يفتح زيادة ..

هالسالفة من جم سنة .. فشلت موضوع التبييض من بالي .. بس مضايقني شكل السن خاصة انه جدام بالويه يعني عسى ما أتكلم و لا أبتسم يبين ..

 

[دكتورة أسنان]

حياج الله منورتنا يسعدني مرورج :eh_s(6):

 

[دكتورة أسنان]

ياقلـــبي ريحتيني كنت خايفه ومتردده .. الله يسعدك يااااارب..

طيب سؤالي الأخير: كيف أعالج لثتي؟؟؟؟؟

على فكره دائمآ مع تفريش الأسنانن تنزف اسناني وقتها وتوقف...؟؟؟

يعني في أدويه أخذها من الصيدليه...؟؟؟

الله يعطيك العافيه

مشكوره حبيبتي و اجمعين ..

اهم شي لعلاج اللثه اولا ازاله الجير كل 6 شهور .. الاهتمام بالتفريش السليم و الخيط السني .. في انواع من المضمضه في الصيدليات يمكنك استخدامها بعد ازالة الجير و لمده لا تزيد عن 4 اسابيع لانها تحتوي على ماده ملونه ولكنها تعالج الالتهابات بشكل جيد .. مثل betadine mouthwash\gargle استخدميه بدون تخفيف لمدة 30 ثانيه مرتين باليوم الى ان تشعري بتحسن ولا تزيدي المده عن 4 اسابيع ..

الله يعافيج

 

[دكتورة أسنان]

السلام عليكم

أو شيء يعطيج العافية دكتورة :


بغيت أسئلج عندي مشكلة بأسناني الأمامية .. فيهم خط بنص السن لونه أغمج من لون السن لونه تقريباً بني و هم في خط أبيييييض أفتح من باجي السن .. و نهاية السن شفافه >>>>> مشاكلي كلها بسن واحد


أتمنى تكونين عرفتي قصدي دكتورة

و على فكرة كللللش ما أتوقع إنه تسوس .. لأني الحمدلله محافظه على أسناني أفرشها يومياً و هم لما أروح المستوصف أنظفهم من الجير بس هاللون اللي جدام ما يروح و كل الدكاترة اللي شافوه يقولون التبييض ما يشيله

زين شالحل؟



انا رحت الطبيب على أساس هالمشكلة قالتلي يمكن إنتي عندج نقص بالكالسيوم فصار عندج هالتلون .. قلتلها بسوي تبيض علشان يروح قالتلي مايروحون بالتبيض الخط الأبييض راح يضل أفتح من لون باجي الأسنان لأنه أهوا بالتبيض راح يفتح زيادة ..

هالسالفة من جم سنة .. فشلت موضوع التبييض من بالي .. بس مضايقني شكل السن خاصة انه جدام بالويه يعني عسى ما أتكلم و لا أبتسم يبين ..

وعليكم السلام ورحمة الله و بركاته

الله يعافيج حبيبتي ..

للاسف مافي حل .. وان كان ولا بد ممكن تلبسينهم بس انا ما انصح بالتلبيس لغرض جمالي بس اذا مضايقينج لبسيهم اهم شي النفسيه طبعا التبييض ما منه فايده بل ممكن يزيد الطين بله !