التجمع الثاني .. مسافرات امريكا 2009 ... حياكم

[rawona]

شلونكم بنات؟؟ شخباركم؟؟



انا بصراحة كنت ناوية أأجل التجمع لين يتم الحجز بس ماشالله الرسايل على الخاص اطالب بمعلومات والاسئلة عن امريكا وايد ماشالله ماتخلص .. فقررت اني اتوكل على الله وافتتح هالتجمع الحلو واللي اتمنى يكون مفيد للكل ..



التجمع الاول في عام 2008 كان ناجح بكل المقاييس ولله الحمد .. واتمنى النجاح لتجمعنا هذا باذن الله ...








امريـــــــــــــــــــــــــــــــــكا.... ماشالله هالديره قاره وولاياتها وايد واكيد لكل وحده منكم هدف او معنى لسفرتها واختيارها للولايات اللي بتزورها ..


في منكم بتروح دراسه .. وفي اللي بتروح مرافقه لزوجها ... وفي اللي بتروح علاج .. وفي اللي بتروح سياحه .. انشالله كلكم تستانسون وتستمتعون بسفرتكم ..








التجمع راح يشمل الاسئلة التاليه بالاضافه الى معلومات عن طلبات التقديم للفيزا - الحجوزات واي اسئلة ثانيه تحبون تطرحونها ممكن اقدر اساعدكم فيها واذا ماقدرت اكيد البنات ماراح يقصروون ..



بابتدي الاسئلة وانا راح اسأل واجاوب عن نفسي كافتتاحية :eh_s(6):




ما الهدف من السفر الى امريكا؟

للسياحة


الولايات والمناطق اللي ناويين تزورونها؟

الولاية الرئيسية كاليفورنيا شامله اغلب مناطقها (هوليوود - سانتا مونيكا- مارينا ديل راي- نيوبورت بيتش- سان دييغو- لونغ بيتش- سان فرانسيسكو) واكيد مالنا غنا عن الاماكن الترفيهيه مثل ديزني لاند - اليونيفيرسال- ووك اوف فيم- السي وورلد- ليغو لاند- سان دييغو زو

الولاية الثانيه نيفادا تحديدا لاس فيغاس

موعد السفره ومدتها؟


انشالله اذا الله سهل .. اخر شهر 6 اذا الله احيانا ومدتها شهر باذن الله


منو بيرافقكم بالسفره؟

حاليا انا وزوجي واليهال العدد 4 اشخاص (2 كبار و 2 صغار)


في احتمالية يسافرون معانا من اهل زوجي بس للحين مو مبين شي


طريقة الحجز والتكلفة التقريبية للرحلة؟


طريقة الحجز عن طريق الانترنت طبعا ..


بالنسبة لي حجز الطيران من موقع الطيران نفسه واهوا دايركت لامريكا Delta

بالنسبة للشقة في كاليفورنيا وحدة من شقق ال oakwood apartments للحين محتاره بين 3 مواقع وانشالله تبين الشغلة حزة الحجز الموقع www.oakwood.com


السياره من شركة دولار او الامو وطريقة الحجز من الانترنت بعد من مواقعهم نفسها www.alamo.com
www.dollar.com

السياره ميني فان لمدة شهر ..


الفنادق في لاس فيغاس The Venetian Hotel والحجز من موقع الفندق نفسه والاقامه 3 ليالي


الفندق في سان فرانسيسكو في fisherman's warf فندق الشيراتون الحجز عن طريق اكسبيديا www.expedia.com الاقامه 3 ليالي




التكلفة التقريبية للرحلة (تذاكر+ سكن+ سياره) = من 3600 دينار الى 3800 دينار للحين مابين شي وانشالله ترخص شوي الاسعار


المصرف والمشتروات مو اقل من 4000 دينار



حاليا هذي البداية وانشالله اشوف تفاعل حلو منكم .. موفقين :33_1185028183:​

 

[اشراقة الحياة]

اهلا رونــــــــــــــــــــــا

ثانكس على التجمع ............

اول الردود انا............

ما الهدف من السفر الى امريكا؟
للسياحة...وما احلى السياحه


الولايات والمناطق اللي ناويين تزورونها؟

اورلاندو ..................
ميامي........................


موعد السفره ومدتها؟
انشالله باذن الله........1/7 الــــــــــــــى 18/7 ويمكن اكثر


منو بيرافقكم بالسفره؟ انا وحكومتي وعيالي العدد 4 اشخاص (2 كبار و 2 صغار)


طريقة الحجز والتكلفة التقريبية للرحلة؟


طريقة الحجز عن طريق الانترنت اول مره وانشالله تكون سهاله..

والفنادق والطيران ...والسياره انشالله راح اظبطها وياكم ...واخذ اقتراحتكم


التكلفة التقريبية للرحلة (تذاكر+ سكن) = من 2200 الـــى 2600

المصرف والمشترى والالعاب والقز :eh_s(6):هناك ....مبدئيا حطينا 6000 ....

اوكي رونــــــــــــــــــا شغلي......

 

[rawona]

لوووول شروقه شغلج اوكي ونص .. 6000 تشترين امريكا كلها هيهيهيهي بس صج الحدايق والالعاب اهناك مكلفه شوي .. الحين باحوس واحط طريقة طلب الفيزا .. لا تقوليلي للحين ما طلعتوا الفيزا؟؟ اشناطرين؟؟ ​

 

[rawona]

طريقة طلب الفيزا الأمريكية

الدخول على موقع السفاره بالكويت

http://kuwait.usembassy.gov/


الذهاب ال Visas

اختيار الخيار التالي:

How do I apply for a visa؟


ثم اختيار


1) Tourist/Visitor


ثم تعبأة النموذج التالي للكل (رجال- نساء- اطفال) كل واحد ابليكيشن خاص فيه

Nonimmigrant visa application (DS-156)

وهذا رابط الابليكيشن..


https://evisaforms.state.gov/ds156.asp?lang=1


بعد الانتهاء من تعبئة البيانات المطلوبه قم بالضغط على continue ثم طباعة الصفحة "اللي فيها باركود" لاحضارها في موعد المقابله

بعد ذلك قم بالدخول على رابط تحديد موعد مقابله ..

https://evisaforms.state.gov/default.asp?postcode=KWT&appcode=3


واختيار التاريخ المناسب لكم ..


بالنسبة للذكور عليهم ملئ الابليكيشن التالي ..



Supplemental nonimmigrant visa application (DS-157)

وهذا رابط الابليكيشن

http://www.state.gov/********s/organization/79964.pdf


ثم القيام بطباعته لاحضاره في موعد المقابله




لا تنسى


طباعة ورقة الموعد لاحضارها معك في موعد المقابلة والافضل عمل نسختين واحده للاحتفاظ بها وواحده للسفاره


- احضار صورتين شخصيتين قياس 5 * 5 مع مراعاة خليفية بيضاء والنظر مباشره باتجاه الكاميرا بشرط الا تكون اقدم من 6 اشهر واي صوره لابسين فيها نظاره شمسية غير مقبوله طبعا :eh_s(6):

- احضار نسختين او ثلاث عن صورة الجواز ضروري

- احضار البطاقة المدنية للتمكن من الدخول الى السفاره

- احضار مبالغ مالية لرسوم الدي اتش ال

- اخذ الجواز والذهاب الى اقرب فرع لبنك برقان لدفع رسوم الفيزا التي تعادل 40 دينار تقريبا للشخص ويجب الانتباه الى مطابقة الاسم في الوصل للاسم بالجواز ونفس الشي بالنسبة لطلبات الفيزا الحرص على ان يكون الاسم مطابق تماما بالحرف للاسم اللي بالجواز ونفس الشي بالنسبه لحجوزاتكم

- غير ضروري بس مستحب احضار شهادة راتب وكشف حساب

- احضار جميع الاوراق كاملة للابليكيشن عند الحضور للمقابله

- يمكن للاطفال دون ال13 سنه البقاء في البيت وعدم الحضور للمقابله

-التأكد من عدم حمل اي هواتف نقاله او كاميرات او اجهزة الكترونية عند الدخول لمبنى السفاره




هذا كل شي بالوقت الحالي وانشالله تكونون استفدتوا من هالمعلومات ​

 

[Al-MoSH]

ما الهدف من السفر الى امريكا؟

للسيااااااااحه

الولايات والمناطق اللي ناويين تزورونها؟

مادري انا العام 2008 رحت كلفورنيا (لوس انجلوس- سن دييغو- سن فرانسسكو ) ورحت لاس فيغاس و نيويورك .. وين تنصحووووني ؟؟ لاني حدي استانست بهالولايات و ابي اغير

موعد السفره ومدتها؟انشالله بالصيف ومدتها شهر باذن الله واذا ماحصل عقب رمضان




منو بيرافقكم بالسفره؟
انا وزوجي و ولدي




طريقة الحجز والتكلفة التقريبية للرحلة؟

سفريات - والتكلفه 3000 غير السكن والتذاكر

 

[rawona]

هلا حبيبتي ..

انصحج بما انج رحتي كاليفورنيا ونيويورك ولاس فيغاس بفلوريدا ..

او تقدرين تسوين هالرحلة

نيويورك ---ليلتين

نياغرا فولز --ليله

هيرشي- ليله او ليلتين

فلوريدا (ميامي 3 ليالي او 4 )

اورلاندو مو اقل من 20 يوم


او تقدرين تسوين هالشغله ..

كويت- ميامي- كويت او كويت- ميامي- اورلاندو - كويت اللي يريحج

توصلين ميامي تباتين ليله بفندق المطار ثاني يوم تكونين حاجزة كروز تروحين يا اما 3 ليالي او 4 ليالي او 7 ليالي اللي يريحج في الكاريبي

تالي تردين ميامي تاخذين سياره من المطار تقعدين في ميامي 3 ليالي وتالي تروحين اورلاندو بالسياره 4 ساعات الطريج حلو مو ممل

وتقعددين في اورلاندو باجي المده في واحد من هالريزورتات


شيراتون فيستانا
الماريوت
هيلتون


دشي سايتات وجيككي او سألي السفريات اللي تتعاملين معاها

موفقه ​

 

[اوركيدا]

اللـــــــــــــــــــــــه الحمدلله لحقت على اول التجمع عشان ماضيع ..
حجزت لي مكان واللحين باقرى ..

اناسه انا من مسافراااااات امريكا 2009 .. ماكنت متوقعه ..
الله لايغير البرنامج ان شاءلله

 

[اوركيدا]

ما الهدف من السفر الى امريكا؟

سيــــاحه ..

الولايات والمناطق اللي ناويين تزورونها؟

كاليفورنيا ولاس فيجاس وفلوريدا مالنا غنى عنها طبعا

موعد السفره ومدتها؟


اول شهر 7 .. المده شهر ونص


منو بيرافقكم بالسفره؟

امي او ابوي واختي وخالي او مرته وعياله


طريقة الحجز والتكلفة التقريبية للرحلة؟


طريقة الحجز عن طريق الانترنت طبعا .. لكن للحين مابدينا :eh_s(1):

 

[rawona]

بنوتااااااااااااات ..


بما اني مو رايحة كاليفورنيا من قبل واحب بالمناسبة اشكر البنات اللي ما ابخلوا علي بارائهم ونصايحهم ومعلوماتهم منهم

nawnaw
d_k group
um sarona تابعت تقريرها واستفدت منه وايد
camillia
بنات سامحوني اذا نسيت وحده منكم انا ناطره بالتزوم مادري شلون ينكتب النيك نيم مالج لووول ناطره تقريرج عن كاليفورنيا ..

واذا نسيت اسم اي وحده فيكم سامحوني والله ذاكرتي يبيلها تجديد ..


سويت سيرج عن المناطق اللي باروحلها بكاليفورنيا انشالله وحبيت اخلي الموضوع غير عن العام والصور اكيد شي حلو فباحط اسماء الاماكن مع الصور ..


وانشالله كل اللي بتروح كاليفورنيا تستفيد واللي عندها معلومات زود ياريت تفيدنا ..


طوق الياسمين شاركينا رايج ونتيجة السيرجز مالوتج عن كاليفورنيا وانشالله الكل يستفيد..






هوليوود..


شارع المشاهير الووك اوف فيم walk of fame وهالشارع مشهور بهوليوود واللي فيه طبعات الايد والارجل للفنانين المشاهير واسمائهم ..












اليونيفيرسال ستوديوز..











التجول في شوارع ومولات والمطاعم بيفيرلي هيلز "واللي تعرف مطاعم مولات حلوه او كافيهات بهالمنطقة ياريت تفيدنا"






الشواطئ في كاليفورنيا ..


شاطئ النيوبورت بيتش ..




يتبع..






​

 

[rawona]

ما الهدف من السفر الى امريكا؟

سيــــاحه ..

الولايات والمناطق اللي ناويين تزورونها؟

كاليفورنيا ولاس فيجاس وفلوريدا مالنا غنى عنها طبعا

موعد السفره ومدتها؟


اول شهر 7 .. المده شهر ونص


منو بيرافقكم بالسفره؟

امي او ابوي واختي وخالي او مرته وعياله


طريقة الحجز والتكلفة التقريبية للرحلة؟


طريقة الحجز عن طريق الانترنت طبعا .. لكن للحين مابدينا :eh_s(1):

اوركيـــــــــــــــــــــــــدا ..


مالي غنى عنج اكيد والتجمع مايكمل الا وانتي موجوده ..


انا ماحجزت بعد للحين الحجز شهر 3 انشالله والله لايغير علينا انشالله وماتخترب الرحلة :eh_s(6):​

 

[اوركيدا]

آميـــــــــــــــــــــــن .. انا شهر 5 بروح نيويورك وكندا بس مادري ليش مو حاسبه هالسفره! ..
لين خلصنا الحجوزات بقول لكم تفاصيل هالسفره بعد .. ويعطيج العافيه .. اناســه ..

 

[rawona]

شاطئ سانتا مونيكااااااااااا..







واحلى مكان على الاطلاق للكبار والصغار .. ديزني لاند كاليفورنيا ..













وفي منطقة سان دييغو..






اهناك السي وورلد Sea World







ليغو لاند LegoLand مادري ليش مو راضية تطلع الصوره ..


على العموم بعد في منطقة لاهويا وهذا البيتش فيها..





يتبع





​

 

[rawona]

آميـــــــــــــــــــــــن .. انا شهر 5 بروح نيويورك وكندا بس مادري ليش مو حاسبه هالسفره! ..
لين خلصنا الحجوزات بقول لكم تفاصيل هالسفره بعد .. ويعطيج العافيه .. اناســه ..

الله يعافيج حبيبتي .. وتروحين وتردين بالسلامه .. ناطرين قوليلنا شيصير معاج ..

موفقه ​

 

[rawona]

اما في سان فرانسيسكو..






اهم الاماكن اللي بنزورها انشالله the golden gate bridge







Union Square






Fisherman's Wharf




واعتقد في اكواريوم بسان فرانسيسكو ياريت اللي تعرف اسمه تفيدنا ..



اذا في اماكن غيرها قولولنا ..


وبالنسبة لنيوبورت بيتش بكاليفورنيا قريبه من Knott's Berry Farm










​

 

[rawona]

اكيد مع النفيغيشن انشالله بنحوس ونستكشف الولايه عدل ..



المكان الثاني لاس فيغاس في ولاية نيفادا ..






اهم شارع في لاس فيغاس The Strip





الشارع ممتد على طوله الفنادق والاسواق والمحلات من اهمها ..


محل ام اند امز..







ومحل كوكا كولا ..





يتبع..


​

 

[rawona]

وفي شارع قالتلي عنه الاخت دي كي .. اسمه فيرمونت ستريت ..



واهوا شارع مسقف وبليل تشتغل الاضافه والعروض المرئية شكله يشوق ..












بالنسبة لاقامتنا في لاس فيغاس احنا حابين نسكن انشالله في الفينيتين هوتيل وهذي بعض الصور للفندق .











انشالله تعجبكم الصور وناطره مخططاتكم.. وافكاركم عن سفرتكم اليايه لامريكا باذن الله ..


​

 

[طوق الياسمين]

وااااااااااااااااااااااااو موضوع راااااااااائع تسلمين ياروونا على المعلومات المفيده..ان شاء الله بالليل بحاول اكتب لكم شويه معلومات بعد ماسوي سيرتش عدل عليها...واللي تبي اي معلومات عن فلوريدا او واشنطن او بنسلفينيا ان شاء الله اساعدها

 

[Al-MoSH]

روونا مشكوره على النصيحه الحلوه حبيبتي .. انا ودي اروح نياغرا ..

وبالنسبة حق الاماكن الحلوه بحطلكم اللي في كلفورنيا وانصحكم تاجرون سياره لانه راح تكتشفون اماكن وايد حده وناسه

LA

DISNEY LAND
DISNEY DOWNT TOWN
CALIFORNIA ADVANTURE
KNOTTS BERRY FARM (حلوه حق يهااال )
SOUTH COAST MALL
FASHION ISLAND MALL
ONTARIO MILLS OUTLET ( يبعد عن اناهايم بلوس انجلس اربعين دقيقه)
UNIVERSAL STUDIO (تقريبا ساعه من لوس انجلس )
WESTFIELD MALL
GARDEN WALK MALL (هذا يم الدزني حلو ويمه مطاعم مثل جيز كيك فاكتوري )
CAMARILLO PREMIUM OUTLET (شوي بعيد يمكن الطريج ساعه ونص )
RED LOBSTER RESTURANT


Hollywood

WALK OF FAME
HIGH LAND MALL
WAX MUSUEM

BEVERLY HILLS

RODEO DRIVE STREET
THE STINCKING ROSE RESTURANT (اكلهم كله بالثوم )

Farmer market and the grove near to each other

Santa monica

santa monica beach & santa monica pier
3rc street ( ذكرني بشارع البرادايز اللي بقولد كوست باستراليا)

Magic mountain six flags ( الطريج ساعه وشي من اناهايم بلوس انجلس )

SAN DIEGO

MISSION BAY PARK
OLD TOWN
SEAPORT VILLAGE
SEA WORLD
SAN DIEGO ZOO
LA JOLLA BEACH
WILD ANIMAL ZOO

SAN FRANSISCO

GOLDEN GATE
PIER 39 ( تروحون بكروز حق سجن الكتراز)
FISHERMAN WHARF
JOES CRAB RESTURANT
CHARADILI SQUARE
OCEAN BEACH
GOLDEN GATE PARK
SASALITO( منطقه صغيره بسن فرانسسكو تطل على البحر فيها سوق ومطاعم حلوه )
SAN FRANSISCO ZOO ( تصير يم ال OCEAN BEACH )

Las Vegas

Fashion show mall
the fourm mall

سوري على الأطاله

 

[طوق الياسمين]

من كالفورنيا لين سان فرانسيسكو كم المسافه؟؟
ومن كالفورنيا لين لاس فيغاس كم المسافه؟
وكم يوم حق لاس فيغاس تنصحون؟وكم يوم حق سان فرانسيسكو؟؟

 

[اشراقة الحياة]

لوووول شروقه شغلج اوكي ونص .. 6000 تشترين امريكا كلها هيهيهيهي بس صج الحدايق والالعاب اهناك مكلفه شوي .. الحين باحوس واحط طريقة طلب الفيزا .. لا تقوليلي للحين ما طلعتوا الفيزا؟؟ اشناطرين؟؟ ​

اي والله رونــــــــــــــــــا للحين ريلي ما طلع الفيزا .......خذا اجازه من دوام اسبوعين علشان اسوي فيزا وجم شغله عنده..............

رونا يعني اكيد مبلغنا زين لان منه افلوس تأجير السياره والالعاب والمصرف اليومي........؟؟؟؟؟؟؟.....